Skip links

قصة : أحببت شهيرا 3

 6,372 عدد مشاهداات

💘أحببت شهيرا 💘
🦋بقلم لمياء الشادلي 🦋
❌البارت 51 ❌
✳️شهيرة ✳️

وقفت قدام الجامعة كتلهث عيات بالطريق جبدات قرعة دالما هبطات عليها كاملة دورت عينيها كتقلب عليها قشعاتها مشات كتجري عندها : لييييينااااا

لينا شافتها قصداتها وداتها كترعد : إلهام عتقي اختي عتقي

إلهام : مالك شنو واقع

لينا جراتها جلسو في الكافيتيريا : رضى

إلهام : مالو واقعالو شي حاجة

لينا : أنا اللي واقعلي غدي يصطيني اختي

إلهام : مفهمت والو هضري نيشان الزمرة

لينا : وا طلب مني نكونو بزوج وقالي بالسيف عليا نكون معاه وخاصني نرد عليه اليوم في الغذا وقالي إلى مشيت عند شي واحد آخر يقتلني لا أنا لا هو

إلهام : اختي يديرها لا هو لا داك صعصع دخوك طاسيلة وحدة معدرهم تيقولك طاح الحك وصاب غطاه

لينا : الهاااااام واش انا كنشكي عليك ونتي كتزيدي تخلعيني مزاال مبغيتي تحيدي منك هاد القاعدة

إلهام : والكلااااااخ ووااااافقي مكاين اللي يفكك من خوك من غيرو هو ومتنسايش خوك راه مناسيكش نهار يساليلك غدي تاكلي ماكلى الطبل نهار العيد غير تسناي ونسيتي شنو قلتلك داك النهار

❌❌❌فلاش باك ❌❌❌

إلهام: الله يمسخك اجي بعدا نسولك واحد السؤال عاد نعاونك شنو كيربطك برضى برادة.

لينا : مبيناتنا والو متسرطالوش داكشي اللي درتلو ديك النهار وحصلني في البواط دبا باغي يوصلها لخويا والمشكل هو صاحبو يعني منين غدي تجي من عندو اتزيد تعقد القضية

إلهام: إوى عندي ليك الحل حني عندي نقولك

لينا حنات عندها نظرا لطولها

الهام : هانتي غدي تقربي من داك رضى طيحيه تخليه يجي يخطبك تزوجو يفكك من خوك وإلى مقدرتيش تبغيه سرسبيه ديك الساعة غدي يكون سامحك خوك حيت غدي تكوني مبقيتيش على حسابو

❌ ❌❌ باك ❌❌❌

لينا : ولكن اصاحبتي رضى حتى هو ممعاهش اللعب وبيني وبينك انا كنحس بواحد الاحساس في شكل من جيهتو

إلهام : هانا على السيدة طايحة ومهم الكاريزما ديال خوك زايدة متقدريش تزايدي معاه وأصلا ختو معندك متقوليلو مشي بحال رضى غدي يكون راجلك كلمتو بكلمتك فهمتي شنو بغيتي نقولك

لينا حنات راسها حشمانة : صافي غدي نوافق أصلا غير باش نقد راسي من خويا

إلهام : أيه أيه كذبي عليا حتى نكون مكنعرفش نتي راك طحتي على زنافرك قبل يطيح هو أودي الله يجيبلنا شي توتوز حتى حنا اللي يحكم فينا ويقولنا والله لا كنتي لغيري

لينا : دبا حتى نتي يجيبلك الله اللي يبغيك ويحطك في عينيه غير صبري

إلهام :عرفتي شنو وقعلي اليوم

لينا : شنو وقعلك

إلهام : تلاقيت واحد المعفر واشحال مكبر ومغرور عرفتي كيعصب كان غدي يضربني بلوطو وزايدها عليا بالعورة الله يمسخو لاحلي 5000 درهم كاملة قالك باش ندوز في الطبيب وندير نظاظر الحمار اللي حطو مكيحشمش ولكن بيني وبينك نفعني بيها نيت كنت حااازقة

لينا : ها مصطلح جديد تعلمتو من عندك زيدي علما زيديني بعدا قوليلي شنو كتعني

إلهام سداتلها فمها : سكتي يا المصيبة هذي إلى قلتيها لخوك ولا داك صعصع ديالك يبيتوني في الحبيبيس يعطيك موصيبة غير اللي قلتها قيديها في ديك الكارط دو ميموار اللي عندك

💘أحببت شهيرا 💘
🦋بقلم لمياء الشادلي 🦋
❌البارت 52 ❌
✳️شهيرة ✳️

خرجت من الليسي مكرهة نهارها مكفس دورت عينيها كيف ديما الشيفور اللي كيجي موراها اما هو ضارب الدنيا بركلة سمعت التليفون كيصوني جبداتو متلهفة تشوف سميتو منين لقات المصممة جاوبات مكرهة

فاتي : سلام صفا اااه وجدات صافي هانا جاية…….. قطعت عليها وطلعت في لوطو للوجهة ديالها تقيس فستان زفافها كانت ديما كتخايل يكونو بزوج ولكن هاد المرة خاب ظنها عمرها يحسابلها إلى تقلقت منو نهار غدي ينخلها هكا بلى ميعتاذر منها

استأذنت من نرجس وطلعت لجناحو بواسطة المصعد حلات الباب لقات الظلام وذكراياتهم كيراودوها كفاش اول مرة دخلت لهاد الجناح كفاش شدها وكفاش طردها من جناحو وكذلك كفاش مكانش حامل يشوفها دخلت الدريسينغ لقات ملابس ديال الرجال والنساء معلقين أشكال وأنواع وكيف ديما قصدات ملابسو هزات فيست ديالو حطاتها على نيفها كتستنشق ريحتها معارفاش شنو واقعلها اليوم قاطع افكارها صوت الحمام منين تحل وخرج منو كيمسح بالفوطة على راسو والما كيتساقط على جسمو الرياضي واللي كيضمن عضلاتو الثمانية بقات ساهية فيه وحالة فمها مواعياش على راسها قربات لعندو وقفت قدامو بينما هو ربع يديها ودور راسو عكس جيهتها

نورهان : نضال غير سمعني خليني غير نشرحلك

نضال : تمشي ولا نحيد الفوطة حداك

نورهان حطات يديها على عينيها رغم توحد اجسامهم إلا انه مشافت والو ومكانتش اصلا واعيا : خليني غير نشرحلك والله فهمتيني غلط انا مدرت والو والله راه هو اللي جا عندي وكلس انا راه مفهمتوش أصلا شنو قال ابتسمت باش نغطي على الحرج اللي كنحس بيه لكن هو فهمني غلط والله معرفت منين جاب داك الزعامة وخا كون مجيتيش كنت غدي نعطيه علاش كيقلب ونقدر نضربو كااااع……… حلات عينيها لقاتها قدامها غير الريح كانت الفوطة مليوحة وهو لبس حوايجو في ثواني وخرج مسمعش أصلا اش قالت

نورهان : دبا أنا كنت كنهضر بوحدي خلاني كيف الهبيلة كنبرر لراسي غير بلاتي عليك أسي نضال دبا نوريك نورهان علاش قادة إلى مخليتكش نتا تجي عندي راني منتسماش نورهان

هبط في المصعد التحت لقى مو كالسة مع باه منساجمين في قبلة تخطاهم وزاد عندو هادشي عادي وقف قدام الباب جابولو الفيراري ديالو خدا السوارت من عند الكارد ودار عندهم : حتى واحد فيكم ميتبعني بقاو حارسين القصر

الكارد رئيس الكتيبة : أمرك سيدي

كسيرا بسرعة للشركة ديالو يحل الأمور اللي خلى باه مغديش يدوزهالها بالساهل عرف الضرب مغديش ينفع معاها الشيء الوحيد اللي غدي يقتلها وهي على الحياة هو تجاهلو ليها شحال ما طال الحال غدي تنهار

دخلت عند المصممة استقبلتها بابتسامة بشوشة : آنسة فاتي مرحبا بيك عندنا تبغي تشربي شي حاجة

فاتي : كاس دالما اختي وعطيني نقيس داك الغوب دغيا معنديش الوقت

المصممة : اكييييد تفضلي معايا من هاد الجيهة

تمشات فاتي و المصممة وصلاتها لقاعة تغيير الملابس عطاتها الكسوة لبساتها جمعاتلها شعرها الفوق باش يبان ديكورها شافت في المرايا كانت كالملاك فوق الأرض ابتسمت ابتسامة حزينة كون كان دبا معاها كون راه كيجاملها بكلامو الزوين اللي ديما كينسيها بكاع اللي داير بيها التقطت صور وحيدات الكسوة خرجات خلاتها للمصممة حتى تجيبهالها نهار العرس مع باقي القفاطن

كيف عادتهم كيسمعو للكوغ مبقالهم والو ويدوزو خاصها تفاليدي كلشي ولا غدي يخرجها خوها في الجورنال حسات وبخطواتو المعروفة كاع البنات اللي في لونفي حلو فمهم فيه عمرو دخل عندهم ديما كيكون غير في مكتبو لا غير علات راسها لقات نظراتو كيتمركزو عليها

رضى : تبعيني

لينا حركات راسها بالإيجاب وتبعااتو كتجري بينما البنات كاملين مصدومين حاسدينها وبعضهم بداو كيخرجو شائعات عليهم أنهم كوبل وآخرين كيقولو انه غير حيت خت صاحبو والآخرين تيقولو انها دارت شي مصيبة غدي يعاقبها عليها كلها وكيلغي بلغاه طلعو لمكتبو الفوق حل الباب دخلات سدو ودار عندها مربع يديه كيتسناها تهضر

لينا : احم احم فكرت ووو

رضى : بلا ماتبقاي تهجاي عليا هضري خلاص

لينا خرجاتها بالزربة : صافي موافقة

رضى ابتسم بالجنب قرب لعندها حاصرها مع المكتب وجبدها حتى تزدحت مع صدرو وحط يدو خلف عنقها كيقبل فيها بشوق من نهار شافها وشي حاجة في شكل جذباتو ليها هادشي قبل ميعرفها خت صاحبو وأكيد هو مشي غدار عارف نضال غدي يعرف لذلك فضل يقولهالو بنفسو هاد الأخير اللي مرفضش فقط امرو بموافقتها وإلا موافقتش ينساها عليه بعد عليها كيشوف فيها بحب طبع قبلة على راسها بينما هي كترعد

رضى : يلاه سيري تكملي حصصك

حركات راسها بالإيجاب ووجها غدي يطرطق بالحمورة

فاتي

💘أحببت شهيرا 💘
🦋بقلم لمياء الشادلي 🦋
❌البارت 53 ❌
✳️شهيرة ✳️

داز الوقت ضربات السبعة دالعشية هزات التليفون صيفطت لالهام ميساج في التليفون وهي كتقلب في بلاكارها على غوب دو سواغي

المساج [ عندك تنساي علاياش تافقنا]

سمعت صوت التليفون ابتسمت منين شافت الرد ديال إلهام

إلهام : كوني هانياااااا مع 9 دوزي عليا

لينا : وجدي راسك من دبا

معجباتها حتى حاجة ومفيها متخرج تدير شوبينغ غدي يعيقو بيها تسلتت لجناح خوها دقات بتخوف لايكون شي حد تحل الباب خرجات عندها نورهان لابسة بينوار ديال الدوش

لينا : نضال كاين؟؟

نورهان حركات راسها بالنفي : لا مكينش علاش جاية غير على قبلو وانا متوحشتينيش زعما متوحشتيش تكلسي معايا هذي هي صاحبتك

لينا دخلت لعندها وسدات الباب موراها : الساطة دبا غدي تعتقيني بشي غوب دو سواغي ومن بعد عاد نتحابو عارفة خويا غدي يكون حولك فرنسا كاملة هنا وآخر ما خرج في تركيا غدي يكون عندك

نورهان : سيري للديريسينغ كلشي ديالك

لينا باستلها راسها : احسن مرت اخ في العالم يخليك ليلي…… خلات نورهان غير حالة عينيها مصدومة مسكينة دخلت لدريسينغ توجهت لجيهة لي غوب وتماما كيف توقعت كاع داكشي اللي كانت باغاه عند نورهان هزات وحدة في الحمر سامبل بلى كمام حد الركبة مزيرة حيدات حوايجها تم نيت ولبساتها قدام نورهان محشمات منها ماوالو معارفاش أنه خوها حاضي الجناح كامل الكاميرات شادينو كامل ولكن غير شافها دخلت للدريسينغ طفاها الكسوة جاتها راسمة منحنيات جسدها وعازلة صدرها كانت سيكسييي

نورهان : اوووووه جيتي واااعرة فين غادية امسخوطة

لينا : خارجين نسهرو في البواط اختي نحتافلو بالعزوبية محدنا مزال متزوجنا حسن عوانك انا باغة نتهنى من خويا ونتي مشيتي تزوجتي بيه كون كنت بحالك كون نتاحرت

نورهان : ديوني معاكم

لينا : هههههههه لا واش منيتك ههههه لا واش كضحكي عليا هههههه إلى كنتي ساخية بروحي وروحك نديك اختي انا مزال باغة نعيش

نورهان : كنهضر بصح ديني معاك عفاك

لينا : نورهان واش كتصطاي عليا اواش حماقيتي نديك والله حتى نبات في المقبرة اليوم تاكلو عليا كسكسو ميخليوهمش حتى يصليو عليا الفجر ولا الظهور كي البنات انا اول وحدة غدي يتصلى عليها العشا سيري ابنتي الله يهديك

نورهان : كنهضر بصح والله مغدي يقولك شي حاجة أصلا مدابز معايا مكيهضرش معايا وانا بغيت ندير شي حاجة اللي تعصبو باش يهضر ويخلينا نساليو هاد الخصام

لينا : أواه خويا كيتجاهلك

نورهان حنات راسها والدموع بداو كيهبطو : ولا فوقما كيشوفني كيقلب الدورة حاسة بروحي غدي تخرج توحشت نسمعو كيخاصم عليا ولا يضربني كاااع غير ميقهرنيش بهاد التجاهل عيت اختي عيييت

لينا : اكييييد غدي تكوني درتي شي حاجة اللي حطمت كيانو انا عارفة خويا يقدر يضرب يقتل والناس اللي كيبغيهم أقصى عقاب كيعطيهلهم هو التجاهل حتى انا دارهالي منين كنت صغيرة شهر وهو مكيهضرش معايا ندمني علاش غلطت أصلا والله دخلت ماما وبابا والو مبغاش يسامحني حتى طحتلو عند رجليه وبقيت كنرغبو قتلو غدي نقتل راسي إلى مهضرش معايا اصلا كنت برهوشة عرفتي هبيلة نديرها اوى داكشي علاش سمحلي ولكن منصحكش ديري هاد الحيلة كيكرها يقدر يزيد يندمك انا كنت برهوشة ولكن نتي دبا بعقلك

نورهان: إوى عاونيني اختي ديني معاكم هكا غدي نجيبوو غدي نجيبو بأي طريقة

لينا : اك لبسي شي حاجة واجي

نورهان : وخا نعيط لصاحبتي فاتي حتى هي منلي جيت مشفتها نيت نتوانسو

لينا : اه جيبيها غدي تزها القضية

💘أحببت شهيرا 💘
🦋بقلم لمياء الشادلي 🦋
❌البارت 54 ❌
✳️شهيرة ✳️

خرجات لينا من الجناح ونورهان لبسات عليها غوب في الازرق الملكي نفس الستيل ديال لينا هزات مونطو حطاتو على كتافها بعدما علمت فاتي اللي وفقت دغيا

دخل عليه وهو وسط اعمالو كان كيرسم غوب باش تكمل الكوليكسيون

رضى : نوض صافي سالات الخدمة يلاه معانا خارجين انا وسعد

نضال : من امتا نتا وسعد صحاب غير خرجو مبغيتش

رضى : مغديش تعارضني غدي نمشيو نسهرو في البواط المعلومة

نضال : قلت لااااا مموافقش

رضى : لا غدي نمشيو مديرلناش فيها الزوج الصالح غير غدي نسهرو البنات خليهم لينا أسيدي متخونش مراتك

نضال : وختي الكلب ناوي على الغدر متندمنيش حيت عطيتك الاذن تكون معاها

رضى : صافي البنات خليهم لسعد

نضال تنهد عارفو مغديش يتفاك معاه حتى يمشيو هز الفيسط ديالو وخرج معاهم تفرقو كل واحد ركب في لوطو بينما رضى جبد التليفون صيفط ميساج لسعد والابتسامة مزينة وجهو

رضى : كون هاني اليوم يتصالحو منلي كانو صغار وهما كيدابزو مشي أول مرة مهم نتا لاهي لاخر حداك وخا مكيعرفكش غير دير شي بلان عارفك قاد بهادي

سعد رد عليه في مساج : كون هاني ها هو معايا تعارفنا أصلا بانلي هاد السيد تقول مشي من طاسيلة نضال

خرجو كيتسلتو بزوج بعدما ما تافقو مع سعاد اللي غير جات عطاوها الدوا دالنعاس دارتو لي كارد في الماكلة صهطاتهم كاملين ركبو في اوطو من نوع بورش ركبت لينا في بلاصة السائق ونورهان حداها كسيرات لينا بسرعة فائقة لدرجة الروايد طبعات بلاصتهم في الأرض دازو على فاتي والهام اللي كانو كيسكنو تقريبا في نفس الحي

كانو كالسين بزوج كيضحكو والبنات دايرين بياسر اما سعد مبعدهم عليه احتراما لغياب فاتي حس بخطواتهم هز راسو لقاهم واقفين عليه كيف ملك الموت

نضال : عاد فهمت علاش جايبيني لهنا ولد عمي إلى بغيت نتصالح معاه انا اللي غدي نمشي عندو بلى هاد الخطط الفاشلة اللي كديرو فيها

ياسر شافو وقف قرب لعندو ومدلو يدو : ولاد العم؟

نضال ابتسم بالجنب كانو ديما تيديروها منلي كانو صغار فوقما كانو تيدابزو كان تيجي عندو ياسر كيعطيه يدو كأنهم اول مرة غدي يتعارفو وكيعرض عليه يكونو ولاد العم من اول وجديد

نضال عطاه يدو تسالمو سلام رجولي دليل على تصالحهم وكلسو في الفوطوي مستمتعين بوقتهم والانظار كاملة عليهم

سعد مستغرب : مال هذوك كيشوفو في جيهة الباب

رضى : شي نوع جديد دخل باغيين يكتاشفوه

كلهم وجهو نظراتهم للباب للحظة تغيرت ملامحهم للعصبية خصوصا من بعدما شافوهم داخلين بربعة بداك اللباس والمكياج الصارخ والدراري غدي ياكلوهم بعينيهم اغلبيتهم كانو نظراتهم ليهم إعجاب وشهوة الشي اللي تار اعصابهم لأقصى درجة

سعد

💘أحببت شهيرا 💘
🦋بقلم لمياء الشادلي 🦋
❌البارت 55 ❌
✳️شهيرة ✳️

كلهم وجهو نظراتهم للباب للحظة تغيرت ملامحهم للعصبية خصوصا من بعدما شافوهم داخلين بربعة بداك اللباس والمكياج الصارخ والدراري غدي ياكلوهم بعينيهم اغلبيتهم كانو نظراتهم ليهم إعجاب وشهوة الشي اللي تار اعصابهم لأقصى درجة

رضى : دبا إلى هرست حسها من شي قنت مكاينش اللي يتحاسب معايا

سعد : بالرب حتى غدي نقتلها اليوم نهارها مغدي تطلع فيه شمس

نضال زير على يديه العروقة دجبهتو تطراساو لكن مبين حتى ردة فعل كأن الأمر غير مهم

ياسر مصدوم : نضال مغدي دير حتى حاجة؟؟

نضال : منين تكون مرتك دير اللي بغيتي ودبا تلاح…….. سمح فيهم وخرج من البواط بدون ميعيرها اي اهتمام خلاها حالة فمها وعينيها عمرو بالدموع

رضى قرب لعند لينا جبدها خرجها من تما وهي كتنتر منو وسعد دار نفس الشي خلا نورهان والهام في الوسط كيبلقو في عينيهم مفاهمين والو وقف عليهم ياسر بدون ميسلم مباغيش يخالف ولد عمو

ياسر : ختي نورهان يلاه معايا نوصلك لدار

إلهام : نتا تابعني حتى لهنا

ياسر : نتي شكون هضر معاك منين نعطيك الإذن عاد هضري…… نورهان يلاه اختي معندك مديري هنا في هاد البلاصة

نورهان : اه وخا يلاه

تمشا قدامهم وهي موراه بينما إلهام بقات واقفة في بلاصتها كتشوف خيالهم خلاوها بوحدها كون كان شي واحد في حياتها مكانش غدي يعاملها بهاد الطريقة وكون راها حتى هي عندها اللي يغير عليها ويهتم بيها

نورهان دارت شافت فيها : إلهام ختي مغديش تمشي

إلهام حركات راسها وتمشات تابعاهم طلعت نورهان اللور والهام حدا ياسر

ياسر : نورهان ختي سمحيلي مبغيتش ندخل ولكن هادشي اللي درتوه ميتقبلوهش العقل تصرفتو بتبرهيش مزال لينا كنظن نقدرو نقولو عندها عذر لكن خطيبة سعد وخصوصا نتي معندكم حتى عذر انا متأكد نضال مغديش يقدر يسامحك على هاد الفعلة

نورهان هبطات راسها كتبكي والدموع في عينيها : مقصدتش هو كان مدابز معايا ومكانش كيبغي يهضر معايا ولا ديما متجاهلني وانا مقدرتش نصبر قلت نعصبو يضربني ولا يدير اي حاجة مهم يهضر معايا وتصلح علاقتنا

ياسر : سمحيلي اختي غلطتي وغلطة كبيييييييرة راك مزوجة راجل مشي بوكيمون وحسب بمعرفتي بولد عمي محال يدوزهاااااالك على خير

إلهام : صافي براكة متخلع فيها مكتشوف حالتها في عوض متخفف عليها كتقولها هادشي واش نتا معندكش قلب

ياسر : انا كنقول الحقيقة مكنوهمهاش بشي حاجة مكيناش بحالكم

نورهان غوتات : صافي سكتووووو صافي براكة براكة عيييت عييت من هادشي ياسر وقف لوطو وقف وقف وقف

ياسر فرانة جنب الطريق مفزوع معرفش مالها بينما هي حلات الباب ونزلات كترد كلشي معدتها تقلبات خصوصا أنها مكلات والو كتحس بروحها غدي تخرج نزل عندها ياسر عطاها قرعة دالما خداتها من عندو غسلات وجها وعلات راسها كتنفس بالجهد

ياسر : نورهان صفا شوية دبا؟ نديك المستشفى؟

حركات راسها بالنفي ورجعت لوطو :لا مكاين مناش تخاف غير الدوخة ديال السرعة وقيلة يلاه نمشيو

ياسر طلع رجع كسيرا مخفف السرعة ومرة مرة كيشوف وجها في المراية اللي ولا صفر شك في الأمر

💘أحببت شهيرا 💘
🦋بقلم لمياء الشادلي 🦋
❌البارت 56 ❌
✳️شهيرة ✳️

خرجها من شعرها وهي كتغوت باش يطلقها صوتها بح بدون نتيجة لاحلو العساس الساروت

خداه من عندو حل الباب ولاحها في الأرض و تحنى لعندها

رضى : شنو قلت انا من قبل همممم؟ شنو قلت

لينا كتحرك راسها بالنفي : عفاك والله مدرتها عن قصد بغيت غير نشط وصافيي

رضى صرفقها : تنشطي مزيااااان ألالة شايطين عليك رجليك ولا شنو علاياش كتقلبي قولي علاش كتقلبي شنو قلتلك انا قلتلك إلى مشيتي مع شي واحد نقتلك

لينا شادة على حنكها ومباغاش طيح دموعها كتحاول تداعي القوة: وهانتا قلتيها مشي متخرجيش هاد المرة نتا فرز كلامك وأنا مخرجت مع حتى شي واحد خرجت مع البنات

رضى شحطها في فخذها خلى الطبعة حمرة في البلاصة : كتستحمريني الكلبة داك البواط شكون كيمشيلها غير السلكوطات واش باغياني نقتلك ونشرب من دمك ولا شنو

لينا : هانتا شوف والله منعاود خلينا غير نتفاهمو وديك الساعة حكم وإلى مفمهتينيش نتفارقو اصلا مزال مدرنا في الطاجين ميتحرق

رضى زادها تصرفيقة اخرى: انا اللي غدي نعاودلك الكلبة الترابي كتفهمي وقاموس الفراق متحلميش بيه كاين انا وبس غيري مكاينش

لينا ناضت كتغوت ودموعها هابطة مبقاتش قادرة تصبر : واش نتوما لهاد الدرجة مكتحسوش كتعرفو غير ضربو راه حتى حنا بنادم كلمة زوووج كتضربو راه انا بنادم بنادم بنادم كتفهم هربت من عند الوحش دخويا لقيتك نتا في عوضه هادشي بزااااااااف والله عيييييت سمعني مزيان أولد الناس إلى كنتي كلما نغلط تجي تضربني من دبا كنقولك مغديش نكمل معااااك فهمتي كلها ويشد طريقو نفضل نتزوج بأي واحد نلقاه في الشارع كيفما كان شمكار مكيسواش اي واحد رحملي منك كفايا الدق اللي كنت كناكلو وانا صغيرة مبغيتش يتعاود نفس السيناريو وانا كبيرة

رضى عينيه رجعو حومر كيحس بيها كتستافزو بهضرتها كأنه هو مشي راجل قرب لعندها ناوي على خزيت بينما هي منين لاحظت نظراتو زربت عليه مدات يديها للسلاح اللي مركبو في الجنب وحطاتو على راسها

لينا : أقسم بالله وقربتي ليا حتى نقتل راسي رصاصة وحدة تهنيني من عذابكم

رضى حاول يبرد منين شاف القضية حماضت: لينا تهدني مديريش شي حاجة اللي تندمي عليها من بعد

لينا هازة السلاح بين يديها اللي كترعد والدموع دايرين خط على وجها : علاش انا اللي نكون ختو علااااااااش كنت ديما كنخرج مرعوبة وخايفة لايشوفني مع شي بنت مشي مزيانة ولا يضربني عمري حسيت بالحرية بنت بحالي اللي كانت خاصها تعيش حتى هي موراهقتها تحرمت منها كنت ديما كنحلم بشي شخص اللي يكون ضريف نتزوج بيه ونبعد نحس براسي استقرت ويتهلى فيا غير باهتمامو بلى ميتحكم فيا

رضى : خووووك كيبغيك كان كيدير داكشي كامل حيت كان خايف عليك في الوقت اللي نتي كان كيحسابلك ممهتمش لأمرك فاش مشى لأمريكا طول وقتو كان كيسول عليك شنو كليتي شنو ما كليتيش واش راجعتي دروسك ولالا واش غطاوك قبل متنعسي واش دخلولك الكوليكسيون الجديدة كان كيرسم وأول كلية كتخرج كيصيفطها ليك نتي خوك اللي كتقولي عليه هكا كان احن واحد عليك مشي بالضروري يبينلك وخا عمرو عبرلك ولكن كيبقى نضال هكا كااااع افعالو في الخفاء كتفهمي اما الرجل الضريف اللي كتهضري عليه نسايه كتفهمي شدي معايا الطريق وغدي تشوفي وجهي زوين غدي تعواجي معايا انعواج معاك اللي عندي قلتو ودبا حيدي داك السلاح قبل منتراجع على رأيي ونصدق قاتلك هنا

لينا هبطات السلاح من على راسها مصدومة من هادشي اللي كيقول كيفاش مكانتش ملاحظة كاااع داكشي اللي كيدير معاها وكانت ديما كتااهمو بأنه محاسبهاش حتى واش ختو كيعرف غير يحكم فيها قربت لعند رضى حنات راسها حشمانة من أفعالها : سمحلي مقصدتش انا غير كنت بغيت نفوج ونسى الجو ديال الدار والجامعة

رضى

💘أحببت شهيرا 💘
🦋بقلم لمياء الشادلي 🦋
❌البارت 57 ❌
✳️شهيرة ✳️

قربت لعند رضى حنات راسها حشمانة من أفعالها : سمحلي مقصدتش انا غير كنت بغيت نفوج ونسى الجو ديال الدار والجامعة

رضى : منين تبغي تخرجي اجي عندي البلاصة اللي حليتي عليها فمك تكوني فيها متوليش تصرفي من عقلك

لينا حركات راسها بالإيجاب : وغدي ترغب خويا باش ميضربنيش يااااك متخليهش يقيصني

رضى حط يديه على حناكها: محدك معايا عمر شي واحد يقيصك كوني أكيدة غدي نحميك بروحي نبيع اللي قدامي واللي ورايا على قبلك وأصلا دبا خوك مغديش يقربلك محد مراتو وتجاهلها فكوني أكيدة غدي يعطيكم نفس العقاب

لينا تزيرت ودموعها رجعو هبطو : ولكن هذا راه اقصى عقاب اكثر من أنه يضربني مبغيتش يتجاهلني عفاك أرضى قولو ميقسيش عليا انا مبغيتش يقلب عليا وجهو هضر معاه يسامحني انا مبغيتوش يتجاهلني كنفضل نموت ألف دقيقة على أنه ميبقاش يهضر معايا

رضى ضمها لصدرو : متخافيش كلشي غدي يكون بيخير غدي نهضر معاه وغدي ترجعو كي كنتو وهادشي كامل غدي يسالي بالحق….. نترها منو……. هاد الغلط يولي يتعاود كنقسملك الينا نقتلك كتفهمي نقتلك

لينا شافت وجهو بدا كيتغير والأعصاب ظهرو عليه عنقاتو كتهدن فيه : صافي كالم عمرني نولي نعاود اللي بغيتيها هي اللي غدي نديرها مغديش نخالف هضرتك

رضى زير عليها بين يديه دقائق وبعدها عليها تحنى لمستواها حط شفايفو على شفايفها كيحركهم باحترافية خلاها تجاوب بكل سهولة وخا مكتعرفش مدة طويلة بعض الشيء وهما على ديك الوضعية بعد عليها كينهج : زيدي تحركي نديك لداركم إلى بقيتي هنا محالش نقدر نصبر عليك

لينا هبطات راسها حشمانة حناكها تزنكو هزات مونطوها لبساتو وخارجات بينما هو هز الكويرة والسوارت وتبعها

سعد كيضرب في الفولون غدي يحماق مزال صورتها بداك اللباس والرجال كيشوفو فيها بين عينيه : عاجبك لحمك الكلبة خارجة هكاك خليتك نهار بوحدك درتي فيه هاد الحالة واش ضروري خاص ديما نكون وراك باش نكون هاني مغديش تكبري في عقلك وتكوني محل للثقة غدي تحمقيني غدي تحمقيني شنو ندير باش ديري عقلك شنو ندير علاياش كتقلبي هضري علاياش كتقلبي

فاتي : سعد والله العظيم إلى خرجنا غير نبدلو الجو وصافي مهضرنا مع حتى واحد وكلشي داز على عينيك

سعد كيسوك بيد وجبدها لعندو باليد باخرة مزير على حناكها : شفت كلشي كتفهمي شفت حتى شنو كنتي لابسة والميكاب اللي كنتي دايرة وداك التصرفات دالكلبات كلشي داز على عيني

فاتي : سعد قصحتيني والله هكا راك كظلمني

سعد صرفقها : كون تشوفي نتي قداش قصحتيني قداش خنتي ثقتي فيك غير قولي كفاش غدي نكملو وانا مبقيتش كنتيق فيك

فاتي انهارو دموعها من هاد الكلمة : لاااااا عفاك متقولش هكا انا مخنتش ثيقتك والله حتى نتا غلطتي في حقي انا مدرت والو غضبي عليك هو اللي خلاني ندير هكاك

سعد وقف لوطو جنب الطريق اللي كانت خاوية نزل حيد الجاكيط ولاحها بالاعصاب دوز يديه على شعرو غدي يقرعو ديما كيدير هاد الحركة فاش كتكون واصلة بيه للعظم

نزلات من لوطو ووقفت قدامو : خليني نشرحلك متحكمش عليا قبل ما تعرف والو

سعد : فاتي طلعي لوطو حسك مبغيتش نسمعو

فاتي : سعد مديرش هكا متكونش أناني مشي بوحدك اللي من حقك تحاسبني

سعد جرها من شعرها كيحس براسو إلى زاد معاها دقيقة غدي يقتلها مفيهاش: واش باغة تحمقي حسي علاش كتقلبي هضري علاش كتقلبي أشمن حساب نتي معندكش الحق دبا تهضري وحدة في بلاصتك خاصها تسكت في مرة

فاتي كتعافر باش يحيد يدو من شعرها اللي كتحس بيه غدي يتقرع : حتى نتا غلطتي خليتيني بوحدي في النهار اللي كنت غدي نقيس فيه الكسوة دعرسنا مكيهمكش أمري بتاتاً ومجيتيش حتى تراضيني على داكشي اللي طرا البارح في الوقت اللي كنتي سهران مع صحابك عايشين الحياة والعاهرات دايرين بيكم من كل جهة كتعرفو تحاسبونا غير حنا ولا اه نسيت نتوما رجال ديرو اللي بغيتو معندكمش اللي يحسابكم

لينا

💘أحببت شهيرا 💘
🦋بقلم لمياء الشادلي 🦋
❌البارت 58 ❌
✳️شهيرة ✳️

سعد : مديريش هادشي سبة ولا نتي معندكش التليفون باش تصوني وتعرفي عارفة الواليد مريض كل مرة كيطيح كنديه المستشفى شنو نخليه كيموت باش نجي نراضي لالة فاتي اش هاد المبررات اللي لاعلاقة بالأمر متغطيش على اغلاطك بأمور تافهة

فاتي : وطلقني قصحتيني مبقيتش غدي نهضر أصلا صافي بغيتي تحاسبني حاسب مليت من هاد الخلافات اللي مكتسليش هادشي غير قبل الزواج معرفتش مور الزواج شنو غدي يوقع

سعد طلق منها ونطق ببرود : طلعي

دارت داكشي اللي قال ثواني وكسيرا الطريق كلها والصمت يسود على المكان دازت مدة فرانة قدام الدار ديال عائلتها نزلات رجع كسيرا بسرعة خلاها مراقبة ظلو ومزيرة على يديها بحصرة

فاتي بهمس : اععععع هاد النفس اللي فيا غدي تقتلني وتخرج عليا مكنعرفش نقول حتى سمحلي ناري غدي يبقى حاقد عليا والعرس مبقالو والو

فرانة قدام البوابة الداخلية دالقصر وشاف في المراية اللي كتعكس صورتها : نورهان دخلي متوليش تخرجي ولا ديري شي تصرف اللي تندمي عليه خليه يبرد عاد اتصلي بيه ولا شوفي فين تلقايه أكيد غدي تكوني كتعرفي البلاصة اللي كيكون فيها حنا مكيقولناش فين كيمشي حاولي تراضيه وديري عقلك هادشي اللي كديريه راه غير غدي يخرج عليك وعلى علاقتكم

نورهان حركات راسها بالإيجاب : شكرا خويا مغديش نعاود كان كيحسابلي غدي يجي عندي ويحاسبني ولا يدير شي حاجة ساعة خاب ظني

ياسر : حتى دبا مزال عندك فرصة غير مديريش شي حاجة اللي تخرج عليكم

نورهان : هذي والتوبة إلهام بسلامة تهلاي في راسك ياسر وصلها حتى للدار وحضيها حتى تدخل ديك الحومة اللي ساكنة فيها صعيبة

ياسر : كوني هانيا

نزلات من لوطو دارتلهم باي باي ودخلت للقصر كان الصمت والظلام حتى واحد ما كاين حتى من الخدامات هبطو ينعسو مشات كتسلت للمصعد ضغطات على الطابق اللي فيه جناحهم ثواني وتحل خرجات منو ودخلت للجناح حيدات المونطو لاحتو في الأرض تبعاتو بالكسوة تجردت من كل ملابسها بقات صولو ودخلت للحمام تريح نفسها وخا كانت عاد دوشت هذي ساعتين إلا أنها من كتعصب ولا كتحس براسها مخنوقة الحاجة الوحيدة اللي كترفه بيها على نفسها هي الحمام المكان الوحيد اللي كتستجمع فيه افكارها تخشات في الما دافي اللي كان كيضم مجموعة من العطور رجعات راسها للور وعينيها كيدمعو كتفكر كاااااع داكشي اللي داز بيناتهم وخا معندهمش ذكرياات كثيرة مكياجها كامل خسر بعد داك البكى اللي بكاتو كانت كتقول أنه داكشي اللي كان معيشها فيه جحيم معارفاش انه الجحيم هو تعيش بلى بيه حكمات على راسها بالعذاب من بعد داك التصرف اللي دارت داز الوقت شلات داتها وغسلات وجها هزات الفوطة دوراتها على جسمها وخرجات شافت الضو شاعل فرحات خصوصا بعدما شافتو واقف حدا المجر كيهز منو داكشي اللي كيخصو قربات لعندو بدون سابق إنذار عنقاتو مزيرة عليه بحال شي بنيتة صغيرة محتاجة باباها وخايفة لا يمشي ويخليها

نورهان كتستنشق ريحتو اللي غدي تحمقها : وأخيرا رجعتي حاسبني ضربني دير اللي بغيتي غير متبعدش عليا حياتي بلا بيك متسوى والو غير في هاد المدة قصيرة مقدرتش على خصامك كفاش نزيد نصبر اكثر عفاك متحرمنيش منك خليني معااااك

نضال كيحس براسو مكثف مباغيش يخضع ليها كيحس بروحو غدي تخرج براسو مقادرش على فراقها لكن كتبقى كرامتو وجبروتو فوق كلشي بعد منها و دفعها الحمد لله كانت الناموسية موراها جات عليها اما كون ظهرها تقسم على زوج

نورهان كتشوفو كيهز السلاح ومجهز حقيبتو باينة غدي لشي بلاصة : نضال لااااا عفاك منقدرش نصبر على فراقك

نضال جر الفاليز ديالو وتوجه للباب بدون مينطق بحتى كلمة

⚠️ التعاليق داخل الرد ⚠️
❌ بعد 140 جادوغ لكل بارت انكملكم ❌

سعد

💘أحببت شهيرا 💘
🦋بقلم لمياء الشادلي 🦋
❌البارت 59 ❌
✳️شهيرة ✳️

صبح الصباح دخلت لعندها تفيقها تمشي معاها يوصلها الشيفور في الطريق مشات حلات النوافذ يدخل الضو ودورت وجها لناحيتها تفيقها

لينا مصدومة : نورهااااان اويلي شنو واقع لك مالك تحت عينيك كحل واش الليل كامل ونتي هكا وملبستيش حتى حوايجك باقة بالفوطة والبرد قاصح مخفتيش يضربك البرد على الاقل كون زدتي في حرارة البيت

نورهان كتشوف قدامها بصمت مجاوبتهاش من غير انها جرات المخدة ديالو وتكات عليها على شكل وضعية الجنين

لينا : نورهان ختي متخلعينيش عليك بحال هكا واش نجيبلك الطبيب حالتك معاجبانيش

نورهان : مبغيتش الطبيب مغديش يداويني

لينا : ولاش سماوه طبيب منين مغديش يداويك يهديك الله

نورهان : قلبي مجروح ختي كنحس براسي مخنوقة غدي نموت قولو يرجع مبغيتوش يخليني انمشي فيها إلى طال غيابو عليا مغديش نقدر نصبر علاش أصلا بان في حياتي منين كان عوال يمشي ويخليني

لينا شافت فيها بنظرة شفقة بقات فيها خصوصا عارفة أن خوها منين كيغيب مكيرجع على مدة طويلة : نورهان ختي اش غدي نقولك خويا مشى لروسيا الصحف كاملة نشرات الخبر هاد الصباح لبارح في الليل صوروه في المطار معندك مديري غير حل واحد هو تصبري حتى يرجع أيكون برد ديك الساعة كلسو وهضرو بالعقل

نورهان حركات راسها كتشهق : مقادراش مقادراش كنحس باحساس قوي اتجاهو كنحس بشي حاجة في الداخل ديالي باغاه معرفتش شنو هادشي ولكن روحي اتخرج محتاجة ليه بزااااااااف هادشي مكانش قبل كان وخا تيغبر عادي ولكن دبا لاااا مقادراش نجلس حتى ثانية منشوفوش فيها…….. ناضت كتجري و شادة الفوطة بيديها لاتطيح وقفت في لافابو كترد معدتها كاملة خواتها وخا مواكلة والو وقفت لينا موراها كتغسل لها في وجها والابتسامة على وجها

لينا : فاش بديتي كتهضري على خويا بديك الطريقة قلت مع راسي وقيلة هذي حماقت لكن دبا عاد عرفت أنه المسخوط دولد خويا ايخرج لباه في كلشي وكيحماق عليه

نورهان دارت عندها وعلى وجها ملامح الاستغراب : اش كتقولي اشمن ولد خوك كتهضري عليه

لينا : نورهان خاصنا نمشيو المستشفى بانلي هادشي عندك مشي عادي تقدري تكوني حاملة

نورهان : شنوووووو ؟ لا ميمكنش حنا مشي بزااااااااف باش تزوجنا كفاش نقدر نحمل دغيا

لينا : فقاش دازتك أيام التبويض

نورهان : هذي شي سيمانة

لينا : وفقاش قاصك نضال ؟

نورهان : هذي سيمانة

لينا : إوى نوضي على سلامتك راه البنت ممكن تحمل من اول نهار ليها إذا كانت في فترة التبويض

نورهان حطات يديها على فمها مبتاسمة ودموعها كيهبطو : دبا انا نقدر نكون حاملة بولدو يااااك انا هازة طرف منو؟

لينا : لبسي حوايجك باش نمشيو لعند واحد الدكتورة كنعرفها مزيانة اختصاصية في هادشي غدي ديرلك التحاليل وديك الساعة نشوفو

نورهان حركات راسها بالإيجاب دخلت للدريسينغ لبسات كسوة طويلة مزيرة في الاسوة دارت من فوقها السلهام ديالها هزات صاكها وخرجات خلات وجها طبيعي لقات لينا كتسناها برا حدا لوطو ديالها ركبو بزوج دارو حزام السلامة وكسيرات لينا دقائق ووقفات قدام عيادة طبيبة نسائية دخلو لقاو السيكخيتيغ في الباب لمجرد معرفات اسمهم الكامل خلاتهم يدخلو

الطبيبة : اهلا اهلا مرحبا بعائلة الوزاني شكون المريضة بعدا

لينا : المدام نورهان

الطبيبة : اك مدام نورهان تفضلي معايا.

تبعتها نورهان لغرفة الفحص تكات على البياص والطبيبة كتفحصها دارت نفس العملية دمريم شافت في التلفاز طلعتلها نقطة صغيرة في داك الايكو ابتسمت وشافت في نورهان : مبروك عليك حاملة بالحق مزال في مراحله الأولى اكتشفتيه بكري مزال معندوش حتى سيمانة كاملة وغدي نزيدو نتأكدو بعد واحد التحليل غدي نديرولك بعد ساعتين رجعي عندي صافي؟

⚠️ التعاليق داخل الرد ⚠️
❌ بعد 140 جادوغ لكل بارت انكملكم ❌

فاتي💘أحببت شهيرا 💘
🦋بقلم لمياء الشادلي 🦋
❌البارت 60 ❌
✳️شهيرة ✳️

نورهان حركات راسها بالإيجاب والطبيبة مسحاتلها بطنها هبطات حوايجها توجهت عند لينا والضحكة مرسومة على وجها عنقاتها بفرحة

لينا : مبرووووووك

نورهان : الله يبارك فيك عقبالك حتى نتي تزوجي باللي كتبغي وربي يرزقك بالذرية الصالحة

لينا : اميييييييين يلاه نمشيو دبا نفطرو نشبعو ولد خويا……. حطات يديها على بطن نورهان…. ياك اعمتو؟

نورهان : بالحق مزال متأكدنا

لينا : على كل دبا متأكدين 90٪ هذيك غير باش نقطعو الشك

خرجو من الطبيبة ومشاو لكافي جنب البحر خداو الفطور بعد ساعتين رجعو لعند الطبيب اللي قرات وراق دليزاناليز وأكداتلهم حقيقة حمل نورهان هنا كتاملات فرحتهم خرجو من عندها توجهو لوطو ركبو طلقات لينا الموسيقى وشافت في نورهان

لينا : اش بانلك نعيطو للبنات نحتافلو بخبر حملك

نورهان : لا من جدر عقلك كتهضري والله منولي نعاود

لينا : لا هاد المرة غدي نعلموهم واصلا غير غدي نمشيو نحتافلو في ريسطو مشي بواط ونديرو الشوبينغ ونأخذو لولد خويا الحوايج من دبا

نورهان : أختي نتي قهرتيني ولد خويا ولد خويا ولد خويا باش عرفتيه ولد انا باغة بنت يلاه

لينا : عندي إحساس كيقولي أنه ولد باينة غير من هاد الوحم اللي جاك مهبلك من دبا بانلي ايخرج بحال باااااه ويمكن اكثر

نورهان : انا بالله والشرع اختي براكة عليا غير باه محمقني يزيدني حتى ولدو مالي على حالي

لينا : انا بيني وبينك بغيتك تولدي ولد يكون الخليفة دعائلة الوزاني اييي عمر نسلنا يتحبس غدي تبقى ديما سمية الوزاني خالقة الرعب في البشر

نورهان : شوفي الله يرحم باك انا باغة ولد ضريف كي الخريف بحال مووووو ميآدي حد ميضرب حد ويكون زوين وشي بنوتة تكون كيوت بحالي

لينا : احم احم بحالا بنادم كيشكر في راسو غير بالشوية عليك والله حتى نتخاطرو عليها غدي يخرج لخويا في كلشي غير من هاد الوحم اللي جاك عليه واش عقلتي على راسك اش كنتي كتقولي الصباح ولالا

نورهان تحولو ملامحها لحزن لينا شافتها تغيرت زربت عليها جراتها عنقاتها : صافي صافي بلا هاد البكى خويا غير غدي يرجع غدي نقولولو هاد الخبار تنسيه في الدنيا كاملة وهادشي اكيد غيخليه يسامحك والله يرحم باك متبقايش تبكي باش متخسريليش النفسية دولد خويا

نورهان : بعدي مني نتي الزمرة هامك غير ولد خوك

لينا : ودبا نساي هادشي عطيني نمرة فاتي نعيطولها

نورهان : اك قيدي 06********

لينا عيطات لفاتي دارت معاها لبلاصة هي والهام اللي وافقو بدون تردد قطعات عليهم وعيطات لرضى

لينا : الو حبيبي

رضى : علاش مجيتيش للجامعة وعلاش خارجة أصلا الكلبة بلى خباري كنقولك ديما تاقي شري متقلبيش على وجهي الخايب

نورهان سمعت داكشي اللي قال بحكم لينا كانت دايرة مكبر الصوت طلقات ضحكة سمعها رضى

لينا دارت خنزرت فيها وجاوباتو : هذي هي حبيبتي توحشتك كنبغيك شكرا على هاد الكلام الزوين مصونيا عليك باش نقولك انا خارجة ونتا كتسب

رضى : العناب دحسك انا شكون حداك

لينا : نورهان. اجي بعدا علاش مشى خويا لروسيا

رضى : وسوقك علاش كتسولي عليه من فقاش ونتي كتعرفي على خوك كلشي

لينا : شكرا على هاد القميع ديال والو راه مرتو بغات تعرف فين مشا عندها شي هضرة بغات تقولهالو ضروري

⚠️ التعاليق داخل الرد ⚠️
❌ بعد 140 جادوغ لكل بارت انكملكم ❌

ياسر💘أحببت شهيرا 💘
🦋بقلم لمياء الشادلي 🦋
❌البارت 61 ❌
✳️شهيرة ✳️

رضى : كيسجل الأغنية الجديدة وغدي يصور الكليب في روسيا داكشي علاش مشى ومغديش يرجع دغيا كنظن من هنا شهر عاد يرجع للمغرب

لينا : يلاه بسلامة وشكرا على داك الهضرة مزال منسيتش

رضى عصباتو خارج من وسط الاجتماع وهي كتسولو اسئلة بايخين : تلاحي مع 6 دالعشية غدي ندوز لعندك

لينا يلاه غدي تجاوب قطع عليها دارت عند نورهان حمرا مرضاتش يديرلها ديك الحالة قدامها

لينا : لا غير طلقيها بلى متبقاي حابساها

نورهان تكرشخات بالضحك عليها : ههههههههههههه كان كيحسابلي غير انا اللي عندي هاد النوع ولكن الحمد لله مشي بوحدي مشي انا اللي كنت كنتعذب اجي بعدا هو اللي دارلك داك الزروقية اللي فوجهك

لينا حطات يديها على وجها جبدات المرايا مصدومة : ويلي وخا غطيتو باين تفوووو يعطيه الكرد فدوك اليدين

نورهان : اودي هانيا كون تشوفي انا شحال كليتها لحمي طاب ولكن بيني وبينك كنتمنى كون يرجع يعطيني قتلة دالعصى ولا يمشي ويخليني احم بغيت نسولك واش عاوتاني ايكونو معاه البنات في الفيديو كليب

لينا : اصباري انا نسولولك دبا والله يمسخك عاد كتسولي اكيد أيكونو البنات وبيني وبينك دوك الروسيات فايتين الزين لهيه شي حاجة ناضية باينة هاد الكليب ايدير بووووم ايوصل لشي مليار عاوتاني كيكلس عام حتى كيطلق كليب كيحطم لي ستار كاملين

نورهان: حلي باب لوطو لفاتي والهام ها هما جايين

ضغطات لينا على بوطون تحل الباب اوطوماتيكمون طلعو البنات إلهام راشقالها بينما فاتي ساخطة على الوضعية شافو البنات في وجها طلقوها بضحكة لدرجة كااااع الناس اللي كانو دايزين من حداهم بقاو كيشوفو فيهم لينا سدات الباب وكسيراات بسرعة

فاتي : علاش كضحكو الزمرات بانتلكم حالتي ديال الضحك الحكار اللي ولدو كيعرف غير يضربني غير يانا عمرو حط يدو عليا ولكن البارح زاد فيه وخا بيني وبينكم تانا منسواش مدرت فيها ميصلاح

نورهان : والحمد لله منين عتارفتي بلى عصى اودي الله يعطينا شي عقل حتى حنا الله يهدينا ممشينا غير للشراف كون غير دينا قدنا كاع ميحكرو علينا دقا فينا ودقة فيهم

إلهام: انا ستافدت من تجربتكم لذلك قررت ندي واحد صغر مني ولا قدي كلمتي بكلمتو

لينا : لااااا باينة غير من دوك الشوفات اللي كديري في ياسر غير هي ليكن في علمك الشريفة راه حتى هو شارف بينك وبينو 8 سنين

فاتي : قدو قد سعد غير انا صغر منكم بعام يعني بيناتنا فرق كبير معرفتش كيفاش كنت معمية نطيح في وحش بحالو

نورهان : اودي كلنا طحنا في الوحوش الصبر وصافي

إلهام : البنات بالرووووجوووولة ولاد طاسيلتكم متيتزين مكاينش المزاح مكاين غير التوت لخوه اختي تقولي كيورتوه

لينا : ليك شرف الانتماء ههههه

نورهان : براكة من الترهيش وهاد الهضرة ودينا ناكلو

لينا : أويلي عاد كليتي

نورهان : اختي وانا لخاطري ولد خوك الغزال اللي كتشكري فيه بغى ياكل اوى إلى كان عزيز عليك ديريلو شنو بغى

فاتي : شنوووو ؟ ولد خوها نورهان متقوليهاش كيدرتيلها بهاد الزربة 😳

إلهام : اودي نضال الوزاني ولد الذين كاع مساهل عندو داكشي الطاق امارش كيوصل

نورهان : تفو مكتحشميش الله يعفو عليك ابنتي

إلهام

💘أحببت شهيرا 💘
🦋بقلم لمياء الشادلي 🦋
❌البارت 62 ❌
✳️شهيرة ✳️

بعد شهر

حطات الطائرة في مطار محمد الخامس ترتبو لي كارد في صف واحد موجدينلو الطريق منين يدوز تمشى قدامهم بمشيتو الرجولية و المعهودة خرج من باب المطار الصحافة كاملة تعرمات عليه كلشي باغي يعرف اكثر على عملو الجديد ممخليينلوش فين يتنفس

الصحافي : السي نضال ممكن تقولنا علاش هاد المرة مدخلتيش البنات في الكليب ديالك

الصحافي 2 : موسيو نضال الوزاني لاحظنا انه كان تغيير في الستيل ديالك كان غالب على الكليب الظلام وكان بطابع حزين شنو السبب ورا هادشي

الصحافي 3 : موسيو نضال الوزاني لاحظنا انه في جميع الكليبات اللي دازو كانو بنات بزااااااااف وديما العارضة الاساسية كيكون بينك وبينها لقطات جريئة لكن هاد المرة كلشي تغير لاحظنا ان الكليب كان غريييييب ورغم ذلك حتل الرتبة العالمية وحطم الاغاني دلي ستار كاملين باش تبرر هادشي

نضال : بصفتي رجل مزوج ونظرا لاحترامي لعلاقتي الزوجية بيني وبين الزوجة ديالي كان من المفروض عليا نقوم بهادشي من غير هادشي معندي منبررلكم

الصحافية 4 : موسيو نضال هكا كتعلن زواجك للكل وهذا خبر مفاجئ واش الآنسة نورهان الزايدي هي الزوجة ديالك

نضال : عفوا إسمها مدام نورهان نضال الوزاني ودبا هاد اللقاء بالنسبة ليا انتهى كنتمنى تنصرفو ومتوليوش تزعجوني مرة أخرى بنفس الاسئلة اللي لا أساس لها من الصحة

تدخلو لي كارد بعدو الصحفيين ودارولو الطريق اللي يدوز منها توجه لوطو ديالو وكسيرا للقصر باغي يشوفها توحشها كانت طول الوقت مكتفارقش مخيلتو ولا كل همو يشوفها قدامو مبقاش قادر يصبر على بعدها عليه

كلهم حانيين راسهم على مائدة العشاء في صمت كسرت داك الصمت سمية اللي من نهار رجعو من فرنسا وهي كتاكل معاهم في نفس الطبلة وتوطدات علاقتها مع نرجس ولاو عائلة وحدة

سمية مفخبارها والو معارفاش بقضية الخصام اللي بينها وبين نضال : بنتي نورهان معرفتيش فقاش غدي يجي راجلك شهر هذا ومكاينة حتى خبار عليه ميمكنش

نورهان تنهدات اللي فيها يكفيها ومها تتزيد على ما بيها خدات مشوار مسحات يديها ونطقت : ماما راه قلتلك عندو الخدمة هي اللي عطلاتو شحال ما طال الحال غدي يرجع ونتي كتعرفيه اكثر مني وكنتي كتشهدي على أيام تصويرو للكليباات وشحال دالوقت كياخذ

نرجس : بنتي متقلقيش من ماماك راه عادي تسول خافت لا تكونو متخاصمين هذي غير من جانب قلقها عليك

نورهان : ماما نرجس مكاينش كاااع هادشي اللي كتقولو ومعندنا علاش نتخاصمو نتي عارفة الخبر اللي موجداه ليه أكيد غدي يفرح فكيفاش غدي تخسر علاقتنا

أنور ابتسم بغى يبدل الجو المكهرب بيناتنا : بعدولي من مرت ولدي حتى يجي داك ولدك ونوريه كفاش يخلي هاد الزين كامل على قبل الخدمة

لينا : هاي هاي بابا كيتعنب حشومة اساط راه والله وحصلك كتقولها هاد الهضرة ميرحمك خويا وتنعرفو قيصو في نورهان يتقلب عليك مكيبقى يفكر لا في باه لا في طاسيلتو كيولي يشوف غير القتيلة قدامو

نرجس: شت حشومة تقولي على خوك هكا ونتي معوالاش تفرحينا زعما راه طولتو في ديك الخطوبة عيقتو

لينا جبدات التليفون ديالها متجاهلة هضرة مها طلعلها المقال الصحفي اللي كاتبين على خوها فيه الفيديو والتاريخ وكلشي :نورهاااااان خوووويا جااااااي

نورهان تحولات ملامحها للفرح : حلفيييييي باش عرفتيها

لينا : كاتبين مقال عليه وفي خبارك صرح بحقيقة زواجو بيك اوووووه الناس كاملين كيهضرو عليكم

نورهان جبدات التليفون ديالها دخلات الأنستقرام حلات فمها تصدمت من عدد المتابعين اللي جاوها خلال ساعة : لينا غدي نسخف انسخف والله

لينا : اويلي مالك غدي تولدي من شهرك الاول مالك حمقة

نورهان : زوج دالمليون متابع وصلوني عاد دبا 😳😳

لينا : اواه 3 دسنين وانا خدامة على حسابيي بحرا جمعت 100k ولاد الحرام أو بغيت نقول بنات الحرام غدي يوليو حاضيينك من بعد هاد التصريح اللي طلق

💘أحببت شهيرا 💘
🦋بقلم لمياء الشادلي 🦋
❌البارت 63 ❌
✳️شهيرة ✳️

نورهان : انا شبعت نخليكم تصبحو على خير

أنور : ونتي من اهلو ابنتي

حركات راسها دليل على الشكر وطلعات كتجري لجناحهم فرحانة بقدومو عوالة دير المستحيل مهم يتصالحو دخلت للدريسينغ جبدات شوميز دونوي مشبكة كلها خيوطة مكتغطي والو دخلت دوشت بالخف دقائق وخرجات ذهنات لحمها بكريمات رائحتهم رائعة وكتخلي نعومة في الجسم لبسات الشوميز طلقات شعرها ودارت مكياج خفيف بانت مثيرة جدا خرجات من الدريسينغ حلات عينيها مصدومة

نورهان : نتااااا شنو كدير هنا؟؟؟ كفااااش دخلتي؟ واش حمق؟

سيمو صفر : اش هاد الجمال كامل كون يحسابلي انجي ونلقاك موجدالي هادشي كامل كون جيت شحال هذي

نورهان : اش كتخربق واش حماقيتي خرج من هنا خررررررج

سيمو قرب لعندها عاجبو الحال يشوفها في داك المنظر خصوصا بعدما لاحظ التوتر ديالها

نورهان كترعد بالاعصاب غدي تموت بالخوف منلي جاي مباغاش يوقع نفس الغلط مباغاش يولي يخليها هاد الافكار كاملة ولات كطيح في بالها الدموع هبطو من عينيها رجعات كتغوت ربي اللي خلقها لعل وعسى يجي شي واحد يعتقها لكن لسوء الحظ كان الحيط كاتم للصوت : عتقوووووني بعد منييييي متقربليش نقتلك والله حتى نقتلك الى حطيتي يدك عليا

سيمو حاصرها مع الحيط وهبط راسو لعندها بينما هي كتعافر معاه باغة ضربو لكن ديما كيبقى جسم الرجل كيضاعف قوة الأنثى : معندك فين تهربي اليوم ديالي

هبط راسو باغي يلامس الشفاه ديالها اللي كترعد ثواني وتحل الباب دور راسو شافو عرفو غير من خلال البنية ديالو دون تردد بعد عليها ونقز من النافذة هارب عارف راسو إلى بقى تما اتنتاهي حياتو بموت شنيع وخصوصا انه كاين وسط مملكتو

حلات عينيها والدموع دايرين خط على وجها زيرت على يديها من بعدما حسات بتصرفيقة على حنكها شافت في عيونو الحومر كي الجمر دورت راسها بالنفي لسانها تعقد زير عليها من وجها ظفارو قراب يتغرسو في حناكها نطق وهو مزير عليها : ولفتيها الكلبة وفي بيتي بيتي الحمارة في وسط داري………. نزل عليها بتصرفيقة آخرة اللي خلاتها تفقد التوازن ديالها وطيح……….. شهدي على روحك اليوم نهايتك

نورهان عضات على شفايفها بألم ظهرها ولا عاطيها الحريق هزات راسها حلات عينيها بصدمة كتشوفو موجه السلاح اتجاها : نضال متغلطش داكشي اللي شفتي مشي صحيح انا مدرت والو

نضال مزير على الفردي يدو كترعد بالاعصاب كيحس براسو حاقد عليها كارهها باغي ينقي شرفو بأي طريقة ولو إلى كانو على جثتها : سكتييييييي حسك منسمعوش حتى لهنا وسالينا

نورهان قربات لعندو وتحنات على رجليه كتبكي : حبيبي لاااااااااا متقتلش هادشي اللي بيناتنا خليني غير نشرحلك نتا ديما كتسرع قبل متعرف الحقيقة غير هاد المرة سمع مني

نضال زير على يديه لاح الفردي دوز يديه على شعرو غدي يقرعو شاف فيها بحقد مبقاش حاملها : وراق الطلاق غدا يوصلوك تلاقينا خوت نتفارقو خوت

هزات راسها قبل مايخرج دخلت للدريسينغ خدات كاب طويل ماعندها فين تزيد في الأخطاء لبساتو غطات بيه لحمها وخرجات من الجناح تابعاه كتجري غير منتابهة للدم اللي بدا كينزل من اسفل رحمها وصلات للبوابة الرئيسية دالقصر العائلة منين شافو الدم تبعوها خصوصا بعدما شافوها بداك الحالة

كتشوف خيالو بدا كيختفى شويا بشوية النفس مقطوعة فيها لأقصى درجة ، دموعها دايرين طريق على طول وجهها، قلبها مقسوم على زوج نصفو عندها تينزف الدم على فراق نصفو الثاني

سيمو

💘أحببت شهيرا 💘
🦋بقلم لمياء الشادلي 🦋
❌البارت 64 ❌
✳️شهيرة ✳️

غوتات باحر جهدها بصوت فيه بحة ديال الجرح والألم الكبير اللي طاغي على جهدها:ااااااااااااااااااااااااااااااه…. علاش علاش

رغم ضعف جسدهاا اللي بدات حركتو كتباطأ شويا بشوية إلا انها استمرت في الجري اتجاهو وقفت قدام لوطو ديالو كتترعد والهضرة بالسيف باش كتخرجلها شافت فيه من وراء زاج ديال الطوموبيل مقابلة معاه عكسو اللي كيشوف فيها بنظرات كره وغضب: ع ع عفاك غير سمععني ووالله مككككيفما كيسحابلك ععفاك م م م متخلينيش

طلع وجهو وشاف فيها بنظرة كتزرع الرعب النظرة اللي عمرها شافتها فيه تفافات حتى على مبرراتها اللي كانت كظن انهم غادي يشفعو لذنبها الذنب اللي بالنسبة ليه عمرو يتغتافر

في لحظة حساب بلوطو تحركات لو أنها متنحاتش جانبا لصارت جثة هامدة

شافت حواليها بصدمة لسانها ارتابك خرج ثلاثة دالكلمات بالضبط قبل متفقد وعيها: متخلاااش على ولدك

قرب لعندها أنور هزها بين يديه مصدوم من كيفاش وصلات لهاد الحالة حطها في لوطو ديالو ركبات حداه نرجس وسمية اللي كتغوت بسمية بنتها خايفة لا توقعلها شي حاجة

نرجس : أنور زيد في السرعة قبل منفقدو الجنين النزيف عندها بدا كيجهاد

أنور : واش كاين ما اكثر من هاد السرعة شنو بغيتيني نطير

سمية : الله يا بنيتي عوينة وخرجات فيك يا ربي تحفظك وتنجيك يا ربي خليلي بنتي يا ربي ميوقع لا ليها لا لولدها شي حاجة

نرجس : سمية تهدني كلشي غدي يكون بيخير إن شاء الله غدي تولي بيخير

فرانة بلوطو جنب الطريق مزير على قلبو كيحس بالحريق كيجهاد عليه معرفش هادشي اللي ولا كيوقعلو هاد الأيام وقتما كيتعصب كينوض فيه الحريق لكن هاد المرة بكمية زايدة

شافتو حبس بلوطو جنب الطريق فرانات حداه منلي شافتو خارج من القصر وهي تابعاه ولات مهووسة بشي شخص سميتو نضال الوزاني حلات باب لوطو نزلات توجهت لناحيتو دقات في باب لوطو ما من الرد دخلها الشك مقادرة تشوف والو الزاج فيمي حلات لوطو ولحسن حظها كانت محلولة غير ظهرها داخلها تصدمات

مريم : نضاااااااااااال 😳

فرانة قدام المستشفى خرج هازها بين يديه عرضولو النقالة حطها فيها و دخلوها بسرعة نيشان لغرفة الفحص يطمأنو على حالة الجنين

وصلات لينا هي ورضى كذلك اللي كان عاد عرف بالموضوع ووصلها للكلينيك دخلو لقاوهم واقفين قدام غرفة الفحص دقائق وخرجات عندهم الطبيبة

سمية تعرضاتلها مخلوعة : قوليلنا شنو عندها ياكما وقعات شي حاجة للجنين

الطبيبة ابتسمت مطمأناهم : متخافوش الحمد لله كان نزيف خفيف والحمد لله منين جبتوها في الوقت دبا في هاد الاشهر الأولى حملها مثابتش يقدر في اي لحظة يوقعلها إجهاض لذلك خاصها العناية التامة ومتعصبش هادشي كامل وقعلها نتيجة الاعصاب والتوتر دبا غدي نكتبلها فيتامينات تبعهم وميكون غير الخير الله يشافيها ويفكها على خير

نرجس : شكرا….. شافت في سمية مبتاسمة : شفتي قلتلك مغدي يوقعلها والو

سمية حركات راسها بالإيجاب مبتاسمة : الحمد لله يا ربي الحمد لله

💘أحببت شهيرا 💘
🦋بقلم لمياء الشادلي 🦋
❌البارت 65 ❌
✳️شهيرة ✳️

🎭 نهاية الفصل الأول سقوووط الأقنعة 🎭

أصبحنا وأصبح الملك لله رب العالمين

حركات يديها وعينيها بداو كيتحلو كتستاعد للاستيقاظ حركات راسها شافت مها ناعسة في الفوطوي حداها حطات راسها على المخدة كتفكر داكشي اللي وقع حدث بحدث غمضت عينيها ودموعها كيهبطو ناضت نترات السيروم توجهت للبلاكار هزات صبادرين ديالها لبساتها مع لباس المستشفى خرجات كتسلت قشعت نرجس وأنور ولينا في الكافي تخبات حتى حناو راسهم كيفطرو عاد كملت طريقها كتجري شيرات لطاكسي وقفلها ركبات وعطاتو العنوان اللي باغة تمشيلو

ناضت على الصداع حلات عينيها راسها كيحرقها خرجات من بيتها المتواضع لقات مها وباها مقربلينها كيف ديما صداعهم مكيساليش

فاتي : عاوتاني ألدباز مكتقاداوش

خذيجة : سكتي نتي بعدا دايراها قد راسك ومزال كتهضري

فاتي : مالنا على هاد الهضرة شنو درت

خذيجة : قولي لداك سيك سعد راه عيق في هاد الخطبة قلتو 15 اليوم قلنالكم راه مكافياش ونتوما زربانين على روحكم قلنا مشي مشكل ولكن باش تجيو لاخر لحظة حتى نعرض على البشر كامل في التالي شقلبتو كلشي حتى لهذي وممتافقينش زدتو فيه قولو لا غدي يتزوج بيك على سنة الله ورسوله مرحبا كان عوال على التفلية معندنا منديرو الخطوبة نفسخوها حنا مالنا على حالنا

فاتي زيرت على يديها : صافي دبا نهضر معاه غير سكتي براكة من النكير عيقتي عليا والله كأنني انا اول وحدة ولا آخر وحدة غدي تأجل تاريخ العرس

خذيجة : مهم انا هضرت معاك وحضرتك

وقف بيها الطاكسي قدام القصر نزلات شافوها الكارد فتحولها الباب دخلات كتجري موصلات للبوابة الداخلية حتى سخفت الطريق طويلة ما بين البوابتين دخلت لقات سعاد طلباتها تخلص مول الطاكسي وطلعات للجناحهم بواسطة المصعد ثواني وتحل الباب حطات يديها على اللوحة الإلكترونية تحلو أبواب الجناح دخلت دورت راسها كتقلب عليه بعينيها تمشات ناحية بيتهم حلاتو حطات يديها على فمها كتحرك راسها بالنفي ممصدقاش اش كتشوف دارو ناحيتها طلعت وهبطت في مريم اللي كانت لابسة الشوميز ديالو واللي جاياها قصيرة بزااااااااف مبينة جميع منحنيات جسدها وجهت نظرها لناحيتو وهنا زاد على ما بيها مبقاتش قادرة تستحمل في أول فرصة جاتو خلاها وكيخونها قبل حتى ميتفرق اسمو على اسمها عرف ينتاقم منها ورجعلها الضربة بما قصح منها

نورهان شافت فيه بحقد ونطقات قبل متخرج : الله ياخذ فيكم الحق

خرجت من الجناح هبطات في الدروج كتجري ممستحملاش تشوفهم في ديك الحالة خرجات من القصر بصفة عامة ملقاتش الطاكسي كان مشى كملت على رجليها بانلتها اوطو من نوع رونج روفر جايا بسرعة شيرتلها وقفاتلها عند رجليها نزل منها رجل في أواخر الاربعينات ملامحو جذابة لابس كوستيم بنيتو رياضية كأنه في عمر العشرين عيونو زورق في لون البحر اما وجهو الأبيض الجذاب فحدث ولا حرج عن ذلك خصوصا ملامحو اللي ظاهرة الصرامة من خلالها قرب لعندها شدها من يديها معجباتوش حالتها اللي كتدل انها في تعب تاااام

عثمان : بنتي مالك واقعالك شي حاجة

نورهان طلعات فيه عينيها عويناتها الزرقاوتين تماما كلون عينيه : ديني معاك عفاك عتقني خرجني من هاد المدينة اللي جابتلي غير البلى لحياتي

عثمان : معندكش عائلة

نورهان حركات راسها بالنفي : هاد الساعة مبقات عندي عائلة

عثمان حرك راسو بالايجاب وجرها من يديها طلعها في لوطو وركب حداها كسيرا ناحية الوجهة ديالو

🎭 نهاية الفصل الأول سقوووط الأقنعة 🎭💘أحببت شهيرا 💘
🦋بقلم لمياء الشادلي 🦋
❌البارت 66 ❌
✳️شهيرة ✳️

كيحل عينيه بتثاقل كيحس بداتو ثقيلة عليه يديه بالسيف باش كيحركهم دور راسو اللي كيعطيه الحريق مجهد لقاهم كلهم كيشوفو فيه بابتسامة والدموع في عينيهم ومريم كتفحص فيه

نرجس قربات لعندو شدات في يديه كتقبلها وكتنطق ودموعها سابقينها : متخيلش شحال خلعتينا عليك كنا كنقولو عمرك تفيق طولتي علينا اولدي خليتي قلبي كيتقطع عليك

رضى نطق وهو مبتاسم : الوحش حتى مخلوق مايقدر يضمرو غير هي الساط طولتي علينا

نضال زير على يديه حالف حتى يندمو : شحال وانا فاقد الوعي شنو وقع؟

أنور : 7 شهور اولدي من بعد ما عيطولنا قالولنا الكارد لقاوك طايح مضروب في قلبك بالموس ومنين طحتي جاتك الضربة في راسك هما اللي هزوك للمستشفى كانت حالتك خطيرة الحمد لله بأعجوبة قدرو يعتقوك مريم الله يرضي عليها هي اللي ترأسات العملية ونجحات الحمد لله ولكن الضربة اللي كانت في راسك سباتلك في غيبوبة والباقي راك عارفو

نضال : فين هي

نرجس هبطات راسها بحزن معندهاش جواب لولدها دخل رضى ونطق : مزال ملقيناهاش تقوول تشقات الأرض وبلعاتها

نضال نتر السيروم وناض باغي يخرج حس بالضبابة قدام عينيه شد في راسو كيخفف من الحريق اللي بدا كيجهاد عليه

مريم : نضال نتا عاد فقتي من الغيبوبة ميمكنلكش تخرج هكا كتعقد الأمور

نضال دار لعندها عينيه حوووومر وجه صبعو ليها بتحذير : نتي سكتي حسابي معاك هو اللخر…… حس بنغزة في قلبو حط يدو عليه مزير عليه محاملش يحس بالضعف كلشي تسلط عليه في دقة وحدة

مريم قربات لعندو وفي يديها الإبرة : نضال هكا كتآذي راسك مخاصش تعصب راه في اي لحظة تقدر تجيك سكتة قلبية إلى مكنتيش كتفكر في راسك فكر غير في الناس اللي كيبغيوك

نرجس غمزاتها تضربلو الإبرة هي اللي غدي تخليه يتهدن في هاد الوضع يقدر يآذي راسو بتصرف متهور منو

❌❌❌فلاش بااااك ❌❌❌

فرانة بلوطو جنب الطريق مزير على قلبو كيحس بالحريق كيجهاد عليه معرفش هادشي اللي ولا كيوقعلو هاد الأيام وقتما كيتعصب كينوض فيه الحريق لكن هاد المرة بكمية زايدة

شافتو حبس بلوطو جنب الطريق فرانات حداه منلي شافتو خارج من القصر وهي تابعاه ولات مهووسة بشي شخص سميتو نضال الوزاني حلات باب لوطو نزلات توجهت لناحيتو دقات في باب لوطو ما من رد دخلها الشك مقادرة تشوف والو الزاج فيمي حلات لوطو ولحسن حظها كانت محلولة غير ضهرلها داخلها تصدمات

مريم : نضااال فيق شنو واقعلك نضال حاول تبقى فايق شد في راسك غدي نمشيو للمستشفى دباااااا

نضال بدا كيفقد الوعي شاد في جيهة قلبو وكيهضر بصعوبة: بغيييت نمشييييييي للقصر

مريم : نضال ولكن حالتك خطيرة متقسحش راسك شوف حالتك كيف وليتي

نضال: مريم صافي هضرت……. نطق هاد 3 دالكلمات وفقد وعيو

مريم كتحرك فيه وكتغوت : نضااال عاوني نووووض

وقف عليها واحد من ليكارد عاونها هزو وحطو في لوطو ديالو بينما هي كلسات في بلاصة السائق وكسيرات ناحية القصر والتليفون ديالها في وذنيها

مريم : بغيت كاع الالات الطبية تحول لقصر نضال الوزاني دبا…… قطعت وفرانات قدام القصر شافوها الكارد عاونوها فيه زوج بحرا متعاونين عليه نظرا لحجمو ووزنو طلعوه للجناح ديالو ثواني ووصلو الالات كاع داكشي اللي غدي تحتاج

داز الوقت حل عينيه غير واعي باللي داير بيه شاف فيها باستفسار فهمات قصدو جاوباتو بدون مينطق

💘 أحببت شهيرا 💘
🦋بقلم لمياء الشادلي 🦋
❌البارت 67 ❌
✳️شهيرة ✳️

مريم :البارح لقيتك في لوطو قريب تفقد الوعي جبتك لهنا حيت موافقتيش تمشي للمستشفى قمت بالفحوصات ومجموعة من التحاليل اش غدي نقولك نضال عندك مشكل في الصمامات دالقلب حاول ترخف على راسك شويا راه دوك الأعصاب غدي يخرجو عليك مهم كتبتلك واحد لوغدونونص ضروري تشرب الدوا في الوقت وإلا كل مرة غدي يوقعلك بحال هكا

نضال : تقدري تمشي وهاد المرة متوليش تبعيني راه كنعرف بكاع اللي داير بيا

مريم هزات كاس دالعصير وعطاتولو : اك اك اك بلى متبدا تعصب غدي نمشي ولكن بشرط خاصك تشرب هاد العصير البارح مكليتي والو

نضال ضرب الكاس دالعصير تخوا عليها : هذاك شربيه نتي……. نتر جميع الالات من جسمو ووقف عاري الجسد لابس غير الشورط هز الأيپاد دخل لجيهة الكاميرات خدم كاع التسجيلات اللي دازو بساعتين قبل ميجي للقصر واللي خاصين بالقصر كاملين رجع تكا في بلاصتو من بعد ما حس بقلبو رجع ينغزو

مريم : دبا مشي حشومة عليك وسختيلي الكسوة ديالي بالعصير باش انرجع للدار دبا

نضال : دخلي للدريسينغ هزي شي حاجة لبسيها وعطي هذيك لسعاد تكلفلك بيها غير علاما تنشف وتلاحي

مريم : صافي صافي غير تنشف ندرك كمارتي كنحس بيك متقلالك على قلبك

نضال : إوى مزيان منلي فهمتي راسك

مريم زيرت على يديها محاملاش راسها دخلت للدريسينغ فتحاتو لقات جميع انواع الملابس غير لي مارك الواعرين والملابس النسائية اغلبيتهم مطبوعة عليهم لامارك ديالو واللي هي N&N حطات يديها على كسوة حمرة جديدة مزالة ببلاكتها هزاتها باش تلبسها قاطعها صوتو كيغوت

نضال : تحطي يدك على حوايجها نقطعهملك

مريم دورت راسها حاطة يديها على قلبها خلعها : اربي السلامة هذا كيف دار عرف أويلي ياكما انا كنبغي جن ومفخباريش هزات راسها لقات كاميرا شادة الدريسينغ كامل هبطات راسها هزات شوميز ديالو وكتلعن في خاطرها غدي يعرف الحقيقة كاملة لبسات بالزربة وخرجات عندو مستغلة لباسها الفاضح باغة تغريه بأي طريقة

رجع للساعة 11 قبل مايدخل للقصر بانلو الأمر عادي كليكا على تسجيلات دكاميرات القصر اللورانيين كبر الشاشة وعينيه كيحمارو بقوة الاعصاب كان تسجيل صوت وصورة

🎞️🎞️🎞️التسجيل 🎞️🎞️🎞️

بلاصات لوطو وعلى وجها ابتسامة خبث دورت راسها لجيهتو كتفكرو في هدفهم

مريم : من اليوم نورهان غدي تكون ليك وعمرها ترجع ليه ولكن خاسك غير تدير داكشي اللي غدي نقولك بالحرف

سيمو : إلى وصلت الضرورة نقتل على قبلها مكاينش مشكل مهم هو تكون ليا ومنخليهاش ليه

مريم : بقاتلو ساعة ويوصل كلفت وحدة من خادمات القصر واللي مكلفة بطعام لي كارد هددتها بعائلتها وعطيتها الفلوس اللي يعيشوها في النعيم طول حياتها…… هزات دوا من صاكها….. هذا غدي يطيحهم كاو مفعولو قوي مجرد ميتخلط مع الماكلة مكاملاش 5 دقائق غدي يخليهم كلهم غايبين هنا دورك غدي يبدأ غدي دخل من الحديقة تسلق لي بالكون النوافذ ديال الطابق الثالث دخل من واحد فيهم دير اي حاجة مهم يشوفها كتخونو معاك انا متأكدة مغديش يقتلها ولكن نتا نجا بروحك غدي تلقى لوطو الأخرى ديالي كيتسناك الشيفور متبانش في هاد المدة إلى لقاك غدي يقتلك 100٪ ومن بعد أيجي دوري اكيد غدي يسكر اتجيه الدقة صعيبة انا انتبعو انغريه وغدي نديه للقصر ديالهم بغيتها تجي تشوفنا وديك الساعة كنضمنلك نورهان ديالك

سيمو ابتسم بشر سمعو الدقان في في لوطو هبطات الزاج بانتلها الخدامة عطاتها الدوا ودخلت تنفذ مهمتها دقائق وكانو كاع لي كارد مغمى عليهم نزل سيمو بسرعة دخل من الحديقة اللي جات وراء القصر تسلق لي بالكون باحترافية مولف تنقاز أسوار الليسي وصل للطابق ديالهم دخل من النافذة سمع صوت الحما جاي من الحمام كلس في الناموسية كيتسناها تخرج

💘 أحببت شهيرا 💘
🦋بقلم لمياء الشادلي 🦋
❌البارت 68 ❌
✳️شهيرة ✳️

كتشوف في الساعة وكتطل من نافذة لوطو كالسة على الجمر كل همها تنجح خطتها سمعات صوت محرك لوطو قوي دورات راسها بانلها داخل مع البوابة حنات راسها مخبية حاضياه غير بنص عين شافتو دخل طلعت راسها والابتسامة على وجها

داز الوقت قشعاتو خارج معصب ابتسمت بانتصار شافتو متوجه لوطو ديالو ديمارات كاستعداد لتعقبه لكن خاب آمالها منين شافت نورهان خارجة عندو سكتات لوطو مراقبة الفيلم من الأول شافتو كسيرا بسرعة وخلاها وسعت ابتسامتها وكسيرات تابعاه باغة تنفذ خطتها في أسرع وقت

🎞️🎞️🎞️🎞️ نهاية التسجيل 🎞️🎞️🎞️🎞️

طلع راسو شافها بداك اللباس مزال مبغات التوب حفرات قبرها بيديها وقف قرب لعندها ناوي على خزيت جرها من خلف رأسها مزير على شعرها قرب لعندها كيشوف فيها شوفات دالقتيلة نهارها مغدي تطلع فيه شمس

نضال : طبعتي شهادة موتك عيت معاك تبعدي على طريقي لكن نتي مكتسمعيش قلتلك عمرني نكون ليك ولكن نتي شنو درتي؟

مريم : معندي مندير انا كنبغييييييييك

تفتح عليهم الباب دخلت وعلى مسامعها هاد الكلمة اللي خلاتها تفقد توازنها كتشوف فيهم في داك الوضعية وداك اللباس قلبها تقسم على زوج مقادراش تيق هادشي اللي كتشوف

نورهان شافت فيه بحقد ونطقات قبل متخرج : الله ياخذ فيكم الحق

نضال توجه للدريسينغ بسرعة هز تيشورط لبسو بالزربة وخرج من الجناح كيجري : نورهااااااااااااان وقفييييييي

دارت شافت فيه بكره وكملت طريقها

نضال : نورهاااااان متسرعييييش غدي تندمي

كملت طريقها كتجري مهامهاش داكشي اللي كيقول ومباغاش تسمعلو

خرجات من القصر ملقاتش الطاكسي كان مشى كملت على رجليها بانلتها اوطو من نوع رونج روفر جايا بسرعة شيرتلها وقفاتلها عند رجليها نزل منها رجل في أواخر الربعينات مباينش فيه تقدم السن أبدا ملامحو جذابة لابس كوستيم بنيتو رياضية كأنه في عمر العشرين عيونو زورق في لون البحر اما وجهو الأبيض الجذاب فحدث ولا حرج عن ذلك خصوصا ملامحو اللي ظاهرة الصرامة من خلالها قرب لعندها شدها من يديها معجباتوش حالتها اللي كتدل انها في تعب تاااام

عثمان : بنتي مالك واقعالك شي حاجة

نورهان طلعات فيه عينيها عويناتها الزرقاوتين تماما كلون عينيه : ديني معاك عفاك عتقني خرجني من هاد المدينة اللي جابتلي غير البلى لحياتي

عثمان : معندكش عائلة

نورهان حركات راسها بالنفي : هاد الساعة مبقات عندي عائلة

عثمان حرك راسو بالايجاب وجرها من يديها طلعها في لوطو وركب حداها كسيرا ناحية الوجهة ديالو

تبعها باغي يشرحلها شنو وقع حس براسو فعلا تسرع وظلمها خرج من القصر دور راسو كيقلب بعينيه مبانتلوش قرر يقلب في النواحي عارفها مغديش تبعد والطوموبيلات مكيدوزوش من هنا لأن هاد المنطقة محظورة معروفة باسمو فقط كل محاولاتو في تعقبها باءت بالفشل وقف شاد على قلبو اللي رجعلو بنفس الحريق دار ناوي يرجع يهز التليفون ويجيب لوطو يمشي يقلب عليها في منطقة أخرى هز راسو بانلو واقف مربع يديه بكل ثقة

💘أحببت شهيرا 💘
🦋بقلم لمياء الشادلي 🦋
❌البارت 69 ❌
✳️شهيرة ✳️

نضال ابتاسم : عجباتني ثقتك براسك مزيان منين وفرتي عليك عذابك……. حول نظراتو من استفزاز لتخنزيرات وعيونو رجعو حومر كي الجمر شنق عليه مزير عليه من عنقو خنقو……… حفرتي قبرك بيدك غدي تمنى الموت ومغديش تلقاها

سيمو وجهو حمر : نتا اللي غدي تموت عمرني خسرت ونورهان غدي تكون ليا عمرك تحلم تديها ليا

نضال نزل عليه براسو خلاه مدموغ وجبهتو كيهبط منها الدم : يلاه نوض أنص راجل تواجه معايا البرهوش نشوف هاد الزعامة اللي فيك

سيمو يد حاطها فوق جبهتو كيمسح بيها الدم ويد حطها خلف ظهرو جبد موس اللي كيتطوى (بونقشة) يلاه غدي ينزل عليه نضال بضربة أخرى زرب عليه وهبط عليه بالموس نيشان لقلبو وهرب

نضال فقد توازنو الضربة جاتو في منطقة خطيرة ثواني وطاح فاقد وعيو مغمى عليه غارق وسط دمو ولسوء حظو طاح على حجرة كبيرة السبب اللي خلى الضربة تجي في راسو

🔙🔙🔙🔙🔙🔙

تحل عليه الباب ودخل ببنيتو الرجولية صوت صباطو كيعزف نوطات كدليل على جبروتو كلس فوق الفوتوي كينتاظرو يفيق غمض عينيه مزير عليهم مباغيش يشوفو مهدود فوق السرير هو اللي رباه وهو اللي عارف مدى قوتو رجع راسو اللور كيشوف الفوق باقي كيتفكر آخر مكالمة دازت بيناتهم

فلاش باااك

كالس في البالكون كينثر من سيكارو بيد واليد الأخرى هاز بيها كاس مشروب كحولي سمع التليفون كيصوني هزو شاف المتصل ابتاسم هو الوحيد اللي كيجاوبو انعزل على العالم الخارجي كره أي حاجة مرتابطة بالمغرب واللي يجي منو من غيرو هو قبل لابيل ونطق بصوتو الثقيل واللي كيتضمن بحة رجولية مختالفة عندها طابع خاص

عثمان : الوحش ديالي

نضال نطق بصوت ثقيل مجروح كلشي فينا كيحتاج لشي شخص اللي يخوي عليه قلبو في وقت الغم كلنا إنسان وخا نكونو حجر وخا نكونو أقوى ما يكون ولكن في الأخير كنبقاو إنسان عندنا مشاعر وعواطف مستوطنانا : غدراتني في وسط داري خانتني

عثمان زير على الكاس حتى تهرس وسط يدو والدم بدا كيسيل منها هو الوحيد اللي عارف كمية الغضب والألم اللي كيحس بيه نضال وهو اللي عارف قداش هادشي صعيب عليه يتقبل هادشي هز عينو الحومر في السما المزينة بالنجوم ونطق : اجي لعندي مبقى عندك مدير في داك البلاد اللي معروف عليه بالخيانة نقل كاع خدمتك لأمريكا ورجع عندي بدا من جديد

نضال وقف لوطو جنب الطريق غلب عليه الألم في قلبو : بغيت نكذب عيني بغيت نوض من هاد الكابوس مقادرش ندير بحالك ونفرقها مكرهتش نمشي نقتلها ونظف شرفي لكن واش تقدر تقتل قلبك كنتي ديما معايا كنتمنى حتى هاد المرة تستامر في مهمتك

عثمان غمض عينيه بعصبية : نضال منقدرش نرج…………. سمع صوت إغلاق الاتصال عرفو قطع عليه ومباغي حتى عذر منو تنهد دفع لاطابل اللي كانت قدامو ولات كلها فتات كيحس براسو بين نارين

🔙🔙🔙🔙🔙🔙🔙

حل عينيه بتثاقل جسمو مهدود دور راسو شافو كالس وموجه نظراتو ليه ابتاسم من شوفتو كيعتابرو اكثر من أب ليه هو صندوق اسرارو لا في حياتو الشخصية ولا العملية نطق بصوت متعب : فقاش جيتي

عثمان : هذي 7 شهور وانا في المغرب كنت كنتسناك تفيق و نديك معايا نرجعو لأمريكا

نضال : متلاقيتيهاش؟

💘 أحببت شهيرا 💘
🦋بقلم لمياء الشادلي 🦋
❌البارت 70 ❌
✳️شهيرة ✳️

عثمان : لا لحسن حظي ونتا غدي تمشي معايا ولالا

نضال : مغدي نتفاك حتى نلقاها

عثمان : معيتيش مقادرش تستوعب أنها خانتك واش عارف هادشي ولالا واش عارف شنو كيعني

نضال تبدلو ملامحو للعصبية : مخانتنيش انا اللي تسرعت ومسمعتهاش شفت كاع تسجيلات دالكاميرات كلهم كيدلو على أنها بريئة مريم اللي عرفات تلعبها لكن غدي تخلص كلشي مضوبل

عثمان : وأنا لاش مرجعني منين نتا باغي تبقى هنا وتقلب عليها

نضال : في كلتا الحالتين كان غدي يجي النهار اللي ترجع فيه للمغرب

عثمان : انا هنا شاداني واحد الضيفة كنتسناها تضبط أمورها شي شهر ولا شهرين وغدي نرجع في هاد المدة يلاه معايا للقصر اللي في الرباط ترتاح تما وخليهم متابعين البحث عليها

نضال : وي بغيت نخوي عقلي ونرتب افكاري تسناني برا سير تفطر وأنا نبدل عليا ونلحق عليك نمشيو اليوم

عثمان حرك راسو بالإيجاب وخرج سد الباب تمشى في الكولوار دالمستشفى بمشيتو الرجولية و المعتادة هاز راسو للسما كاع الأنظار عليه بنات صغار كبار كلهم خدالهم العقل عندو هالة خاصة بيه يقدر يطيح بيها اي انثى جبد التليفون من بعد ما سمع صوت شي مساج دخل كيقراه مركز عليه نظرو حس بشي جسم تساطح معاه هز عينيه حس بيها غدي طيح شدها من خصرها منتابهش لوجها طلع راسو من جسمها لوجها بلوكا عينيه في عيونها لمجرد ما شافوه لمعو وهبطو منهم الدموع كدليل على شوقها

وعى على راسو طلقها وبعد : احم كنستأذن مدام هاد المرة شوفي قدامك باش ميوقعش نفس الفوط ودار عاطيها بالظهر

سمية : لهاد الدرجة حاقد عليا لهاد الدرجة برد قلبك من جيهتي وسمحلك تنكرني كأنك مكتعرفنيش

عثمان بقى على نفس وضعيتو عاطيها بالظهر : سمحيلي مدام معرفتش علاياش كتهضري كنستأذن نخليك

سمية دموع دارو خط على وجها كاع ذكرياتهم رجعولها : حقدتي على البلاد كاملة نسيتي كاع داكشي اللي دوزناه مفكرتي في حتى واحد لااا فيا ولا فينا ولا في…….. سكتات منين قاطعها دار عندها عينو حومر بالاعصاب

عثمان : مدام قلت لك مفهمتش علاياش كتهضري واش مكتفهميش العربية استسمح غدي نمشي كنتمنى متوليش تقاطعي طريقي

عطاها بالظهر وكمل طريقو مزير على يديه حط يدو على الكرافاط حلها حس بنفسو تقطعات وقف قدام باب المستشفى جبد سيكار شعلو وحطو في فمو كيحاول يتناسا لقاءهم

خرج من غرفتو لابس تريكو ابيض مزير مع سروال في الابيض وسبادرين نفس اللون مع كويرة في الموطارد الممرضات كلهم اللي كانو طلعت معاهم ريحتو اللي كانت مجهدة دورو راسهم جيهتو غير شافوه حطو يديهم على فمهم مصدومين من وجودو حتى واحد مكان عارف بأنه مضروب الغرفة كانت مشددة بالحراسة ممنوع على أي ممرضة دخل شافها واقفة قدامو حاطة يديها على وجها وكتبكي

نضال : سمية ؟

سمية دارت جيهتو مسحات دموعها مباغاش يشوفها في ديك الحالة : علاش خرجتي اولدي عاد فقتي مزال خاصك الراحة

نضال : مالك شنو عندك

سمية كتمسح دموعها : لا والو غير دخلاتلي شي حاجة لعيني

نضال :الكذوب معايا انا؟ تلاقيتيه ياك؟

سمية : شكون معرفتش علاياش كتهضر

💘 أحببت شهيرا 💘
🦋بقلم لمياء الشادلي 🦋
❌البارت 71 ❌
✳️شهيرة ✳️

نضال : سمية راك عارفاني مزياااان علاياش كنهضر مفهمتش منين نتي كتبغيه و دازت هاد السنين كاملة مزال منسيتيه علاش خنتيه كان كيعاملك بحال الملكة

سمية : نتا معارف والو كلكم كتصرفو بتهور بحالك بحال عمك كون سمعتي نورهان ومكذبتيهاش مكانتش ضيع من بين يديك

نضال خنزر فيها تجاهلها وخرج من المستشفى حاس بغلطو تأنيب الضمير معيشو المرار وهي كتحط الملحة على الجرح جبد التليفون دوز الخط جاوبو في الحين

نضال : تكون دبا في الديبو متقتلوهاش غير لعبو معاها حتى نجي

عثمان ابتسم : جا وقت العقاب

نضال : هي اللي قلبت على وجهي لاخر حاولت ندير بوجه الصداقة دسنين لكن تخطات الخطوط الحمراء

عثمان : مشينا؟

نضال : سبقني حتى نلحق عليك مزال عندي ميدار هنا

عثمان حرك راسو بالايجاب تمشى جيهة لوطو ديالو لاحلو الكارد السوارت طلع لوطو وكسيرا بسرعة

نازلة كتجري في الدروج تابعاه وكرشها سابقاها باغة غير تشدو تبرد فيه جنونها سخفها

نورهان : طاااااااارق عطيني تليفوني راه والله وشديتك ميفكك مني حد

طارق وقف طلع يدو الفوق مجننها : يلاه إلى شديتيه ديالك

نورهان : وحشومة عليك سخفيتيني مبقيتش فيك شوف غير كرشي قداش مقادراش حتى نتمشى

طارق ابتسم : مزيانة ليك الرياضة نيت تجيك الولدة ساهلة ….. هبط لعندها حط يديه على كرشها كيدوزها عليها……… ياك البطل تخرجلنا سبورتيف نوليو نتقاتلو انا وياك.

نورهان زربت عليه خطفاتلو التليفون من يديه : يلاه دبا تحاب نتا وياه اييييه بعد المرات ولدي كايخدم لصالحي

طارق : مبلانش هذا مشي لعب خليتيني تلاهيت معاه وديتيه

نورهان : مهم الذكاء كيربح وهاد المرة نهضر معامن ما بغيت متبقاش دخل

طارق خسر ملامحو باستهزاء : اععع واش هذاك يهضرو معاه الناس لاعلاقة كيليميني اللي حطو…… كيعيبو….. اووووه نورهان شحال غدي تجي زوينة ونتي أم غير قوليلي واش مكتحسيش بالرضان ونتي كتشوفي في داك الكمارة الحمد لله متعرفتيش عليه في يامات الوحم كون خرجلنا شي عنيبة

نورهان : وعاودها لراسك نهضر معامن ما بغيت مكيهمكش يااااااه بنادم كيداير كبر اصاحبي في عمرك 28 ومزال فيك التبرهيش

طارق خنزر فيها قاد الكوستيم ديالو ودار خارج : نمشي نخدم على وليداتي حسنلي منبقى نتشاد مع برهوشة بحالك مسالية

نورهان : نتا هو البرهوش

عثمان داخل مع الباب سمع هضرتهم ابتسم مكايساليوش من الدباز هذا هو حالهم من نهار جات لهاد القصر : شنو واقع هنا

نورهان مشات كتجري عندو وقفات حداه معنقة يدو وكتقلي السم لطارق : عميييي ولدك دالي التليفون ديالي وبلوكا عماد ولا كيدخلي في حياتي بلا قياس معرفت اش كيحساب ليه راسو

💘أحببت شهيرا 💘
🦋بقلم لمياء الشادلي 🦋
❌البارت 72 ❌
✳️شهيرة ✳️

طارق خنزر فيها : الواليد هضر معاها شوف كرشها واصلة لفمها وكتهضر مع العنابة تحترم غير داك الولد اللي في كرشها

نورهان حلات فمها فيه مصدومة غدي يحمقها معرفت منين خرجلها هاد المصيبة كيهضر كأنه هو بابات الولد : واش نتا تسطيتي كتجيني شي لعبة اللي شافك كتهضر هكا تقول نتا هو باه

عثمان خنزر في طارق ونطق بأمر: طااااارق خدمتك بعد منها تهضر معامن ما بغات هي حرة في حياتها

طارق شاف في نورهان اللي كتقليليه السم بعصبية وخرج كتعصبو تصرفاتها كيضرو خاطرو منين كيشوفها كتهضر مع الدراري بزااااااااف من نهار دخلت لقصرهم وشافها بديك الحالة حطها في مثابة ختو خصوصا منين عاوداتلو كلشي لكن مقالتلوش سمية بابات ولدها

عثمان جرها من يديها وكلسها حداه في الفوطوي ونطق : نورهان عارفة أن هادشي اللي كديري فيه غلط؟

نورهان : ولكن اعمي شنو درت

عثمان : عارفة انه مخاصش تخبي على بابات ولدك بحملك وفي هاد الفترة لو كنتي فعلا مطلقة كان حسن تكملي العدة ديالك عند طليقك وحتى إلى كنتي مبغيتيش كان من الضروري تقوليلو انك حاملة مشي تهزي راسك وتزيدي

نورهان زيرت على يديها معاوداتلوش القصة كاملة : عمي عائلتو كاملة عارفة بحملي فكيفاش هو مغديش يعرف وزايدون هو اللي تخلى عليا فضل وحداخرا عليا

عثمان : متنسايش انه نتي مزال في العدة ديالك واحتراما ليه مخاصش تهضري مع رجال آخرين وتعطيهم آمال طارق كيقولك الحقيقة مبغيتش نحرجك ابنتي قدامو ولكن هادشي اللي كديري فيه غلط نهار تولدي ديك الساعة نتي حرة مكاينش اللي يحاسبك فهمتيني ابنتي

نورهان هبطات راسها بتوتر مقادراش تقولو على حقيقة زواجها قاطعها منين حط يديه على كتافها

عثمان شافها توترات قلب الموضوع : راجع معاك طارق؟

نورهان : اه فهمني كاع العلاقات ديال الدروس دالفيزيك والكيمياء وحتى الماط فهمولي مزيان بقالي العلوم هذيك نقدر نغلب عليها بالحفاظة بقاتلي غير المنهجية ديال التفسير والتحليل والاستنتاج كفاش نطبق هاد المراحل هما اللي واحلة فيهم

عثمان : ندوش ونجي نشرحلك وزيري راسك بقاتلك سيمانة ودوزي

نورهان : ونتا اعمي مزال عاقل زعما غدي تكون نسيتي الدروس

عثمان رجعات بيه الذاكرة لور : منسيتش وعمرني نسا خصوصا هاد المادة

نورهان : ههههه وخا

عثمان تمشى ناحية المصعد ناوي يطلع تفكر شي حاجة ودار عندها : نتي مزال مسجلة على الليسي القديم ومبغيتينيش نقيدك هنا كاع دروسك قريتيهم غير في الدار نديرلك انتقال ولا ندخل يرجعو سميتك على حساب هاد المدينة

نورهان تنهدات حركات راسها بالنفي : لا مشي مشكل غدي نرجع ندوز في كازا

عثمان : متأكدة؟

نورهان : وي وليت قوية ووليت قادرة نرجع لديك المدينة وانا هازة راسي للفوق

عثمان ابتسم : بيرفكت يلاه طلعي لبيرو جيبي اللي غدي تحتاجي وتسنايني

نورهان وقفت وتوجهت لعندو عنقاتو مزيرة عليه : كنشكر ربي حيت لاقاني بيك كون كان شي حد آخر كان غدي يستاغلني مقابل مساعدتو ليا ولكن نتا حسبتيني بحال بنتك ووفرتي ليا كاع اللي بغيت كون كان بابا عايش منظنش كان غدي يدير هادشي اللي كدير معايا

عثمان بعدها عليه وشد وجها بين يديه: بالنسبة ليا نتي بحال طارق وانا بحال باباك ولو كان عايش كان غدي يكون فخور ببنت بحالك وانا مزال عند عرضي إلى مبغيتيش تبقاي هنا غير دوزي الباك ونديك تعيشي معايا تكملي قرايتك في أمريكا والولد غدي يعيش وسط منا كأنه وسط عائلتو

نورهان هبطاتلها دمعة مسحاتها بالزربة كترتاح بزااااااااف لعثمان كيعجبوها تصرفاتو معاها رغم مللاحظتها لمعاملتو القاصحة مع الناس إلا أنها كتعجبها شخصيتو : ندوز الباك إلى نجحت نفكر في الأمر

عثمان : اك طلعي ديري داكشي اللي قلتلك

💘أحببت شهيرا 💘
🦋بقلم لمياء الشادلي 🦋
❌البارت 73 ❌
✳️شهيرة ✳️

متكي حاط يديه خلف راسو كيشوف في السما وكيفكر من نهار مات باه وهو على هاد الحالة فقد أعز الناس ليه الشخص اللي كان كيتشارك معاه الصغيرة والكبيرة كانت صعيبة عليه بزااااااااف 6 شهور مزال مقدر ينساه كيحس براسو ولد صغير مزال محتاج لحنان باه دقات في الباب ودخلت عندو بملابسها الراقية والابتسامة على وجها كتحاول ما أمكن تخفف عليه

رجاء : ولدي هادشي اللي كدير فيه مغدي ينفعك في والو باك مشا ونتا هو الراجل ديال الدار نتا اللي عوالة عليك إلى كنتي نتا في هاد الحالة كفاش بغيتي حالتي تكون

سعد : نتي عارفة معزتو عندي مزال مقادرش نتيق أنه مشى داك الليلة خليتو بيخير الطبيب قال أنه بيخيير مواقعلو والو رجعت لقيتو مشى مزال مبغات دخل لعقلي

رجاء : ولدي هكا كتعذب باك في قبرو وكتعذب حتى راسك معاه وداك البنت اللي معلقها معاك مشي حشومة مخليها ما هي من المزوجين ما هي من المطلقين مشي حيت ساكتالك دير فيها مبغيتي راه اتبقى صابرالك في التالي غدي تجي تطلب بفسخ الخطوبة وغدي ضيعها من بين يديك

سعد زير على يديه نطق وهو كيشوف في السقف : نتوقعها منها ونتوقع منها تفسخها بدون حتى متعلمني تكون تزوجات وانا مفخباري والو مبقيتش كنتيق فيها

رجاء : مشي حشومة عليك تقول عليها هادشي هكا راك كظلمها

سعد : 6 شهور مشفت كمارتها 6 شهور وانا غابر وهي مكلفاتش راسها حتى تسول ديما كرامتها كرامتها كرامتها قهراتني

رجاء : واش اللي النهار كامل وهو ساد عليه في جناحو غدي يعرف بشنو داير بيه نوض نزل عندها

سعد ناض مفزوع : فين هي ؟

رجاء ابتسمت عارفاها هي بوحدها اللي تقدر تخرج ولدها من هاد الحالة عيات فيه يمشي لطبيب حالتو كتدل على حاجة وحدة أنه داخل في اكتئاب : راها كتسناك التحت

سعد حرك راسو بالايجاب ناض توجه للدوش دار حمام صباحي يحيد بيه الإرهاق اللي كيحس بيه خرج بالفوطة ناحية الدريسينغ هز سروال في الأبيض مع تيشورت مزير وسبادرين في لون الأسود قاد تسريحة شعرو هز ساعة يدوية لبسها وجبد ريحتو رشها كانت آخر لمسة خرج من جناحو هبط في الدروج كيشوف فيها عاطياه بالظهر وكتهضر مع مو

فاتي شمات ريحتو سمعات خطاويه تأكدت من حضورو تنهدت شحال توحشاتو دازو عليها 6 شهور دالجحيم جات زوج مرات الاولى مكانتش كتلقاه كان في البرازيل من بعد مولاتش جات عندو مكانتش عارفة اصلا بوفاة باه يلاه سمعاتها اليوم من عند جارات قدامين ليهم دارت عندو كتفحصو بعينيها تبدل على اللي كان لحيتو كثيفة لكن عطاتو جاذبية اكثر قربات لعندو كتحس بقلبها كيضرب بقوة وقفات قدامو ودموعها كيطيحو بدون تردد تلاحت عليه كتبكي ومزيرة عليه بحالي خايفاه يهرب

رجاء انساحبات خلاتهم ياخذو راحتهم بينما سعد بادل فاتي بالعناق ودوز يديه على شعرها : شت متبكيش دموعك غاليين حبيبتي

فاتي : 6 شهور دازت جحيم عليا مقدرتش نصبر على فراقك متوليش تخليني نقدر نموت مفيهاش

سعد : شت مغديش نخليك….. بعدها عليه وحظن وجها بين يديه……. ضعافيتي واش مريضة

فاتي حنات راسها : من نهار جيت لهنا باش نهضر معاك ونعتاذر منك وقاتلي ماماك مشيتي للبرازيل من تما وانا سادة على راسي حتى لليسي كنمشيلو بالسيف لولا إلحاح ماما مبقات كدوزلي لا ماكلة لا والو حتى النعاس مكنتش كنقدر نعس

سعد : غدي نعوضك على كلشي غدي نتغلبو على هادشي ونعيشو حياتنا من جديد

فاتي حركات راسها بالإيجاب والابتسامة على وجها قربها لعندو اكثر ونزل راسو لعندها حط شفايفو على شفايفها كيقبل فيها بشوق توحش يشوفها جنبو ويشوف ابتسامة الخجل اللي مكانتش كتفارقها

💘أحببت شهيرا 💘
🦋بقلم لمياء الشادلي 🦋
❌البارت 74 ❌
✳️شهيرة ✳️

كالس كيشرب قهوتو الصباحية والتليفون في يدو كيكتاشف خبايا عالم البورصة قاطع صمتو صوتها هابطة عندو كتجري والضحكة على وجها مكتفارقهاش دار لعندها مستغرب منها جرها لعندو جلسها عندو وكيرجع شعرها خلف اذنها

رضى : شنو سبب فرحتك

لينا كتنطق والهضرة كتهربلها بالفرحة وراتو داكشي اللي هازة في يديها ومزال الابتسامة مفارقتش محياها : رضى غدي يتزاد عندنا حتى حنا ولد ولا بنت شوف انا حاملة طالعين زوج شرطات متصورش شحال فرحانة

رضى وقف عنقها كيضور بيها في وسط الفيلة : حلفي متأكدة انه هادشي صحيح بصح غدي نولي اب….. هزها بين يديها وهي محاوطة عنقو بيديها معارفاش فين دايها…… غدي نمشيو دبا نتأكدو مكنتيقش في هاد الاختبارات

لينا مبتاااااااسمة: انا متأكدة هاد الايام كلها وانا كنحس بالدوخة وكنرد ميمكنش يكون هادشي عادي

رضى كيداعب انفها بنيفو : مكاين مشكل نحيدو الشك اااااااه شحااااااال كنبغييييك احسن حاجة طرات في حياتي هي نتي

لينا زيرت عليه عاجبها الحال : انا كنبغيك اضعاف حبك ليا متصورش شحال كنحماق عليك منقدرش نعيش بلى بيك

رضى تنهد : غدي تسطيني ابرهوشتي

دخل لديبو دارلهم إشارة بيدو كلهم خرجو وخلاوه معاها وقف قدامها كان وجها كامل عامر طبايع وآثار للضرب المبرح اللي تعرضاتلو حط يدو تحت ذقنها طلع راسها

نضال : تهلاو فيك رجالي ضريفين مساكن كيبغيو يكرمو الضيف

مريم الدموع تحجرو في عينيها : حشومة عليك نسيتي كاع داكشي اللي دوزنا دير على وجه الطفولة وطلقني نمشي فحالي

نضال نزل عليها بتصرفيقة حارة رعفها جرها من شعرها : ونتي مفكرتيش في الطفولة قبل متفكري بداك العقل الموسخ اللي عندك

مريم : حيت كنبغيييييك والله حبك عماني خليني نمشي متوليش تشوف وجهي

نضال : امثالك مكيتوبوش مغديش نحط عليك يدي اكثر ولكن عندي ليك مفاجأة من النوع اللي كيعجبك

نضال صفر ظهرو قدامو 3 دلي كارد قدهم قداش كيعادلوه في بنيتو الجسمانية دار شاف فيهم : جبتلكم باش دوزو هاد الليلة وقولو البوص مكيتهلاش فيكم…… نزل لمستواها جرها من شعرها ونطق بحقد…….. تبعتيني نبردك ها هما غدي ينفذوك طلبك انا مناعسش على راسي كاع داكشي اللي كايدور في بالك وداكشي اللي خططتيلو كلو عرفتو

وقف وعطاها بالظهر خارج من تما ولا كاره يشوف في وجها سمع نداءها باسمو كطلب مسامحتو لكن طاحت مع وحش مكيرحمش مكانش عليها تلعب مع واحد بحالو

سمع التليفون كيصوني شاف السمية جاوب بدون تردد : كاين شي جديد

الشخص : سيدي مزال ملقيناهاش ولكن تأكدنا أنها مكايناش في كازا ومخرجاتش على المغرب وزعنا الفريق على باقي مدن المغرب

نضال تنهد : عندك 48 ساعة نسمع خبارها وإلا راك عارف شنو تابعاك

الشخص : أمرك سيدي

قطع عليه وركب في لوطو ديالو متاجه نحو مدينة الرباط باغي يرتاح كان متردد ولكن منين تأكد انها مكايناش في كازا فمبقالو ميدير تما

💘أحببت شهيرا 💘
🦋بقلم لمياء الشادلي 🦋
❌البارت 75 ❌
✳️شهيرة ✳️

دقات في المكتب أذنلها بالدخول دخلت هازة مجموعة من المطبوعات حطاتهم قدامو كلست على الفوطوي بصعوبة متقلة بكرشها ونطقت : اييي انا مفهمت والو في هادشي ديك المنهجية غدي تحمقني مفهمتش انا كنقيل نكتب وفي التالي كيقولك لا مشي نص علمي سليم معرفت اش بغاوني نصنع

عثمان : النهار كامل والاساتذة دايرين جهدهم معاك قربو يخرجو عندك من الپيسي كيسولوك واش فهمتي كتجاوبي بكل ثقة انك فاهمة وفي التالي كتمشي عند طارق يعاودلك من الاول

نورهان : وعمي اش ندير دماغي ثقيل نتمنى ولدي ميخرجليش يخرج لباه في داك الذكاء الخارق اللي عندو

عثمان : امممم باه كيبانلي نتي غير كتحاولي تناساي اما باه ساكن في عقلك وقلبك معرفتش علاش مبغيتيش تعطيني سميتو نحاول نصلح الوضع

نورهان رجعات شعرها خلف اذنها وساطت بشنايفها : مبقى ميتصلح بيناتنا كلها وشد طريقو انا وياه خطان متوازيان عمرنا نتلاقاو او طرقانا تقاطع

عثمان سهى في حركتها رجعات بيه الذاكرة اللور لنفس الوضعية مبدلة غير الشخصية اللي قدامو والزمن

❌❌قبل 22 سنة❌❌

خرج من الدريسينغ لابس غير شورط والفوق عريان تلاح فوق الناموسية عيان كانت عندو عملية طويلة وخطيرة في اي لحظة كان ممكن يفقد المريض حس بالباب تحل صعر هز مخدة حطها على وذنيه محاملش يسمع الصداع خصوصا من بعدما حس بالضو تشعل

عثمان بدون مينوض : سعاد عارفاني مكنحملش اللي يدخل عندي للجناح وخصوصا وانا ناعس دبا تحركي خرجي وسدي الباب وراك

مسمع حتى شي رد حيد المخدة لاحها وناض صاعر دور وجهو ناحيتها تصدم خصوصا بعدما شاف وجها حمر والدموع هابطين : سمية ؟ مالك كتبكي

سمية مهبطة راسها ويديها كيرعدو مجاوباتو بحتى حرف

عثمان تنهد عرف بيها شي حاجة : قربي لعندي

بدون تردد قربات لعندو وعاصرة على كتوباتها بين يديها جرها بالزربة وكلسها عندو حط يدو على خذوذها كيمسح دموعها وكيتفحصها بنظرة كلها عشق وحب

عثمان : مال حبيبتي كتبكي شنو اللي خلى هاد الدموع يطيحو شكون هذا اللي قلقك قوليهالي دبا نقتلو

سمية شافت فيه برعب كيخلعها بهضرتو ديما كيهضر غير بالقتيلة

عثمان حس بيها خافت حاول يهدنها : شنو عندك

سمية حنات راسها ونطقت عاضة على شفايفها : بقاتلي يومين على الوطني وانا مفاهماش العلوم ومعارفاش حتى كيف ندير نجاوب حياتي غدي ضيع إلى منجحتش كل حلمي نشد حتى انا الباك ونكمل قرايتي وخا كنخدم مهم نضمن مستقبلي

عثمان : صافي؟ هادشي اللي مبكيلي حبيبتي؟ قوليلي شنو مفاهماش نشرحلك

سمية : معرفاش المنهجية اللي نقدر نحلل بيها الوثائق وهي اللي كتعتامد عليها العلوم كاملة وخا حفظت لكن إلى مكنتش فاهمة ومعارفاش طريقة استخدامها مغديش نجح وانا باغة نجيب نقطة زوينة ونقرا الطب مور الباك ونولي حتى انا طبيبة ناجحة بحالك

عثمان ضحك حتى بانو سنيناتو البويض والمستفين : اممم اك شكون جابك بعدا

سمية : موسيو أنور جا يشوف سيدي كريم وقتلو نمشي معاه إلى حتاج شي حاجة

عثمان تحولو نظراتو للغضب وعينيه ولاو حومر : عاودي شنو قلتي؟

سمية ناضت من عندو مخلوعة من ملامحو اللي تبدلت : مالك واش درت شي حاجة غالطة انا درت هكاك غير باش نجي نشوفك

عثمان وقف قرب لعندها بينما هي كتبعد حاصرها مع الحيط مبقالها مفر حنات راسها وغطات وجها تفاديا لشي دقة عارفة يديه سابقاه

Leave a comment