Skip links

قصة : أحببت شهيرا 2

 7,986 عدد مشاهداات

💘أحببت شهيرا 💘
🦋بقلم لمياء الشادلي 🦋
❌البارت26 ❌
✳️شهيرة✳️

فلاش بلاك

قطع عليها محاملش راسو كيحس بقلبو كيتقطع كيشوف محبوبتو كتمشي من بين يديه وهو مقادر يدير والو عندو الدكتورة في الهندسة المعمارية وحتى شركة مقبلاتو فعلا الظلم في هاد البلاد كلشي كيطلب الخبرة وهو معندوش حتى الوقت فين يسطاجي كيفاش غدي يصرف عليها لبس كيطما دار الكاسكيط وخرج معصب وقف قدام الباب مصدوم

سعد: اش كدير هنا جاي تكمل على ما بديتي دبا راه بريت دقا فيا ودقا فيك

نضال داير النظارات دالشمس ولابس حتى هو كيطمة كيووووت كلها في الكحل وداير الكاسكيط في الأبيض مع صبادرين في نفس اللون : طلع

سعد مفهم والو طلع في لوطو بينما نضال كسيرا دقائق صمت حتى توقف نضال حدا واحد الحافة : دبا نزل

نزلو بزوج وسعد كيشوف معرفش شنو باغي منو

نضال : كنعرف عليك راجل وضحي بكلشي على الناس اللي كتبغي لكن الفعلة اللي درتي مشي دالرجال خليتيها على قبل ماهو مادي هادشي كيعني أنك غدي تخليها إلى لاطرا مشكل بسيط إذن علاقتكم مترابطة بخيط ضعيف يقدر في أي لحظة يتقطع.

سعد غوت عصباتو البرودة ديال نضال : شنو بغيتيني ندير نهرب معاها نخطفها باش متزوجش بيه نتا معارفش عائلتها يقتلوها على قبل الفلوس وميقبلوهاش تزوج بيا نتا كيحساب لك كلشي عايش الرفاهية بحالك كيحسابلك كلشي كيلقاها باردة كيحسابلك كلشي كيدخل الملاير كل نهار بحالك انا لااااااااا فهمتي لااااااا حتى شركة مقبلاتني احقا شنو معندكش خبرة معندكش هذي الوالدة كتخرج تخدم وتقولي راني نموت إلى بقيت في الدار غير باش منحسش بالنقص ونقولها وقفي ولكن معرفتش علاش كنقول هادشي لواحد بحالك اكيد ممجربش هادشي مغديش تحسش

نضال :خلينا من هادشي كامل…… جبد زوج سوارت من جيبو لاحلو ساروت……….. هذا ديال الفيلا ديالك الجديدة……. ضغط على الساروت لاخر اللي كان مختالف على الآخر شعلت لوطو من نوع البورش حداهم………. وهذا ديال لوطو ديالك الجديدة فيها لوكاليزاسيون ديال الفيلا ديالك………. جبد من جيبو كارط وبادج فيه تصويرة ديال سعد والمعلومات ديالو لاحهوملو……… هذاك البادج ديالك من اليوم وليتي عضو في شركة الوزاني للهندسة المعمارية والتصميم والكارط اليوم بالليل غدي توصلك مليار للحساب ديالك غدي نعطيك الكود اكيد من بعدما توافق

سعد مصدوم من هادشي كامل : شنو بغيتي مني

نضال : اليوم غدي يتصدر نوع جديد ديال السلاح لروسيا نتا اللي غدي تكون على رأس هاد المهمة غدي تنقل السلعة في البواخر من هنا ساعتين غدي تبدا وفي الفجر اتكون في المغرب

سعد : باش عرفتيني مغديش نبلغ بيك

نضال : بفففف كيحسابلي ذكي بزااااااااف الساعة مزال خاصك تدرب شكون انا؟ نضال الوزاني يعني أي حاجة كدوز على يدي و كنعرف شكون الغدار وشكون لااااا وبالمنااااسبة منظنش تقدر ضحي بختك ولا والديك

سعد : قابل

نضال : دبا مزيان هكا غدي تقدر تحارب على الحب ديالك

سعد : وخا هادشي كامل والديها عطاو الكلمة لداك الشارف

نضال : حتى يكون باقي شي شارف دار اكسيدون هاد الساعة هو بين الحياة والموت محالش يصبح

سعد : طلعتي خطييييييير ينخاف منك خاص نوصي نورهان

نضال : متخلينيش نقلب هادشي كامل ونلغي مها هاد المهمة كاملة نقلبوها حنا كاع كومبة كنحذرك تولي تجبدها

سعد : ياك عاد قلتي ختي كتقلب كي الزمان

نضال نطق وهو متجه لوطو ديالو : باها براسو كون كان باقي عايش مكنتش نخليه يقرب منها

سعد اتجه لوطو ديالو ديماراو قد قد ولاو في نفس الخط هبط نضال الزاج ولاح لسعد الباسبور : كلشي عندك في لوطو الكود د الحساب ديالك وجميع المعلومات على المهمة

🔙🔙🔙🔙

فاقت راسها كيحرقها كتدور عينيها في الجناح كتحاول تفكر شنو وقع بقات نص ساعة وهي جالسة في الفراش قاطعها صوت الدقان

نورهان : دخل

دخلت سعاد هازة بلاطو فيه الغذاء مع كاس د العصير دليمون حطاتو حداها

نورهان : خالتي كفاش جيت لهنا وشنو وقع

سعاد : والله ابنتي معرفت اللي عارفة جابك السي نضال وكنتي سخفانة

نورهان عاد سرات معاها وتفكرت شنو وقع زيرت على يديها نطقت بهمس غير مسموع: القتال الآخر مفهمش انا هذا كيف كيدير مكيتشدش بالحق والله لابقات فيه

ناضت من بلاصتها والدوخة فيها كلات شوية من داك الغذا شهيتها تسدات هبطات على ذاك الكاس دالعصير بعد إلحاح سعاد عليها

سعاد كبات الما وعطاتها الدوا :شربي هذا السي نضال منين خرج أكد عليا نشربولك

نورهان تنهدات خذاتو من عندها دارتو في فمها وهبطات على الكاس دالما : صافي اخالتي كاين شي حاجة آخرى اوى خليني نخرج

سعاد : معندك فين تخرجي ابنتي السي نضال مغديش يبغي

أحببت شهيرا 💘
🦋بقلم لمياء الشادلي 🦋
❌البارت 27❌
✳️شهيرة✳️

نورهان : هاء اخالتي وراه قلتهالو متخافيش خلاني مغديش يغوت عليك..

سعاد بشك : متأكدة؟

نورهان : وخالتي هادشي فيه اللعب يلاه بسلامة…… لبست صبادرين ديالها وخرجات بالجري لقات لوطو من نوع رونج روفر موقفة قدام الباب محلولة ابتسمت بشر ركبت فيها وكسيرات فرحانة مولفة تشفر لوطو دخالها في العروبية وتسوكها من تما وهي مدربة على السوكان وخا كانت دخلاتهالو واحد المرة في الحيط وعاق بها إلا وانها مستسلمتش وكانت ديما كتخليهم ينعسو و تنوض تدرب دويرة وتولي ترجعها مع الفجر

فرانات قدام مركز الشرطة دخلت كلشي كيشوف فيها بإعجاب نسات راسها بأنها مزالة بالكسوة دالصباح مزيرة عليها كتبين جميع مفاصلها وقفت قدام السيكيغيطي

نورهان : بغيت نشوف العميد

السيكيغيطي : غير اجي وشوف العميد يحسابلك هذي سويقة

نورهان : دخل قولو عندي ليك خبار صحيحة على نضال الوزاني……. كملت كلامها بغمزة خلاتو مدهشر دخل بلا ميحس لعند العميد علمو بداكشي اللي قالت وطلب منو يدخلها

نورهان دخلت لقات شاب في العشرينات يكون عندو ديك 26 سنة

العميد : قلتي عندك خبار صحيحة يلاه نطقي اش عندك وإلى كانت شي حاجة بايخة انهبطك تكلاساي ونوريك تضياع الوقت كيداير

نورهان ابتسمت بشر : كالما كالما العملية غدي تنفذ اليوم

العميد: وكفاش نقدر نتيق انك مكتكذبيش عليا ومكضعيش ليا الوقت

نورهان جبدت ورقة من الجيب دالغوب ووراتهالو

العميد : كفاااااش نتي مراتو وكتبلغي بيه

نورهان غمزاتو: كنظن مكاينش دليل اكثر من هذا

العميد : معندكش معلومات على العملية

نورهان : دبا هو في البواط اللي كيكون فيها ديما معرفتش بالضبط مسمعتوش نطق سميتها راقبوه وغدي تعرفو كلشي

العميد : طلعتي ذكية بحالو إلى لقيتك كتفلاي علينا غدي نعتاقلوك دبا معلوماتك كاملين عندنا

نورهان: الى كنتو موالفين الكذوب مشي كلشي بحالكم…….. خرجات من المكتب ورجعات ركبت في لوطو وكسيرات نحو المجهول

سمعت التليفون صونا جاوبات بعصبية: شنو بغيتي مزال داكشي اللي طلبتي نفذتو إلى مطلقتيهاش انا اللي غدي نقتلك

أمير : كالما كالما مدام الوزاني عجباتني الطريقة ديال التواصل ديالك مع العميد يصلاحلك نخدمك معايا ااااااه نسيت نتي مرتو اكيد غدي تولي بحالو

نورهان : قلتلك طلقها وقيلوني عليكم شويا حياتي ولات دراما من نهار عرفتك وبعدو مني شويا بغيتو نضال سيرو عندو نيشان علاش كنبالكم غير انا

أمير : حيت نتي هي حبيبة قلبو نتي اللي ميقدرش يضحي بيك في كلشي كيفكر بذكاء إلا نتي بوحدك اللي تقدري تخليه مسطريسي

نورهان هبطاتلها دمعة من عينيها : الله ياخذ فيك الحق ياربي هادشي كامل اللي كدوزو عليا يجيب ربي اللي يدوزو عليك يا ربي حتى نتا يوقع للبنت اللي كتبغي نفس داكشي اللي كديرلي دبا

أمير : تلاحي الزين بالمناسبة مغديش نطلقوها حتى توصلنا اخبار اعتقالو في ديك الوقت غدي نصيفطلك لوكاليزاسيون دبا تلاحي

💘أحببت شهيرا 💘
🦋بقلم لمياء الشادلي 🦋
❌البارت 28❌
✳️شهيرة ✳️

فرانات قدام البحر خرجات من لوطو حيدات صبادرين ديالها ودخلات في وسط الرملة حبست قبل ما توصل للرملة الفازكة كلست وحطات صبادرين حداها طلعت راسها للسما وكتذرف دموع من عينيها هنا سالة جهدها كتحس بقلبها كيتقطع تأنيب الظمير تمكن منها ولات حايرة معارفا لا شنو الصحيح ولا الخاطئ سمعت التليفون كيصوني شافت السمية جاوبات كتسناها تهضر

فاتي : نورهان فين نتي

نورهان : علاش كتسولي مافيا ميهضر في الخوا افاتي معنديش الخاطر

فاتي : نورهان حاجة مهمة والله خاصني نتأكد من شي حاجة عفاك صيفطيلي فين كاينة نتي خاصنا ضروري نتلاقاو

نورهان : اك انا انصيفطلك……… قطعات عليها صيفطت ليها لوكاليزاسيون وحطات راسها على ركابيها كتصنت لجرحها اللي محال يبرا كيتسد واحد كيتفتح واحد جديد

حسات بخيالها طلعت راسها جات عينيها في يديها ابتسمت بحزن : مبروووووك عليكم تخطبتو واش على هادشي جيتي

فاتي كلسات حداها : نورهان بغيت نسولك اختي شركة الوزاني للهندسة المعمارية والتصميم واش ديال نضال

نورهان : اه علاش كتسولي

فاتي : نورهان اليوم كانت الخطبة ديالي من سعد ياك وحسيت بشي حاجة مشي هي هذيك نتي عارفة سعد كان دافع لبزااااف دالشركات وحتى وحدة مردات عليه وبعضهم رفضو بحكم الخبرة مكايناش لكن البارح جبد البادج ديالو اللي كيدل على أنه مرسم رئيس المهندسين في شركة الوزاني للهندسة المعمارية والتصميم ومن غير هادشي بين ليلة ونهار ولات عندو الفيلة والطموبيل من النوع الغالي نسيت سمية داك النوع وقيلة البورش اه البورش وزيد على هادشي عطاني 100 مليون في الصداق هادشي مبغاش يدخلي لعقلي شنو بانلك

نورهان كتسمعلها وقلبها كيضرب بالخلعة ناضت مفزوعة : لااااااااااااا ميمكنش شنو درت غدي يتآذاو دبا زوج دالاشخاص لاااااااا يا ربي غامرت بحبيبي في مقابل نقد ماما دبا ميمكنش نضحي براجلي وخويا…………. شدات في يدين فاتي كتعرعد…… عاونيني افاتي خاصنا نديرو شي حاجة إلى نقذتهم غدي يقتلو ماما وإلى منقذتهمش غدي يدخلو بزوجهم للحبس

فاتي : شنو كتخربقي مفهمت والو شكون راجلك وكفاش خوك وراجلك غدي يدخلو للحبس ومال خالتي سمية

نورهان : نضال افاتي نضال غدي يمشي فيها هو وسعد كان كيحسابلي داخل بوحدو في هادشي لكن حتى سعد داخل معاه.

فاتي : كفااااااااااش من ايمتا ونتي مزوجة وشنو هادشي اللي داخلين فيه

نورهان : فاتي نضال رئيس أكبر مافيا لتصدير السلاح اعداؤو خطفولي ماما باش نجيب اخبارو ونبلغ بيه للبوليس ويطلقوها وأنا اكيد مبغيتش نخسر ماما وخا كنبغييه ماما هي اللي تعذبت عليا كفاش نسمح فيها على قبلو مقدرتش نفضلو عليها انا عارفاه قاد براسو لكن هي مغديش تقدر واليوم غدي ينفذو واحد العملية أكيد غدي يكون داخل فيها حتى سعد والبوليس دبا أيكونو عارفين بالخطة.

فاتي طاحو دموعها : كفاااااااش……… نترات يديها من نورهان كتغوت……….. حتى كنقول حياتي تقادات وكتولي تخرب من جيهة أخرى…… كتدفع فيها وكتغوت…….. نتي السباب ونتي اللي غدي تلقاي الحل إلى مشات حتى وقعات شي حاجة لسعد عمري نسامحك كتفهمي عمري نسامحك…….. سمحات فيها وخلاتها واقفة كتشوف في الفراغ معارفاش شنو دير هزات صبادرين ديالها غادرت الرملة لبساتها وركبات في لوطو ديالها متاجهة للقصر وعينيها كيبريو بالدموع كأنهم ألماس وقفت قدام البوابة الرئيسية لي كارد قشعو حدا البلاكة دلوطو NW فتحو بلى ميتردو كسيرات مسافة 5 دقائق بحكم الطريق ما بين الباب الرئيسي والبوابة الداخلية نزلت من لوطو دخلت لقات الخدامات في الكويزين مشغولين طلعت للجناح معرفاتش كيفاش دير دخل دفعاتو مبغاش يتحل قشعت ديك اللوحة الإلكترونية حطات صبعها عليها تفتح الباب دخلت لقاتو لابس جاكيط في الأصفر من تحتها شوميز في الأسود مع سروال دجين مقطع من الركبة و صبادرين في نفس اللون الاسود توجه للدريسينغ وهي تابعاه بلا مادير الحس حل البلاكار تحنا لواحد الكوفر دخل الكود وهي كتطل بالشوية كتحفظ الكود هز منو السلاح حطو في جيبو ولا سدو قبل مايدور طارت خارجة كتجري من الدريسينغ كلست في الناموسية تسناتو خرج دار خنزر فيها وخرج مهضرها مكلمها حنات راسها بحزن متنكرش أنه شحال من مرة حماها ديما دايرلها القيمة مع الناس وهي مقادراش دير حتى محاولة باش تحميه

💘أحببت شهيرا 💘
🦋بقلم لمياء الشادلي 🦋
❌البارت 29❌
✳️شهيرة ✳️

من بعد ما خرج ركب في لوطو ديالو معصب كيكره اللي كيستغباه كسيرا بسرعة للوجهة ديالو وقف حدا الغابة نزل من لوطو لاحلو واحد من لي كارد ديالو سوارت ديال طوموبيل آخرة مفيهاش العلامة ديالو كمل طريقو فرانة قدام المطار هز كمامة وكاسكيط ونظارات في الأسود كاملين دارهم دار القب نزل من لوطو دخل من الباب الرئيسي بدون ميتبعوه الكارد تمشى في كولوار خاوي غير اللي كيمشيو فيه المسافرين وقف قدام واحد الباب دخل الكود تحل الباب دخل منو تسد موراه الباب اوطوماتيكمون خرج في واحد الساحة كبيييييرة كان بدا كيظلام الحال لقى سعد كيتسناه

سعد : تعطلتي صدرنا العشر طائرات الأولى بقاو عشرة آخرين آخر طيارة غدي نمشي فيها

نضال : مزيان فين هي

سعد : راهاا في لاباغطومون الجديدة ومعاها الطبيبة قالت أنه خاصها بزااااااااف د الفحوصات بالأشعة حيت حالتها كتبان مشي نورمال

نضال : اهاه وعلمتيهم يجيبولها المعدات

سعد : مريم تكلفت بكلشي من هنا ساعتين غدي ترد عليا

نضال : مزيان يلاه سير وراقب الأوضاع لا يوقع شي مشكل

سعد : فاتي أمانة عندك

نضال : كنظن انه غدا غدي تكون هنا بلا هاد الدراما الخاوية

سعد : وخا هكاك كتبقى حياتي في خطر………… ركب في آخر طائرة كانت غدي تقلع وهكا انتهت الخطوة الأولى من العملية في المغرب و الخطوة الأخيرة غدي يقوم بيها سعد في البرازيل

دار ناوي يخرج لقاها قدامو واقفة كترجف والدموع في طرف عينيها : أشنو كديري هنا

وقفات قدامو شدات وجهو بين يديها : نضال سمحلي بزااااااااف سمحلي مكانش كان عندي حل من غير هذا انا غدرتك انا ب…………….. قاطع كلامها صوت لي هليكوبتر اللي حاصرو المطار وبدا الرصاص كيتساقط بحال المطر جرها زدحها على الباب وغطاها بجسمو واقف قدامها باش متقاصش لي كارد النص فيهم مقتول والنص مزال كيقاوم هز يدو باش يدخل الكود يخرجها تضربات يدو بالرصاص

نضال : ميييييغد…… جبد التليفون باليد الآخرى ركب كارط جديدة صونا على شي نمرة جاوباتو في الحين………. رضى صيفط لي هيليكوبتر للمطار بغيت خلية تكون كظم 200 شخص

رضى : 2 دقائق يكونو عندك.

قطع عليه رجع التليفون لجيبو وجبد سلاحو دار عندها لقى هيليكوبتر طاحت والنص دالاشخاص ماتو داخلها اما الباقي كلو جرحى بينما هي هازة سلاح كتركب الرصاص وكتيري في واحد بواحد دور عينيه كيسكاني المكان قشع واحد موجه سلاحو اتجاها بدون تردد تيرا فيه جابهالو في الراس نيشان وخا يدو مضروبة كان متمكن من القبضة دالسلاح
ثواني وكانو مجموعة دلي هليكوبتر حطو على ساحة المطر في هاد اللحظة نضال جر نورهان ركب الكود تحل الباب وخرج خلا رجالو يكملو المهمة حل لوطو لاحها فيها وركب في جيهة السائق

نورهان : نضال يدك كتنزف بزااااااااف خليني انا نسوك

نضال حاط راسو على الكرسي هز اليد اللي ممضروباش على الشوميز باغي يحلها كيحس براسو مخنوق النفس مبقاتش كتدخل لصدرو: حسك منسمعوش

شافتو كيتعافر مع الشوميز قربات لعندو حطات يديها على صدرو كتحلها وفي عينيها نظرة أسف حاسة بيه عارف كلشي وعرفات هذي هي اللخرة ليها نطقت بترجيي : نضال كنعتارف هاد المرة انا اللي غالطة وانا قابلة شنو ما بغيتي دير فيا حتى إلى بغيتي تقتلني معنديش مشكل انا قابلة……. هزات السلاح وحطاتو على جبهتها……. أمرني وأنا مستعدة نهنيك مني بلى متحتاج توسخ يديك بدمي عارفة راسي كنت أنانية لكن راها ماما هي اللي رباتني وهي اللي كبراتني وهي اللي دمرت على قبلي باش نكون مرتاحة

حيدلها السلاح من يديها وهزها بيد جابها قدامو : علاش مجيتيش عندي علاش مطلبتينيش نعاونك في عوض طعنيني في ظهري درت المستحيل على قبلك انورهان مفهمتش علاش نتي مكتشوفيش هادشي علاش كديري غير داكشي اللي في راسك مفهمتش علاش مباغاناش نعيشو مرتاحين كأي زوجين بدون مشاكل فقط حنا بزوج بلى ميدخل بيناتنا شي واحد

نورهان ناضت جلست في بلاصتها ونطقت بتوتر : خاص نمشيو للمستشفى باش يحيدولك الرصاصة من ذراعك

كسيرا ناحية القصر بدون مينطق ولا كلمة دقائق وكانو قدام البوابة الداخلية نزلو بزوج في صمت توجهو للمصعد طلعو للجناحهم دخلو هز علبة الإسعافات هز مقص عقمو وايبرا فيها الخيط كذلك عقمها مع دوا للجروح غرس المقص وعلى وجهو ملامح الألم كيحاول يجبد الرصاصة لكن مجاياش على يدو كل محاولاتو باءت بالفشل حس بيها كلسات حداه حطات يديها على المقص ويديها كيرجفو عمرها تحطات هاد الموقف غير الدم كيخلعها ودبا كتجبد الرصاص كتحس براسها كتألم اكثر منو بعد مدة وبصعوبة باش خرجاتها والعرق كينزل مع وجها هزات الخيط وبدات كتخيطلو الجرح بينما هو مزير على يديه بألم💘 تتمة 💘

نورهان : نضال رخف يدك ولات كيف الحجرة كنحس براسي كنضرب الإبرة في الحجر لحمك تصلب

حيدلها الخيط وكمل بالزربة مولف ديما كيخيط لراسو منين كيتضرب بالرصاص حط دوا في القطن ودارو على الجروح حيد القطن وقاد الفاصمة حيد صبادرين دخل للدريسينغ بدل الحوايج لبس شورط وبقى عريان الفوق خرج بلى ميهضر معاها تكا فوق الناموسية خلاها كتشوف فيه مولف ضروري يجبدها ميمكنش يدوز نهارهم بلى ميدابزو دخلت هزات بيجامة من البلاكار وخرجت

نورهان : انا انمشي نعس في جناح آخر

دور وجهو بلى ميشوف فيها انصرفت مقلقة معجبهاش الحال ينخلها ولكن تقبلت الأمر نظرا للغلط الكبير اللي دارت دخلت لبيت حدا الجناح بدلت حوايجها وخرجات لفت انتباها الباب اللي كانت قدامو نهار حصلها نضال بغات تكتاشف شنو فيه حطات يديها على البواني حلات الباب ولحسن الحظ لقاتو محلول دخلت لقات البيت مظلم شعلت الضو لقات مجموعة من اللوحات اللي كانو مغطيين حيدات لوحدة صغيرة الغطا ابتسمت لقات صورة لينا مرسومة حيدت الغطا على اللوحة الثانية اللي كانت متوسطة نوعا ما كانت كتضمن صورة نرجس وأنور عجباتها الطريقة كفاش مرسومة هبطات راسها التحت لقات السينياتير ديال نضال اكتشفت معلومة جديدة عليه مكانش كيحسابلها انه رسام خطير بالاضافة لموهبتو في الغناء هزات راسها كانت لوحة كبيييييييييييرة معلقة فوق في الحيط تعلات جبدات لي زار بمجرد ما بانت الرسمة حطات يديها على فمها مبتاسمة وفي نفس الوقت الدموع في عينيها : ميمكنش

💘أحببت شهيرا 💘
🦋بقلم لمياء الشادلي 🦋
❌البارت 30❌
✳️شهيرة ✳️

هزات راسها كانت لوحة كبيييييييييييرة معلقة فوق في الحيط تعلات جبدات لي زار بمجرد ما بانت الرسمة حطات يديها على فمها مبتاسمة وفي نفس الوقت الدموع في عينيها : ميمكنش

خرجات بالجرا من تما رجعت دخلات لعندو للجناح لقاتو ناعس والعرق كيهبط مع جبينو بالإضافة للإسم اللي كينطق بيه متقطع : ن نورهان

جلست على ركابيها : هانا احبيبي هنا……… حطات يديها على راسو لقاتو طااااايب………. حبيبي راسك سخون خاصك تمشي للمستشفى….. ناضت من حداه هزات الفيكس باغة تاصل حسات بيديه على يديها وعينيه حومر بالسخانة…….. لا م متتاصلي بحتى واحد بقاي غير نتي

نورهان : ولكن حالتك غدي تدهور

نضال حرك راسو بالنفي
نورهان : انعيط غير لخالتي سعاد تجيب الدوا

طلق يديها وخلاها دير داكشي اللي بغات هزات الفيكس عيطات لسعاد تطلعلها الفيتامين C والدوا د سخانة مع النشافات فازكين جابتلها داكشي في الحين خداتو من عندها وتوجهت لعندو عاوناتو ينوض عطاتو الدوا وعمراتلو كاس دالما شرباتولو بالسيف حطات النشافات حداها في الكوافوز تكات وحطات راسو على صدرها كتفزك النشافات وتحطهم على راسو حتى كينشفو وتولي تبدلهم واليد الآخرة كتلعب بيها في شعرو طول الليل وهي سهرانة معاه منعست حتى بدا كيطلع النهار

ضربات 9 حس بأشعة الشمس كتلامس عيونو حط يديه عليهم ديرونجاتو دار لقا راسو متكي على صدرها ويديها على راسو ابتسم بلى شعور رجع لنفس الوضعية دقائق وحس بيها كتحرك غمض عينيه متحركش.

حسات بأشعة الشمس كضرب في وجها تفكراتو ناضت كلسات وحطات راسو على المخدة وكتحاول تفيقو : حبيبي فيق نوض خاص تفطر مكليتيش البارح كاع والدم ضااااااع منك بزااااااااف…….. حسات بيه مكيتحركش تخلعت ودموعها بداو كيهبطو…….. نضال هئ هئ عفاك نوض هئ هئ هئ مديرش هكا لاااا نتا قوي لا ميمكنش تخليني هئ هئ هئ نضال عفاك متخلينيش منقدرش نعيش بلى بيك نوض هئ هئ هئ حبيبي انا كنبغيك ميمكنش تموت وتخليني بوحدي مغديش نقدر نعيش

حل عينيه قلبها من تحتو : تماما هادشي اللي بغيت نسمع

نورهان ضرباتو ليدو : عزيز عليك تركب فيا الرعب حشومة عليك

نضال يدو رجعات كتنزف : حماقيتي

نورهان شافت الدم كيسيل حيدت من تحتو وجراتو من يدو : خاص تعاود الفاصمة

نضال : ااااااه يا ربي تصبرني مفهمتش فقاش غدي ديري عقلك وتعطيني حقي وحني شويا راني راجلك

نورهان ولات حمرة : احم خليني نقادلك الفاصمة
عطاها يدو قاداتلو الفاصمة خلاها حتى سالات غفلها وقلبها تحتو : مكاين هروب صبرت عليك بزااااااااف

دخلت عندها مريم كتشوف في النتائج وملامحها مكتدلش على الخير : خالتي سمية اش غدي نقولك عندك ورم سرطاني كيتسمى بالورم الأرومي النخاعي ولابد من الجراحة باش على الاقل نتخلصو من واحد النسبة منو من بعد غدي تلقاي للعجاج الكيميائي

سمية : عارفة ابنتي قالوهالي في المستشفى الحكومي لكن بشحال ثمن العملية

مريم : 20 مليون اخالتي هذا إلى كان ايتحيد جزء صغير من الورم والى كان كبير غدي تكون ب30 مليون

سمية : الله يابنيتي هادشي كامل انوصيك بحاجة وحدة ومترديهاش في وجهي

مريم : أمري اخالتي سمية راك عزيزة عليا كيفما ربيتي نضال راه حتى انا بنتك

سمية : متقوليهاش لبنتي هادشي يبقى بيناتنا

مريم معرفاتش على اشمن بنت كتهضر : كوني هانيا اخالتي

💘أحببت شهيرا 💘
🦋بقلم لمياء الشادلي 🦋
❌البارت 31❌
✳️شهيرة ✳️

خرج من الدوش لاوي الفوطة على نصو التحتاني وهازها بين يديه هبط راسو على عنقها بلعاني كيبغي ينوغشها بلحيتو هزات راسها فيه : والله حشومة عليك دبا مغديش نقدر نمشي لليسي إلى شافوني كنعرج غدي يضحكو عليا

ابتاسم حتى ظهرو سنانو البويض سهات في ابتسامتو وهو كيضحك : مشي مشكل أصلا مبقى عندك مديري في داك الليسي انا غادي نقري حبيبتي

نورهان : ونتا زعما عاقل على الدروس ديالي منلي دوزتي وقيلة هذي 12 عام

حطها في الناموسية جلست ووقف قدام المرايا كينشف شعرو بالفوطة : معلومة جديدة راك متبعة اخباري

نورهان فرحانة بكون علاقتهم غادة في منحى زوين : ودبا انا كنهضر منيتي خاصني نمشي نقرا راه عيقت بالغياب والله

خلاها كتهضر دخل للدريسينغ لبس تريكو مزير على عضلاتو في الأبيض و صبادرين في الأبيض مع سروال في الأسود ومونطو في نفس اللون هز سروال بوي فراند في الازرق وتيشورط ابيض وصبادرين في نفس لون التيشورط حل البلاكار هز ملابس الداخلية للنساء وخرج عندها لقاها مزال كالسة مقادراش تحرك غفلها حيد الفوطة جبد بوماد من المجر عطاهالها مبغاش يحرجها : ديري هذي وغدي يفوتك الحال

نورهان : وخرج متبقاش تشوف فيا هكا

نضال : شايف كلشي…….. عطاها بالظهر كلس في الصالة اللي في الجناح جبد التليفون كيخنتش فيه مدة 5 دقائق دار لقاها لبسات ومعذبة مع سيور دصبادرين ناض توجه لعندها تحنى عقدلها السيور وناض زرب عليها هزها كيف الريشة بين يديه

نورهان : نضال غير حطني هانا انتمشى راسي نتا مزالة يديك مريضة

نضال : نهزك بيد وحدة ومغديش تقلي عليا خفيفة بزااااااااف واش مكاتاكليش

نورهان : الماكلة اللي كناكلها انا كاع مكاتاكلها نتا راه كنوزن 50 كيلو

نضال : بغيتي تقولي انك مانكان ولكن طولك مكيناسبش

نورهان : لاااااا فيا 1،65

نضال : ههههههه طويلة بزااااااااف

نورهان : ضحكتك زوينة

نضال ضغط على الطابق الأرضي : منصحكش تزعطي أمدام

نورهان كتحس براسها مبنجة: اكثر هكا منضنش

خرج من المصعد حطها في الكرسي وكلس حداها مترأس الطاولة : كريتي بلى عصى بالحق مزال غدي نتفاهمو على الكذبة اللي كذبتي على سعاد ولوطو اللي سرقتي ومشيتي بيها ومعندك لا بيرمي لا والو والطريقة اللي هضرتي بيها مع العميد والبلاغ ديالك بيا والتجسس عليا وطوالو يديك حليتي الكوفر وهزيتي السلاح وتبعتيني بسبابك هاجمونا والغرفة اللي ممنوع على شي واحد يدخلها خالفتي قانوني ودخلتي ليها وقصتي فشي حاجة اللي مشي ديالك على شحال من خطأ خاصني نحاسبك

نورهان هبطات راسها : سمحلي مكنتش قاصدة هو اللي بزز عليا ودبا ماما غدي تكون مزال عندو غدي يكون نتاقم منها بسبابي

نضال : ماماك عندي نورهان عمرني سامحت شي واحد طعني في ظهري ولأول مرة غدي نتخلى على هاد المبدأ لكن كنقسملك إلى مشيتي حتى كررتي نفس الذنب عقابك غدي يكون عسير

نورهان خلعاتها الطريقة اللي كيهضر بيها ناضت من الكرسي ديالها وكلست عندو عنقاتو : عمرني نعاود احبيبي والله ولكن حتى نتا خاصك تفكر انا مشي قدك راه صغر منك ب 11 لسنة كاين فارق سن يعني متديش عليا

نضال ابتاسم عمر شاف شي بنت بحال هكا اللي في قلبها على لسانها : بغيتي تقولي انا شارف ياك

نورهان : بحال هكاك دبا نتا تقريبا قد بابا

نضال خنزر فيها : مزيان نيت باش نعاودلك الترابي

نورهان بعدات بغات تمشي بلاصتها لكن زير عليها : خليني نمشي…….. قاطعها منين حط شفايفو على دياولها قاطعهم شي صوت دارو لقاو سعاد حانية راسها

سعاد : احم احم موسيو نضال جيت غير باش نسول لالة نورهان شنو بغات في الفطور

نورهان بعدات على نضال حمرة كلست في بلاصتها : شنو قلتلك ديك النهار اخالتي انا راه بحال بنتك حشومة تعيطيلي لالة غدي نتقلق منك

سعاد : وخا ابنتي شنو بغيتي في الفطور

نورهان شافت نضال مبتاسمة: معنديش مشكل بغيت نفطر باش كيفطر نضال

نضال : متأكدة ؟؟ لاااااا غير كولي اللي بغيتي مغديش تقدري على فطوري

نورهان : وانا بغيت بحال فطورك

نضال : اك نشوفو واش غدي تقدري

💘أحببت شهيرا 💘
🦋بقلم لمياء الشادلي 🦋
❌البارت 32❌
✳️شهيرة ✳️

دقائق وتحطو قدامهم زوج كيسان كبار دعصير في اللون الاخضر مع أطباق دطوماط وفروماج والخس ومجموعة من الاطباق قالها تجيبهم احتياط لنورهان.

هزات داك الكاس حطاتو في فمها وهو حاضيها عارف ردة فعلها من بعد مغادي دوقو جغمات الجغمة الاولى وتحولو تعابير وجها لعدم رضى : اش هذا واش متأكد كتقدر تشرب هادشي

نضال حيدلها الكأس من يديها وحط الاطباق الاخرين قدامها اللي كانو كيتضمنو بتي بان وبريوات كريب بيتزات صغار شوصون كاع داكشي اللي غدي تبغي تاكلو مع كأس عصير دليمون : قتلك مغديش تقدري عليه دبا كولي ومتكتريش من الحلاوة

نورهان : حاضر بابا

ابتسم كيعجبو يشوف هاد الجانب الطفولي منها دوز يدو على شعرها بحنان : يلاه كولي باش نمشيو تشوفي مدرستك الجديدة

نورهان وقفاتلها: كيفاش وصحاباتي

نضال : عندك صحبة وحدة اللي هي فاتي حولتها لعندك من غيرها مكاينش

نورهان : وميساء

نضال : مكاينش شي وحدة سميتها ميساء كاينة فاتي وصافي سالينا

نورهان : ولكن………. قاطعها منين زدح على لاطابل…… نورهان هضرت متخلينيش نتقلب

نورهان حنات كتاكل في صمت وعينيها مغشيين بالدموع مباغاش تهبطهم قدامو

في الحي جامعة الجيران على كصعة د كسكسو كيضحكو ويفشرو على بعضياتهم حلات الباب دخلت مدكدكة حيدات صباطها حلات باب بيتها اللي كان حدا باب دار لاحت فيه الشكارة ولات سداتو غسلات يديها في لافابو ومشات للصالون ناحية الصوت دخلت لقات الجيران

فاتي : بصحتكم

الجارة 1: اهلا بنتي كيبقيتي

فاتي : الحمد لله اخالتي بيخيييير

الجارة 2: إوى ابنتي قولي لنا كيفاش ضبرتي على ذيك الهمزة ياكما كان صحيبك عطينا الوصفة باش حتى بنتي تزوج بواحد لباس عليه بحال خطيبك

فاتي : حيت اخالتي كتفكري بهاد الطريقة بنتك عمرها تزوج لا فقير لا غني كوني هانيا……… لاحتلها هاد الهضرة ودخلت لبيتها زدحت الباب جبدات تليفونها كتصونيلو والو مكيجاوبش منلي خرج من عندهم ما ولات هضرت معاه خايفة تكون طراتلو شي حاجة تكات في ناموسيتها دير القيلولة على ما يوصل وقت القرايا

نرجس : معارفاش فين هو خوك شفتو كاع مكيجاوب اليوم غدي يجي عندنا الضيف خاص يستقبلو سمية ماماه الثانية هي اللي رباتو لا بد يحضر

لينا هازة التليفون ممصوقاش : غير كتعذبي في راسك اماما والله

نرجس : سكتي نتي فيك غير الهضرة مكتنفعي في والو

لينا : ياك الضيف غدي يجي حتى الليل إوى خليه دبا يجي راسو بلاما تصدعيه

فرانة قدام الليسي الجديد نزل وحل ليها الباب : متأكدة تقدري تمشي

نورهان : غدي نقدر كنحس براسي مزيان

نضال عطاها يدو شدات فيها لاح الكارد سوارت دلوطو ديالو ودخل مع الباب الكبير د المؤسسة

نورهان : نضال واش غدي دخلني حتى للقسم حشومة عليك واش كلشي غدي يعرف أننا مع بعضياتنا وليت فوقما نحل الأنستقرام ولا ندخل اليوتيوب كنلقى فيديوهاتنا طالعين في الطوندونص

نضال : غدي تولي تشوفيني بزااااااااف حتى في قرايتك كوني هانيا وخبارك دالقسم كاملة غدي توصلني

نورهان : كفاش ياكما غدي دير جاسوسات يتبعوني

نضال : لا احبيبتي هزي عينيك شوفي الفوق

نورهان دارت شنو قالها حلات عينيها بصدمة : كفاااااااش ديالك هاد الليسي ومسميه بسميتي كيدرتيلها

💘أحببت شهيرا 💘
🦋بقلم لمياء الشادلي 🦋
❌البارت 33❌
✳️شهيرة ✳️

نضال : يلاه سيري دخلي للقسم تفكري ديري شي حاجة مشي هي هذيك نقتلك المكتب ديالي غدي تلقايه في آخر طابق

نورهان : أك……… كملت طريقها للقسم لقات الأستاذة يلاه دخلت والقسم كلو بنات تصدمت لهاد الدرجة كيغير عليها حطها في قسم غير ديال البنات تنهدات ومشات كلست حدا فاتي اللي حطها معاها في نفس القسم

نورهان : سلام صفا عليك

فاتي حنات على الكتاب نورهان حيداتولها باش تقدر تهضر معاها : موقعلو والو شفت كلشي

فاتي : باش عرفتيها

نورهان : دبا هو في البرازيل عندو مهمة ومغدي يجي حتى الليل بلى متقلقي عليه والهجوم تعرضنالو حنا أصلا نضال كان بدل الخطة يعني البوليس تزرفو معرفوش بلاصتهم الشخص اللي هددني هو اللي هاجمنا ونضال ايكون حاسبو اكيد مغديش يدوزهالو

فاتي حنات راسها : سمحيلي حملتك الذنب ديالهم وخا نتي مدرتي حتى حاجة خاطئة

قاطعهم غوات البروف : هيه نتوما كيحسابلكم حنا في سويقة يا غدي تجمعو راسكم يا غدي نجمعكم انا نيت وتحركو تخرجو من هنا

نورهان : نهار زوين هذا
فاتي حطات يديها على نورهان : عفاك نساي داكشي اللي كنتي كديريه في الليسي لاخر متخرجيش علينا من نهار اللول

نورهان متسوقاتش لهضرة فاتي: شوفي نتي اديك العوجة عندك يحسابلك انا بحال هاذو اللي هنا والله يا حسك مسكتيش تا نشطب بيك هاد الليسي كامل مزال مخلاقش هذا اللي يهز عليا صوتو

البروف: هانا انوريك اللفعة الهمجية لاخرة……. هزات الفيكس حداها تاصلت بالسيكخيتيغ : صيفطيلي تقرير دبا لواحد المجهولة نصيفط حسها دبا مجلس تأذيبي ولا عرفتي شنو كاين شي واحد في الإدارة اووووووه مزيان هانا غدي نصيفطهالو يتكلف بيها هو حسن عقابو غدي يكون مضاعف……. قطعت وشافت في نورهان……… تحركي للإدارة هما اللي غدي يتحاسبو معاك

نورهان : لا مخارجاش ممنحقكش تخرجيني من حصتي

البروف : اش كتفهمي نتي في القانون تحركي ولا غدي نجي بيدي نخرجك وهاد المرة غدي نتعامل معاك بطريقتي

نورهان : اللي في جهدك ديريه

البروف فقساتها عمرها شافت شي مشاغبة بحال هذي وقفات عند راسها جراتها من شعرها : يلاه تكعدي

نورهان تقسحت كتحس بالجلدة دراسها غدي طير : طلقيني ولا غدي………… قاطعهم الباب اللي تحل بالجهد دخل والتلميذات كاملين حلو فمهم فيه

التلميذة 1 (أسماء) : اوووووه وأخيرا جا لقسمنا كنت ديما كنتمنى نشوفو قريب

التلميذة 2 (جميلة) : ايييييي شحال تيتيز شوفي عينيه بلى متحسي كتلقاي راسك غرقتي فيهم كأنهم سحر كيجذبك

التلميذة 3 ( أمينة) : مكانش تيجي بزااااااااف مصاب يا ربي يولي ديما يجي عندنا مفهمتش علاش سنين وهو في أمريكا كان حارمنا من زينو

نضال وقف عليهم : اعتاذري

البروف : موسيو نضال هو اللي غدي يعرفلك ضاسرة بحالك هادشي اللي خاصها يلاه اعتاذري

نضال خنزر في البروف : طلقي منها وعتاذري ليها

البروف طلقات منها : كفاش انا نعتاذر من هاد الهمجية معرفت فين تربات باينة كانت عايشة فشي زريبة

صرفقها ولا وجها حمر جرها من شعرها بنفس الطريقة اللي كانت شادة بيها نورهان : هذي اللي كتهضري عليها هي اللي غدي تقرر مصيرك في حياتك المهنية

البروف : لا موسيو نضال إلا الطرد عندي ولادي انا مرأة مطلقة وعندي ولادي كنصرف عليهم إلى مشاتلي هاد الخدمة ولادي غدي يضيعلهم مستقبالهم

نضال دار شاف في نورهان : شنو قررتي غدي تخليها تكمل في هاد المؤسسة ولا غدي طرديها

نورهان كتقاد في شعرها اللي طلع للسما : لا خليها

نضال دار عند البروف : آخر مرة يوقع هاد المشكل هاد المرة عتقاتك المرة الجاية انا اللي غدي نتكلف بعقابك وغدي يكون عسير كنحذرك آنسة سلوى……… وجه كلامو لنورهان…… ونتي تبعيني

تبعاتو كتعرج فاتي كتشوف في مشيتها وكضحك عليها نورهان دارت عندها تحلفات عليها وكملت طريقها تبعاتو دخلو المصعد ضغط على الطابق الرابع ثواني وتحل المصعد كان جناح كبير فيه باب واحد فتحو خلاها دخلت دخل موراها وسد الباب :واااااااو هذا المكتب ديالك زوين بزااااااااف

نضال : آخر مرة يتعاود هادشي مكتعرفيش تسخني بلاصتك من النهار الأول بديتي في المشاكل

نورهان : وهي اللي جبداتني

💘أحببت شهيرا 💘
🦋بقلم لمياء الشادلي 🦋
❌البارت 34❌
✳️شهيرة ✳️

نضال :نورهان تبتي شويا اه هي منها المشكل مكانش عليها تقربلك ولكن حتى نتي مسكتيش كنمشيو ليكول باش نقراو مشي باش نتعاودو شنو نفرقكم ؟

نورهان : لا عفاك لا حشومة عليك

نضال : آخر مرة تعاودي هاد الغلط

نورهان كلسات في الكرسي ديالو بينما هو كان كالس فوق المكتب : نضال بغيت نسولك

نضال : شنو بغيتي

نورهان : ياك دبا نتا هو المدير كيكون عندك مسار

نضال : وي شنو باغة

نورهان : إوى قولهم يحطولي 20 في المراقبة وها هي 25٪ ضمنات هههههه الجهوي وخا مكفساها فيه إلى لقيت كي ندير نقل في الوطني انجح

نضال : نورهان تحركي دخلي القسم

نورهان : واش قلت شي عيب

نضال غوت هاد البنت غدي تخرجو على طوعو : نورهان قتلك تحركييي

نورهان : صافي انا غادة كتعرف العدل والحقانية غير في هادشي اما في القتيلة عندك بنادم بحال الذبان

نضال : انحسب حد 3 غدي نلقاك قدامي شهدي على روحك

نورهان غير سمعات هاد الجملة عرفاتو مكيضحكش خرجات كتجري وخا مرة مرة كيضربها الضو هبطات التحت تكمل حصصها حتى ضربت 6:30

نورهان : فاتي تمشي معانا نوصلوك؟

فاتي : لا بلاما تعذبي راسك هاهو الشيفور كيتسناني…….. قربات لعندها وهمست في اذنها………. بالمناسبة مبروك عليك مدام الوزاني هي غدي تفرحينا بشي كتكوت

نورهان : ضحكي عطاتك الايام بالحق 15 اليوم ونردلك هاد الهضرة غير صبري ابنتي على راسك مزال جاية نوبتك

فاتي : تحركي راجلك كيتسناك

نورهان دارت لقاتو في لوطو حاط يديه على النافذة وكيكمي طلعات حداه نتر آخر نترة ولاح السيكار بدون كلمة كسيرا لناحية القصر

نورهان : فين غدي نمشيو
نضال : لدارنا فين غدي نمشيو في نظرك

نورهان : عفاك يلاه نمشيو عند والديك بغيت نشوف ماما
نضال تنهد وقلب الطريق لناحية قصر الوزاني

وصلت قدام لوطو هبط الشيفور حلها الباب ركبت وطلع كسيرا حاطة يديها على حناكها كل تفكيرها معاه معارفاش شنو واقعلو خايفة لا يكون تعرض لشي هجوم ولا شي حاجة خايبة شافت الطريق لقاتها مشي الطريق ديال دارهم

فاتي : خويا هذي مشي الطريق اللي كندوزو منها فين غاديين

الشيفور مجاوبهاش كمل طريقو في صمت فرانة قدام ريسطو كبيرة جات قدام البحر نزل وحلها الباب : آنسة وصلنا

نزلت بالكاغطابل ديالها دخلت من الباب الكبير ديال الريسطو لقات الورد موزع على شكل ممر تمشت عليه هزات راسها لقاتو واقف قدامها باين في عينيه التعب طارت عندو والابتسامة على وجها عنقاتو مزيرة عليه كأنها خايفة يهرب لحظة تحولت من عناق لضرب

فاتي : حشومة عليك خليتيني مشوشة شحال وانا كنتسناك

سعد : مكانش عندي كيندير كنت محيد لاكارط باش نهضر معاك لحد الآن مزال منعست من الطيارة نيشان لعندك……. زير على وجها بين يديه…….. كنتي ديما في بالي غير حطيت رجلي في المغرب كنتي أول وحدة باغي نشوفها

فاتي رجعت عنقاتو : متصورش شحال توحشتك نهار مقديتش ندوزو بلا بيك

سعد : وإلى غيبت سيمانة ولا شهر شنو كنتي غدي ديري

فاتي : مكنتش نقدر نصبر والله بقى تديني معاك
سعد : بقات 15 ليوم ومغديش نوليو نتفارقو طول عمرنا مغديش تفرقنا حتى حاجة من غير الموت

حطات يديها على فمو : متجبدهاش على فمك مبغيتش حتى حاجة تفرقنا

💘أحببت شهيرا 💘
🦋بقلم لمياء الشادلي 🦋
❌البارت 35❌
✳️شهيرة ✳️

فرانة قدام البوابة الداخلية للقصر نزلت من لوطو ومشات من جيهة الأخرى جرها من الكاغطابل ديالها : فين غادة

نورهان : ميمكنش ندخلو قد قد ومن نفس الباب ماما غدي تشك

نضال : من بعد راك مراتي حتى واحد معندو الحق عليك من غيري

نورهان : عفاك خليني غير نقولهالها بطريقتي وديك الساعة ميدخل فينا حتى واحد

نضال تنهد : يلاه دخلي

ودعاتو ودخلت من الباب الخدم هبطت في المصعد هزات الكارط فتحات بيها الباب دخلت لبيتها لقات كسوة في الأحمر بلا كمام مزيرة من جيهة الصدر والخصر ومرخوفة من التحت طريقة تصميمها رائعة مع طالون في الفضي كيبري لقات من فوقها ورقة مكتوب فيها 🌿 لبسيها واجي للصالة 🌿 معطاتش اهتمام فكرت أنه ممكن يكون نضال اللي موجدلها مفاجأة حيدات حوايجها شافت في عنقها و البلايص اللي غدي يبقاو معريين كلهم مطبعين جبدات الفون دو طان حطاتها فوق الكوافوز باش متنساهاش مع عكارها الحمر لبسات الغوب وطالون جبدات البلاك جبدات شعرها دارتلو بابيليز جاها كيوت هزات الفون دو طان ذهنات بيها كاع البلايص اللي باينين وفيهم الطبايع ودارت عكارها اللي خلا لمسة خاصة بيها خرجات من الدار اتجهت المصعد ضغطت على الطابق الأول ثواني وتحل خرجات منو بإطلالتها كتبان مثيرة لأبعد الحدود سمعت الهضرة في الصالة وقفت حداهم لقات حتى مها كالسة حداهم وهو عاطيها بالظهر

سمية : هذي هي بنتي
نرجس : نورهان بنتي اجي كلسي حدايا

سمعت لهضرتها كلسات حداها بينما نرجس عنقاتها طلعت عينيها لقات عينيه حمرين وكيشوف فيها بنظرات كي القرطاس غير محتارم مو وسمية اما ينوض يقتلها بالحق كيتسنا غير ينفرد بها و يوريها العرا كيف داير

لينا : اوووووه نورهان جاات معاك الغوب وااااعرة اوى هانتي أماما عندك ذوق زوين وعرفتي قياسها جاتها لاصقة.

أنور : سعداتك أولد خويا عندك الذوق
ياسر : عندي الزهر خالتي نرجس كون مكنتيش نتي كون كاع متاحلي فرصة ندي الزين

نضال : لا بلاتي شنو كتقصدو علاياش كتهضرو
نرجس : هانتا غدي تفهم أولدي…… حولت نظرها لنورهان ونطقت……… بنتي نورهان ياسر شاب زوين قاري وقاد براسو وجا طلب يدك مني وكنظن أنكم تلاقيتو في الحفل يعني كتعرفو بعضياتكم بلى منطول عليك بغى يتزوح بيك على سنة الله ورسوله

ياسر كيشوف في نورهان مصدومة : هضري أنورهان مغديش تندمي إلى بغيتو نديرو خطبة نتعرفو على بعضياتنا وإلى تافقنا نتزوجو

وقف معصب زدح الطبلة لاحها حتى تهرست وختو كتشوف فيه شاداها الضحكة كانت متوقعة هاد الردة فعل منو من الصباح وهي عارفة هادشي غدي يوقع عيات مع مها لكن نرجس منين كتعطي الكلمة لشي واحد مكتبغيش تراجع عليها

فلاش باك

كانت كتقرا في المجلة حسات بالخيال حداها سداتها ونطقت…….. كلسي أسمية

سمية كلست مترددة من هادشي اللي غدي تقول معارفاش واش دير هاد الخطوة ولا تسكت

نرجس : سمية مالك
سمية : مدام نرجس اش غدي نقولك معندي منخبي عليك كنحس ان بنتي نورهان وولدي نضال بيناتهم شي حاجة

نرجس : اه عارفة لاحظتها حتى انا الصباح.
سمية : اش غدي نقولك انا خايفة على بنتي نتي عارفة نضال عندو البنات بحال اللعب ولكن هذيك راه كبدتي حسي بيا راني خايفة عليها

نرجس : وي انا عارفة ولدي ولكن كنظن انه كيبغيها حيت جاتني تصرفاتو معاها في شكل مشي بحال البنات الآخرين

سمية : سمحيلي مدام نرجس انا مبغيتش نخاطر ببنتي حتى توقع شي حاجة عاد ينوضو المشاكل عفاك عاونيني نلقى شي حل باش نبعدها عليه.

نرجس : مهم اش غدي نقولك ولد لوسي باغي يتزوج راك كتعرفيه ياسر كيجي مرة مرة صغر من نضال ب 3 سنين على ما أظن وكنظن مغديش يلقى بحال بنتك مهم انا نهضر معاه يجي ونعيطو على نورهان يتعارفو إلى عجباتو مندعيولهم غير بالخير

سمية : شكرا عمرني نسالك هاد الخير….. انصرفت وهي كتفكر في بنتها باغة تهنا عليها خايفة توقعلها شي حاجة وميبقى لبنتها لا حنين لا رحيم حتى خالها مغديش يديها فيها دبا داير غير على وجه سمية نهار تموت يلوحها للكلاب

باك

وقف معصب زدح الطبلة لاحها حتى تهرست : معامن تشاورتو علاش كدخلو فشي حاجة اللي مكتعنيكمش هذيك اللي كتهضرو عليها راها………… قاطعاتو قبل ميكمل كأنها كترجاه ميهضرش : مدام نرجس سمحيلي منقدرش نقبل انا مزال صغيرة مباغاش نتزوج ماما نتي عارفاني من ديما ضاربة على هاد الفكرة داكشي علاش حتى نتي خاسك تنسايها…………. سمحت فيهم باغة تهبط التحت مرداتش البال لفون دو طان بدات كتمسح حسات بشي يد تحطات على يديها موقفاها

ياسر: نورهان مديريش هكا خلينا نتعارفو وإلى مقبلتيش ديك الساعة مغديش تولي تشوفي وجهي انا جيت لهنا غير على قبل خالتي نرجس مكنتش باغي نجي من نهار الحفل موليت شفت فشي وحدة كل تفكيري معاك حاولت نقلب عليك لكن كاع ملقيتك ومنين جيت لهنا ولقيتك متصوريش الفرحة اللي حسيت بها …….. قاطعاتو لكمة على وجهو والدم كيسيل من نيفو دور وجهو كيشوف في ولد عمو عينو حومر كيف الجمر حالتو مكدلش على الخير

💘أحببت شهيرا 💘
🦋بقلم لمياء الشادلي 🦋
❌البارت 36❌
✳️شهيرة ✳️

قاطعاتو لكمة على وجهو والدم كيسيل من نيفو دور وجهو كيشوف في ولد عمو عينو حومر كيف الجمر حالتو مكدلش على الخير : مفهمتش علاش كدير هكا انضال انا مباغيش نخسر علاقتنا ولكن نتا اللي كتجبدني

نضال : هذيك الكلب ديالي كتفهم ممنحق حتى واحد يشوف فيها من غيري فهمتي…… شنق عليه من الشوميز ديالو……. دبا غدي تمشي تكمش في داركم تقلب على شي بنت آخرة ولا غدي نسى القرابة اللي كتربطنا و نخليك طلب الموت ومتلقاهاش

شعرها صهدها خصوصا في هاد الموقف حاسة براسها اتسخف حيدت لاستيك من يديها وجمعت شعرها الفوق عطات لمها بالجنب باغة تفرقهم حتى حسات بتصرفيقة حارة على وجها شدات عليه دارت لقات مها كتشوف فيها باشمئزاز

سمية : هذو هما فعايلك الحمارة هذي هي التيقة اللي دايرة فيك شحال من واحد داز عليك…… هبطو دموعها……… فنيت عمري عليك غير باش نقريك وتهزيلي راسي الفوق مشي طيحي بيا وملقيتي معامن عند ولد الناس اللي سنين وانا خدامة عندهم هذا هو خيرهم الكلبة دوري بولدهم

نورهان عينيها ولاو حومر : ماما غير سمعيني مشي كيفما كيحسابلك

سمية : اش غدي نسمع اش بغيتي نعرف شنو زعما بغيتي تفكريني أنني والدة بنت الزنقة…… جراتها من شعرها…… هضري الكلبة…….. زادتها تصرفيقة آخرة حتى طاحت نورهان للأرض والدم كيهبط مع فمها بغات تكمل عليها وقف قدامها نضال شاد يديها

نضال : دادا سمية متغلطيش نتي معارفة والو

سمية بدات كيضرب في صدرو وكتغوت : بأشمن حق تمنعني نضرب بنتي انا اللي تمحنت عليها انا اللي تعذبت باش تحافظ على شرفها باش تجي نتا تاخذو بالساهل وطيح بكرامتها

نضال رفع صوتو عمرو غوت على شي شخص كبير لكن عصباتو : عندي الحق عليها بصفتها مراتي منسمحلكش تهينيها في شرفها هكا رااك كتهينيني حتى انا اسمها على اسمي وكرامتها على كرامتي فهمتي وشرفها هو شرفي……… دار عندهم وجه كلامو ليهم كاملين……. انا ونورهان مزوجين من اليوم منبغي حتى شي واحد يتحاسب معاها حيت مغديش نرحمو ؟ ونتا مكاين زواج في هاد الدار

ياسر هبط راسو وخرج مكسور بطبعو مسالم ولد عمو عزيز عليه مباغيش يخسرو على قبل بنت ركب في لوطو ديالو وكسيرا متاجه للبحر

حساب بالدنيا كدور بيها بزااااااااف على هاد الشي اللي كيوقعلها مبقاتش قادرة على شي حاجة أخرى ولى كل همها تعيش حياة عادية دارت حسات بمها مشي هي هذيك خصوصا داك الصفورة اللي بدات كتبان على وجها محسات براسها حتى غوتات : نضااااااااال شدها غدي طيييح

دار عندها يفهم شنو كتقصد بانتلو سمية كتميل غدي طيح بسرعة تعرضلها هزها بين يدو خرج ونورهان كتجري موراه كتشهق طلع اللور حط مها على رجليها سد الباب وطلع كسيرا بأقصى سرعة حرك السطوبات كاملين و الكارد موراه كيحلو المشاكيل مع البوليس غير كيقدمو البطاقة ديالهم كيعرفو عندمن خدامين كيتجاوزوهم خوفا من اسمو اللي مطبوع في كل المغرب ودول العالم فرانة قدام المستشفى اللي غير شافو البلاكة ديال لوطو جابو البياص كيجريو فتح الباب هز سمية حطها تم نيت نقلوها لغرفة الفحص كانت مريم خارجة من مكتبها شافت سمية توجهت كتجري لعندها فحصتها بسرعة بحكم عارفة شنو عندها خرجات لقات نضال حاضن نورهان وحاط المونطو ديالو على كتافها وكيدوز يدو على شعرها كيسكتها من البكى

مريم : احم احم نضال

نضال دار لعندها كيستفسر على حالتها : شنو عندها

مريم : خاصها دبا تخدع للعملية وإلى نقدرو نفقدوها

نورهان : اش كتخربقي اشمن عملية علاش غدي نفقدوها لا ميمكنش توقع لماما شي حاجة غدي نموت مفيهاش.

نضال : شنو عندها.
مريم : ورم ارومي نخاعي

نضال : دخلوها دبا اش كتسناو
مريم : هنا فين كاين المشكل الدكتور الإدريسي اللي غدي يقوم بالعملية عندو كونجي دبا هو في إسبانيا ومبغاش يجي

نضال : وجدو غرفة العمليات ساعة ونص غدي يكون هنا……… مريم انصرفت تجمع الطاقم الطبي بينما نضال ربط الاتصال بسعد

نضال : الدكتور الادريسي كاين في اسبانيا من هنا ساعة ونص يكون عندي هنا

سعد : اك

قطع عليه هبط راسو لعندها لقاها مزالة كتبكي حضن وجها بين يديه : شت حبيبتي غدي تولي بيخير كنواعدك مغدي يوقعلها والو كلشي ايدوز على خير

نورهان كتشهق : نضال هئ هئ مغديش نقدر نعيش بلا بيها غدي نموت مفيهاش شك هئ هئ

ضمها لحضنو مزير عليها كيحس بقلبو كيتحرق على محبوبتو اللي مزال صغيرة وكتمر من هادشي كامل مكرهش كون كان كيملك السعادة والراحة يمنحهالها بدون تفكير

حس بيها قطعت الحس حركها لقاها فاقدة الوعي بلا تفكير هزها بين يديه دخلها لإحدى الغرف في المستشفى وعيط على طبيبة تكلف بيها

💘أحببت شهيرا 💘
🦋بقلم لمياء الشادلي 🦋
❌البارت 37❌
✳️شهيرة ✳️

حس بيها قطعت الحس حركها لقاها فاقدة الوعي بلا تفكير هزها بين يديه دخلها لإحدى الغرف في المستشفى وعيط على طبيبة تكلف بيها

بعد ساعتين كان الدكتور وصل مذعور خايف لا يفقد المريضة ويتفقد حتى هو مع نضال كلشي ممكن نص ساعة وهو في غرفة العمليات بينما نضال كان كالس في الغرفة ديال نورهان مباغيهاش تفيق دبا عارفها غدي تسطريسا منين غدي تعرف مها مزال في غرفة العمليات داز الوقت بدات كتسترجع وعيها قرب لعندها حضن يديها بين يديه كينتاظر ردة فعلها

نورهان : ن نضال

نضال : وي حبيبتي

نورهان : م م مماما

نضال : احم مزال في غرفة العمليات

نورهان كلسات باغة تحيد الصيروم قاطعها بعدما حط يدو على يديها
نضال: خاصك ترتاحي احبيبتي

نورهان هبطو دموعها : مغديش نقدر نسامح راسي إلى وقعات شي حاجة ليها

نضال حط يديه على وجها كيدوزها بحنان : مغدي يوقع والو كلشي غدي يكون مزيان

قاطعهم الدقان في الباب نضال أذن بالدخول دخلت مريم وعينيها على نورهان : نضال خالتي سمية خرجات من غرفة العمليات لغرفتها الحمد لله نجحات العملية والدكتور الإدريسي قدر يحيد جزء كبير من الورم يعني الى بقات شي حاجة غدي نلجؤو للعلاج الكيميائي

نضال: وجدوها من هنا نص ساعة غدي نمشيو لفرنسا وقلبي على ممرضة تكلف بيها

مريم : مشي مشكل بلى منعيط لممرضة انا غدي نمشي معاها خالتي سمية عزيزة عليا انا نتكلف بيها وبحالتها

نورهان خنزرات فيها وركزت في بطاقتها : كنظن وقيلة نتي دكتورة واختصاصك جراحة القلب مشي ممرضة

مريم : نضال نخليك انمشي نوجد الفاليز ديالي….. انصرفت

نورهان دارت عند نضال : دبا هاد الكلبة علاش كتقلب باغة تلصق فينا وقيلة انا بنتها قادرة نهتم بيها مفهمتش علاش خاشية قمومتها معانا

نضال شاف الصيروم كمل حيدولها وتحنى لعندها هزها بين يديه حل الباب وخرج وهي معلقة فيه كتبان بحال بنتو خرجو من المستشفى ركبها في لوطو وركب حداها كسيرا لحظة صمت بيناتهم حتى قاطعت هي داك الصمت

نورهان : شكون هذيك واش كتعرفها باش كتعيطلك بسميتك نيشان

نضال : هذيك صديقة قديمة كنا كنقراو بزوج في الليسي وبقينا كنتلاقاو وخا داز الباك

نورهان : هممممم ومالها دايرة كيف الكرادة فينما مشيتي تابعاك

نضال : مكنفهمش منين كتجيبي هاد المصطلحات

نورهان : ونتا كيعجبك تهضر معاك ياك شوف باش نتفاهمو من دبا إلى بقات كتلصق فيك ومقلتيلها والو حتى انا انمشي عند الدراري نتصرف معاهم بحالك ماشي غير انا اللي نلتازم بالزواج

نضال دغيا عينيه حمارو جرها من شعرها : نقتلك إلى درتيها فهمتي نقتلك

نورهان كتجر شعرها باش ماقصحش : اييي نضال طلقني راك كتقصحني

نضال طلقها ودفعها : كنحذرك مكنعاودش هضرتي زوج مرات

نورهان كتدمع : حكار كتقلب كيف الزمان مغديش نولي نهضر معاك يلااه

نضال : الله يعميها لك

فرانة قدام المطار نزل من لوطو ودار داخل متسوقلهاش هي كيحسابلها غدي يهزها نزلت بحزن تبعاتو لحظة حسات بيه وقف ولي كارد دخلو

نورهان : شنو وقع

نضال جرها من يديها والصحافة كتصور كيحاولو يعرفو ولو معلومة صغيرة على العلاقة اللي كتجمعهم

الصحافي 1 : موسيو نضال تقدر تقولنا شنو كيربطك بالانسة نورهان الزايدي

الصحافي 2 : موسيو نضال كنلاحظو ان فيديوهاتكم منتاشرة بشكل كبير في وسائل التواصل الاجتماعي لكن في كلا حساباتكم مكاينا حتى تصويرة ليكم بزوج

الصحافي 3 : كنظن أنها كتربطكم فقط علاقة عابرة كباقي العلاقات اللي دازو قبل يعني نزوة وغدي دوز ولا غدي تستمر

الصحافية 4: موسيو نضال شنو كتعتابر الآنسة نورهان واش حبيبة اللي ناوي أنك تزوج بها ولا مجرد عشيقة؟

نورهان الوزاني

💘أحببت شهيرا 💘
🦋بقلم لمياء الشادلي 🦋
❌البارت 38❌
✳️شهيرة ✳️

كمل طريقو بدون رد تمشاو في نفس الكولوار دالبارح حل الباب دخل لقى الطائرة الخاصة في استقبالو

طلع وهي موراه كلس في مقعدو بينما هي جلست في المقعد اللي قدامو من جيهة النافذة كتطل أول مرة غدي تجرب الإحساس حسات بالخطاوي كيقربو ليهم دورت عينيها تأففت من شوفتها مكتسرطلهاش دورت وجها مباغاش تشوف فيها تفقس راسها كانت كتحاول تستمتع بالجو وأخيرا بدات كتحلق الطائرة وهي مزيرة على المقعد قرب يتمزق بظفارها الخوف تمكن منها سادة عينيها حاسة بقلبها غدي يخرج بينما نضال حول نظرو ليها مستمتع بمنظرها الجذاب كتبان كيوت لأقصى درجة

استقرت الطائرة حلات عينيها بعدما تجاوزت داك الخوف دورت راسها النافذة ظهرت ما بين شفتيها ابتسامة لا إراديا إحساس زوين تمكن منها حولت نظرها لجيهتو كتشوف كيفاش متكي على الكرسي حاط على عينيه نظارات طبية وكيخدم في البيسي بقات على داك الوضعية مفيكسية عينيها عليه كان حاس بنظراتها اللي كيختارقوه شداتو الضحكة من الطريقة اللي كتشوف فيه بيها

نورهان خنزرت في مريم اللي جلست حدا نضال كتجبدو بالهضرة وهو كيجاوبها بالعبار تزيرت متحملاتش الوضع خصوصا منين شافتها مالت على كتفو متكية عليه بلا شعور ناضت من حداهم معصبة توجهت لإحدى الغرف حلات الباب ولحسن حظها لقات الغرفة دمها دخلت كلست حداها في الكرسي شدات في يديها والدموع في عينيها محاملاش تشوف مها مهدودة في الفراش ديما كتخمم فيها أي حاجة كانت كطلبها منها كتجيبهالها بدون تردد وعمرها بخلات عليها من نصائحها كانت ليها الصديقة والأم والأب والأخ والدرع الحامي

نورهان كتنطق والدموع في عينيها كيهبطو بتسلسل: ماما هئ هئ ماما عفاك متخلينيش هئ هئ والله معندي حتى شي واحد من غيرك هئ هئ منقدرش نعيش بلا بيك هئ إلى مشيتي غدي يحكرو عليا وفي أي وقت يقدرو يلوحوني للكلاب هئ هئ ماما الدنيا عمرات ذياب كلهم باغيين ينهشو لحمي هئ هئ حتى هو يقدر في أي لحظة يلوحني مقادراش نتيق فيه يقدر يكون حتى هو باغي غير يتلف بيا الوقت ويصيفطني بحال البنات الآخرين شكون عرف يقدر يكونو حتى هما تزوج بيهم باش يستمتع في الحلال وفي الاخر لاحهم منين انتهت الصلاحية ديالهم هئ هئ عفاك براي رجعي لصحتك باش تحميني وتكوني معايا في الوقت اللي يخذلوني

طلقت يدين مها مسحات دموعها بعجرفة ناضت توجهت الباب حلاتو خرجات ولات سداتو طلعت راسها لقاتو واقف قدامها مزير على يديه بدون كلمة نزل عليها بصقلة خلاها شادة في حنكها جرها من يديها مزير على يديها وعينيه حومر : من اليوم غدي تشوفي الجحيم معايا……. حط يدو على وجها وزير عليه……… اخرتك غدي تكوني معايا غدي تمناي الموت ومغديش تلقايها نهار انا غدي نبغي نسالي منك غدي نلوحك…….. طلقها منها خشا يدو في جيبها جبد تليفونها زدحو ولا كلو فتات……. دبا غدي تحركي تكلسي وحتى نقول انا شنو ديري عاد غدي تنوضي من اليوم نتي تحت أمري بغيتي تكوني عبدة مكاين مشكل جاتك

طلقها خلاها كتوجع من لداخل وفي راسها الف فكرة وفكرة رجع لبلاصتو بينما نورهان دخلت الحمام غسلت وجها مسحاتو وخرجات راجعة لبلاصتها لحظة وقفات مصدومة كتحس بالدنيا كدور بها متوقعتش بهاد الزربة غدي يبدأ في انتقامو ليها كانت مريم كالسة على قدامو وشفايفها فوق شفايفو عاجبها الحال بالإنجاز اللي دارت حسات بخيال نورهان توقفت ودارت شافت فيها وكتبتاسم : اهلا ضرتي بيني وبينك مكنبغيش نشرك حاجتي مع الناس وخصوصا الشخص اللي سنين وانا كنبغيه لكن مشي مشكل في القريب العاجل غدي دركي كمارتك دونك نصبر عليك

نورهان حولت نظرها ليه مدار حتى ردة فعل محاول لا يحامي عليها كيف ديما ولا يوقف هاد المهزلة وينوض ديك خيتي من فوقو شافت فيه بتأنيب وبعدت من حداهم كلست في بلاصة بعيدة بينها وبينهم 4 مقاعد آخرين عطاتهم بالظهر وحطات راسها فوق لاطابل كتبكي بهمس حاسة براسها مخنوقة الغيرة غدي تقتلها خايفة يولي هذا واقعها وتولي تحضر عليه كل نهار

داز الوقت حطات الطائرة في مطار شارل دو غول الفرنسي واللي كيتعتابر ثاني أكبر مطار في اوروبا بعد مطار لندن هيثرو قرب لعندها حيد المونطو ديالو وحطو عليها وهزها بين يديه حيد شعرها من على وجها كيشوف في وجها اللي زراق مكانش باغي هادشي يوقع لكن الهضرة اللي خرجات من فمها خلاتو يتعصب وميوعاش باشنو كيدير من بعد هادشي كامل اللي دار على ودها تشك فيه

نزل من الطائرة وخرج من المطار ككل كانو الكارد كاملين مستفين دايرين ممر باش يدوز بكل أريحية حل لوطو حطها القدام وركب حداها من جيهة السائق كسيرا مخلي مريم كتفقس رغم ديك التصرفيقة اللي عطاها مزال مبغاتش توب وباغة تحصل عليه بأي طريقة

نضال الوزاني

💘أحببت شهيرا 💘
🦋بقلم لمياء الشادلي 🦋
❌البارت 39❌
✳️شهيرة ✳️

فرانة قدام الفيلا ديالو نزل هزها وهي في سابع نومتها عيات مشافتش النعاس هاد النهار داز عليها جحيم دخل لجناحو حطها فوق الناموسية ودخل الدوش داز الوقت خرج لاوي عليه الفوطة دخل الدريسينغ لبس تيشورط وشورط بحكم الجناح سخون قرب لعندها تخشا حداها قربها ليه مزير عليها وكيستنشق من عبيرها خصوصا ريحة شعرها اللي كتحمقو دقائق واغفى

صبح الصباح حلات عينيها كتحس براسها متقلة بشي حاجة حاولت تدور لكن كان مزير عليها لأقصى درجة تنثراات منو ووقفت دخلت الدوش

داز الوقت خرجات ملقاتش حوايج البنات هزات تريكو ديالو جاها طويل حد الركبة واسع لكن كتبان مثيرة فيه خرجات كتسلت مكرهاتش تهرب لكن مها اللي مصبراها على هادشي كامل قاطعها صوتو وقفت في بلاصتها جامدة

نضال : فين غادة

نورهان : بغيت نفطر جاني الجوع

نضال : قلتلك سيري ؟

نورهان : نموت أنا

نضال : انا اللي كنقرر واش تمشي ولا تبقاي وبالنسبة للموت نهار نلوحك ديك الساعة طرطقي نتي كاع

نورهان حسات في لداخل ديالها كيتحرق لهاد الدرجة معندوش إحساس : نتا بلعاني استغليتيني خليتيني نبغيك ونعتارفلك خديتي اللي بغيتي وقلبتي وجهك ولكن متنساش أسي نضال الوزاني كيفما بغيتك يمكنلي نكرهك

نضال : غبري من قدامي لا نفلت فيك شي دقة وجهك نيت غير ديال الدق

نورهان خرجات من البيت سدات الباب طاحو دموعها حسات براسها رخيصة ندمات على النهار اللي تزوجت بيه وعلى النهار اللي بغاتو من الأصل مسحات دموعها وهبطت تفطر دورت عينيها لقات رئيسة الخدم كتحط الفطور نيشان طارت لعندها كتعنق فيها وتبوس

نورهان : خاااااالتي سعااااد حتى نتي جيتي لهنا كنت قنطانة والله جيتي تونسيني واش كاينة غير نتي

سعاد : لا حتى إكرام كاينة

مريم : سبحان الله بنادم كيتصاحب غير مع اللي من المستوى ديالو

نورهان دارت لقاتها كالسة كتفطر مرداتش ليها البال فاش هبطات : وسبحان الله العاهرات كثرو ولاحظت فيهم هاد الأيام ولاو كيتلصقو بلا قياس كون غير يمشيو فحالهم يهنيو السوق بلاصتهم حسن منهم

مريم : عاودي نتي شنو قلتي

نورهان : داكشي اللي كنقصد راك فهمتيه مكيعجبنيش نعاود الهضرة خصوصا مع اللصقات

مريم ناضت زدحت على الطبلة : دبا نتي علاش كتقلبي

نورهان : كنقلب على خلا دار بوك إلى مدكيتيش من هنا

نضال واقف في الدروج مربع يديه وابتسامة خفيفة على وجهو خفاها بمجرد منطق ودارو عندو : شنو واقع هنااااا؟

نورهان : مواقع والو غير ولا اللي يسوى واللي ميسوى يكلس على هاد الطبلة

مريم : إوى قوليها لراسك من نهار بنتي و المشاكل فوق راسنا

نضال : اعتاذري

نورهان : يلاه اعتاذري مني ونتي هازة خنافرك للسما انا اللي غدي نحدهم لك

نضال ورك على سميتها : نووورهان اعتاذري

نورهان : شنو اش كتخربق

مريم بنجلون

💘أحببت شهيرا 💘
🦋بقلم لمياء الشادلي 🦋
❌البارت 40❌
✳️شهيرة ✳️

نورهان : شنوووو اش كتخربق

نضال : غدي تعتاذري ولالا

نورهان : لا مغديش نعتاذر منها

نضال : اذن غدي تعاقبي اليوم غدي تقومي بتنظيف الفيلة كاملة

سعاد حلات فمها الفيلة كبيييرة هي و5 دالخدامات بالسيف باش كيخملو النص فيها

نورهان ولات حمرة مرداتش يديرلها هاد الشوهة : ولكن هي اللي جبداتني

نضال : هضرت سعاد خرجي وعطي الخدم إجازة اليوم روبو مكاينش الخدمة

سعاد : عفاك اسي نضال خليني معاها

نضال : لاااااا قلت غدي تخرجو كاملين ونتي إلى مدرتيش هادشي كامل غدي يكون عقابك عسيييير مغديش نرحمك

نورهان بهمس : الله ياخذ فيك الحق

نضال شاف في مريم : نتي وجدي راسك غدي نخرجو

نورهان زيرت على يديها : شي يخرج مع عشيقتو وشي يكلس يحرث عليهم

نضال خدا من عند سعاد لبسة الخدم ولاحها عليها : تحركي بداي من دبا وإلى جيت ملقيتش هادشي هو هذاك غدي نتفاهمو

خرج وخلاها كالسة حاطة يديها على راسها والدموع على عينيها بزااااااااف على هاد الظلم ولات كتفكر بأي طريقة مهم تهرب وتهرب مها معاها من هاد الجحيم حسات بخيال شي واحد حداها هزات راسها لقاتها مريم كتشوف فيها كضحك

نورهان : شنو بغيتي عندي مزال

مريم : غير كنتأكد من مستواك الدنيء…….. تحنات لعندها كتشوف فيها بنظرات شر……. سيري هربي ولا شوفي شنو ديري حنا صعاب عليك منظنش تقدري تكملي معاانا……. لاحتلها هاد الهضرة وخرجات تابعة نضال

نورهان ناضت طلعت للفوق بدلت حوايجها ولبسات اللبسة اللي عطاهالها جمعت شعرها وغطاتو نزلت تبدا في شغالها

دخلت للجامعة جامعة شعرها كوپ شوفال ولابسة سروال دجين ازرق مفتوح مع شوميز عريضة في الأبيض مدخلاها في السروال من القدام وطالون في الدان مع صاك في الأسود هزات راسها لقات كاع الأنظار عليها دخلت لونفي لقات إلهام شادة بلاصة حداها كلست سلمت عليها دخل البروف انتابهو للشرح سالات الحصة خرجو للكافيتيريا عياو كلسو يفطرو على ما يوصل الوقت

إلهام : شفتي داكشي اللي نشرو في الأنستقرام واليوتيوب ناري اصاحبتي الصحافة مقربلاها على خوك وصحيبتو

لينا : اشمن صحيبتو المرض راها مراتو

إلهام حطات يديها على فمها مصدومة : حلفي خوك تزوج ومقلتيهاش

لينا : وانا براسي عاد عرفت البارح خلا ماما غدي تجيها جلطة وغبر معرفنا عليه والو من غير الصحافة اللي صوروه في المطار عاد عرفناه سافر مكيعلمش تيدير غير اللي قالو راسو

إلهام : ولايني عرف يختار قرطاسة اصاحبتي محسابليش غدي يختار داك الجمال كامل ملاحظتيش واحد الحاجة كديلكم شويا والله نفس الملامح تقريبا

لينا :وي حتى انا لاحظتها نهار الأول اصلا خلق من الشبه أربعين أودي بقات في الجمال بنادم كيقلب غير على الهنا ديما كيخرجلهم مشكل من الجنب

إلهام : إوى الله يدير اللي فيها الخير

هند : لينا غبرتي مبقيتي تعيطي مبقيتي عاطيانا وقت تبدلتي شفتي شي وحدين وقلبتي وجهك

إلهام

💘أحببت شهيرا 💘
🦋بقلم لمياء الشادلي 🦋
❌البارت 41❌
✳️شهيرة ✳️

هند : لينا غبرتي مبقيتي تعيطي مبقيتي عاطيانا وقت تبدلتي شفتي شي وحدين وقلبتي وجهك

صوفيا : وايييه بنادم الله يستر دغيا كيتبدل

إلهام : مالنا نتوما علاياش كتقلبو كيبانلي سخن عليكم راسكم وكتقلبو على شي نتفة انا في الدمة والله حتى نشطب بيكم الجامعة كاملة نخليكم عبرة

هند : سكتي نتي معطيناكش الإذن باش تهضري

لينا وقفات جرات إلهام من يديها وتخطاتهم حسات بشي يد جاراها دارت مغدة عليهم إلى زادت معاهم دقيقة غدي تقتل شي وحدة

صوفيا : تت تت تت مشي هاكة غدي تمشي شحال وحنا مصاحبين معاك في التالي تخلي خوك يمشي مع ديك المسخة ونتي تعلقي في الشخص اللي كتبغي صاحبتك حشومة

لينا تنترات منها : بعدي مني كنتو صحاباتي وسدينا عندك يحسابلك راني مكنتش عارفة بأنكم كنتم مصاحبين معايا غير على قبل نضال لا غير داكشي علاش شفتي وخا تنطابق السما مع الأرض وتبقاي غير نتي وخويا وانا أندير المستحيل باش متكونوش لبعضياتكم…… قرباتلها وحطات صبعها على جبهتها كتحذير……… حيت نتي بنت الزنقة وديما غدي تبقاي مسخة

صوفيا ولات حمرة قمعاتها قدام البشار كامل غدي تشوه في الجامعة هزات يديها ونزلات عليها لينا حطات يديها على وجها كتسنى الدقة تجيها لكن محسات بوالو حيدات يديها من على وجها لقات رضى شاد صوفيا من يديها قريب يهرسهالها

رضى : يدك تهرس إلى عاودتي حطيتي يدك عليها ولو مجرد فكرتي ديريها

هند قربات لعندو كترغب : عفاك أرضى طلقها عفاك غدي تهرسها غير على قبلي

إلهام كتفرنس غير بوحدها عجبها فيهم من ديما كانت كتكرهم وكتحذر صاحبتها منهم لكن هي مكتسمعش

رضى طلق صوفيا ودفعها طاحت على خسرها خنزر فيهم : من اليوم نتوما مطرودين…….. عيط على لي كارد اللي تم نيت وقفو عليه………. هزوهم عليا من هنا لوحوهم للكلاب ولا شوفو شنو ديرو فيهم

دار عند رضى عطاها يدو اللي بدون تردد شدات فيه جرها وخرجو من الجامعة والطلاب كيصفرو عجبهم الفيلم اللي داز قدامهم الاكثرية مكانوش كيحملو صوفيا وهند ديما خالقين المشاكل ودافعين النفخة على الخوة جابولو لي كارد لوطو حلها الباب ركبات ركب حداها وكسيرا طول الطريق وهما ساكتين فرانة قدام ريسطو في وسط المدينة نزلو قد قد دخلو العمال كاملين حناو راسهم كيف لااااا وكلشي عارفو رضى برادة اللي طابع اسمو وزيد على هادشي صاحب نضال أكبر مفيوزيان خطيران على الكرة الأرضية بأكملها كلسو وحط قدامها الموني تختار شنو بغات

لينا : علاش جينا لهنا
رضى : تكملي فطورك

لينا : وعلاااااااش
رضى : كنظن حتى نضال لو كان عرف أن ختو كانت غدي تعرض للضرب كان غدي يحميها ويديها تكمل فطورها اللي خسروه عليها دونك حسبيني خوك الكبير بحال نضال اصلا انا ونضال خوت وكيفما نتي ختو يعني ختي حتى انا

لينا عبسات وجها معجبهاش الحال نطقت باستفزاز : إوى شكرا اخويا الكبير….. وركات على ديك خويا

رضى ظهرت على وجهو ابتسامة خفيفة محاها ورجع شاف فيها : مالك تقلقتي معجبكش الحال نكون خوك مبغيتيش يكونو عندك زوج خوتك…….. قرب لعندها حط يدو على يديها ونطق بهمس…….. اش بانلك نكون حبيبك

لينا هزات كاس دالما تشرب وقفاتلها ولات كتكحب تخنقات : كح كح كح احم شنو كتقول أصلا أنا عندي حبيبي

رضى : كذبة مفروشة هذي حتى منكون كنعرف على حياتك والو عاد قوليهالي

لينا : وعلاش اخويا كتقلب في حياتي كنجيك شي حاجة واللهيلا قالك حتى منكون كنعرف على حياتك والو (كتعيبو)

رضى : لا غدي تولي كتجيني من بعد غير هني بالك من هاد الناحية يلاه دبا اختاري شنو بغيتي تاكلي دغيا عندي الخدمة

لينا : منعتك سير

رضى خنزر فيها : هنينا متقلبيش على وجهي لاخر

لينا تأففات نطقت بهمس : تفو خليها سلعة داير بحال صاحبو تقول كيدكولهم الابرة دالصعرة

رضى : سمعتك……. حس بالتليفون صونا شاف السمية تبسم جاوب في الحين …….. اوووه شكون كيتاصل بيا أحسن وردة في هاد الكون توحشتيني

لينا تزيرت محملاتش راسها في هاد الوضع غير دبا كان كيعرض عليها يكونو حبيبين ودبا كيجامل في وحدا خرا

سعد الفارسي

💘أحببت شهيرا 💘
🦋بقلم لمياء الشادلي 🦋
❌البارت 42❌
✳️شهيرة ✳️

لينا تزيرت محملاتش راسها في هاد الوضع غير دبا كان كيعرض عليها يكونو حبيبين ودبا كيجامل في وحدا خرا

رضى : ههههههه الملكة ديالنا عارضة عليا ومنجيش حشومة اك عطيني ساعة نكون عندك يلاه بيزو باي….. قطع

لينا : بنادم الله يستر صنطيحة عندو زوج وجوه كل واحد تيعطيه لوحدة ويعلم الله شحال من وجه مزال

رضى عيط على السيرفور دوموندا على الفطور ديالها ومشا في حالو : كنقولك راه خاسك اللي يهرسلك داك الفم

لينا : مالي كذبت كتقيل تعنب وقيلة هذي خويا مكيشبهلكش فيها

تحط قدامو الفطور هو خدا غير كافي : كولي دغيا نوصلك لداركم

لينا زيرت على يديها حنات راسها كتاكل بالسيف كاع دوك الغدايد والاعصاب خرجاتهم في الماكلة مهزات راسها حتى خوات الطباسل

رضى : مكتبانش فيك

لينا : ياكما حتى ماكلتي غدي دخل فيها

رضى جبدها من يديها : أي حاجة كتخسك غدي ندخل فيها فهمتي

لينا تنثرات منو : سير تدخل في هذيك اللي كتقول عليها ملكتي

رضى وقف عيط على السيرفور دخل الكارط والكود خلص وخرج جارها من يديها جابلو لي كارد لوطو ضغط على السوارت طلعو البيبان للفوق اوطوماتيكمون طلعت وطلع حداها رجع ضغط على بوطون آخرة تسد الباب وكسيرا بسرعة للقصر

كانت مزالة كتجمع في الصالة 3 دالسوايع باش خرجو وهي مزال مجمعتش حتى قسم صغيييير من الفيلة 100٪ مغديش تكمل في الوقت بينما هو كالس في البيرو كيشاهدها من خلال الكاميرات من بعدما خرج مع مريم صيفطها مع الشيفور للمستشفى في السونطر دباريس و صيفط ممرضة للفيلة

مشا للشركة ديالو خرج هو وياها باش يخلي نورهان تشك وفي نفس الوقت يبعد عليها مريم عارفها كتعصب وغدي يصدقو في شي حاجة مشي هي هذيك جبد البيسي كايخدم على التصاميم الجداد اللي غدي يخرجو من هنا شهرين ويتعرضو في المعرض الدولي للتصاميم خلا الطابليط حداه مرة مرة كيدوز ناظرو ليها حل المجر جبد ورقة بيضاء دالرسم وصندوقة عامرة بالاقلام جميع الأشكال و الأنواع هز قلم وبدا في ابداعاتو كيتخايل صورتها ملامحها كلشي فيها كيتذكرو كأنها كاينة قدامو خصوصا ضحكتها اللي كتسطيه بعد نص ساعة كانت اللوحة جاهزة هزها كيشوف فيها كأنه مصورها مشي راسمها ابتسم ابتسامة خفيفة ونطق بدون شعور : غدي تحمقني هاد البنت ااااه شنو درتي فيا

سمع الدقان في باب المكتب اذن بالدخول دخلت عندو السيكخيتيغ لابسة كسوة مزيرة عليها في الأسود وملامحها شقراء باينة كاورية مشي مغربية

ملاحظة الحوار بالفرنسية

السيكخيتيغ : موسيو نضال شركة العمراني للتصميم الداخلي وصلات وكتسنى في قاعة الاجتماعات

نضال : اك هانا جاي

خرجات من عندو بينما هو وقف هز الرسمة حطها في المجر سد البيسي نسا الطابليط مردش ليها البال واش باقة ولالا

خرجات من الليسي بعدما وصل وقت الغذاء كتدور راسها وكتقلب على الشيفور كاع مبانلها معرفاتش شنو واقع ديما كيكون هنا قبل متخرج حسات بشي واحد واقف عليها

فاتي : شنو بغيتي اخويا حيد من الطريق

سيمو : فين هي ديك صاحبتك ديك الموسخة انا مكانتش عاطياني وقت وداك صحيبها اللي كانت كتقيل تهضر عليه ولات مكتفرقش عليه تصاورهم معمرين الأنترنت انا حسابلي غير كتفلى الساعة صدقت بصح………. زير على فاتي من يديها……… قولها والله ومدارت معايا شي حل وسمحت في داك ميخي ديالها والله حتى نشرطلها ديك الكمارة اللي فرحانة بيها راك كتعرفيني خاسر……. ما حس براسو حتى جاه كروشي تلفو على اش كان تيقول

سعد : أولد الكلبة شادلها في يديها ساليتي من نورهان قلبتيلها الدورة

سيمو ناض شاد على عينيه : نتا إلى كنتي سمحات فيك ومشيتي لهاد خيتي انا والله متفرقني عليها غير الموت

سعد زادو كروشي آخر : نورهان الكلب خليها في التيقار ولا شهد على روحك.

سيمو : ها بنتي على حقيقتك إذن نتا خفتي من داك كيليميني ديالها داكشي علاش جيتي لعند هذي إوى إلى كنتي نتا خواف أنا لاااااا والله يا مو يا بيا يا بيه انا مكتخلعني غيير الموت إلى كان غير على الحبس ندخلو وانا كنضحك على قبلها

💘أحببت شهيرا 💘
🦋بقلم لمياء الشادلي 🦋
❌البارت 43❌
✳️شهيرة ✳️

سعد جر فاتي مباغيش يديها في برهوش ركبو بزوج في لوطو وكسيرا للوجهة ديالهم

فاتي : سعد واش بصح هادشي اللي كيقول

سعد ضرب في الفولون : شنو قلت انا شنو قلت ياك قلتلك بعدي من الدراري علاش كديري غير اللي في راسك

فاتي : وهو اللي بزز عليا نوقف نهضر معاه انا مدرت والو

سعد : اهاه ألالة لا كون غير وقفتي معاه بخاطرك واش باغة تحمقني

فاتي : راه نتا اللي غدي تحمقني كتقولي نتا و نورهان مبيناتكم والو وشويا كيخرج حد آخر كيقول حاجة آخرة

سعد غوت : فاااااااتي شحال من مرة غدي نعاودهالك نورهااااااااان ختي الصغيرة كتفهمي ختيييي الصغيرة ومكنبغيش اللي يآذيها كتفهمي ديك الغيرة ديالك الزايدة من ناحية نورهان نسايها

فاتي سكتات مقلقة من طريقة هضرتو مباغاش تزايد معاه ويصدقو فشي حاجة مشي هي هذيك والمشكل مزال حتى ممزوجينش يقدر في أي لحظة يفسخ الخطوبة وهي كتحماق عليه لكن اللي ممأكداش منو أنه كيبادلها نفس الإحساس

وصل الليل كلسات حيدات دوك الحوايج النهار كامل مكملاتش حتى الطابق الأرضي في دارهم مكانت كدير والو ديما مها مسكينة هي اللي كتجمع الدار وتغسل الماعن وطيب ودير كلشي حتى من فراشها كتخليه مرون كون مكانتش سمية كون راه حياتها ضايعة طلعت للفوق حلات الباب لقاتها متكية هذي ثاني مرة دخل عندها هاد النهار من بعدما فاقت

سمية حاولات تنوض بالزربة وقفات عليها نورهان عند راسها حطات المخدة موراها باش ترتاح في الكلسة كلست حداها في الناموسية شادة في يديها والدموع في عينيها

نورهان : ماما غدي تسمحيلي ياك والله مدرت بيدي شي حاجة

سمية عطاتها يدها باغة تستقبلها في حظنها نورهان قربات عندها تخشات فيها : كنت خايفة ابنتي غير ضيعي شرفك اللي شحال وانا كنتقاتل باش تحافظي عليه ولكن منين نتوما مزوجين وكلشي بالحلال معنديش مشكل وخا كنت باغة نفرح بيك ولكن مغديش تلقاي حسن منوووو انا اللي ربيتو وخا انا كبيرة عليه غير ب 10 سنين ولكن منين دخلت عندهم كان عندو يلاه 6 سنين كنت ديك الساعة مزال مولدتك ومزال متزوجتش اصلا في خبارك ابنتي كنت عارفاك كتبغيه منلي كنتي كتمشي تقراي وكنت كندخل نخمل بيتك شحال لقيت في تصاورو مخبياهم في البلاكار ديالك وتحت الناموسية وشي وحدين في المجورة وخا عرفتك معجبة بيه ونقدرو نقولو كتبغيه ولكن مكنتش باغة طيحي في نفس الغلط اللي طحت فيه انا الغلط اللي ندمت عليه حياتي كلها وخصوصا كنت عارفة نضال عندو البنات كيف اللعب مبغيتكش ضيعي

نورهان مرداتش البال لآخر جملة قالتها: لعبها القدر ولكن علاش ديتيني معاك للقصر ونتي كنتي عارفاني كنبغيه

سمية : عرفتك مشيتي للحفلة ديالو وكنت عارفة انكم غدي تلاقاو بأي طريقة عارفاك كديري المستحيل باش تحققي داكشي اللي باغة وتأكدت من السينياتير اللي كنتي منعساها الليل كاملة من تحت راسك كنت بغيت نخفف عليك شويا و نخليك تعيشي السعادة ولو غير لحظة وحدة

نورهان زيرت على مها : كنحماق عليك اماما والله كان كيحسابلي ممهتماش باش كنحس لكن نتي كنتي عارفة بكاع اللي كنت كندوز منو…….. بعدات من حظنها…….. ماما بغيت نسولك عمرك عاودتيلي على بابا وكفاش داير

سمية حسات بقلبها تقسم على زوج هبطو الدموع من عينيها مسحاتهم دغيا : باباك ابنتي مات الله يرحمو مكاين لاش نجبدو سيرتو ونحزنو

نورهان حسات بمها تقسحات من سيرتو فضلت تسكت و متزيدش عليها : صافي اللي بغيتي

سمية قربات ليها يديها حطاتها على راسها : راسك سخون بزااااااااف عاوتاني ضربك البرد الله يا بنيتي معنديش حتى الصحة اللي نقابلك بيها

نورهان ناضت رجعات قدات المخدة لوضعيتها الأولى : غير رتاحي مكنحسش بحتى حاجة غدي نعيط الممرضة تقابلك رجعي نعسي

خرجات خلات دموع مها نازلين على ماضيها المر كتحاول تنساه لكن كل مكتشوف ثمرة حبهم كتفكر كاع داكشي اللي طرا كأنه غير البارح

نورهان خرجات من البيت طلعت للطابق الثالث لجناحهم حيدت الكلاكيط وتخشات في الفراش مدكدكة حاسة بالسخونية هابطة على عينيها تمارة اللي ضربت كانت كفيلة تخليها منهارة ثواني وكانت غير واعية بالعالم الخارجي من غير مناداتو بإسمها

فاتي الفارسي

💘أحببت شهيرا 💘
🦋بقلم لمياء الشادلي 🦋
❌البارت 44❌
✳️شهيرة ✳️

نورهان خرجات من البيت طلعت للطابق الثالث لجناحهم حيدت الكلاكيط وتخشات في الفراش مدكدكة حاسة بالسخونية هابطة على عينيها تمارة اللي ضربت كانت كفيلة تخليها منهارة ثواني وكانت غير واعية بالعالم الخارجي من غير مناداتو بإسمها

خرج من الفيلة هازها حطها في لوطو وكسيرا غدي يحماق خلا الخدمة على قدها في الشركة ورجع على قبلها يشوفها كان عارف أنها مغديش تكون كملت داكشي اللي طلب منها ولكن كان موجدلها عقاب بسيط وكما أنه عارف راسها قاصح فمكانتش غدي تكمل كاع التخمال وقف قدام الكلينيك خرجولها البياص تخطاهم ودخل بيها لغرفة الفحص

مريم دخلت عندو بعدما علمت بقدومو فحصاتها قدامو سمعت دقات دقلبها حلاتلها عينيها حتى هما فحصاتهم وحطات يديها على كرشها من الفوق للاسفل كتضغط عليها ركزت على اسفل البطن وبالضبط في رحمها حلات عينيها

مريم متوترة : احم نضال خاصني ندير فحوصات أخرى ممكن تسناني برا

نضال بشك : فحصيها قدامي مكاين ميتخبا

مريم : نضال عفاك بلى متحرجني

نضال خنزر فيها كأنه كيحذرها تخبي عليه شي حاجة وخرج بينما هي جبدات واحد السائل دهنات بيها كرشها وحطات الالة كدوزها على كرشها وكتشوف في التلفزة وكتدور راسها بالنفي هبطو دموعها محاملاش الوضع هزات كلينيكس مسحات كرشها ورجعاتلها حوايجها كي كانو مسحات دموعها وخرجات عندو

نضال : شنو عندها
مريم : مكاين والو معندك مناش تخاف غير التعب أثر عليها خاصها غير الراحة وتولي بيخير

نضال حرك راسو بالايجاب دخل عندها بعدما انتهى السيروم هزها بين يديه خرج قدام المستشفى جابولو لوطو حطها وكسيرا قدام برج إيفل مبغاش يديها للفيلة تفكر وتخسر نفسيتها حيد السمطة وهزها حطها في حظنو زير عليها وهبط المقعد كيلعب في شعرها كيتساناها تفيق

قبل بساعات

فرانة قدام القصر نزلو بزوج في دقة شافت فيه بتعجب: محسابليش عزيزة عليك خت صاحبك لدرجة تدخل معاها حتى للدار زيد متحشمش وصلني حتى لجناحي نتا كااااع

داز فيها ودخل سابقها كانت نرجس كالسة كتقرى في كتاب مبلية بلا قياس بالمطالعة هزات عينيها شافتو ابتسمت وقفت تمشات بالزربة لناحيتو

رضى عنقها : اوووووه ملكتي الناس كتقدم في السن ونتي كتنقصي…….. هز يديها باسها بلباقة…….. أجمل امرأة شافتها عيني

لينا دخلت حالة فمها فيهم ممصدقاش اش كتشوف عيونها : لا بلاتي كفاش ملكتي ماما واش نتي اللي عيطتيلو قبيلة

نرجس : اه ابنتي ديما كنعيطلو كل مرة كيخرجلي بعذر لكن اليوم مكنتش انولي نهضر معاه كون رفضلي طلبي بلاتي بلاتي كفاش قبيلة واش جيتو بزوج وفين كتعرفو بعضياتكم أصلا

رضى كلس داير رجل على رجل بطريقة رجولية : بنتك دايرة كي العلقة فينما مشيت كنلقاها في طريقي……. غمزها كأنه كيخبرها بأنه باغي يعصبها

لينا لاحت عليه مخدة صغيرة : ماما شوفي اش كيقولي مغديش تهضري كيسبلك بنتك قدامك ونتي ساكتة

نرجس عجباتها الخطة قربات لحداه شدات في يديه متكية عليه من ديما مضاسرة هي وياه منلي تزاد وهي كتعرف عائلتو مو صاحبتها مكيتفرقوش هي وياها وشاءت الاقدار حتى الأولاد طلعو صحاب : لا هو عزيز عليا اكثر منك مكنتقلقش منو

لينا وسعات عينيها كتشوف في مها تقلبات : ياك انرجس ياك تخليتي عليا وفضلتيه هو اللي مشي ولدك من صلبك…… دارت لقات باها داخل طارت كتجري لعندو…….. باباااااا اجي تشوف مرتك اش تتقولي

أنور عيان من كثرة الاجتماعات اللي خاصين بالفروع اللي كاينين في المغرب منلي مشا نضال والخدمة كثرت من ديما كان كايخدم بذكاء كيخلي الأمور تمشي بسهولة لكن منين كيكلف شي شخص كيصعاب الامر باس على راس بنتو : مال حبيبتي شكون قلقلك

لينا كتغبن شيرات لرضى : هذاك ابابا

أنور : وملقيتي ابنتي بيمن تشكاي هذاك وخوك ابنتي ميقد عليهم غير اللي خلقهم

رضى ناض قرب لعندو ابتاسملو وتسالمو سلام رجولي : أنور بيخير

أنور : هانتا كتشوف أولدي بديت كنعيا إوى هذي هي الحياة

رضى : لا لا لا معيتي والو مزال نتزافطو كيف شحال هذي

رضى

💘أحببت شهيرا 💘
🦋بقلم لمياء الشادلي 🦋
❌البارت 45❌
✳️شهيرة ✳️

نرجس غمزت أنور حاسة بشي حاجة كاينة : حبيبي طلع الفوق ترتاح شويا وانا نمشي نطل على الخدامات نشوف شنو دارو من نهار مشات سمية وانا حايرة معاهم

انصرفو وخلاو دوك الزوج بوحدهم
لينا : خديتي خويا وبابا وماما اش مزال باغي اكثر مفهمتش انا شنو باغي عندي إلى كنتي كدير هاد المقدمات باش تصيفط الفيديوهات غير بلى متعذب راسك مكنخافش

رضى : اممم كتسولي شنو باغي

لينا : ويي

رضى كيقرب خطوة وهي كترجع للور كالاها مع الحيط ونطق بصوت رجولي حط يدو على قلبها : بغيت هذا

لينا متوترة من يديه ركباتها الرعدة من صباع رجليها حتى لذاتها كاملة : ش ش شنو ب بغيتي ت ت تققول مممفهمتكش علاش كتهضر

رضى : كنعرف عليك ذكية ميمكنش تكلخي في هادشي…….. زدح على الحيط……. ليييييينا مكنحملش اللي يستغبيني راك فهمتي هضرتي ومزيااااااان عندك نهار واحد ترضي فيه عليا

لينا : ولكن

رضى رجع زدح على الحيط حسات بيه قرب يريب حداهم : سمعي مزيان وكوني متأكدة مغديش نقبل منك الرفض انا عطيتك هاد المدة باش تقبلي علاقتنا مشي باش تفكري واش توافقي ولالا بربي مغدي تكوني لغيري وإلى مشيتي مع شي واحد نقتلك كتفهمي نقتلك

قاطعهم صوت شي حد موراهم دار لقا نرجس
نرجس : احم احم الغذا واجد

لينا استغلت أن مها كتهضر معاه غفلاتو وفلتت من قبضة يدو طلعت كتجري في الدروج نيشان لجناحها مقدرتش تجلس معاه في طبلة وحدة

فاقت شدات في راسها كتحس بشي يد على ظهرها حولات نظرها ليه ولات حذراتهم منين شافتو كتحس براسها حاقدة عليه بزااااااااف على هادشي اللي كدوز منو وخا تكون حيوان ميديرش ليها هكا بقاات مرخية في بلاصتها بلى متنطق حتى حاجة

نضال : مالك

نورهان بقات على نفس الوضعية مجاوباتوش الشي اللي صعرو : نورهااااان منين نكون كنهضر معاك جاوبي

نورهان ناضت من عندو انتقلت لبلاصتها كتبكي وكتغوت حلقها غدي يبح : نورهاااااان نورهاااااان عييييت عيييييت كتفهم شنو هي عيييييييت وااااااش مكتعرفش شي حاجة من غير الحكام وتآمر راه حتى انا إنسان حتى انا بنادم مشي اللي جا يزطم عليا بصباطو علاش تزوجتيني علاااااش واش كيعجبك الحال تعذبني صافي هذا جهدي مبقيتش قادرة نصبر كل نهار قلبي كيتقسم على زوج كل نهار كنحس براسي غدي نموت بزااااااااف على هادشي منين كنتي بعيييد كنت حاسة بالراحة مقارنة مع هاد الجحيم اللي معيشني فيها

نضال رجع المقعد على وضعيتو حط يدو على الكرافاط كيحلها كيحس بروحو غدي تخرج من هاد الهضرة اللي كتقول في الوقت اللي هي كيحسابلها كترفه على نفسها بهاد الهضرة هو كيحس بالماس كيختارقو قلبو شاف قدامو التازم بالصمت مباغيش يعطيها شي دقة تدير فيها شي عاهة مستديمة ولا ينطق بشي كلمة يندم عليها من بعد

نورهان قربات عندو شداتو من الشوميز ديالو : جاوب قول شي حاجة ارحمني عفاك عيييييت بغيت نتحرر بغيت نرجع لحياتي الطبيعية عفاااااااك ولو مرة وحدة نفذلي شي طلب غدي نمووووت إلى مخليتينيش نمشي غدي نقتل راسي ونهنيك مني عمرك تولي تشوف وجهي مزال…….. قاطعها منين حط يدو خلف راسها وحط شفايفو على شفايفها كيحركهم بكل احترافية رغم عدم انسجامها معاه إلا انه بقا مسمتمر بدون وعيها كانت كتقبل فيه كذلك بكل شوق كل الهضرة اللي قالت هي عكس داكشي اللي كتحس بيه في الداخل ديالها اه فعلا باغة تمشي بحالها عيات من هاد العذاب لكن متنكرش أنها كتبغيه وكتحماق عليه لأقصى حد

بعد مدة طلقها وشاف في عيونها اللي سحروه من أول مرة شافهم : تبغي تشوفي المناطق اللي كاينين في فرنسا

هزات راسها بالايجاب خرجو من لوطو وشدو في أيدي بعضياتهم مستمتعين باللحظة كأي كوبل

نورهان : نضال

نضال : وي حبيبتي

💘أحببت شهيرا 💘
🦋بقلم لمياء الشادلي 🦋
❌البارت 46❌
✳️شهيرة ✳️

نورهان : بغيت ناكل 😊

نضال شافها عيات هزها بين يديه دخلو لريسطو اقل ما يقال عنها روعة الزبائن كاملين حلو فامهم خصوصا البنات الاكثرية غدي ياكلو نورهان بعينيهم مكرهوش يكونو في بلاصتها كلسها في المقعد ديالها وتقابل معاها : شنو بغيتي تاكلي

نورهان : اي حاجة كتشبع

نضال وسع ابتسامتو اللي البنات غير شافوها حلو عينيهم من الصدمة والبعض هزو التليفون كيصوروه عمرهم شافوه كيضحك تصاورو كاملين مخنزر فيهم : هي ندوموندي على حسابي

نورهان خرجات عينيها جرات الموني فتحاتو : لا لا لا أخويا داكشي كولو نتا عارفة ذوقك الزين في الماكلة هذاك العصير مزال الحد الآن واحل في حلقي تقول معرفت باش صانعينو

نضال : اك اك اك مدام نضال الوزاني دوموندي اللي بغيتي

داز الوقت تحطات الماكلة قدامهم نضال سمع تليفونو كيصوني شاف المتصل قطع ولا رجع صونالو رجع قطع عليه للمرة الثالثة رجع صونالو نضال عرف غدي تكون شي حاجة اللي مهمة : كولي هانا جاي متحركيش من هنا انا غير قدام الريسطو نجاوب ونرجع

نورهان حركات راسها بالايجاب ونزلت راسها كتكمل ماكلتها حساب بخيال شي واحد واقف قدامها

بدون متهز راسها نطقت : حبيبي دغيا رجعتي

سمعت صوت شخص آخر كانت بالفرنسية هزات راسها كان شاب في العشرينات من عمرو

توماس : واو تقول غير لوحة مرسومة شنو سميتك

نورهان مفهمات داكشي اللي قال في الأول فهمت غير شنو سميتك : احم نورهان

توماس : سميتك زوينة بحالك يمكنلي نكلس

نورهان بقات غير كتشوف فيه ابتسمت ابتسامة مزيفة باش تغطي كمية الإحراج اللي كتحس بيها كون كانت كتفهم الفرنسية وكون كانت كتقرا مزيان كون راها مسلكة راسها دبا

توماس منين ابتسمت حسبها دليل على قبول الإذن كلس في بلاصة نضال والابتسامة مكاتفارقوش حط يدو على يديها وجبدها لعندو باسها على خدها هي حمارت عرفات هذي اللخرة ليها خصوصا بعدما حسات بالطبلة تقلبات

فاتي نزلت معصبة زدحت الباب ودخلت للدار تنهد عارفها تقلقت مغديش يبقى كل مرة يفسرلها بالنسبة ليه خاص تفهم علاقتو بنورهان متخليهاش وسيلة باش تهدم علاقتهم كسيرا بلوطو للفيلة ديالو غير اللي سكن فيها مو وباه هذي خلاها خاصة بيه هو وياها فرانة قدام البوابة الداخلية شاف خيال بنت مباينش وجها مزيان نزل قرب لعندها كيتأكد وفعلا كان شكون في محلو

نورة قربت لعندو تلاحت عليه عنقاتو : سعد حبيبي توحشتك

سعد دفعها حتى طاحت في الأرض تحنا لعندها كيحذرها : سمعيني مزيان نقتلك إلى قربتي ليا مزال داك التحلوين والتكلبين اللي تعلمتيه في أمريكا متجيش ديريه عليا حنا سالينا 4 سنين هذي كتفهمي صافي سالينا نولي نشوفك كنقسملك موتك غدي تكون على يدي

نورة ناضت بالزربة شدات في يدو كترجاه : والله إلى ندمت على كاع داكشي اللي داز كنت حمارة عفاك مديش عليا مكنت كنعرف والو خلينا نساو اللي داز ونكملو بزوج

سعد شد يديها زير عليها حبس فيها الدم : سمعي مزيان مبقاتش شي حاجة سميتها حنا انا بقاتلي سيمانة ونتزوج كتفهمي انا عقلي وقلبي مع وحداخرا مغديش نخليها على مسخة كلبة بحالك ودبا تحركي من هنا وإلا غدي نقتلك ونلوحك الكلاب يتعشاو بيك اليوم

نورة : سعد عفاك غير سمعني

سعد حل باب الفيلة وزدح عليها الباب خلاها برا حيد جاكيط لاحها وكلس في الفوطوي كيفكر كفاش من بعد هادشي كامل مزال عندها الوجه باش ترجع كفاش حتى قال نساها عاد راجعة تحرر عليه عيشتو هز كاس كب فيه الكحول هبط عليه كامل رجع كب آخر واحد مور واحد حتى مبقاش عاقل على راسو كيحاول يدير أي حاجة باش ميتشوش تفكيرو بيها مباغيش يشك في مشاعرو نحو فاتي من بعد ما رجعات حتى كيقول حياتو تقادات وكتولي تخرب من أول وجديد

💘أحببت شهيرا 💘
🦋بقلم لمياء الشادلي 🦋
❌البارت 47 ❌
✳️شهيرة ✳️

نورهان هزات راسها كتشوف في عينيه الحومر مكاين هروب هذي هي الآخرة ليها هاد المرة مشات فيها بالمعقول يا غدي تمشي للروضة يا غدي تعيش بشي عاهة مستديمة نضال جر توماس من الكول دالشوميز وجمع معاه بكروشي خلاه طايح ورجع هزو عطاه كروشي قصح من الآخر ريبلو سنانو كاملين كان كيضرب بقوة وحدة مور وحدة وبصمت مهضر ما والو أمر لي كارد يهزوه لديپو بعدما مسحو الفيديوهات و التصاور كاملين اللي صوروهم الزبائن خرج من الريسطو بدون كلمة خلاها غير كتشوف فيه مصدومة كانت عوالة على شي دقة كفاش شاف داكشي كامل ومضربهاش لا ميمكنش تبعاتو كتجري لقاتو في لوطو ركبات حداه يلاه غدي تنطق كسيرا بسرعة حتى كان راسها غدي يتزدح مع الزاج القدامي

كانت كل مرة كتهضر مكتلقى حتى رد فرانة قدام الفيلة نزلات ووقفت كتسناه يهبط لكن خاب أملها من بعدما ما قلب الدورة وكسيرا للوجهة ديالو دخلت مرفوعة مفهمت والو في هادشي كل تفكيرها واش غدي يعاقبها بشي عقاب اللي مغديش تستحملو ولا شنو غدي يدير قاطعها صوت سعاد اللي منين شافتها صفرة عطاتها كاس دالما

سعاد : مالك ابنيتي واش عندك شي حاجة مزال مدابزة مع راجلك

نورهان : خالتي مفهمت والو دابزنا في الصباح راك شفتي كاع داكشي اللي وقع انا تعصبت عليه واصلا نزلي الضغط طحت سخفت داني للطبيب وقيلة ومنين فقت لقيت راسي في لوطو قتلو يطلقني مبغاش قالي يدير أي حاجة إلا الطلاق صافي تصالحنا وخا بقيت مقلقة منو داني نتسارا في فرنسا ومن بعد مشينا لريسطو جاتو شي مكالمة خرج لبرا يجاوب وانا طلبت الماكلة منين شفتو تعطل كليت حسيت بشي واحد وقف عليا منين هزيت راسي لقيتو واحد الكاوري بقا كيخربق عليا بديك الفرنسية ديالو مفهمت والو كلس قدامي في بلاصة نضال انا بقيت غير كنشوف معرفتش شنو ندير شويا وانا نشوف السيد زعم جرني لجيهتو وتقرب مني صافي هادشي اللي وقع ونضال حضر في ديك اللحظة

سعاد : ويلي المسخوطة وعلاش ممنعتيهش واش نسيتي أنك مزوجة ونتي عارفة نضال صعيب بزاااااااف وكيتعصب دغيا وشنو وقع من بعد شنو دارلك أكيد غدي يكون مرمقها معاك

نورهان : وخالتي هنا فين كاين المشكل الولد مسكين هلكو بالعصى وأنا وصلني لهنا ومشى

سعاد : وتسناي احنينتي ورقة طلاقك نضال إلى مضربكش صافي راه غسل يديه منك عرفي راسك مبقيتي تسواي والو عندو آخر عقاب يقدر يديرو هي يتجاهلك غدي يخليك طلبي الطلاق راسك وتمشي فحالك

نورهان : واش انا كنهضر منيتي اخالتي ونتي كطنزي عليا كنقولك قالي طلبي كلشي إلا الطلاق و يطلقني كيدرتي ليها

سعاد : كنا وكنتو ابنتي راه كنعرفو اكثر منك انا راه سنين وانا خدامة عند عمو منلي تزاد وهو عندو مكانش كيتفرق عليه كان كيدوز أكثرية وقتو عندو أصلا هاد الشخصية اللي عندو نفسها عند عمو ومنين مشى عمو جابني للقصر ديالو نضال ابنتي دغيا كيتقلب بحال الزمان هو شخص مزاجي بزااااااااف كلشي عندو إلا الغدر والدليل على ذلك واحد البنت كانت خدامة عند موسيو أنور كان كيبغيها عمو وكان كيحماق عليها غير حصل عليها كتخونو سمح فيها وهي حاملة بولدو لدبا مرجعش بنتو دبا تكون كبرات وهو مزال الحد الآن حسو مقطوع

سمعو البلاطو تهرس دارو لقات مها شادة في قلبها ودموعها هابطين

نورهان : ماماااااااا ماااااالك

سعاد حلات عينيها بصدمة : ماما ؟ سمية؟؟؟؟ كيفاااااااش

سمية حاسة بالأرض كدور بيها قربات لعندهم خاطبات بنتها والكلمات كيخرجولها متقطعين : ن نورهان بببنتي سيري جيبيلي الما

نورهان هزات الكاس اللي جابتولها سعاد وعطاتو لمها هاد الأخيرة اللي لاحتو حتى تهرس

سمية كتغوت : قتلك جيبيلي نتي الما مبغيتش هذاك كتفهمي

نورهان حركات راسها بالإيجاب ومشات كتجري للمطبخ خايفة من تصرفات مها اللي جاوها في شكل وخايفة لاتوقعلها شي حاجة

سمية شدات في سعاد كتمخدها وكتهضر بهستيرية : علاااااااااش قلتيلها علااااااش هضرتي قدامها بهادشي وااااااش لهاد الدرجة عندك بنادم بحال اللعب مكتحسييييييش واش نتي بنادم شنووووو درتلك قوليلي شنو درتلك باش اديتك باش ديريلي هكا

سعاد : سمية تيقي بيا ابنتي مكانش كيحسابلي نورهان بنتك وإلا مكنتش غدي نهضر اصلا غير جابتها الهضرة وهي راه مفهمت والو كوني هانيا

سمية طاحت للأرض كتبكي وكتنتف في راسها : علاش كتفكروني في جرحي

💘أحببت شهيرا 💘
🦋بقلم لمياء الشادلي 🦋
❌البارت 48 ❌
✳️شهيرة ✳️

سمية طاحت للأرض كتبكي وكتنتف في راسها : علاش كتفكروني في جرحي

سعاد هبطات لعندها عنقاتها كتحاول تهدنها : سمية داكشي فااااات دازت 18 لسنة معرفتش علاش مزال مبغيتي تنسايه عيشي حياتك راه مغديش يرجع مغديش يرجع هو مشاااااا مشااااااا

طيحات الكأس دالما قربااات لعندها كترجف والدموع في عينيها : ماما واش كتبكي على بابا هئ هئ هئ واش توحشتيه هئ هئ داكشي علاش مكنتيش كتبغي تعاوديلي عليه واش كتبغيه بزااااااااف هئ هئ انا حاسة بييييك اماماا حتى انا كنبغي نضال و منقدرش نصبر إلى وقعاتلو شي حاجة خايبة هئ هئ ولكن هذا هو المكتاب متخافيش انا ديما معاك انا مغديش نخليك هئ هئ

سمية وقفت بالسيف باقة عيانة من العملية جرات بنتها وجلسو مسحات دموعها ودموع بنتها شافت فيها واصطنعت الابتسامة : متخافيش ابنتي انا بيخير غير تفكرتو وصافي مع الوقت نسيتو مكاينش هادشي غير خالتك سعاد الله يهديها كيحسابلها باقة كنفكر فيه

نورهان : كاع مقلتيلي أماما كفاش كتعرفي خالتي سعاد ياك كل وحدة كتخدم في قصر

سعاد عتقات الوضع : انا وماماك ديما كنسيرو الحفلات الكبار دالعائلة ومع حفلاتهم مكيتسلاوش كنا ديما كنتلاقاو حتى ولينا أصدقاء وخا انا كبيرة عليها ب 16 سنة

سمية كتبدل الموضوع : الله يهديك الحاجة راك مكبيراش بزااااااااف عندك يلاه 55 سنة مزال دكي ودردكي ههههه

سعاد : إوى قوليها وعمري بيها فمك انا اصلا مشارفاش

نورهان : صافي صافي بلا متقلبوها مدابزة مهم انا طالعة ندوش عيت اليوم

سمية : مقلتيليش فين كنتي ابنتي

نورهان مبغاتش تخبرها بمشاكلها هي وياه وتخليها مشوشة عليها : كنت خارجة انا ونضال مهم انا طالعة

سمحات فيهم وطلعت لجناحهم حيدات حوايجها كاملين ودخلات للدوش ساعة وهي مسترخية في الما كتحيد التعب حسات براسها تعطلت ناضت وقفت كتغسل شعرها و دازت لداتها انتهت غسيلها بعدما دوزت على لحمها بالصابون شلات بالما خرجات هزات البينوار لبساتو تمشات للناموسية تكلس كتحس براسها مشي هي هذيك شدات على قلبها كتحس بيه كيضرب بسرعة ناضت كتجري للحمام ردات كاع الماكلة اللي كلات مسارنها تقلبو غسلات وجها حكات سنانها وتمشات لناحية الدريسينغ

نورهان : ماكلة دبرا كاع مكتوافقني الله يخليلي سمية وصافي

حلات البلاكار اللي كان شاد نص في الدريسينغ كبير ومقسوم لزوج جهات حوايجو وحوايجها اللي كان عاد وصا عليهم بعدات من حوايجها مبغاتش تلبسهم هزات شوميز ديالو في الأسود حطاتها على نيفها كتستنشق ريحتو اللي دخلت لأعماق قلبها مستمتعة بيها شي حاجة كتجذبها ليها اكثر هزات دو بياس لبساتهم ولبسات من فوقهم الشوميز سداتها برزات منحنيات جسدها المثالي خرجت من الدريسينغ وتوجهت للناموسية تكات من فوقها على شكل وضعية جنين كتسناه لكن غلبها العيا وتمكن منها الشعور بالنوم

صبح الصباح فاقت لقات الغطا من فوقها والجناح خاوي كيسود فيه الصمت ناضت مشات للحمام قدات روتينها اليومي سمعات الدقان خرجات كتنشف وجها بالفوطة حلات الباب لقات إكرام في الباب

نورهان : وي إكرام بغيتي شي حاجة

إكرام : لالة جيت باش نقولك قالك سيدي نضال توجدي راسك غدي ترجعو للمغرب

نورهان : فين هو دبا

إكرام : هو سبق للمغرب هذي شي ساعتين مع آنسة مريم وكلفني باش نقولك أنك غدي تمشي نتي ولالة سمية وانا ولالة سعاد غدي نلحقو عليكم في الليل

نورهان زيرت على يديها : اك شكرا……. زدحت الباب ودخلت كتجر في رجليها مكرهة في هاد المعاملة الجديدة اللي ولى كيعاملها بيها كتفضل يضربها يقتلها وميعاملهاش هكا لبست حوايجها اللي كانو عبارة على سروال دجين في الكري مزير مع تريكو طالع على كرشها كيبين جزء منها في الكحل مزير في نفس اللون دصبادرين بلا هزات مونطو في في الكري طويل وصاك كحل

سمية

💘أحببت شهيرا 💘
🦋بقلم لمياء الشادلي 🦋
❌البارت 49 ❌
✳️شهيرة ✳️

ناضت على أشعة الشمس اللي كتداعب وجهاا حطات يديها على الكوافور كتقلب على تليفونها هزاتو من بعدما عثرات عليه حلاتو ودخلت لجيهة الاتصالات ملقاتش حتى ابيل من عندو

سخطت ناضت كتشتف برجليها على الأرض خرجات من البيت ودخلت الحمام زدحت الباب بالجهد

خذيجة : هرسيييييه نتي كااااع باك اللي كيخلصو اللي يمسخكم

فاتي مداتهاش فيها قدات امورها وخرجات كلست معاهم في الطبلة تفطر

خذيجة : نتي شفتك بحالي مداياها في عرس راه وقيلة خاصك تخيطي القفاطن وخاصنا نشوفو نكافة اللي غدي تكلفلنا بالعرس راه بقات سيمانة مكاملاش بنتيلي ممسوقة لا نتي لا داك خطيبك

فاتي : مامااااااا مكاينش شي حاجة سميتها نكافة الكسوة دفعتها للمصممة هذي سيمانة فاش كنا يلاه تافقنا سعد مناسيش هادشي والقفاطن حتى هما تكلفت بيهم العرس غدي يدار في الفيلة دسعد وشي حاجة نكافة نسايها هذيك كانت في عهدكم الأمور كاملة مقادة معندك لاش تهزي الهم

خذيجة : وقتكم تبدل ها المصممة ها منسقة الحفلات هادشي عندكم في شكل

فاتي : ماما مغديش تسالي واش كل نهار خاصك تنكري وااااه مكتقادايش كنكلس نهار واحد كتندمينا…… هزات شكارتها وخرجات بلى متفطر لقات الشيفور قدام الباب ركبت كسيرا لناحية الليسي

خارجة من الحي الشعبي ديالهم وفي يديها صندويتش كيف ديما فيه الفروماج والكاشير والبيض هذا هو فطورها المعتاد غير الفطور الآخر اللي كتاكلو هي ولينا كن مكانت هاد الأخيرة كون كاع متحلم تقرا في داك الجمعية لينا اللي كتخلصلها كاع مصاريفها وخا كتحس براسها مثقلو عليها لكن كضطر تسكت مقابل بناء مستقبلها وقفت قدام محطة الطوبيس كتسناه يجي ربع ساعة ومبانش حسو سولات مرا كالسة تما

إلهام : خالتي 42 مزال مدازش من هنا

المرأة : ابنتي داز هذي شي 20 دقيقة ومكيدوز غير من راس ساعة لراس ساعة

إلهام : وخا خالتي شكرا…… نطقت في نفسها……. دالمرض إلى بقيت غدي يمشي عليا الحال بفففف غدي نضرب ديك الطريق كاملة على رجلي

ركبات الكيت وكملت طريقها ربع ساعة وهي كتمشى كانت مزال مكملاتش حتى نص ديال الطريق هزات التليفون فتحات الأنستقرام كتدور متلفة الطريق وصلت للقطعة تمشات بدون متشوف إشارة المرور حيدات التليفون دورت وجها قشعت رونج قريبة ليها بزااااااااف مبيناتهم والو و تزدحها تبلوكات حطات يديها على عينيها معارفة ما دير من غير انها كتسنى دقة تجيها ثواني وفرانات لوطو حدا رجليها

نزل من لوطو زدح الباب بالجهد حيد نظاظر دالشمس من على عينيه معصب من هاد التبرهيش : واش مكتشوفيش إلى عورة ديري نظاظر

إلهام حيدات يديها شافت فيه معصبة حتى هي روحها كانت شويا وتزهق : وراه نتا اللي مكتعرفش تسوق أبنادم كنتي غدي دوز فيا ومزال كتهضر نتوما اللي لباس عليكم هادشي فاش حادكين كديرو الخطأ وتسناو بنادم يعتاذر ليكم

ياسر : اهاااااااه دبا انا اللي مني الغلط اوى دوري ألالة شوفي الإشارة لصالح شكون

إلهام دارت شافت لقات الضو الاخضر شاعل والطوموبيلات كيكلاصونيو موراهم دارت عندو : احم احم كنع…….. قاطعها منين جبد فلوس من جيبو ولاحهم عليها خلاها مصدومة

ياسر حل الباب د لوطو وشاف فيها : هذوك باش تمشي لطبيب دوزي على عينيك وديري نظاظر وهاد المرة الاخت شوفي قدامك…….. ركب في لوطو وكسيرا

إلهام رجعات لوطو خلات الطوموبيلات يدوزو علامن يشعل الضو الحمر شافت في الفلوس اللي هازة : ولد الحرام طيح مني كيحسابلو أنا مكحطة اللي حطو ونيت راني مكحطة زعما عاد كنقولها ولد الكلبة باينة شي واحد مضبر مكاين غير زرقالافات انحسب شحال……. بقات كتحسب في دوك الفلوس حتى قربت تسخف من داك الكم الهائل اللي عطاها……. ويلي 5000 درهم واش هذا شايطة عليه فلوسو ولا شنو ولكن نيت جات في وقتها نخلص ديك 3 شهور دالكرا اللي كتسالني وحميد مول الحانوت الله يخلف عليه ههههه قالك العورة لاواه البعر…….. كملت الطريق للجامعة كتسب فيه وتولي ترجع تشكرو شخصيتها متناقضة تماما

إلهام💘أحببت شهيرا 💘
🦋بقلم لمياء الشادلي 🦋
❌البارت 50 ❌
✳️شهيرة ✳️

حطات الطائرة في مطار محمد الخامس الدار البيضاء نزلو الكارد اللي كانو كاملين نساء شكلولهم الطريق اللي يدوزو منها شدات في مها هاد الأخيرة اللي متكية عليها ركبو في لوطو ونورهان مرجعة راسها للور عقلها كامل معاه باغة غير فقاش توصل تشوفو تبررلو شنو واقع

فرانات لوطو قدام القصر نزلو تعرضو الخدامات لسمية يديوها ترتاح في بيتها

سمية : البنات الله يهديكم واش كتنساو انا راه داري التحت فين مطلعيني

نرجس من الخلف : سمية ولينا نساب دبا مكاينش التحت حتى خدمتك نسايها أمرتهم باش يوجدولك جناحك في الطابق الثاني ونورهان راه باينة بلاصتها حدا راجلها

نورهان توجهت لعند نرجس سلمت عليها باحترام باش متبانش قليلة الآداب : شكرا اخالتي مكنتيش تعذبي راسك

نرجس حطات يديها على شعرها كتلعب فيه : الهبيلة من اليوم راك بحال بنتي وراك مرات ولدي اصلا مكنتش نلقى وحدة مناسبة ليه اكثر منك اييي على زهر عندك المسخوط لقى زوجة مثالية بحالك……. جراتها من يديها كتدورها في نفس البلاصة وكتشوف فيها…….. الجمال الشعر لاطاي الأناقة الأخلاق كلشي مثالي بيييييرفيكت

نورهان حنات راسها حشمانة حناكها غدي يطرطقو بالحمورية عمر شي واحد جاملها بهاد الطريقة : شكرا اخالتي ياك نقولك خالتي مشي مشكل

نرجس : لااااااا قوليلي ماما نرجس ياك أسمية مشي مشكل تقولي ماما نرجس نتي كتقولك ماما وانا تقولي ماما+ سميتي هانيا ياك

سمية ابتسمت على حماق نرجس : لا مشي مشكل إلى بغات حتى تعيطلك ماما نيشان معنديش مشكل

نرجس : صافي سيري رتاحي من السفر ومن العملية راك مزال عيانة وخليني انا نتونس انا ومرات ولدي ونيت نعلمها شي حوايج بانتلي مسالية فيهم

سمية : ههههه صافي خليتلكم الراحة…… طلعت مع الخدامات اللي رشدوها للجناح الصحيح و جدولها الحمام وخلاوها تدخل تدوش تحيد عليها العيا وريحة المستشفى بدون متقيس راسها في بلاصة العملية

نرجس كلست في الصالة وحرات حداها نورهان معنقاها : يلاه قوليلي نضال كيتعامل معاك مزيان؟؟ عارفة ولدي مسكين عندو خلل عاطفي متيعرفش يعبر عندو كلشي بالضرب ولكن كلشي من داك المسخوط دعمو اللي رباه مهم ما علينا جاوبيني كيفاش كيتعامل معاك

نورهان ابتسمت : في خبارك نتي ضريفة بزااااااااف كتشبهي لينا في تصرفاتك

نرجس: ودبا جاوبيني على سؤالي قولي

نورهان رجعات مور وذنيها بحرج : عادي غير هوو مزاجي بعض المرات كيكون ضريف وبعد المرات كيتقلب

نرجس : مكيتبدلش ولكن ابنتي كلشي في يديك تقدري تبدليه محد ساروت قلبو بين يديك يقدر يولي ضريف معاك لأقصى درجة ولدي حنين وانا كنعرفو خاص غير نتي تعرفي تصرفي

نورهان تنهدات : خالتي ولدك صعيب تفهميه وصعيب تعاملي معاه وانا مضامناش ساروت قلبو حيت لحد الآن معارفاش واش كيبغيني اصلا مزال معتارفلي والو

نرجس : انا متأكدة ولدي كيحماق عليك هو معندوش مع الهضرة كيعرف يطبق حبو كامل بينولك من خلال افعالو غير نتي ابنتي مفهمتيهش كلشي لاحظ قداش هو كيبغيك نتي اللي مزال معمية

نورهان : والله معرفت دخت اخالتي

نرجس : بعدا شنو قلنا على ديك خالتي غدي تعيطيلي ماما نرجس

نورهان : كنسى اماما نرجس

نرجس : هكا نبغيك اجي بعدا موقعت بيناتكم حتى حاجة؟؟ عارفة هادشي كيبقى بين المرأة وراجلها ولكن شحال وانا متشوقة يجيني شي كتكوت لهاد القصر يحركها بشغبو

نورهان ابتسمت وحنات راسها بحرج : احم احم انا مزال صغيرة على الولاد

نرجس : لا ما صغيرة والو انا ولدت نضال على 17 لسنة كنت مزال باقة برهوشة ومكنتش قادة حتى براسي لكن منين شفت نضال إحساس الأمومة تحرك فيا حسيت بالدنيا حلات بالنسبة ليا

نورهان : حشمت معرفتش باش نجاوبك

Leave a comment