Skip links

قصة : أحببت شهيرا 1

 18,211 عدد مشاهداات

💘أحببت شهيرا 💘
🦋بقلم لمياء الشادلي 🦋
❌البارت الأول ❌
✳️شهيرة✳️
صوت المنبه شاغر كل المكان صداعو قريب يوصل حتى للجيران ولالا مولاتي ناعسة مسايقة خبار

اللي قدرات دير انها هزات يديها من تحت الغطا حركاتها ناحيتو ودفعاتو مكان الى فتات مزلع في الأرض دارت للجيهة الأخرى مدورة راسها شعارها شاد لانطير ناعسة على كرشها ويديها مسرحاهم فوق الناموسية

سمعات الحس تيتقدم لغرففتها معطاتش اهتمام
مها غادة كتسلت دخلت يديها من تحت الغطا وجمعاتها معاها بقرصة

نورهان غوتات بأعلى صوت: ولا أسمية لاااااااااااا مزال فيك هاد التبرهيش

سمية زادتها قرصة أخرى في فخذها ودورات يديها مجبدالها لحمها

نورهان دموع في عينيها من حر الألم ومع ذلك مزال كضحك: ولا ولا طلقي طلقي غير طلقيني والله تندير اللي بغيتي والله انا ضريفة

سمية طلقات منها :شافتك الضرافة وهي تهرب

نورهان:طلعتي حويمضة اسوسو

سمية تابعة نورهان اللي هاربة :انا انوريك مك البقرة ضسرتي بالحق انا نستاحق انا اللي معرفتش نربيك
نورهان دخلت للطواليط وسدات عليها : غير ضحكت معاك الساطة والله نتي راه الزين دالعالم نتي راه جا عندك……….. سكتات ولات نطقات بعد دقيقة صمت…… سمحيلي الساطة متنعرفش نصبغ شفتي ملقيت منقولك

قدات حاجتها غسلات وجها بالصابون حكات سنانها خرجات نيشان طايرة لبيتها لا تشدها تصليها مع بشي صقلة فتحات البلاكار هزات سروال بوي فراند في

الكحل مع قبية وڤانسة في البلوومارين سرحات شعرها بالمشطة قسماتو من القدام خدات خصلة من اليمين لواتها وجمعاتها بمقبط فيه وردة في الأحمر وخصلة من اليسار كذلك نفس الشيء هزات شكارتها هكاك

بلا متقلبها وخرجات كتسلت من البيت تبعاتها حتى الباب الدار وقفها صوت من الوراه

سمية :اجي لهنا
نورهان :والله اسمية منولي نعاود
سمية: دوزي تفطري دوزي

سمية شدات على قلبها براحة كلسات فوق السداري حطات يديها على الطبلة اللي كانت بسييطة مكونة طاسة فيها الزبدة وحدة فيها الزيتون كحل وحدة باينة عاد جديدة فيها الشكلاط
نورهان: فين هو الزيت

سمية :فطري وسكتي الزيت تسالا وهاد العام جا غالي 800 لتر داكشي علاش شريتلك الشكلاط اما كون منشريهش كاع بحرا مكافيين مع الزمان حتى دوك الحوايج اللي كتلبسي كون ماخالك الله يخليه لينا متحلميش بيهم

نورهان زدحت الطبلة :أنوضي على سلامتك خالي لا قاتلك خالي واش خالي اللي هارف لمي على أرض ساويا الملاين مرة مرة يصيفطلك بيدو ديال الزيت ونتي كتولي غدي طيري بالفرحة وهو كيمشي يعصر للقناطر دالزيتون في المعصرة يبيعهم يترفح بالفلوس خالي اللي كيصيفطلي حوايج بنتو اللي مقريها في أحسن الجامعات كيخلص عليها الملاين باش تقرا وانا ناسيني خوك الشريفة اللي تتقيلي كتشكريلي فيه شفار وميسوااااااش و……… قاطعتها تصرفيقة حارة على خدها والدموع في عينيها :سيري تقراي مشا عليك الحال

💘أحببت شهيرا 💘
🦋بقلم لمياء الشادلي 🦋
❌البارت الثاني ❌
✳️شهيرة✳️
خرجات معصبة شادة على وجها زدحات باب الزنقة بجهد شويا ويتهرس
سمية :اواخا المسخوطة

وصلات المدرسة كتنهت لقات الباب مسدود الدنيا خاوية من غير دوك الفئة ديال الدراري اللي ديما جايين حتى كتفوت نص ساعة وقفت قدام الباب د المدرسة كتزدح وكتغوت : مصطفى حل وامصطفى عقاك عندي فرض دالماط مصطفى حل راك اتخرج عليا وامصطفى حل………. تفتح الباب في وجها وهي معوجة في مها عوالة تزيد تغوت: شنو بغيتي

نورهان:هذا سؤال امصيطيفى راه باينة بغيت ندخل
جاات داخلة مع الباب شدها من يدها مرجعها لور : سيري تحركي تلعبي في قنت آخر راه انقولها لمك
نورهان:وا مصيطيفى تعامل

مصطفى: قتلك تحركي فحالك من هنا
نورهان قربات عندو ونطقات بهمس: مصيطيفى معزيزاش عليك سمية

مصطفى رجع اللور :احم دخلي اخر مرة تعطلي
نورهان دخلات كتفرنس حيت قدرات تلعب على مصيطيفى ويخليها تدخل كانت غادة بالشوية كتحنزز في الليسي لا يبانلها سي واحد لكن والو المدرسة كتصفر : دالمرض مكاين حتى واحد تقول الى دخلو للقسم بكري راه ايتخرجو دكاترة ومهندسين والله لا طفروه………. حبست حالة عينيها بصدمة……. نارييي عندي فرض الماط ويلي ويلي موجدت والو……. طلقات رجليها للريح حتى وصلت للقسم كتنهج دقات الباب مجوبها حتى واحد ولات دقات المرة الثانية والو ولات اتهز يديها حتى تفتح الباب في وجها ويدها مجموعة مزال هازاها

أستاذ الرياضيات: ورقة ديال التأخر
نورهان : وتعامل معانا أأستاذة في هاد النهار الله يرحملك الوالدين
ألاستاذ : ورقة ديال التأخر

نورهان : ولا أستاذة عفاك دير فينا هاد الخير راه قالك واحد شرب كلب بالبلغة ديالو من البير ربي دخلو للجنة
الأستاذة : باركة من هاد الدعابات ديالك وسيري بدلي الساعة بختها

نورهان: خخخخخ عندك روح الدعابة ولكن الساعة ماعندها ختها
(اتخرج منو الشياط😂😂)

استاذ : يا ربي تصبرني دخلي دخلي دوزي دخلات كتجري قطعات ورقة دالفرض والوساخ من الدفتر وكلست تدور في عينيها

💘أحببت شهيرا 💘
🦋بقلم لمياء الشادلي 🦋
❌البارت الثالث ❌
✳️شهيرة✳️
نورهان بهمس :هيه بسبس حياة وحياة ودوري دوري شوفي فيا والعمالة

حياة متكلمتلهاش بقات حانية على الورقة كتجاوب
نورهان بهمس من تحت الطاولة: اواخا اصفريطة حتى استراحة ونتفاهمو لاماشطبتش بيك المدرسة كاملة وشوهتك مع زويزو ديالك……… قاطعوها سي رجلين وقفو عليها:شكاديري

نورهان:طاحلي قلم الرصاص والى مجبدتوش مغديش نرسم الشكل والى مرسمتش الشكل مغديش نجيب 20 والى مجبتش 20 غدي…….. قاطعها الأستاذ بالغوات من بعد ما سمع صوت الضحك من طرف التلاميذ : صافي سكات مبقاش فرض هذا بقاتلكم 15 دقيقة ونتي حني على ورقتك ولا دركي كمارتك عليا في كلتا الحالتين ساقطة ساقطة

نورهان حنات على الورقة كتمتم تشوف إلى قشعات شي حاجة في داك الفرض
صونات الساعة خرجات كتسب وتعرعر في داك الليسي تقول غير شمكار صافي طلاقات صحابها كيتسناوها قدام الملعب

ميساء:مالك معصبة
نورهان: مغديش نجيب مزيان وهاد حتى هو غادي نسقط باينة
سعد :اوى زيري راه خاسك تجيبي الكارطونة باش تفرحي ديك الميمة حشومة هي كتقيل كدمر على ودك وشوفي شحال من حاجة كديرها على قبلك في التالي متجازيهاش بشي حاجة اللي بسيطة

نورهان:وراه هي اللي اصلا مزعماني على هاد القرايا كون مكانتش هي كون اصلا منجيش
ميساء:متقوليش هكا ان شاء الله ميكون غير الخير وغادي تنجحي

نورهان:اميييين…………. ومتشووووفش فيا راه حبيبي نضال ايتقبلك عينيك
سعد شاف فين كتشوف كانو شي زوج دراري دايزين من تما كيشوفو فيها و كيضحكو ولا دار لعندها: مالهم

ميساء:داك سيمو غمزها خخخ
سعد : شنو انا اللي أنمشي نتقبلو عينو
نورهان شاداتو :الا أساط مقادة على كل سيمانة نطيب فيها ونوجد القفة وانا غير مسكيييينة
سعد : فقاش اتكبري أساطة فقاش تحيدي منك ها التبرهيش

نورهان :حتى نتزوج بحبي نضال هو يحيد مني التبرهيش

ميساء : عاوتاني طلعاتلها سخانة
سعد :وي كون نطلاقى نضال الوزاني كون نمشي نبوسلو راسو باش يهنيني منك

نورهان : خخخخ من فمك لسما اه بلاتي ادراري تمشيو معايا اليوم لفيستيفال ديالو اليوم دخل المغرب وجا الكازا وميمكنش منشوفوش الله يستركم

سعد

💘أحببت شهيرا 💘
🦋بقلم لمياء الشادلي 🦋
❌البارت الرابع ❌
✳️شهيرة✳️

ميساء :معاياش

نورهان : مع 12 دليل ماما اليوم اتبات عنج الناس اللي خدامة عندهم راجع ولدهم للمغرب وراكم عارفين البريستيج ديالهم اوى وحنا نمشيو حتى حنا نحتافلو أش بانلكم

سعد :انا مغاديش

نورهان بدات كتمسكن عليه :ولا احبيب ختيتو حشومة تخصرلها خاطرها وهي مسكينة تتحب نضال باغة تولد معاه وليدات تسميهم ذياب وريم والولد الثالث هذاك نزيدو غير على قبلك ونسميه على سميتك الحب ودبا شنو نبور انا نبور 😒

سعد :الله يستر صافي صافي طلقي مني المرض
كملو هضرتهم غير في الخاويات حتى صونات وكل واحد تفركت لشغالو

وصلات 23:30 كانت خارجة من الدار كتسد الباب بشوية لا يشوفها شي خد من جيران سورتات الباب وطلقات رجليها الريح مرة مرة تدور لا يكون شافها شي واحد حتى وصلت لرأس الدرب لقاتهم كيتسناوها

نورهان : يلاه زيدو بالحق بلاتي باش أنمشيو انا عندي يلاه 5 درهم ديال الزريعة

سعد:زيدي زيدي أنمشيو بالسكوتر جبتو من عند صاحبي

نورهان :منيتك اساط كي غدي دير لنا باغي تبزطنا ولا شنو بناليك سردين

سعد :ركبي باركة من الهضرة ميساء ركبي موراها

داز الوقت وصلو لسونطر بالضبط في الفيستيفال الدنيا عامرة كان المغرب كامل تجمع تما تكون واصلة لشي مليون واحد تما اكيد حيت الحفل پيبليك دخلات جات في اللور معاجبها حال مغديش تقدر تشوفو جاية في الوسط ما بين صحابها تطفى الضو لحظة صمت كلشي سكت مبقى كيتسمع حتى صوت تسلط الضوء على المنصة هز الميكرو ونطلقت المعازف والجمهور احساسيسو كتقول: وأخيرا

بدا كيغني وكلشي تيصفر وتيغني معاه كلشي فرحان بحضورو من غير تلك الصغيرة اللي تحولت ملامح وجها من الابتسامة الى الحزن والكآبة قلبها مقبوط عينيها ولاو حمرين الدموع قرابين يشدو طريق وجها قاطع اصوات الامها اليد اللي تحطات عليها دارت عندو

نورهان:شنو

سعد:مالك واش واقعة شي حاجة

نورهان هبطو دموعها على خدها بقات كتمسح فيهم بكمام القبيلة اللي كان في لون الأسود : لا والو غير دموع الفرحة متصورش فرحتي قداش حيت دبا جامعانا بلاصة وحدة…. دارت قدامها…….. شوف فيه شفتي شحال زوين حسن الفيديوهات ياك

سعد تعجب من الطريقة دالهضرة ديالها: الفرحة قدات عليك ابنتي شوفي وقعلي مشكل الواليدة تاصلت بيا الواليد طاح عاود خاص نمشي راهم في الطبيب

نورهان:واش نمشي معاك

سعد:لا عامين ونتي كتسناي هاد النهار انا قاد براسي بقاي نتي وميساء… خشا يدو في جيبو وجبد 20 درهم…. هذي ديال الطاكسي

نورهان:شكرا ☺️

مشا سعد وخلاهم بزوج اما واحد ميساء غابت على العالم السيدة طاحت وكيف لا مطيحش وهي واقفة قدام كمية هائلة من الرجولة كان تيغني بصوت قوي صوت مسموع صوت رائع كان لباسو عبارة على سروال اسود تيشورط اسود كويرة وكاط كلهم بنفس اللون رغم إلحاح طقك الملابس والأكسسوارات باش يلبس الوان مفتوحة الا انه حتى واحد ميقدر يبدل رأيو ولا يفرض عليه شي حاجة

خرجات من الفيستيفال كتجري والدموع في عينيها توجهات لواحد الحديقة قريبة ليه كلسات في كورسي كتبكي قلبها مخنوق كتشهق الحقيقة كاملة وضاحت قدامها: علاش اسيدي ربي علاش بغيتو من كل قلبي وخا عمري تلاقيتو لكن عمر المسافة كانت هي مقدار الحب علاش اقلبي بغيتيه علاش بغيتي اللي غدي يجرحك علاش بغيتي اللي ممناسبكش علااااااااااااااااااش علااااااااااااااااش…..

بقات كضرب في قلبها وكتأنب راسها عرفات راسها انها والو قدامو شافت البنات شنو دايرين عليه عرفات انه الاغلبية كيحسو بنفس احساسها هكا عقلها تيقولها كان هذا هو تفكيرها اللي معرفاش واش بصح حقيقي ولا غير وهم من طرف عقلها 30 دقيقة وهي كالسة في الحديقة حتى هذنات عاد ناضت متوجهة الفيستڤال تعيط لميساء يمشيو فحالهم حسات بخيال تابعها منلي ناضت دارت ملقات والو ولات دارت مكملة طريقها نفس الاحساس ولا كيراودها توقفت ودارت بالزربة
نورهان: شكون نتا شكوووون خرج وشكوووون……….

حلقها نشف بالغوات والو وما من جواب هزات كتافها مكملة سيرها حتى حسات بيد تحطات على يدها جراتها هزات عينيها تغوات على هذا اللي تجاوز تجاوز حدودو معاها وسعات عينيها من الصدمة : نتاااااااااا
.
.

نضال

💘أحببت شهيرا 💘
🦋بقلم لمياء الشادلي 🦋
❌البارت الخامس ❌
✳️شهيرة✳️
زدحها على الحيط وسدلها فمها:شنو دبا الزين منتفاهموش

نورهان بدات كتنتر منو :اممممممممم
عضاتو في وسط يديه حتى طوش الدم :هذي باش تعلم تحكر على لالاك ولاهيلا قالك نتفاهمو باش عرفتيني هناا

سيمو:حسييييييت بيك الحب قلبي ديما معاك فينما ديتيه كنحس بيه

نورهان: خخخخخخ اععععع طحتي من عيني أعنيبة دبا غير قولي الى عصرناك شحال تخرج من ايطرو

سيمو:كون خرجات هاد الهضرة من فم شي وحداخرا كون كلام آخر ولكن منك ندير راسي مسمعت والو

نورهان: وحيد من قدامي براكة من هاد الدراما خليني نمشي

سيمو :لااااءح مغديش نمشي حتى تخلصي

نورهان:لا واش منيتك خخخخ سير تلعب اساط قدام باب داركم براكة من البسالة

سيمو:وأري شي بوسة

نورهان :مطلبتي غير الموجود….. تحنات كتقربلو وهو ساد عينيه كيضحك قربات حتى لوذنيه وهبطات بفمها لعنقو عضاتو حتى سال الدم

هربات بزربة ناحية الحفل وكتدور تشوف موراها عارفة راسها خرجات على راسها بهاد الفعلة لكن ما باليد حيلة وصلات للفيستيفال كتقلب بعينيها مكايناش: الا تكون مشات

ميساء:نورهاااااااان

تنهدت برااااحة كانت عاطياها بالظهر دارت عندها كتشوفها واقفة مع شي واحد داير كاسكيط وخلف الستار مكايبانش وجهو:ميساء يلاه نمشيو…….. وقفات عليهم كتسناها تسالي عارفاها زهوانية مولفة تلقاها واقفة على الدراري

ميساء: تسناي اصاحبتي مالك مزروبة خليه يوقع

نورهان هزات راسها بصدمة:شنو

ميساء:هذي صاحبتي انتيم ديالي

نضال كيشوف في نورهان باشمئزاز لاح لميساء مذكرتها مشا مخليهم بزوج تيشوفو فيه

ميساء كتفرنس غير بوحدها: يا حليلي وقعلي في مذكرتي الشخصية

نورهان خطفات المذكرة من يديها قطعات الصفحة اللي فيها التوقيع ولاحتلها المذكرة: نتي طلبي وانا ندي ومزال نتفاهمو……عطاتها بالظهر مكملة طريقها: المغرور لاخر دبا تلاقينا الايام والله لا بقات فيه

صبح صباح جديد فاقت كتكسل كتحك عينيها وشعرها مزال كتستوعب شنو واقع دورات راسها لجيهة الكوافوز اللي كان تصميمو بسيط وعادي جدا حطات يديها على القرعة دالما فتحاتها باش تشرب عين محلولة وعين مسدودة يلاه غدي دوزها لفمها حتى حساات بيها تخطفات من يديها وتخوات على راسها
نورهان: اععععع اش هاد الفعايل دوالو

سمية :هذي على الخرجة اللي خرجتي بلى خباري…… ولات دخلات يديها تحت من الملايا قرساتها في فخذها

نورهان: صافي صافي عفاك ايييي طلقي طلقي براكة

سمية: وهذي على التعطيلة اللي جايالي حتى نصاصة دالليل عزري الدوار عندي في الدار ومفخباريش…… هزات يديها كتنتفها من شعرها قربات الجلدة تحيد من بلاصتها……. وهذي على الباب اللي دخلتي وخليتيه محلول

نورهان:والمرض وطلقي من شعري راه الى متلك في يدك ايبقاو بصماتك في جسمي وفي آخر يامك دخلي للحبس وانا محشوماش يضيع شبابي على والو مشفت متشوفت هئ هئ هئ هئ 😭😭😭😭
بقات كنخسس عليها تما بلعاني ديما فاكة راسها غير بهاد الدراما ديالها

سمية :صافي صافي ندمتينا قارية اليوم؟

نورهان:لا

سمية :دوي نيشان راني عارفة كذوبك

نورهان :اه ولكن معندي والو داخلة عند داك العربية كيبقى النهار كامل وهو تيخطب علينا تما واصلا مفيا منمشي عندو تنبقى انا وياه في ردان الهضرة في التالي غدي يصيفطني بتقرير وانا بالله والشرع منو
وزايدون…………. قاطعتها سمية بالغوات: صافي صافي براكة مكتسلايش من الهضرة نوضي تفطري ولبسي حوايجك باش تمشي معايا
نورهان: حلفي اسمية حلفي
سمية :سيري تغسلي وجهك وتوضاي وصلي براكة من هاد الطيران ديالك ديري هاد البسالة تما والله تنكرك

💘أحببت شهيرا 💘
🦋بقلم لمياء الشادلي 🦋
❌البارت السادس ❌
✳️شهيرة✳️

نزلو من الطوبيس الشمس تطنطن من فوق راسهم كانت درجة الحرارة مجهدة تمشاو لمدة 10 دقائق كانت المنطقة خاوية كاين غير الأشجار بالاشكال والانواع

نورهان مصدومة من هادشي اللي كتشوف عمرها كان كيحسابلها كاينين مناطق بحال هكا في المغرب اكيد غدي يكون هذا هو تفكيرها بينما جسدها كان محصور ما بين حيهم والمدرسة والسونطر

وقفات مها قدام بوابة كبيرة جبدات كارط حطاتها على لوحة سوداء تفتح الباب

نورهان دقيقة على دقيقة كتزيد تصدم: ماما واش هنا فين خدامة ياكما غلطنا ميمكنش تكون هذي اللي كتخدمي فيها كتقولي عليها فيلة هذا راه قصر

سمية: دخلي وسكتي انا بنيتي متنفرقش بيناتهم كلشي بحال بحال المهم عندي هو راحة البال اما الفلوس غير خنز الدنيا

نورهان: إوى أتينا بيه

سمية وقفات قدام بوابة اخرى كانت صغيرة على البوابة اللي دخلو منها……. جبدات نورهان من شعرها: شوفي ديري شي شوهة ولا تبقاي كطيري والله حتى نقتلك

نورهان كتبعد باغة طلقلها من شعرها : وصافي صافي طلقي… طلقاتها… قوليلي بعدة علاش دخلنا من هاد البوابة مدحلناش من الاخرى الكبيرة

سمية : هذيك ديال مالين الدار وهذي ديال الخدم

نورهان: مزالة كتقولي الدار وقصر قصر 😒😒

سمية : دخلي دبا وبراكة من داك الطيرة ديالك

دخلات سمية و نورهان تابعاها من الخلف كتدور عينيها في الداك الديكور الذي لا يقل عن الروعة كل صفات الجمال امتلكاتو دخلوا للمطبخ اللي كان كلو بلاكارات في المارون في الوسط كاين كلسة كبيرة ديال الرخام مدورة بكراسة دالخشب كان المطبخ مضيء بالنوافذ اللي دايرين بيه تمشات مها ناحية الخدامات اللي كانو عدد كثير يكون حوالي 6 ولي سيرفور اللي كانو 10 بنات ودراري كلست في الكرسي جبدات التليفون من صاكها كتصفح اخر مكاين دخلات للانستقرام طلعلها نوتيفيكاسيون ديال نضال ولات كتفرنس غير بوحدها : اييي عاوتاني طالق علينا زينو دالزمر متيعرفش يخليه تستمتع بيه غير الزين ديالو اللي هي انا

سعد: الكبيدة فين نتي

دخلت للواتساب صونات عليه : الساط انا عايشة الرفاهية الله يرحم باك مبقيتش مكحطة

سعد : الهضرة ديال البراهش سولناك جاوبي على قد السؤال

نورهان: متيقتينيش احبيبة اطط……. جبدات الكيت من الصاك ركباتهم صونات عليه كاميرا…………… شنو بانلك دبا

سعد كان متكي فوق الناموسية وداير الكيت:احح الزعورية مدبريلناش معاهم
نورهان: لااااءح

سعد : وحبيبك مسكين يموت باير حشومة
نورهان: والله حتى نسكريني هادشي لفاتي

سعد: خوك انا
نورهان: اطونسيون الورقة الرابحة عندي

سعد : تبرهيش ربحي نتي وديك فاتي ديالك
نورهان: الو الو الو ولد الحرام قطع دغيا تيتعصب هاد المرض

💘أحببت شهيرا 💘
🦋بقلم لمياء الشادلي 🦋
❌البارت السابع❌
✳️شهيرة✳️

كدور في عينيها قنطت دازت ساعتاين وهي غير بوحدها كتخنتش في التليفون العدد دلي سيرفور غادي وكيكبر ومها كتآمرهم شنو يديرو بحكم انها رئيسة الخدم معرفاش شنو واقع

وكيف ديما الشيطان نوضها متقدرش تبت في بلاصة وحدة استغلت الفرصة بينما مها عاطياها بالظهر

وقفت كتسلت بشويا لاتشوفها مها حتى حساب بالأمان عاد طارت من حداها طلعت في دروج القصر اللي كانو كبارين ومقسومين لزوج نواحي

غادة كتسارى ومنباهرة بجمال هاد القصر والطريقة كيفاش مصمم فعلا مهندس خطير هذا اللي خدم عليه

دخلت في واحد الجناح كان خاوي صامت متيدورش فيه الحس حلات الباب الوحيد اللي كان تما معرفاش اش كدير من غير أنها باغة تكتاشف خبايا هاد القصر دخلت كتمشى على رؤوس اصابعها باش مديرش الصوت كان الظلام مكتشوف والو حطات يديها على الحيط كتقلب باغة تشعل الضو محساش باشنو داير بيها سمعات صوت شي باب تحل تفزعات عرفات هذي هي الآخرة ليها غدي تحصل ومها مغديش تخلي ليها تفافات بغات تخرج بزربة لكن تعكلات بشي حاجة الشيء اللي خلاها جات طايحة على شي حاجة قاصحة لحظة تشعل الضو على غفلة

نورهان اعتلت وجها علامات الصدمة ممصدقاش اش كتشوف بغات تخرج شي حرف لكن الكلمات تصرطولها لسانها تلبك واش بصح هي عايشة هاد اللحظة ولا غير كتحلم واش هذا هو الشخص اللي كانت نهار وليل كتحلم بيه كتحلم غير تشوف وجهو ها هي دبا فوق منو حسات براسها تدفعات حتى جات مزدوحة على ظهرها

نضال: خرجي

نورهان: انا انا مكنتش قاصدة ندخل

نضال بصوت عالي :خرجيييي

خرجات كتجري خايفة من ردة فعلو والدموع في عينيها من الطريقة اللي هضر معاها بيه كأنها رخيصة وقفت قدام جناح اخر كتنهج مباغاش مها تشوفها في هاد الحالة كتحاول تسترخي قبل متهبط عندها

………. : هيه نتي

دارت لمصدر الصوت كانت بنت في العشرينات كتبان قدها : انا؟

لينا: نتي اختي قربي

قربات لعندها وعلى وجها ملامح التعجب : شنو بغيتيني اختي

لينا : دخلي

دخلات نورهان لداك الجناح اللي كان كبير بزااااااااف متوسطاه ناموسية كبييييرة من فوقها كساوي في جميع الأشكال والانواع والألوان كانو كلهم في قمة الروعة

لينا: بغيتك تختاري معايا شنو نلبس

نورهان : انا؟

لينا : اه نتي شفتك خارجة من الجناح ديال خويا قلت نتي اللي غدي تعاونيني حيت هو كاع البنات اللي تنشوفهم معاه انيقات

نورهان : نتي خت نضال 😳؟

لينا : اه ودبا عاونيني نختار

نورهان : اك….. بقات كتقلب بين الكساوي وكتشوف في البلاكارات حتى طاحت في كسوة في الكحل كانت سيمپل ايفازي مزيرة من الفوق ومن جناب ومرخوفة من التحت……. هذي تجي معاك

لينا : وأخيرا كانت عجباتني لكن حرت ومعرفتش شنو نختار ولكن نتي عاونتيني شكرا

💘أحببت شهيرا 💘
🦋بقلم لمياء الشادلي 🦋
❌البارت الثامن ❌
✳️شهيرة✳️

لينا دارت لجيهة البلاكار هزات كسوة بحالها فوطوكوبي نفس الستيل نفس شكل نفس اللون كتنطابق مع اللي ختارت نورهان : هذي ليك باش تحضري معايا في الحفل ديال اليوم اصلا خويا أيكون قالهالك

نورهان : انا راه متنعرفش خوك أشمن حفل
لينا : حفل بمناسبة الرجوع ديالو من بعد ما غاب 6 سنين

نورهان : اااااه ولكن سمحيلي منقدرش نحضر ماما مغديش تخليني

لينا : لا غادي تحضري انا نقنعهالك شكون ماماك
نورهان : سمية

لينا: اه خالتي سمية متردهاش في وجهي غير كلسي تلبسي انا نمشي نهضر معاها ونجي نلقاك لبستي ايبقى غير نقادلك الميكاب

نورهان : ولكن
لينا : مكاين ما ولكن كلسي هنا لبسي في الدريسينغ وانا خارجة نهضر مع خالتي سمية

خرجت لينا وبقات نورهان كتلبس داز الوقت حديقة القصر عمرات بالمدعووين كل ناس الطبقة البرجوازية حاضرين فرحانين برجوعو بينما البنات غير حالين فيه فمو كيشوفوه كيفاش تيهضر والهالة اللي ديما محيطة بيه

ياسر: شنو عول تبقى مستقر في المغرب
نضال: ضروري هكا انخليهم يخلصو القديم والجديد

ياسر: نضال بعد من هادشي راه اي خليك تخسر الناس اللي كتبغي
نضال : خاص نرجع حقها

ياسر: اووووه ممصدقش عيني هاد الجمال كامل عندكم
نضال دور راسو لفين كيشوف كانت عينيها في عينيه الحومر بالاعصاب مبقالو والو وينفاجر

……….: اللي لابسة كسوة في الكحل مع شال على كتافها في الكري

الشخص: امرك سيدي في الحال تكون عندكم

ياسر: لينا مغديش تعرفيني بهاد الاميرة اللي معاك
لينا : بديتي عاوتاني

ياسر عينيه على نورهان: ممكن تشرفيني برقصة مع سيادتكم
نورهان كتشوف فيه وعلامات الدهشة على وجها عمر شي واحد عاملها هكا : اهاه علاش لااا

مدلها يدو قبطاتها كتبتاسم توجهو لحلبة الرقص فين مجموعين لي كوبل حط يدو على خصها ودبا كيحركها حسب ايقاع الموسيقى

ياسر : مغديش تعرفيني براسك
نورهان : نورهان 18 سنة كنقرى في الباك ساقطة عام مشاغبة شنو بغيتي تعرف اخر

ياسر : No way!
نورهان : مالك

ياسر : ميمكنش تكون عندك 18 سنة كضحكي عليا
نورهان : مالك أساط هبلتي علاش انضحك عليك

ياسر : مالك كتهضري هكا واش نتي شمكار دالحومة ومبايناش عليك 18 سنة كتبان عندك 25 سنة

نورهان : اسبحان الله ها حنا بدينا بالسبان
ياسر مبتاسم كضحكو العفوية ديالها وطريقة هضرتها : حشومة نسب ملكة الجمال في نظري

نورهان :هانتا قلتيها في نظرك
ياسر : اووووه نضال شكون هاد الزعرة اللي معاك

نضال تيرقص هو وبنت زوينة في أواخر العشرينات: مكفاتكش هذيك اللي في يديك
نورهان قلبها نبض من صوتو الحرش بدون ميقرب حسات بملامح الخوف هالتو كتخلي الروح ترتعش اما صوتو طيح منها النص وخصوصا اخر كلمة نطقها ياسر

ياسر : نتبادلو
نضال لاحلو البنت وياسر نفس الشيء جات بين يديه كتترعد قلبها قرب يسكت معارفاش اش هادشي كيوقعلها كتحس بشعور عمرها جرباتو

قرب لعندها حتى مبقى كيفصلهم والو يد على خصرها ويد شاد بيها يدها ونطق بهمس في اذنها: بلا تمثيل اللي شافك يقول اول مرة يقيسك شي راجل ونتي كاملين دازو عليك….. بعد عليها كيشوف فيها باشمئزاز بينما هي مزالة مخذرة للحظة سرات معاها: شنو قلتييي

نضال قرب لأذنها مرة ثانية ونطق بهمس : مكنعاودش هضرتي زوج مرات بعدي من ختي ولا انبعدك منها ومن الحياة بطريقتي الخاصة ودبا غير مرحب بيك في إمبراطورية الوزاني

تنترات منو راجعة باللور وكلامو كيتكرر في وذنها بحال الكاسيطة وقفات كترجف حدا لينا محاساش باشنو داير بها

لينا : أويلي مالك كترجفي واش فيك البرد انا نعطيك الكاب ديالي تسخني ونمشي نجيبلك الما…… حطات الكاب على كتافها ومشات لجيهة لي سيرفور تجيبلها الما بينما نورهان خرجات مرفوعة معارفة لا سنة تقدم ولا شنو توخر وقفات قدام الباب الخارجي للحديقة يلاه بغات تقطع الطريقة حتى حسات بشي حاجة تحطات على نيفها
الشخص : سيدي نجحت الخطة دبا تكون عندك

💘أحببت شهيرا 💘
🦋بقلم لمياء الشادلي 🦋
❌البارت التاسع ❌
✳️شهيرة✳️

كتحل عينيها بتثاقل راسها تيحرقها معارفاش شنو داير بيها دورات عينيها كتشوف فين هي الذاكرة مزال ممحية بالنسبة ليها بحال شكل ورقة بيضاء سمعات خطوات اقدام كيقربو ليها وعلى وجها علامات استفهام

نورهان : امممممم امممممم

دخل عندها زدح طبسيل الماكلة حداها وقرب لعندها حيد ليها سكوتش من على فمها

نورهان : فين انا
الشخص: انحلك يديك ديري شي مشكل جنيتي على راسك

نورهان بداو كيدوزو الاحداث قدام عينيها من لحظة اللي دخلت هي ومها للقصر حتى للحظة اللي حسات بشي حاجة تحطات على نيفها

نورهان بدات كتعاير كأنها كتهضر مع بنات ولا شماكرية ديال حومتهم: صافي هذي هي فعايلكم الشمايت ملقيتو علامن تبينو قوتكم جيتو تبينوها عليا انا اللي غير ولية ويتيمة كون كان عندي با ولا خويا كون كاع متحكرو عليا…… بداو دموعها كيطيحو فعلا حسات بالحكرة كانت ديما كظاهر بأنها عايشة الحياة مع مها ومناقصهم والو ومها قايمة بدور الأم والأب ولكن بلاصة الأب ميعوضها حتى واحد….. الكارد بحالي طرشتيه معرفها علاش كتهضر من غير انه حلها يديها وخرج

نورهان بهمس : والله لا بقات فيكم والله حتى ناخد حقي منكم ونوريكم افلام دالاكشن ملقيتو معامن ديروها غير معايا يانا….. هزات الفورشيط اللي خلاها دخلتها في وسط صدرها هزات المعلقة كتشوف في داك الماكلة اللي تما بحال الصبيطارات اصلا ماعندها شهية لاحتها لبعيد وطلعت راسها كتستكشف المكان لعل وعسى تلقى منين تهرب

كان متكي على كرشو عيان من بعد الإرهاق دالبارح معندوش مع الحفلات لكن مو بزات عليه يحضر خصوصا ان الحفل تقام على حسابو وميقدرش يخسر الخاطر لمو سمع صوت التليفون كيصوني هزو بين يديه قطع بلا ميشوف شكون ورجع كمل نعاسو ولا صونا التليفون هزو حطو على وذنيه وبقى ساكت
الشخص : اهلا السي نضال داز وقت طويل على لقاءنا

نضال : دبا مصوني عليا باش تصدع طاسيلتي بهاد الخزعبلات ديالك
الشخص : متوحشتيش ختك

نضال ناض مفزوع: شنو
الشخص :ختك اتبقى عندنا حتى نصفيو الحسابات
نضال لبس كلاكيط وخرج بالزربة من جناحو ناحية جناح ختو حل الباب دخل لبيتها لقاها ناعسة مغمية حيد عليها الغطا لقاها فعلا متكية: دبا واش كتفلى على حسي ولا رشقاتلك عليا هاد النهار واش باغيينب نصيفط اللي يصفيها لمك ولا نجي انا نيت

الشخص : كنعرفك ذكي وكتبغي ختك تقدر دير اي حاجة على ودها وهاد الهضرة غدي تخلص عليها…… قطع

وصلاتو نوتيفيكاسيون ديال شي فيديو خدمو
واقف عليها كيشوف فيها ب نضرات في شكل : ميحسابليش نضال عندو ختو بهاد الزين كامل

نورهان : وراه قلنالك مشي ختو
أمير: وقيلة حتى نتى كتكرهيه منين نكرتيه اجي نديرو اليد في اليد ونضمروه

نورهان : والزمر واش مكتفهمش ومتيجينيش والعار لا مبعدو مني طلعتولي في راسي في خبارك الى قتلتيني غدي تكون حققتيلو داكشي اللي بغى اللهم طلقني خليني نمشي

أمير : طلعتي مطورة اكثر منو
نورهان : اه نسيت نتوما الشمايت مكلخين داكشي علاش كتفهمو بالمقلوب……. قاطعها بصقلة حارة على وجها تلفاتها على القبلة شدات في وجها عيات ماتحاول تخبي دموعها لكن كان الألم اقوى منها

هادشي كامل داز تحت نظراتو محركو فيه والو حط التليفون في جيبو وكمل خطواتو حس بخيال شخص واقف قدامو

💘أحببت شهيرا 💘
🦋بقلم لمياء الشادلي 🦋
❌البارت العاشر ❌
✳️شهيرة✳️

هادشي كامل داز تحت نظراتو محركو فيه والو حط التليفون في جيبو وكمل خطواتو حس بخيال شخص واقف قدامو
سمية : نضال بغيت نطلب منك اولدي واحد الطلب ومتردوليش في وجهي
نضال : فين عمرني رديت في وجهك شي حاجة ادادا سمية
سمية شداتلو في يدو كترجاه: عفاك اولدي لما قلبلي على بنتي منلي رغباتني ختك باش تحضر معاها للحفل ديالك ما وليت سمعت عليها شي حاجة
نضال : وصفيهالي
سمية : سميتها نوهان في عمرها 18 لسنة قد ختك وخا كتبان كبيرة مفورمية شوية بيضا وشعرها كحل مغلوق وعينيها زورق
نضال : شنووو؟ واش اللي كانت البارح لابسة نفس الغوب ديال ختي
سمية : ايييه اولدي هي هذيك
نضال : مييييغد……. مسح على راس سمية كيطمأنها……. متخافيش اليوم ترجعلك
هبط تيجري في الدروج صونا لواحد من الكارد دياولو جابولو الطوموبيل ديالو اللي كانت من نوع فيراري في اللون الاسود ماااط ركب دغيا مكسيري حتى تحكو الروايد مع الأرض والعجاج ناض موراه

كانت مهبطة راسها الدم هابط من فمها جميع انواع التعذيب دازو عليها وجها كامل عمر بآثار الكدمات حاشا واش يكونو بنادم وإنما وحوش على هيئة إنسان بقى غير الاغتصاب اللي مطبقوهش عليها وحتى هو ولات كتشك انه يوقع من خلال نظرات لي كارد ليها لكن فمها جابهالها ديما فمها جابد عليها البلى بدات الضبابة كتظهر على عينيها اخر حاجة عقلت عليها هي صوت الرصاص اللي انتشر في جميع أنحاء المكان

كان من مور السور كيتيري في واحد بواحد بكل احتراف مخلى اثر حتى واحد فيهم دخل بحظر كانت منطقة مهجورة في وسط الغابة كيتوسطها كوخ صغير الحجم حل الباب كيقلب بعينيه باغي غير فقاش يسالي هادشي يرجعها لدارهم كون مكانتش بنت سمية مكانش غدي ينقذها بانلو باب مسدود بالقفل تيرا فيه تحل دخل لقاها في ديك الحالة حالة يرثى لها كلها دم من. كثرة الضرب قربلها حل ليها رجليها ويديها هز السلاح ودور يدو بلى ميشوف شكون تيرا جات نيشان في الراس هي كانت في ديك الساعة بين الوعي واللا وعي الا انها تصدمت كيفاش شخص يكون محترف لهاد الدرجة في السلاح مدارش حتى يتأكد هزها على كتافو كان كيحسابلها ايهزها بطريقة رومانسية بحالي كتشوف في المسلسلات ساعة خاب ظنها خخخخخ
لاحها في الطموبيل ركب وكسيرا بأقصى سرعة

كانت خارجة من دارهم بحلة جديدة ديما مهتمة براسها كيعجبها زوينة ولكن لراسها شوفة الناس كتعصبها خصوصا الدراري كيقلقوها حانية راسها وكتفكر فيه كتمنى انها تشوفو في الليسي ولات بلعاني كتعطل باش تشوفو موصل صاحبتها وخا تيبقى فيها الحال من كثرة اهتمامو بيها لكن كضطر تكتمها في الداخل ديالها وتقمص دور اللا مبالاة كانت غادة بين الدروبة باش توصل دغيا وخا خاويين مهم ميتسدش الباب في مرة ويكون مشى
أسامة: الحمر يا العمر
هزات راسها لقاتو شمكار كلو مشرط هاز في يديه موس وكيترطى غير بوحدو تجاهلاتو وبدلت الطريق لكن حسات بشي يد جراتها وتزدحات على الحيط
فاتي حانية راسها كتهضر و كتفتف بالخوف : عععفاك ش شنو درت لك خليني ن ن نمشي
أسامة : مدرتيلي والو الزين غير سكنتي قلبي كل نهار كدوزي كطيريلي الفريخ احححح عليك شحال حلوة……….. بدا كيقربلها وهي كتغمض عينيها خايفة ودموعها تيهبطو الدرب خاوي هذي هي اللخرة ليها حتى حلقها اللي تغوت بيه بح معرفت مدير ماعندها قوة خوافة مكتقدر دير والو في بحال هاد المواقف ولات مسافة قليلة بيناتهم معمر شي واحد قاصها كتحس براسها كل ما كيقربلها شرفها كيضيع قدام عينيها
فاتي سادة عينيها كتدعي بهمس : يا ربي عاوني يا سيدي ربي متخلينيش
حلات عينيها لقاتو طايح في الأرض كلو دمايات وسعد من فوقو قتلو عصى قربات عندو كتجري : سعد عفاك صافي راه غدي يموتلك في يدك عفاك صافي
سعد ناض من فوقو وزيرلها على يديها : بقى فيك همممم كان عاجبك الحال يتلمس فيك هممم قولي جيت قطعت اللحظة الرومانسية بيناتكم….. دفعها ومشى
ناضت تابعاه كتجري : سعد وقف سعد سعد عفاك مشي هادشي اللي قصدت…. وقفت قدامو حانية راسها : والله هو اللي تعرضلي انا مدرت والو كنت غادة الليسي وهو اللي وقفني و و و
سعد : وشنو شنو
فاتي : بدا تيقربلي بغى ي…
قاطعها بالغوات العروقة تطراساو في جبهتو زير عليها بين يديه : صافي سكتي سكتي علاش كديري هكا علاش ديما خارجة بهاد اللباس ياك ديما كنت كنقولك هادشي علاش مكنتيش كتسمعي
فاتي تنترات منو: علاش انا بوحدي اللي كتبقى تغوت عليا علاش مكتغوتش على نورهان اه حيت انا كتحسبني بحال ختك الصغيرة وهي حبيبتك ياك
سعد : اش كتخربقي نتي واش عارفة اش كتقولي

💘أحببت شهيرا 💘
🦋بقلم لمياء الشادلي 🦋
❌البارت العاشر ❌
✳️شهيرة✳️

فاتي تنترات منو: علاش انا بوحدي اللي كتبقى تغوت عليا علاش مكتغوتش على نورهان اه حيت انا كتحسبني بحال ختك الصغيرة وهي حبيبتك ياك

سعد : اش كتخربقي نتي واش عارفة اش كتقولي
فاتي : مالي كذبت نتا كتهمك غير نورهان منين هذي كاملة محبة اتجاهها علاش ديما كتحامي عليا علاش كتهتم بيا وتحكم لبسي هذي متلبسيش هذي ومتبقاش تلعب عليا دور الأخ الكبير فهمتي

سعد : مزال الحد الآن مزال مبغيتي تفهمي…… حط يدو خلف راسها قربها لعندو وبدا كيقبل فيها بشغف الشي اللي شحال وهو كيحاول يقولولها جمعو في حركة سعد مشي من النوع اللي عندو مع قوة الهضرة كيعرف يطبق شخصيتو تقارب شخصية نضال تماما كانو مندمجين نساها في راسها وفي العالم كان كيبانلهم راسهم غير هما اللي كاينين تما مفيقهم من العلام ديالهم غير الصراخ ديالها من بعد ما طاح جثة هامدة على إثر الضربة دأسامة اللي نزل عليه بالموس في ظهرو وهرب

فاتي : سعد سعد فيييييق سعد عفاك فيق فيق مديرش هكا
سعد مبتاسم من خوفها رغم آلامه : كنبغييك
كانت هذي اخر كلمة نطقها من بعدما فقد الوعي وسد عينيه

فاتي هبطت عندو معنقاه وكتغوت: حتى انا احبيبي حتى انا غير فيق فيق غوت عليا دير فيا اللي بغيتي مهم تبقى معايا عفاك…… تفكرت التليفون في محفظتها هزاتو عيطت لومبيلونص تم نيت جاوبوها عطاتهم العنوان وبقات كتفيقو كتحاول ما امكن تخليه واعي

نزل من الطوموبيل هزها بين يديه جا راسها على صدرو كيشوف في وجها وملامحو البريئة عكس داكشي اللي كيشوفو تعرضولو بالبياص حطها ودخلوها بالزربة

داز الوقت خرج الطبيب عندو كيتنهد ممصدقش الحالة اللي وصلاتلها البنت شاف نضال كالس تيخنتش في التليفون ممصوقش وقف على راسو : موسيو نضال البنت تعرضت للضرب وكاانت على وشك الاغتصاب من خلال بعض الآثار اللي كاينين في جسدها ناهيك عن الكدمات الليفي سائر جسمها كنظن خاصنا نعلمو البوليس

نضال : ساليتي ؟
الطبيب : اه
نضال: إوى قلب الدورة متبقاش واقفلي عند راسي لا تولي بحالها

الطبيب مشا كيتفتف عارفو علاش قاد مجرد متنطق سميتو كيركب الرعب بقى غير يكون هو اللي كيهددك ناض متوجه لغرفتها دخل لقاها مزال ناعسة زدح الناموسية
نضال : اييييه نتي فيقي

كانت مزال ناعسة غير واعية باللي داير بيها
نضال كيحرك فيها باش تنوض كل همو يمشي من هاد المستشفى ويرجعها مبقاش حامل يشوف وجها او ممكن نقولو مباغيش يتنازل الشعور اللي بدا تيراودو اتجاها داير كل ما في جهدو باش يتغلب عليه
بدات كتحرك عينيها كتستاعد باش تفيق حلات عينيها كتهضر بتثاقل : فين انا

نضال : غدي تكوني جهنم الكحلة إلى منضتيش
نورهان : شنو وقع
نضال : تهزي

ناضت مفزوعة كتشوف فيه بنظرات انكسار حاسة بقلبها كيتقسم على زوج من هاد البرود اللي كينصرف بيه معاها نترات السيروم بقوة وخا مكاملش وقفات قدام الباب وشافت فيه : موسيو نضال مكنظنش انك محتاج دير هادشي كامل على قبلي كان بإمكانك تخليهم يقتلوني كاااع مكيهمكش الأمر ودارنا كنعرفها وكنستسمح إلى كنت تقلت عليك ولكن مشي انا اللي طلبت دير هادشي على قبلي……… دارت مكملة طريقها حتى قاطعها بصوتو: مدرتش هادشي على قبلك درتو على قبل مك اما نتي بالنسبة ليا مجرد كلبة كتلوح راسها على الرجال

💘أحببت شهيرا 💘
🦋بقلم لمياء الشادلي 🦋
❌البارت 11❌
✳️شهيرة✳️

كملت طريقها مصطانعة القوة : من اليوم انساه من اليوم عندك كرامتك انورهان مطيحيهاش على شخص نرجسي بحالو…. خرجات من المستشفى بانتلها فاتي في الحديقة باين فيها الحزن قرباتلها : فاتي
دارت شافت فيها والدموع فعينيها كستقط وحدة مور وحدة

نورهان : اويلي مالك شنو واقع
فاتي قربات عندها عنقاتها : س س سعد
نورهان بدات كتمخض فيها : مالو دوي مالو هضري خلاص
فاتي: تضرب بموس

هنا توقف الزمان بالنسبة ليها كانت محتاجة طيح دموعها هادشي اللي دازت منو مشي ساهل وهنا كانت الفرصة المناسبة خصوصا ان سعد كيعنيلها الأخ والأب والصديق ديما كيحميها عمرو تخلى عليها كان تيمنع راسو من بزااااااااف دالحوايج باش يعطيها تشري اللي بغات وديما تيديها ويجيبها من الليسي الكل كيقول انهم كوبل رائع مواتيين لكن معارفينش انه هذي هي الأخوة الحقيقية دخلت كتجري كتمسح دموعها وتيوليو يهبطو كان خارج من المستشفى شافها في ديك الحالة كتجري رغم ضعف جسدها وقفت قدام

سيكخيتيغ في الطابق الأول : عفاك اختي سعد الفارسي؟
سيكخيتيغ جبدات ليسط دالمرضى كتبت السمية طلعلها الملف ديالو : آنسة شكاتجي المريض
نورهان : ختو

سيكخيتيغ : نقدر نشوف لاكارط ناسيونال ديالك
نورهان : احم نسيتها
سيكخيتيغ : سمحيلي منقدرش نعطيك حتى معلومة على المريض
نورهان : عفاك اختي محتاجة نشوفو

سيكخيتيغ : لا منقدرش نعطي معلومات على المرضى
……… : خليها دخل عندو
سيكخيتيغ حلات عينيها بصدمة:موسيو نضال الوزاني 😲 احم انسة سعد الفارسي مزال الحد الآن في غرفة العمليات

نورهان : بغيت نعرف الطابق
سيكخيتيغ متوترة من وجود نضال كتهضر وعينيها مرة مرة كيمشيو ليه بإعجاب : امم في الطابق السابع
كملت طريقها كتجري ناحية المصعد حسات بالوجود ديالو تسد الباب وتحرك المصعد

نورهان : بلى متعذب راسك ممحتاجاش للمساعدة ديالك ومغديش نقولك شكرا
نضال : مجايش على قبلك جاي على قبل سمية……….. كان كيحاول يختلق أعذار لراسو مزال الحد الآن معارفش علاش كينجاذب ليها كيحس بشي حاجة في شكل كتمتالكها غير هي معمرو شافها في البنات الآخرين تحل باب المصعد خرجات هي الأولى وهو موراها جبد التيلي من بعد ما سمعو صونا من تما وهو كيهضر مكالمة مور مكالمة خرج الطبيب وقفاتو

نورهان : عفاك قولي كيبقى
الطبيب : تعدى مرحلة الخطر انحولوه لغرفتو
نورهان : شكرا

تمشات وقفت قدامو : انا غدي نبقى إلى بغيتي تمشي سير بلى منعطلك
نضال : عرفتي حالت صحيبك وتحركي قدامي بلا قوة الهضرة

نورهان : انا مغاداش انبقى مع حبيبي
جرها من يديها دخل المصعد وهي موراه كتغوت ضغط على الزر تسد المصعد
نورهان : واش مكتفهمش واش معندك مايدار حاضيني غير انا

جمع معاها بصقلة حتى سال الدم من فمها تضاهرت بالقوة ونطقت: علاش كدير هكا وا مشي سوقك ياك خرجت من حياتك على كتحكر عليا
تحل المصعد جرها من شعرها خرجها من المستشفى وهي كتنتر دخلها للوطو وكسيرا بسرعة كبيرة

نورهان : وقف عفاك وقف خليني نمشي في حالي
مجاوبهاش عارف راسو إلى تزايد معاها في الهضرة غدي يقتلها خصوصا ديك كلمة حبيبي اللي مزالة كتحرقو من الداخل فرانة قدام القصر جرها لداخل لقى ختو خارجة
لينا : ويلي خويا مالك مع نورهان
نورهان تقادات في الوقفة : ختي الله يرحم باك هضري مع هاد خوك ولا ديما تيحكر عليا وتيضربني…. دورات وجها : هانتي شوفي لاطراس اللي خلاها في وجهي مدرتلو والو هو اللي كيتعصب دغيا
نضال : لينا طلعي لبيتك
سمية سمعات الغوات خرجات عندهم قربات عند نضال وكتحلف على نورهان بعينيها : ولدي نضال فين كانت ياكما كانت فشي بلاصة مشي حتى لهيه… دارت عندها…. ياك اللفعة كتخليني حتى نمشي وديري مبغيتي
نورهان : وا سمية والله مكيفما كيحساب ليك
سمية : عارفة حلوفك شوف اولدي عفاك متردهاش في وجهي انا كبرت في السن وهي معندهاش خوتها ديرها بحال ختك لينا والى لقيتي عليها شي حاجة عطيها علاش كتقلب
نضال زير على يدو من كلمة ختك لكن هذي فرصة لصالحو يعاودلها الترابي خنزر فيها وطلع لجناحو
نورهان : واش حماقيتي أسمية أشمن خويا ولا زمر انا عندي خويا واحد اللي هو سعد ونتي عارفة ياك سعد ديما كيحميني علاش كتقوليها لنضال هو مساليلك بعدا يبقى حاضيني
سمية : نضال حرفية يا بنت الحرام نتي راه ضسرتي خاص يتعاودولك الترابي
نورهان : نينيني باركة من هاد الهضرة وأري سوارت الدار نمشي في حالي نعس راه طاحولي دياولي معرفتش فين مشاو
سمية : قلتلك راك وليتي مخسرة مكاين سوارت من اليوم انعيشو هنا
نورهان : شنوووووو 😲

💘أحببت شهيرا 💘
🦋بقلم لمياء الشادلي 🦋
❌البارت 12❌
✳️شهيرة✳️

سمية : قلتلك راك وليتي مخسرة مكاين سوارت من اليوم انعيشو هنا
نورهان : شنوووووو 😲

سمية : كيفما كتسمعي انا ابنتي قهرني الكرا مدام نرجس الله يكثر خيرها اقترحت عليا نعيشو في الطابق الأرضي

نورهان : وااااا سمية واش حماقيتي واش بغيتيني نعيش في هاد الدار راه انا مشي ديال هاد البلايص وماما والله زدتي فيه نتي عارفاني مولفة مع سعد وفاتي وميساء والله حشومة علييييك مغديش نقدر نكلس هنا وزيد عليها الليسي بعيد كي غدي نديرلها دبا

سمية : الليسي اتمشيلو بالطوبيس نخلصلك فلوسو حسن من عشرين ألف ديال الكرا هنا الحمد لله انكونو واكلين شاربين مكاين لا مصاريف ديال الضو لا ما لا تقدية لا كرا وحتى خالك مبقاش كيصيفط كيف شحال هذي ودبا سمعيني مزيان اش غدي نقولك مالين الدار قيليهم عليك سمعتي

نورهان : ما شتي انا غير لاصقاهم
سمية : إوى راه كنهضر معاك واياك نسمع عليك شي حاجة يلاه زيدي قدامي نوريك الدار اللي كاينة التحت

نورهان : كاينة دار من تحت هاد القصر 😲
سمية : وي كاينين 6 ديال الخدم في نفس الطابق زيدي قدامي

تمشات سمية للمصعد ديال الخدم غير اللي كاين في وسط القصر ضغطو على الزر تحل ضغطت على الطابق الأرضي مكاملاش ثواني وكان مفتوح قدامهم 6 دالابواب توجهات سمية للباب السادس جبدات كارط حطاتها في لوحة إلكترونية تفتح الباب دخلو لقاو دار رائعة دوبليكس الفوق كاين زوج بيوت صالون وحمام ومطبخ والتحت نفس الشيء

نورهان مصدومة : ماما واش هذي هي الدار اللي انسكنو فيها

سمية هزات راسها بالايجاب بينما نورهان منباهرة من الطريقة كيفاش مصممة : ماما دبا واش غير هذي اللي هكا ولا لاخرين حتى هما

سمية : كلهم بحال بحال
نورهان : واو عمري شفت قصر بحال هكا

سمية: حوايجك وكلشي ديالك راه تما يلاه تحركي تحفظي… جبداتها من وذنها: عرفتي إلى منجحتيش هاد العام مكاين اللي يفكك مني والله يامك تنزوجك لولد خالك

نورهان: الا أسمية حشومة عليك متنحملوش فوقما تنمشي العروبية تيبقى يتعنب ويقول في ديك الهضرة ديال والو منديهش وخا تقتليني

سمية : إوى هو اللي غدي تديه إلى مشديتيش الباك نيت راه فارعلي راسي عليك

نورهان : بففف صافي ها هي غادة اليوم في العشية قارية يلاه تمسحيلي الغياب

سمية جبدات البزطام من الجيب هزات 20 درهم عطاتهالها : تحركي شدي الطوبيس و قوليلهم كنتي مريضة ومزال نتحاسبو على فين كتغبري

نورهان : وا مي راه مغديش يعطيني الورقة
سمية : دخلي معاك مصطفى

نورهان : اممممم قضيتك نتي وداك مصيطيفى معاجبانيش

سمية حيدات الصباط وشيرات عليها بيه : تحركي من قدامي المصيبة ونتي مضري متنفعي

نورهان طارت من قدامها دخلت لبيتها بدلت حوايجها بالزربة هزات شكارتها وخرجات من الدار طلعت في المصعد عاد خرجات من القصر من الباب ديال الخدم كانت ديك الساعة 14:00 دارت كاسكيط والكيت في وذنيها كتسمع الاغاني وطلعت القب دالقبية وصلات لمحطة د طوبيس كلست كتسناه يجي داكشي اللي كان تم نيت وصل طلعت لقاتو معامرش بزاااااف كلست حدا الباب
كنعتاذر البنات تعطلت كان الويفي تقيل والمشكل من الأساس كان من الريزو معلينا الأجزاء بين يديكم بانو بأرائكم

💘أحببت شهيرا 💘
🦋بقلم لمياء الشادلي 🦋
❌البارت 13❌
✳️شهيرة✳️

دازت ربع ساعة كانت قدام باب الليسي شافتهم جايين لجيهتها قلبت الدورة

شيماء : نورهان
وقفت ضاغطة على سنانها دارت لعندهم لقاتهم كايشوفو فيها وكيضحكو

نورهان : مالنا ؟
وئام: مشفتيش الجديد

نورهان : جيوني نيشان براكة مدورو في الهضرة
شيماء : نضال اللي فاضحانا بيه عندو حبيبة

وئام جبدات التليفون دخلت لسكرينشوت كليكات على الفوطو وراتهالها: شوفي كيبانلي كيحماق عليها شوفي كيف هازها

نورهان بانت ابتسامة خفيفة على وجها وفي داخلها غدي طير بالفرحة : ملاحظتوش زعما ستيلها لمن كيشبه ولاطاي ديالها؟

شيماء ركزت في التصويرة وضهرت على وجهها ملامح الدهشة : شنوووووو؟ ميمكنش

نورهان قرباتلهم وعلى وجها ضحكة مستفزة: نزيدكم شي دليل آخر؟ مثلا الفاصمة اللي في جبهتي واللي في يدي شوفو البنت اللي في التصويرة واش مضروبة في يدها؟ اه ونسيت علاش غيبت اليوم؟ والتصويرة كنظن تنشرات يلاه هذي شي ساعتين

وئام: كي درتيلها ميمكنش كتكذبي نتي ديما كتغيبي غير شفتي التصويرة قلتي ارا نغيب منجيش وندير الدوا الحمر وندير الفاصمة نضحك على البنات هادشي مشي علينا متبقايش تكذبي

نورهان مبعدة عليهم : في الصراحة مقنعتينيش هادشي اللي كتقولي موازي للمنطق

دارت مكملة طريقها خلاتهم غدي يطرطقو بينما هي دخلت فرحانة للقسم

دازت 4 دسوايع خرجت كتنقز مزال منسات شنو شافت حاسة براسها غدي طير بالفرحة الشيء اللي كانت كتحلم بيه كيتحقق شويا بشويا جبدات التليفون علمت مها انها غدي تعطل تمشات واحد 5 دقايق وقفت حدا مجموعة من الناس كتسنى الطوبيس اللي كيمشي جيهة لوبيطال

بعد نص ساعة نزلات كتجري من الطوبيس دخلات للمستشفى لقات نفس السيكخيتيغ اللي كانت في الصباح سولتها على الغرفة د سعد هاد المرة جاوباتها بلى متناقش معاها مشات للمصعد ضغطت على زر الطابق الثالث من بعد ثواني تحل المصعد

كانت شادالو في يدو والفرحة في عينيها: وأخيرا فقتي متصورش شحال خفت عليك

سعد كيحاول ينوض مقصح من الضربة ناضت بالزربة هزات الخدية حطاتها مور ظهرو يتكى عليها

سعد : قربي
فاتي : غير خليني هنا رتاح نتا
سعد : قلتلك قربي

قربات عندو ومتخوفة في نفس الوقت غير وصلات لعندو زرب عليها مكالسها على رجليه

فاتي : احم سعد شنو كدير واش حماقيتي راك باقي مريض

سعد قربلها كتفصل بيناتهم مسافة قلييييلة مكاملاش سنتيم : فين بقينا

فاتي ولات حمرة بغات تفك لكن قوتو غالبة عليها: احم بغيت نمشي ماما غدي تقلق عليا قلتلها راني بايتة عند صاحبتي اما مكانتش……. قاطعها منين حط شفايفو على دياولها الشيء اللي خلاها شهقات خصوصا من بعدما تفتح الباب

💘أحببت شهيرا 💘
🦋بقلم لمياء الشادلي 🦋
❌البارت 14❌
✳️شهيرة✳️

نورهان سدات عينيها : علمنا اساط راك كدير المنكر دبا مشي حشومة عليك انا غير طفلة نشوف هادشي

فاتي هبطات مبعدة على سعد من بعد ما طلقها : احم غدي نمشي… هزات صاكها وخرجات كتجري

سعد دار مخنزر في نورهان : شنو درت في حياتي انا باش تسلطي عليا…. هز من حداه كأس وشير عليها بيه كون مخواتلوش كون وجها تعنفجلها

نورهان : سري سري انا اللي جاية نشوفك ونتا هادشي باش كتجازيني…… بدات كتنخصص عليه كنتي اتخسرلي وجهي هو اللي كنملك

سعد : اربي على موصيبة اجي لهنا اجي
قربات لعندو دارلها بلاصة فين تكلس عنقها بجنب ونطق : دبا مالنا

نورهان : هئ هئ هئ 😢شوف نتا شنو كنتي غدي دير غير وليتي مع فاتي نسيتي ختك غدار نتا دغيا بدلتيني

سعد ابتاسم : اسبحان الله اشريفة اللي يسمعك يقول راه عندنا 10 دالولاد

نورهان دخلات حداه مغطية من البرد : انرتاح شويا البرد برا قريت 4 د السوايع 2 دالماط تابعهم 2 دالفيزيك كنت انتسطا

سعد : شفتك بحال إلى استوليتي عليا
نورهان : ومالك راك خويا الكبير زعما خاصك ضحي على قبل راحة ختك اه حقا عرفتي شنو

بدات كيتعاودلو على كاع داكشي اللي وقع من نهار دخلت القصر حتى الوقت اللي تلاقات فيه مع شيماء ووئام والتصويرة اللي وراوها هذي هي صداقتهم نورهان فوقما كتقلق كتمشي تخوي قلبها عليه ديما هو اللي كيشجعها وكيمسحلها دموعها هو الأخ الكبير اللي مولداتوش ليها مها كون كان فعلا عندها اخ مكانش غدي يتعامل معاها كيفما سعد

بينما هما منغامسين في الحديث على ذيك الوضعية كان شخص كيصور بلى مينتابهولو وقتما كانت كتقربلو كانت الكاميرا كتشدهم كأنهم ثنائي تم نيت التصاور كانو في جميع وسائل التواصل الاجتماعي

دازت ساعتين شافت في الساعة لقاتها 21:00 مشا الحال محال حتى واش تلقى الطوبيس اخر واحد غدي يدوز في ديك الساعة سلمت على سعد هزات صاكها وخرجات كتجري لحقت على الطوبيس داز الوقت نزلت لقات الدنيا خاوية مكاينش حس شي واحد كيضور من غير الطوموبيلات مرة مرة فين كدوز شي طوموبيل
وصلات قدام القصر وقفات قدام واحد من لي كارد

في جيهة أخرى في بواط موجودة في مركز المدينة مساحتها شاسعة كتكون من 3 طوابق الطابق الأسفل كاينة حلبة الرقص ديال الناس اللي كيبغيو الزهو والنشاط الطابق الثاني vip ديال الناس الكلاص اما الطابق الثالث واللي كانت مساحتو كبيرة بزااااااااف تما فين كيكونو رجال الأعمال ورجال المافيا وفين كيتعقدو الصفقات

كان كالس لايح يديه على الفوطوي في يدو الأخرى مشروب كيشوف فيهم بملامح عدم رضاه على بنوذ الصفقة

الشخص : موسيو نضال ديك المنطقة هي الوحيدة اللي نقدرو ندوزو منها السلعة مفهمتش علاش موافقتيش تكريهالنا غير ليلة وحدة

نضال شاد التليفون في يدو كيخنتش فيه كأن هذاك اللي قدامو كيهضر مجرد صنم : مكنتحالفش مع محالف أمير ديك المنطقة بالضبط غدي دوز منها السلعة ديال ألفريدو وقدام عينيكم علم أمير بالافلاس ديالو عما قريب

الشخص : هكا كتعلن على راسك الحرب راك معارفش العواقب ديال هادشي

نضال كايخدم في التليفون: جاوب على تليفونك

صونا التليفون ديالو فعلا من بعد ما نطق نضال غير جاوب وجهو ولا حمر

نضال : هذي عاقبة اسلوبك في النقاش

الشخص خرج كيجري من بعد ما علموه بالحادث اللي تعرض ليه خوه دار عند نضال: علنتي الحرب كون أكيد غدي تندم على هادشي

نضال مجاوبوش جات وحدة من بنات الليل كتلصق عليه وكتحاول تغريه جلست قدامو كتحلو الصدايف دشوميز بينما هو شاد التليفون بيد وكاس باليد الآخرى وصلو ملف في ميساج فيه كل المعلومات عليها عرف عليها الصغيرة والكبيرة فين خرجات وفين مشات طلعولو تصاور مع الملف غير شافهم زير على الكأس في يديه حتى طرطق بين يديه والدم بدا كيخرج جر البنت اللي قدامو لاحها وهبط بالزربة غير شافوه جابولو الرونج روفر ديالو حتى لقدام البواط خدا السوارت من الكارد وكسيرا بسرعة فائقة

وصلات قدام القصر وقفات قدام واحد من لي كارد
نورهان : خويا

الكارد كيشوف في جيهة وحدة كأنه روبو مكيشوفش فيها

نورهان : وخويا راه كنهضر معاك

الكارد بقى على نفس الحركة متحركش ومجاوبهاش كأنها كاع مكاينة

نورهان كتحرك يديها قدامو باش يشوف فيها : و خويا وحلنا الباب راه بغيت ندخل وااااا…… قاطعاتها لوطو لي فرانات حدا رجليها مشافتش شكون الضو كان عاميها حطات يديها على عينيها كتحاول تشوف شكون

نزل من لوطو وجرها من يديها لاحها في لوطو القدام ولا ركب وكسيرا بسرعة

نورهان ضورات وجها شافت فيه كان تيسوك وعروق يدو مطراسييين الغضب مسيطر عليه

نورهان: علاش جريتيني معاك نزلني بغيت نرجع
نضال صرفقها : حسك منسمعوش

نورهان شادة على حنكها : علاش كدير هكا شكون نتا اللي ضربني واش وقتما ترشقلك عليا تجي ضربني ولا شنو زدتي فيه راه الى وليتي درتي هكا غدي نبلغ بيك وديك الساعة القانون بيناتنا

نضال ولا صرفقها حتى هبط الدم من نيفها وجبدها من شعرها يد كيسوك ويد مزير عليها من شعرها : انا فوق القانون كتسمعي إلى وليتي نطقتي انقتلك تاقي شري

نورهان شادة شعرها باش متقصحش: وطلقني الحكار قتلني يلاه قتلني كتعرف ترجل عليا غير انا سير شوفلك فين تلاهى وبعد مني انا

💘أحببت شهيرا 💘
🦋بقلم لمياء الشادلي 🦋
❌البارت 15❌
✳️شهيرة✳️

نضال دخل مع واحد البوابة كبيرة لي كارد كاملين اللي شافوه ضربولو التحية فرانة قدام قصر كبير اكبر من ديال والديه نزل ونزلها مزير عليها من شعرها دخل مع البوابة لقى الخدامات واقفين مخلوعين حيت جا على غفلة تخطاهم وطلعها لجناحو لاحها في الأرض وتحنا عندها حط يدو على عنقها مجيفها: عندك ثلاثة البنوذ خالفتيهم عائلتك كاملة تموت ونتبعك ليهم.. نشوفك مع شي ولد الكلبة نقتلك كتفهمي الشيفور اللي غدي يكون بنت غدي تديك وتجيبك هذاك ولد الكلبة اللي كتحابيلي معاه نولي نشوفك معاه يموت مفهوم؟

نورهان ولات حمرة مخنوقة مقدراش تهضر طلقها كدخل الاوكسجين لصدرها حركات راسها بالإيجاب وخا معارفاهش علاش كيهضر كل همها تنجى بروحها

نضال : مزياااان دبا ندوزو العقاب….. جبد التيليفون من جيبو اللي كان ايفون اخر مخرج دخل لفوطو جبد التصاور دورهم لجيهتها غير شافتهم شهقات عرفت راسها هذي هي الآخرة ليها

نورهان رجعات باللور كدور راسها بلا خصوصا منين شافتو حيد السمطة حتى الصوت اللي تهضر بيه مشالها : ن ن نضال غغير س س س معني والله مكيفما كيحسابلك هو راه اااااااااه…. مجات فين تكمل حتى حسات بشحطة جاتها في رجليها كانت وحدة مور وحدة وهي كتغوت حلقها جف بالغوات وخا لابسة الا انها كانت كتحس بيهم كيهبطو على جلدها نيشان مبقاتش قادرة تهضر دموعها اللي خداو مهمة لسانها وهما اللي ولاو تيعبرو على كمية الآلام اللي كتحس بيه
نضال هبط لعندها وجهو حمر والعروقة مطراسيين في جبهتو لحظة تحول لوحش بلا رحمة مزال متسرطاتش ليه الطريقة كفاش متكية حداه وكفاش معنقها هادشي كامل تيدوز قدامو في هاد اللحظة جرها من شعرها : غدي تعاودي الغلط ديال اليوم

نورهان حركات راسها بالنفي كتحاول تسايس معاه باش تنجى بروحها وفي راسها ألف فكرة اللي عن طريقها تنتاقم منو وتندمو على هادشي اللي كيدوزها منو

نضال : تهزي
نورهان : ش ش شنو مزال ب باغي ديرلي

نضال : شنو كنتي كتقولي لكارد حتى هو بانلك فيه البلان

نورهان عرفات راسها مع واحد مسطي مفيهاش حركات راسها بالنفي : و و والله مقلتلو شي حاجة خايبة ق ق قلتلو غير حلي الباب

نضال : همم حلي الباب ها حنا انشوفو
خرج زادح الباب وخلاها مليوحة في الأرض

دموعها بداو تبطي متحملتش هاد الحكرة كاملة اللي داير ليها وخا تكون حيوان كان يرحمها حطات يديها على الأرض مكالية بيهم كتحاول تنوض والألم كيجهاد عليها غمضت عينيها مقاومة وقفات خارجة من الجناح اللي كان كبير بزااااااااف كتعرج هبطت في الدروج مرداتش الباب للمصعد سمعت الحس تبعاتو لقات قدامها مطبخ كبير فيه مجموعة من الخدامات كلهم لابسين زي الخادم وقفت قدامها مرأة كبيرة في السن تكون عندها 50 سنة

رئيسة الخدم : لالة تبغينا نوجدولك شي حاجة
نورهان حسات بكرشها بدات كضرها بالجوع : اه اخالتي

رئيسة الخدم ابتسمت من لطافتها: شنو بغيتي الالة
نورهان : خالتي متبقايش تعيطيلي لالة راني بحال بنتك

رئيسة الخدم : وخا ابنتي شنو بغيتي تاكلي
نورهان : امممم بغيت لازانيا

رئيسة الخدم : وخا ابنتي اكرااااااام
وقفت قدامها بنت في أواخر العشرينات : نعام الالة

رئيسة الخدم : لازانيا دبا تكون واجدة
إكرام : امرك لالة

💘أحببت شهيرا 💘
🦋بقلم لمياء الشادلي 🦋
❌البارت 16❌
✳️شهيرة✳️

رئيسة الخدم : صافي ابنتي سيري كلسي في لاصال دو مونجي ها هما غدي يجيبوهالك

نورهان : لا اخالتي بغيت نكلس هنا نتونس معاكم تما غدي نقنط

رئيسة الخدم : اللي بغيتي ابنتي حركاتلها كرسي باش تكلس في لاطابل

نورهان كلست وظهرت على وجها ملامح الالم : احم خالتي شنو سميتك

رئيسة الخدم قرباتلها وكلست حداها : سعاد متعانديهش ابنتي راك غدي تحيبيها غير في راسك راه حنين بزااااااااف والى قصحتي معاه راسك غدي يوريك الوجه لاخر

نورهان فهمت كلامها ودموعها بداو كيطيحو اول مرة تحس بشي واحد كيفهمها من اول نظرة وخا سمية مها كتبقى مشغولة مع الخدمة مكتعرفش شنو تيضر بنتها: كاين أكثر من هاد الوجه الخايب اخالتي؟ بيني وبينك كرهتو وكرهني في حياتي

سعاد : لكن عينيك متيقولوش هادشي

نورهان : عرفتي اخاالتي ديما كنت كنتسنى نشوفو كان ديما بالنسبة ليا فارس أحلامي كيف كيقولو كانو صحاباتي ديما تيقولولي هبيلة حيت كنبغيه وخا عمرني شفتو ومتصوريش فرحتي نهار حضرت الحفل وشفتو حسيت براسي انسخف بالفرحة لكن كلشي تبخر من نهار بدا كيهيني ويطيح من قيمتي وكيضربني معرفتش علاش كيدير هكا

سعاد : حيت كيبغيك ابنتي
نورهان : اللي كيبغي اخالتي مكيآديش هو حول حياتي جحيم حتى صحابي منعني من شوفتهم واش انا مشي انسان لدرجة كيتعامل معايا بحال العبدة

سعاد : كلشي كيمشي بالسياسة……. حطات يديها على دماغها…… وإلى حليتي هذا كلشي غدي يتحل…. شافت البنات كيجهزو لا طابل ….. يلاه كولي مزيان عمري الكريشة

نورهان ابتسمت : خالتي كولي معايا
سعاد : لا ابنتي انا شبعانة نتي الليي مزال صغيرة خاصك تاكلي مزيان

نورهان : لا اخالتي مغديش ناكل إلى مكليتيش معايا….. شافت في البنات اللي واقفين كانو 3 دالبنات اخرين كيقومو بأعمالهم…….. حتى نتوما بغيت اجيو كولو معايا هادشي اللي درتو بزااااااااف

البنات بقاو واقفين كيشوفو في بعضياتهم مصدومين من تصرفها اول مرة تهضر شي وحدة معاهم من معارف نضال معمرهم حتى طلعو عينيهم يشوفو فيه

نورهان : واجيو بلى متحشمو ديروني صاحبتكم
قربو عندها كلسو معاها وهي مندمجة معاهم في الحديث عجبها الحال معاهم خصوصا انها لقات وحدة في نفس سنها

سالات الماكلة خلاتهم جمعو الطبلة اكيد مغديش تجمعها هي بطبعها ضريفة لكن اكبر معكازة خرجات كتعرج عاد بدا كينوض عليها الحريق ديال بصح في يديها وجبهتها من الضرب اللي تعرضاتلو في الاختطاف والحريق في اللي في ذاتها من بعدما كمل عليها نضال كل ما كتفكر داكشي اللي وقع كتشعل في قلبها العافية كفاش كانت كتبغي شخص بحالي مفيهش حس الرحمة
بانلها المصعد قصداتو طلعات للطابق للثاني كتستكشف المكان باغية تنسي الحريق اللي فيها بانتلها غرفة مسدودة قرباتلها من شكلها جذبها كما ان الباب ديالها غير البيبان لاخرين حطات يديها على الباب باغة تحلها قاطعها صوتو الحرش

نضال : اش كديري تما
دارت عندو كان لباسو رياضي كيطمة في الكحل مع صبادرين في الحمر وملوي الفاصمة على يدو

نورهان في نفسها : دالمرض حتى مكنبغيش نتزعط ولكن هو في الضد……. هضرت بصوت عالي : بغيت نمشي في حالي

نضال : اجي
نورهان : شنو بغيتي مني تكمل على مبديتي

💘أحببت شهيرا 💘
🦋بقلم لمياء الشادلي 🦋
❌البارت 17❌
✳️شهيرة✳️

نضال : اجي
نورهان : شنو بغيتي مني تكمل على مبديتي

نضال : لا راه نيت كتقلبي على قتلة
نورهان : مبقيتش كنخاف منك

نضال : خاصك تولي تخافي قربي ونجاي بروحك
قربات عندو بلى رضاها مبقى عندها فين تزيد لحمها طاب

تمشى قدامها للمصعد وضغط على الطابق الثالث تبعاتو دخلت طلعو بزوج بعد ثواني كانو في نفس الجناح اللي جابها ليه في أول ماجاو

شاف فيها كيف كتحرك حس براسو قسى عليها حط تحت ظهرها ويد تحت خسرها ورفعها لعندو تمشى بيها لجيهة الناموسية حطها وحل المجر حداها جبد بوماد

نضال : حيدي حوايجك
نورهان : شنوووووو

نضال : دبا غدي تحيديهم ولا نحيدهم انا
نورهان منين شافت نظراتو عرفات انه لا مفر من غير انه تنفذ داكشي اللي كيطلب منها حيدات كاع داكشي اللي لابسة بقات غير بدوبياس حل البوماد وحطها على كاع الجروح اللي خلاهم فيها مرة مرة كتمشي عينو لجسمها اللي كان متناسق تماما كيبان جسم ديال مرأة ناضجة مشي ديال بنت 18 سنة كمل ليها أمرها باش تولي تلبس حوايجها

نورهان كتلبس ودموعها كيطيحو وكتنطق بهمس باش ميسمعهاش: ولد الحرام ديما تيحكر عليا بالحق دبا والله لا دوزتها ليه والله حتى ندمو على هادشي كامل وزايدها الدوا عندو موجود باينة كيقيل يعذب في البنات الحكار اللي حطو تيغير وقيلة على بنات الكرة الأرضية كاملة يعطيه الهرس في دوك اليدين
كملت لباسها وطول الوقت وهي كتدعي فيه سالات
اللباس : مغديش نمشيو ماما غدي تقلق

نضال : قلتلها راك عند البنت اللي كنتي معاها في الحفل دبا تحركي تنعسي

نورهان توجهت للسرير : ونتا فين غدي تنعس
نضال : على ما أظن مكاينش غير هاذ الجناح
تخشات من تحت الغطا ونطقت : نضال

نضال : شنو بغيتي مزال.
نورهان : عفاك قولهم يمسحو تصاوري غدي يبقاو يضحكو عليا في الليسي و يهضرو فيا

نضال زير على يدو مجرد مكيتفكر التصاور كيسخط : غدي تعاودي تجبديهم انصفيهالك نتي وياه

نورهان زيرت على المخدة ونطقت بصوت باكي: صافي بلاش

خرج وزدح الباب مخليها كتفقس وخايفة من المشاكل اللي اتواجههم بسبب ذوك التصاور معارفاش انه في الدقيقة اللي وصلوه فيها كان مسحهم من جميع الأجهزة

صبح الصباح فاقت كتكسل مبقاتش كتحس الألم الدوا قدا المفعول ديالو مشات للحمام اللي كان من الزاج حيدات ملابسها كاملين و تخشات من تحت الما مستمتعة بالما دوشت دغيا لقات البينوار لبساتو وخرجت لقاتو واقف في البالكون عاطيها بالظهر

نورهان بهمس: هاه ناري عندك يكون شافني

نضال كينتر من السيكار نطق وهو عاطيها بالظهر: شفت كلشي دبا تحركي تلبسي راه الحوايج في الدريسينغ
نورهان طارت من حداه وكتويل في خاطرها : ناري ناري سمعني وشاف كلشي تفو كان عليا نشوف واش كاين شي حد في الجناح عاد ندخل

دخلت لدريسينغ تصدمت من الحوايج اللي كاينين تما كانو بجميع الأشكال والانواع والألوان الطويل والقصير
نورهان : هاي هاي علم الله شحال كتجيب دالبنات في النهار

فتحت بلاكار كبير كان فيه سبادرين بجميع الالوان والأشكال تماما بحال الحوايج مع الصبابط والسنادل والطالونات والفوق السيكان هزات وحدة في الأبيض رجعت لجيهة الحوايج خدات جاكيط ستيلها بحال القبيات في الأبيض وتيشورط مع سروال بوي فراند في الأسود لبسات هادشي كامل طلقات شعرها ودارت كاسكيط كحلة سدات الكاكيط في النص وخرجات عندو

💘أحببت شهيرا 💘
🦋بقلم لمياء الشادلي 🦋
❌البارت 18❌
✳️شهيرة✳️

نورهان : ساليت
نضال دار عندها ابتسم بالجنب راضي على لباسها وخا معاجبوش الحال انه جات زوينة والدراري كاملين غدي تعجبهم مكرهش تولي تلبس غير الجلالب لكن كلشي كيجيها زوين تنهد وقربلها: تحركي تفطري

نورهان : داخلة مع 10 وهذي 9:30 مغديش يقدني الحال نفطر ونمشي نشد الطوبيس للقصر نجيب الكاغطابل ديالي عاد نولي نرجع لليسي

نضال : شنو قلت البارح
نورهان : معنديش مع داكشي ديال الشيفور واصلا سمية اتغوت عليا اتعيق بيا وغدي يحسابلها شي حاجة
نضال جنناتو هاد البنت اي حاجة خاصها تلقالها عذر: هبطي تفطري الكاغطابل كاينة هنا

نورهان : لكن مغديش يقدني الوقت نوصل
نضال غوت في وجهها : هبطيييييي تفطرييي
طارت من قدامو نيشان للمصعد هبطات التحت لقات الفطور فوق لاطابل فيه كل ما طاب وولذ كلسات مفتوحالها الشهية

داز وقت قصير ناضت شبعانة هزات الكاغطابل ديالها اللي كانت حداها وتمات خارجة من القصر معارفاش شنو دير خايفة تمشي في الطوبيس ويعطيها طلعت عينيها كتقلب سمعات كلاكسون دلوطو دارت لقاتو في لوطو

نضال : طلعي
مزادتش معاه طلعات لور دلوطو اللي كان نوع فيراري في الأسود ماط

نضال : الشيفور دباك انا
نورهان : مالك

نضال : واش باغة لمك نعاودلك الترابي طلعي القدام
نورهان تنهدات نزلات من بلاصتها وطلعات القدام : شي أمر آخر من سيادتكم

نضال : قادي السمطة
نورهان معرفاتش كيديرلها عيات معاها والو مبغاتش تسد

تنهد وقرب لعندها كانت أنفاسها كتضربلو في عنقو قادلها السمطة بالزربة مباغيش يصدق فشي حاجة أخرى

كسيرا حتى تكحطو الروايد مع الأرض وناض العجاج قدام القصر خرج من البوابة الكبيرة ولي كارد كاملين حانيين الراس

نورهان : وخا نطلق موسيقى
نضال مجاوبهاش من غير انه شغل البلوتوت دلوطو مع التليفون ديالها

دخلت للموسيقى اللي عندها في التليفون طلقات كليكات على الملف ديال حاتم عمور طلقات اغنية آخر مرة وبدات كتغني معاها

نورهان : وبلاما يبقى فيك الحال وتقولي معندي زهر وتكرهي نتي كاع رجال بسباب واحد فيهم غدر غير صبري دبا يجي ولد الناس اللي يهزك فوق الراس ومعاه تولي لاباس وتنساي كذاب رأس مالو غير هضرة مسحي دموعك وكوني مرة خوذيها تجربة مرة كويها في قلبك اخر مرة آخرة مرة اخر مرة

نضال صدعاتو وخا هكاك عرف عليها حاجة جديدة انها مشي من النوع اللي كيمشي مع موجات الموسيقى وإنما كتبقى متشبثة بالنوع اللي كيعجبها
فرانة قدام الليسي كيتسناها تنزل

نضال : وصلنا
دارت عندو عاد عاقت على راسها طفات الموسيقى وخرجات لكن جرها من شعرها : هضرتي دالبارح منوليش نعاودها

حركات راسها بالإيجاب ونزلت

في قصر الوزاني هبطات كتجري معطلة لقات لوطو ديالها قدام الباب خدات السوارت من عند الشيفور

لينا : انمشي بوحدي
الشيفور : ولكن انسة موسيو نضال مكيبغيش

لينا : كنظن إلى مقلتيلو والو مغديش يعرف
الشيفور : آنسة لينا موسيو نضال مكتخطا عليه حتى حاجة

لينا ركبات في لوطو اللي كانت لومبرغيني تسد الباب اطوماتيك طلات عليه ونطقت : متخافش خدمتك مغديش تمشي

كسيراات بسرعة خرجات من البوابة الكبيرة ولي كارد تم نيت ربطو الاتصال بيه

لينا بهمس : اي حاجة كيوصلوهالو يا ربي فقاش نتزوج نتهنى من هاد الغمة اللي دايرهالي

وصلات للسطوب وقفات كتسنى صونالها التيلي جاوبات وحطات الكيت في وذنيها : شنو المرض

صوفيا : حنا عند الكوافور
لينا :غادة لافاك مغديش نجي نتشاوفو في البواط هاد الليلة

صوفيا : مغديش تجي لعندنا
لينا : لا الى ممشيتش لافاك خويا غدي يحاسبني انتقاد تما ونجي للبواط المعهودة

صوفيا : اححح متزوجينيش داك خوك غير يتحكم فيا مهم نعيش معاه

لينا : الى وصلتيليه ممنعك حد
شافت الضو الخضر تطلق قطعات عليها وكسيرات ناحية لافاك

بعد دقائق وصلات بقوة السرعة مقدرتش تحكم في الفران ودخلت في لوطو اللي قدامها
لينا مغمضة عينيها وحاطة يديها على الكيدون: ناري قفرتها

سمعت الدقان في الزاج زيرت على يديها ونزلت هزات راسها مصدومة في هادشي اللي كتشوف نطقت

بهمس : سبحان الله محال واش بشر تقولي غير ملاك فوق الكرة الأرضية

💘أحببت شهيرا 💘
🦋بقلم لمياء الشادلي 🦋
❌البارت 18❌
✳️شهيرة✳️

سمعت الدقان في الزاج زيرت على يديها ونزلت هزات راسها مصدومة في هادشي اللي كتشوف نطقت بهمس : سبحان الله محال واش بشر تقولي غير ملاك فوق الكرة الأرضية

رضى : واش حمقة مكتشوفيش منين عورة علاش كتصوكي

لينا بالغوات : اسيدي نتا اللي منك الفوط والى بغيتي نصلحوهالك مكاين مشكيل بلى متبقى كترطا علينا هنا …… جبدات الكارط ديالها ولاحتها عليه…. الاصلاحات على حسابي

مشات قدامو خلاتو غدي يطرطق قطع ديك لاكارط جبد التليفون وحطو على وذنيه: جيب اوطو جديدة واجي دي هذي

الهام : واش نتي صفا في مخك واش عارفة شكون هذاك اللي درتيلو داك الحالة

لينا : الكلب اللي حطو انا يسبني والله لا بقات فيه
الهام : ويلي ويلي مزال كتهضر ناري اصاحبتي خرجتي على راسك

لينا : سيري تلعبي انا حمارة اللي غادة معاك تلاحي…… خلاتها ودخلت

عند نورهان من بعدما كسيرا دخلت مع الليسي لقات كلشي كيشوف فيها معرفت مدير كفاش غدي تبرر داكشي اللي وقع وكلشي كيحسابلو كتربطها علاقة بسعد وقفو عليها دوك الثنائي اللي ولات حافظاهم خاصهم غير منين يدوزولها

شيماء : ممشيتي حتى وصلتيلو السلكوطة
نورهان غمزاتها : اللعب ديال الكلبات عمرو كيوصّل

وئام: كيفاش دبا كتحشيلنا الهضرة ولا شنو
نورهان زدحات فيهم وتمشات مكملة طريقها : فهميها كيف بغيتي

دخلت للقسم قرات ساعتين ضرب الصونيط ديال 12:00 خرجات كتجري فرحانة أتمشي الحومة القديمة تشوف ميساء وتصالح معاها مكتبغيش تبقى مدابزة مع صحاباتها وقفت قدام باب الليسي مبانلهاش هزات كتافها باللا مبالاة دورت وجها لقات سعد واقف مع فاتي وكيتساناها

نورهان : ويلي ويلي خلات
جبدات التليفون باقيلها شويا دروشارج صوناتلو جاوبها تم نيت وفي نفس الوقت مفاهمش علاش كتصونيلو وهو قدامها : سعد عفاك دي فاتي وسير من هنا بلى متجي تهضر معايا عفاك اخويا

سعد مفهم والو جنو في هاد التصرفات مكيحملش بحال هكا قطع عليها وقربلها شدها من يديها في هاد اللحظة فرانات حدا رجليهم فيراري كحلة. نورهان : ويلي قفارت عليا

خرجات من لافاك لابسة غوب دو سواغي في الأسود مع طالون طالع بحال كاط في نفس اللون من فوق الغوب لايحة عليها جاكيط في الحمر قصيرة و عريضة طالقة شعرها الحريري و دايرة نظارات الشمس فوق شعرها وعلى وجها ميكاب سموكي كانو نظرات الدراري كيلتاهموها كلشي حاط عينو عليها كأنها لوحة فنية ركبات في لوطو ديالها وكسيرات بسرعة فائقة ناحية البواط دخلت والنظرات كاملين توجهو ليها بينما هي معاطية الاهتمام لحتى واحد طلعت الفوق vip عند البنات سلمات عليهم وكلست حداهم

صوفيا : هانا على الزين اختي واش طاسيلتكم كتورث الزين ولا شنو.
لينا : انبدا نتكبر عليكم

هند : هههههه مولفين عليك مشي عاد زعما غدي ديريها
لينا : ياك البغلة

صوفيا : إوى كيدوزتي نهارك
لينا : بففففف متفكرينيش
هند : مالك شنو وقع

لينا : ضربت لواحد المتكبر لوطو ديالو اكسيدون خفيفة اوى ومخلاليش وحتى انا مسكتلوش وخليتوو انا يسبني والله لاكانتلو…… شافت فيهم لقاتهم ممركزينش معاها حالين فمهم فشي جيهة

لينا : راه معاكم كنهضر
هند حالة فمها فيه وكتنطق: ولد الحرام متيحشمش صافي حتى توريهلي نسبو دبا خليني نشوف تيتيز ديالي شحااااال وانا كنتسناه

لينا دارت شافت فين كيشوفو حلات فمها : لااااا ميمكنش اش كيدير هنا
كان قدام لاطابل ديالها غمزها و نطق وهو كيشوف فيها : سدي فمك الموت كدور……

صوفيا : كتعرفيه 😲😲
لينا : هذا هو ولد الحرام اللي سبني الصباح

هند دارت عندها وكتويل: ويلي ويلي على بنت الحرام سبيتي برادة خلات عليك في قرايتك

لينا : علاش شكون هو بالسلامة

صوفيا : رضى برادة المالك ديال لافاك اللي كتقراي فيهت اساطة
لينا : شنوووووووو ؟ 😲

يتبع……………..

💘أحببت شهيرا 💘
🦋بقلم لمياء الشادلي 🦋
❌البارت 18❌
✳️شهيرة✳️

صوفيا : رضى برادة المالك ديال لافاك اللي كتقراي فيها اساطة

لينا : شنوووووووو ؟ 😲

هند : أيه وبطبعو صعيب متيزكلش دقتو وزيادة على هادشي اللي كيبانلي راك معارفاهاش رضى صاحب خوك تيبانلي مداخلاش الأنستقرام ديال خوك

لينا : لا معنديش ممخلينيش

صوفيا جبدات التليفون دخلت للحساب ديال نضال وطلعو تصاورو ديما أغلبية التصاور كاينين بزوج

لينا : وااااااات هذا هو اللي كانت كتعاود ماما عليه وكانت ديما كتقول لخويا يعرض عليه

هند : منين يجي عندكم عيطيلي نجي عندكم الله يحفظك

صوفيا: وحتى انا بغيت نشوف خوك

لينا بقات غير حالة فمها في وسطهم وكثرة الاسئلة بداو كيجيو في بالها ركبها الرعب منين عرفاتو صاحب خوها يعني ممكن يكون عندهم نفس الانطباع كيفما قالت هند طلعات راسها لجيهتو لقاتو كيشوف فيها شوفات كون كانو قرطاس كون اختارقوها هزات ساكها وخرجات كتجري ركبات في لوطو وكسيرات.

جبدات التليفون باقيلها شويا دروشارج صوناتلو جاوبها تم نيت وفي نفس الوقت مفاهمش علاش كتصونيلو وهو قدامها : سعد عفاك دي فاتي وسير من هنا بلى متجي تهضر معايا عفاك اخويا

سعد مفهم والو جنو في هاد التصرفات مكيحملش بحال هكا قطع عليها وقربلها شدها من يديها في هاد اللحظة فرانات حدا رجليهم فيراري كحلة. نورهان : ويلي قفارت عليا

نزل من لوطو زدح الباب بجهد والانظار كلها توجهاتلو كلشي مصدوم نضال الوزاني اش كيدير في بلاصة بحال هذي قربلهم بلى كلمة بلى زوج هبط على سعد بكروشي

نورهان حطات يديها على فمها والدموع بداو كيهبطو على خذها : لاااااااااااااااا

شافتو باغي يزيد يكمل عليه وقفات قدامو شدات في يديه كتترعد : نضال عفاك لاااااااا دير شنو ما بغيتي فيا غير بعد منو

شدها من شعرها مزير عليها وعينيه حومر نفس الملامح عرفات انه هذي هي اللخرة ليها مغديش يتزاكل لا معاها لا معاه : كتحامي عليه الكلبة صبري على روحك مزال جاية نوبتك

سعد ناض وخا جهدو مسالي يلاه خارج من الطبيب قرب لنضال ورجعلو الكروشي: هذي باش تولي تقرب لختي

نضال جعر عمر شي واحد حط عليه يديه دفعو حتى طاح على ظهرو والدم كيخرج من الضربة دالموس ونزل عليه بالكروشي وحدة مور وحدة

فاتي طاحت للأرض كتغوت بسمية سعد خايفة قربات لعند نضال كترغبو: عفاك اخويا بعد من حبيبي غدي تقتلو

نضال تهز من فوقو كيمسح الدم من جنب فمو: حبيبك؟

فاتي حركات راسها بالايجاب وحنات عند سعد كتنوضو : سعد نوض

سعد كيحاول ينوض الحريق جهاد عليه في ظهرو نورهان بالزربة قربات لعندو كتحاول تنوضو: سعد خويا الضربة بدات كتنزفلك

نضال دفعها وعطاه يدو باش ينوض سعد شدلو في يدو نوضو وعيط الكارد جابو لوطو أخرى

نضال موجه هضرتو الكارد : وصلهم لوبيطال واللي رجعهم فين غدي يمشيو

دار عند نورهان اللي كانت كتترعد خايفة من شنو كيتسناها بلى تفكير عطات رجليها الريح كتجري بكل ما فجهدها مباغاش يشدها معارفاش بهاد التصرف غير كتخليها على راسها

زير على يديه وركب في لوطو عارف كيف يجيبها حتى لعندو وكسيرا بسرعة للقصر

💘أحببت شهيرا 💘
🦋بقلم لمياء الشادلي 🦋
❌البارت 19❌
✳️شهيرة✳️

دارت ملقات حتى واحد كملت طريقها عادي رجليها ولاو كيضروها بقوة الجري وقفت في محطة الطوبيس كتسنى اللي كيدي للحومة محاملاش ترجع للقصر وقفو قدامها زوج بنات لابسين تيشورط في الكحل وسروال د الكوير وكاط وكويرة من الفوق في الكحل وسلاح في الجنب في نفس اللون

نورهان بهمس: بفففففف واش حياتي ولات كاملة فيلم دالاكشن دالمرض

طلعات راسها فيهم ونطقات : هو اللي مصيفطكم

جراتها وحدة فيهم بالسيف عليها و نورهان كتنتر منها
نورهان : وا المرض طلقيييي واش نتي مكتفهميش
البنت لاحتها في لوطو وركبات حداها بينما لوخرا ركبت القدام في بلاصة السائق

خرج من المستشفى متكي على فاتي وفي يديه التليفون كيصونيلها

فاتي : سعد بغيت نسولك

سعد : فاتي نورهان ختي فهميها متنسايش منلي حلات عينيها وانا معاها طفولتها دوزتها معايا ومغديش نسمحلو يجي في دقيقة يدير فيها ما بغى يخرج عليها ويخليها انا الللي عارف دوك الناس كيفاش دايرين منين كيبانلهم البلان فشي حاجة كياخذوها بالسيف ومنين كيعياو منها كيلوحوها بحالي عمرها كانت

فاتي: صافي هادشي اللي كنت باغة نعرف
ولا صونالها جاوباتو في الحين

نورهان : شنو.

سعد : هذي هي كيبقيتي اخويا واش كضرك شي حاجة دبا ولات شنو كون قتلني داك صعصع ديالك كون راك وحيدة اساطة

نورهان : اودييي انا اللي عارفة اش تابعني اليوم خلات عليا قلنالك متجاوبش ونتا مكتسمعش

سعد : نعيط للبوليس

نورهان : خخخخخخخ واش في خبارك البوليس كيترعدو منو بالخوف تحلف عليه مافيوزي وليت كنشك فيها والله

سعد : اوايلي ضعتي

نورهان : شكرا على هاد الجواب الرائع اللي فادني بزااااااااف تلاح

وقفت لوطو قدام باب القصر نزلت ودخلت البنات بقاو برا كيتسناوها حتى دخلت

نورهان : غدي نسلت لعند سمية ونوريه هاد الذكاء فاش غدي ينفعو

دخلات كتجري ناحية المصعد نزلات للطابق الأرضي وهزاات لاكارط من الكاغطابل ديالها حلات الباب ولات سداتو تكات عليه كتحاول تاخدذ انفاسها كتحس براسها كانت في مغامرة ونجات منها بأقل الاضرار

نضال : على السلامة

زيرت على سنانها مبقاتش كتصدم فيه عارفة افعالو وعارفاه علاش قاد بقات حانية راسها ومزيرة على يديها

نورهان : فين هي ماما

نضال : هاد الساعة كين غير انا……….. حط يدو على الباب محاصرها……….. ودبا باش نبدا امممم بداك السي خوك اللي كان شادلك في يدك واللي ما ولداهلك مك ممتبنيينو ممراضعة معاه مكابرا معاه في نفس الدار همممم؟ ولاااااا فاش وقفتي في وجهي باغة تحامي عليه؟ هذي ندوزوها ياك ولا الهروب ديالك… زدح على الباب بانفعال…… على شحال من خطأ خاصني نعاقبك….. جرها من شعرها مزير عليه…… شحال من مرة قلت لك تاقي شري شحال من مرة قلت لك نجاي بروحك مني ولكن نتي شنو كديري؟

نورهان مقصحة من راسها و كيدوز الحوار ديالها مع سعاد على مسامع اذنها

🌿سعاد : حيت كيبغيك ابنتي

نورهان : اللي كيبغي اخالتي مكيآديش هو حول حياتي جحيم حتى صحابي منعني من شوفتهم واش انا مشي انسان لدرجة كيتعامل معايا بحال العبدة

سعاد : كلشي كيمشي بالسياسة……. حطات يديها على دماغها…… وإلى حليتي هذا كلشي غدي يتحل🌿

قربات عندو عنقاتو مخشية فيه وكتنخصص : عفاك مضربنيش ندير اللي بغيتي غير متبقاش تغوت عليا وديرلي هكا

نضال بعدها عليه : متأكدة اي حاجة

نورهان فهمت قصدو: لاكانت حاجة خايبة بلاش

جبد التيليفون ربط الاتصال ونطق : هبط داكشي التحت

نورهان مفهماتش شنو باغي يدير سمعات الدقان حل خدا شي وراق من عند الكارد وسد الباب حطهم قدامها : سني

نورهان هبطت راسها كتقرا فيهم ومع كل كلمة كتحل فمها بصدمة : لااااااا ميمكنش

💘أحببت شهيرا 💘
🦋بقلم لمياء الشادلي 🦋
❌البارت 20❌
✳️شهيرة✳️

كانت في غرفتها كتسمعهم اش كيقررو في عوضها ودموعها كيطيحو كتحرك راسها بالنفي إلى نفذو هادشي اللي كيخطولو غدي تمشي فيها هزات التليفون صوناتلو ويديها كيترعدو كتسناه يجاوب على أحر من الجمر سمعات الخط تطلق ونطقات بصوت باكي ومتقطع: س سسسعد

سعد : حبيبتي مالك شنو واقع مال صوتك

فاتي : سعد عتقني عفاك

سعد تخلع ناض من بلاصتو ويديه على جبهتو: شنو واااااااقع واش شي حد اذاك

فاتي : بغاو يزوجوني ويخرجوني من المدرسة خلينا نهربو ولا اجي خطبني مهم منتزوجوش سعد غدي نضيع إلى زوجوني بواحد قد باا

سعد : فاتي كيفاش غدي ندير مغديش يقبلو بيا 26 سنة ومخدام مردام مسير اموري غير بالبريكولات واش غدي يقبلو بواحد شاد الدكتورة في الهندسة المعمارية وكالس شمور في هاد البلاد السعيدة واش غدي ناكلو الدكتورة كيبغيتيني ندير.

فاتي : غدي تخلى عليا

سعد : مغديش نتخلى عليك انا معاك حتى للموت ولكن مشي الحب اللي كيوكل سمحيلي مغديش نقدر نوفرلك الظروف اللي كتستاهليها

قطعات عليه حاطة يديها على فمها قلبها كيتقطع مظناتش غدي يسمح فيها من دقة الاولى سمعات الدقان في الباب مسحات دموعها بعجرفة وفتحات الباب كتسنى يعلموها بالخبر اللي غدي يهدم حياتها ويقلبها رأسا على عقب.

نورهان هبطت راسها كتقرا فيهم ومع كل كلمة كتحل فمها بصدمة : لااااااا ميمكنش

نضال : قلتلك سني

نورهان : علاش كدير هادشي واش بغيتي تملكني كعبدة عندك دير فيا مابغيتي وميبقى لحتى واحد فين يدخل ياك

نضال : كيعجبني ذكاؤك كون كنتي كتستعمليه في القراية كون كاع مكنتي كتسقطي كل عام

نورهان ولات حمرة خبارها كلها عندو : علاش انا من دون البنات

نضال زدح على الباب كتسولو على الحاجة اللي هو في الاصل معارفش جوابها : قلتلك سني

نورهان : والى مبغيتش

نضال : اممم معزازينش عليك صحابك وقيلة.

نورهان هبطات راسها يديها كيرجفو كتحس بقلبها كيقولها سني مرادك ها هو كيتحقق بينما عقلها كيمنعها وكيخبرها انه غدي تسني على جحيمها

نضال مزير على يديه لهاد الدرجة محاملاش تكون معاه بينما البنات لاخرين كيتسناو غير شوفة منو علاش هي بالضبط علاش واش هذا عقاب من عند الله على البنات اللي كان ملاهي بيهم الوقت مكيكملش نهار مع وحدة ويلوحها جرها من يديها زدحها على الباب حط يدو خلف راسها وعيونو في شفايفها هبط راسو لعندها وحط شفايفو على شفايفها كيحركهم ببطئ للحظة تحولات القبلة لقبلة عنيفة بعد عليها من بعد ما حس بمذاق الدم : مغديش نعاود هضرتي سني

نورهان مزالة مبنجة من القبلة مبقاتش عارفة راسها لا فين ولا شنو كدير هزات ستيلو وسنات في الورقة

نضال على وجهو ابتسامة خفيفة : مبروك عليك مدام نورهان الوزاني……. تحنا لعندها كتبان قصيرة بزااااااااف مقارنة مع طولتو وعضلاتو نطق في وذنيها بهمس : دبا وليتي مراتي في القانون قريب غدي تولي شرعا

نورهان :كتعرف الشرع نتا وليت كنشك فيك واش مسلم

نضال : داك الفم خاصو يتهرس….. خرج وزدح الباب عليها خلاها كتفكر في مستقبلها اللي ولا واضح قدام عينيها

💘أحببت شهيرا 💘
🦋بقلم لمياء الشادلي 🦋
❌البارت 21❌
✳️شهيرة✳️

أصبحنا وأصبح الملك لله

ناضت كتكسل شافت الساعة لقاتها السبعة دالصباح حيدت الغطا وقفات ودخلت للحمام قدات روتينها الصباحي فتحات البلاكار ديالها قررات تبدل الستيل ديالها شويا هزات كسوة كحلة بالكمام وحد الركبة مع صبادرين وفي نفس اللون هي من عشاق لون الأسود لبساتها جات لاصقة على جسدها وراسمة منحناياتو بوكلات شعرها وطلقاتو هزات عكار في الحمر ماااااط جات مثيرة خصوصا ان بشرتها بيضاء حطات الكتوبة في الكاغطابل ديالها اليوم الجمعة عندها عااااامر حسات بالحس في البيت عرفاتها انها مها

سمية : نورهان اجي عاونيني ابنتي نحط الفطور البارح نضال صيفط الخدامات كونجي كاملين واليوم غدي يتعطلو انا اللي جيت بكري

نورهان دارت عندها : وخاااااا

سمية : مالك على داك العكار كامل

نورهان : اماما كاع مكندير الميكاب واصلا دايرة غير العكار عفاك غير اليوم.

سمية : وخا ابنتي عندك يتعرضلك شي واحد انا راه غير خايفة عليك الله يحفظك ابنتي من العيييين

نورهان ابتسمت بخفة وقرصت مها من حناكها: انا مزويناش حتى لديك الدرجة.

سمية وجها صفر : نتي راك معارفاش قيمة راسك

نورهان : ماما مالك اليوم معجبتينيش واش عندك شي حاجة

سمية : لا والو ابنتي غير عيانة اليوم

خرجو بزوج من البيت طلعو للمطبخ مها كتوجد الأطباق وهي كتديهم للطاولة فين كانت كالسة نرجس وأنور ولينا

نرجس : صباح الخير نتي بنت سمية يااااك

لينا : اه اماما هذي نورهان هي اللي كانت معايا في الحفل ديال خويا عرفتي ضريفة.

أنور : حشمتو البنت كااااع ههههه شحال في عمرك

نورهان حشمت ولات حمرة: 18

أنور : قدك قد لينا شنو المجال اللي متبعة

نورهان حشمت من راسها :احم احم انا يلاه في الباك

نرجس : مزيان اجي كلسي تفطري

نورهان : لا مشي مشكل انا انفطر في المطبخ غير بالصحة.

أنور : ممنوع الرفض جلسي باش ميمشيش عليك الحال على ليكول

لينا حطات يديها على كرسي حداها : اجي جلسي حدايا

نورهان تقدمت حداها عجبها الحال كيفاش تعاملو معاها كأنها وحدة من العائلة

خرج من المصعد لابس كوستيم في الكحل من فوقو مونطو ملابسوش غير حاطو على كتافو ومن تحتو شوميز في الابيض حالها الصدايف الأولى كيبان جذاب لأقصى درجة قرب لحداهم جر كرسي وكلس مترأس الطاولة مقابل مع الأب ديالو

نورهان ضرباتها ريحتو حسات بالتوتر خصوصا منين حسات بيه كلس حداها

نرجس: صباح الخير ولدي

نضال : صباح النور حبيبتي

أنور : كنقولك متبقاش تقولها حبيبتي

نضال عنق نرجس اللي كانت من جيهتو الأخرى وباس راسها : هذي حبيبتي وحياتي وروحي كلشي هادشي اللي بغيتي تسمع الواليد

أنور : طلقلي من مراتي وليتي قدك قد السبع ومزال مبغيتي تزوج وانا مشاركني في حبيبتي…….. شاف في نرجس………. بعدي من حداه أجي كلسي حدايا

نرجس نطقات بصوت انثوي كتبان في عمرها 20 سنة كأنها فعلا حبيبة نضال ومشي مو: نتا راجلي حبيبي وتاج راسي وبات ولادي وهو ولدي حبيبي اللي كنبغيه اكثر من روحي

أنور هبط راسو كيقرا في الجريدة مقلق

نرجس ناضت من حدا نضال وكلسات حداه : حبيبي تقلق

نضال : الوليد بغيتي منبقاش نقولها حبيبتي ضبرلي على شي تيتيزة وديك الساعة منبقاش مشاركها معاك

نورهان تقرصت معجبتهاش هضرتو كأنها كاع مكاينة معطاهاش اعتبار تقول مشي هو اللي البارح بزز عليها تسني على عقد زواجهم

أنور : وهذوك امسخوط الوالدين اللي كتكون معاهم كل مرة وحدة في شكل كل نهار لون في شعر وستيل مبدل على اللي قبل منو

لينا : حشومة عليك أبابا فرشتيه قدام حبيبة القلب

نرجس هزات عينيها في نورهان : اممممممم حبيبة القلب

نورهان وقفات خافت تفرش اكثر وكلشي يوصل لمها تفهمها غلاط : احم بسلامة انمشي مشا عليا الحال

أنور : بلاتي ابنتي تسناي يوصلك الشيفور

نضال : شي واحد طلب مساعدتك الواليد ياك خلينالك حبيبتك وقيلنا عليك

وقف موراها ونطق بهمس في اذنها : تحركي قدامي.

سبقها وهي موراه ركب في لوطو وطلعت حداه كتفرك في يديها وفي دماغها الف فكرة كتراودها باغة تسولو وخايفة

نضال : نطقي خلاص شنو كاين

نورهان : علاش تزوجتي بيا منين نتا عندك بزااااااااف دالبنات في حياتك علاش مصر تعذبني معاك

نضال كسيرا معاطاهاش جواب خلاها كتقلى بالاعصاب

💘أحببت شهيرا 💘
🦋بقلم لمياء الشادلي 🦋
❌البارت 22❌
✳️شهيرة✳️

في داخل القصر وقفت وهزات صاكها خارجة

نرجس : لينا نضال شنو علاقتو بنورهان

لينا : من امتا نضال كيعلمني بأمورو الشخصية من ديما نضال غامض ومكتعرفيش شنو تحت راسو

كملت كلامها وخرجات من القصر لقات الشيفور في لوطو ركبات لور وانطلقت السيارة اللي كانت من نوع ميرسيديس اخر ما خرج حطات راسها على النافذة وكل تفكيرها كفاش غتفك الحريرة اللي حطات راسها فيها مفاقت من تفكيرها حتى سمعت الشيفور خبرها بوصولها للجامعة نزلت من لوطو لقات الهام كتسناها سلمت عليها وكملو طريقهم لونفي كلسو القدام و حداهم شي دراري مرة مرة كيحاولو يجبدو معاهم الهضرة إلهام كتحاول تجاوب معاهم بينما لينا كي الحجرة عينيها مقابلين غير مع البروف قاطعهم صوت الكارد : آنسة لينا بغاك الرئيس

لينا ناضت كتترعد عرفات راسها مشات فيها هاد المرة تبعات الكارد وقفو قدام مكتبو اللي كان جاي في آخر طابق دقات الباب سمعت دخل دخلت وبقات واقفة قدامو حاولت تبين راسها قوية ربعات يديها عند صدرها وشافت فيه بنظرة قوة : شنو بغيتي عندي

رضى تكا على الكرسي : اهلا

لينا : شنو بغيتي عندي

رضى : امممم شنو بغيت عندك؟ معندك حتى حاجة تقوليها؟

لينا : معندي حتى حاجة نقولها

رضى : تفكري لا تكون شي حاجة مثلا كنعتاذر على داكشي اللي درت

لينا : مدرت والو وراه عطيتك لاكارط وقلنالك نصلحوها نتا لي دافع كبير

رضى : اهاه وديك الهضرة ديال الزنقة شكون قالها انا

لينا : مقلت حتى حاجة غير نتا كتخايل من دماغك

رضى هز الطابليط دخل لالبوم كليكا على شي فيديو ودورولها : اش بانلك هادشي يوصل لخوك

لينا : ألا حتى لنضال وملاعبينش

رضى : هي كتخافي منو وعندي حاجة آخرة…… كليكا على فيديو آخر……… منظنش انك تبقاي عايشة من بعد هادشي الى عرفو خوك وخا بيني وبينك انا مأكد 100٪ انه عارف غير كيجمعلك ولكن هادشي الى وصل من عندي مغديش يأجل العقاب

لينا: شنو بغيتي نديرلك

رضى : تبتي في داركم وبعدي من البيران وحيدي منك ديك الطيارة

لينا زيرت على يديها حسسها كأنها مكتسواش : وكنظن خويا غدي ينهي صداقتو معاك إلى عرفك كتهين ختو

رضى : حتى تبقاي عايشة باش تشوفيه كينهي صداقتو معايا

لينا : اللي في جهدك ديرو انا مشي عبدة عندك ندير ما بغيتي

خرجت من المكتب بعدما زدحت الباب بقوة ورجعت تكمل الحصة ديالها كأن شيئا لم يحدث

فرانا قدام الليسي ديالها حيدات السمطة وفتحات الباب.

نضال : منسيتي والو

نورهان : لا منسيت حتى حاجة

نضال : متأكدة؟

نورهان مفهمت والو : اه متأكدة

نضال قرب لعندها طبع قبلة على شفايفها متفاك معاها حتى مسحلها العكر كامل عاد بعد : متوليش ديريه…… حيد المونوطو ديالو وحطو على كتافها…… حتى هذي آخر مرة تولي تلبسيها يلاه دبا سيري

نورهان ولات حمرة هبطت من لوطو والمونطو على كتافها وخا ديال الرجال جاها زوين مع الكسوة متناسق نفس اللون دخلات الليسي كلشي كيشوف فيها و كيشوفو في الفيديو اللي طالع في الطوندونس جات وقفات عليها ميساء

ميساء : نورهان صفا

نورهان : اهلا كيبقيتي لباس عليك

ميساء : الحمد لله علاش مبقيتيش كتباني

نورهان : رحلنا اصاحبتي ولينا ساكنين فين خدامة ماما

ميساء : اه خليتي بلاصتك والله وليت بوحدي كنقنط

نورهان : مشي مشكل دبا نبقى نجي عندك مرة مرة…… جراتها من يديها…….. يلاه ندخلو تعطلت عندي داك البروف دالفيزيك دالمرض مكنحملش ندخل عندو

ميساء : انا عندي الماط هههههه داك التيتيز

نورهان : سعداتك كيعجبني ندخل عندو ضريف مهم يلاه بسلامة نتلاقاو في استراحة د 10

دازت ساعتين خرجو في استراحة د 10 ونورهان فرحانة كتحس براسها في الليسي كأنها في حياتها الطبيعية لكن منين كتخرج من الليسي كتفيق من هاد الحلم دق الجرس الاخير اللي كيعلن على انتهاء الساعة الأخيرة

بروف الفرنسية : نورهان سيري جيبيلي سوارت ديالي راه نسيتهم في قاعة الأساتذة

نورهان كانت كتجمع أغراضها باش تخرج : اه اك

خرجات كتجري ناحية القاعة باغة تخرج تمشي تغدا وتولي ترجع داخلة مع 2 دخلت لقاعة الاساتذة كتقلب على السوارت من فوق لي فوطوي ملقات والو تحنات كتقلب من تحتهم لا يكونو طاحو سمعت الباب تحل وتسد دارت تشوف شكون

نورهان : استاذ أحمد اه جيتي ملقيت والو وكنت كنشوف تحت الفوطوي ربما يكونو طاحو

أحمد جبد السوارت من جيبو وراهملها: مكاين لاش تقلبي

نورهان : اه صافي انا انمشي

أحمد جرها من يديها و زدحها مع الحيط : لا معندك فين تمشي

💘أحببت شهيرا 💘
🦋بقلم لمياء الشادلي 🦋
❌البارت 23❌
✳️شهيرة✳️

أحمد جرها من يديها و زدحها مع الحيط : لا معندك فين تمشي

نورهان: استاذ شنو كدير طلق مني بغيت نمشي

أحمد : لا مغديش تمشي عامين ونتي كتهربي واليوم غدي تخلصي

نورهان : عفاك شنو درتلك استاذ نتا راك مزوج وعندك ولد صغير حشومة عليك دير هادشي انا مزالة صغيرة عليك

أحمد حاصرها بين الحيط : اهاه انا كبير وهو لاااااا وداك السي نضال ديالك اللي ولا كلشي كيهضر عليكم هذاك مكبيرش ولا حيت هذاك عندو نفوذ حلال تمشي معاه وانا حرام

نورهان بصوت باكي : عفاك خليني نمشي فحالي والله منقول لشي واحد على هاد الشي الله يخليلك ما تمنيتي

أحمد بدا كيهبطلها الكسوة اللي ملابسة من تحتها والو من غير دو بياس : متخافيش مغدي يوقع والو غير غدي نستمتعو

نورهان حسات بالكسوة هبطات كاملة عرفات انه هذي هي اللخرة ليها كتهضر والدموع كيهبطو شلال السخفة شداتها : لا عفاك لااااااا غدي تندم على هادشي كامل

قرب ليها مبقات كتفصل بيناتهم حتى سنتيم : هذي هي الحاجة الوحيدة اللي عمرني ندم عليها

تفرع الباب دخل عليهم وعينو حمرين النظرة اللي كتحمل من بعدها عاصفة غير شافتو طارت عندو معنقاه النفس مقطوع فيها : نضال عتقني ع ع عفاك كان ب ب باغي

نضال عنقها وبعدها عليه شاد راسها بين يديه ومزير عليها : شت حبيبتي صافي بلى متكملي تنفسي مزيان هكا غدي تخنقي …….. جرها من يديها كلسها على الفوطوي….. صبري حبيبتي دبا غدي نمشيو صافي

نورهان شدات في يديه كترجاه بعينيها : عفاك متخلينيش غدي يولي يرجعلي

نضال: مسح على شعرها : شت مغدي يوقع والومن هادشي

وقف واتاجه لناحية احمد اللي كان كيحاول يهرب من قبضة لي كارد نضال أمر لي كارد باش يخرجو وسد الباب وجمع معاه بكروشي : هذي حيت صخرتيها مدام نضال الوزاني مكتنفذش طلبات الناس….. ولا هبط عليه بكروشي اللي خلى احمد يطيح…….. وهذي حيت تبعتيها وشفتي فيها بديك النظرة

أحمد وجهو ولا كامل دم زوج ضربات كانو كفيلين يخليو حالتو يرثى لها ولا كيطلب بحال الولية : صافي عفاك والله منولي نعاود

نضال : تت تت تت مزال مسالينا…… نزل عندو وهبط عليه بضربة مور ضربة وجهو ولا حمر بالاعصاب متفك منو غير بصوت نورهان اللي كترجاه يحبس

نورهان : عفاك انضال حبس عفاك صافي غدي تقتلو
نضال ناض من فوقو زادت شعلاتو بالاعصاب : خايفة عليه….. زير عليها من يديها…… هضري خايفة علييه انا غدي نوريك

جبد السلاح خوا فيه الفردي كامل علم الكارد باش يهزوه دار لقاها طايحة سخفانة : شييييت…… هبط لمستواها هزها وخرج حطها في لوطو وكسيرا ناحية القصر وصل نزل هازها دخل لقى الخدم مستفين قدامو كمل طريقو ناحية المصعد وقفو صوت سعاد

سعاد : السي نضال مال بنتي نورهان واقعة ليها شي حاجة

نضال ضغط على الزر تفتح المصعد ونطق بلى مايدور عندها : مواقعلها والو

تسد المصعد هبط عينيه ليها كيشوف في ملامحها البريئة والهادئة

نضال : مفهمتش علاش كلشي كيبغيك شنو درتي فيا حتى خليتيني مكنسيطرش على راسي شنو درتي فيا حتى حولتيني من واحد قلبو جامد ناحية البنات لواحد مجنون بيك

💘أحببت شهيرا 💘
🦋بقلم لمياء الشادلي 🦋
❌البارت 24❌
✳️شهيرة✳️

تحل المصعد خرج منو وقف قدام الجناح حط صبعو على آلة الكترونية تفتح الباب دخل حطها فوق الناموسية وكلس في الكرسي حداها لحظات وسمع الدقان في الباب هز الريموت كنترول ضغط على بوطون تفتح الباب ودخلت بنت في أواخر العشرينات شعرها أسود ملامحها جذابة هازة في يديها شانطة كتحمل معداتها الطبية وقفت قدام نضال وسلمات عليه بلابيز وعلى وجهها ابتسامة : اووووه نضال وأخيرا شفتك دغيا نسيتي صداقتنا لا نتا ولا رضى

نضال دور وجهو لناحية نورهان دورت وجها لناحيتها كذلك وقفات حدا راسها جبدات معداتها وبدات في فحصها

مريم : الآنسة تعرضت لصدمة طاحلها الضغط الشيء اللي خلاها تفقد الوعي….. جبدات ورقة كتبات فيها وعطاتها لنضال….. هذو مهدئات عطيهملها وغدي تحسن حالتها ان شاء الله

نضال خدا من عندها الورقة هز الفيكس اتاصل بسعاد طلعات عندو تم نيت عطاها الورقة : هذي عطيها لشي واحد في لي كارد

سعاد : أمرك سيدي…. وخرجات

مريم : كاع مقلتيلي شكون هاذ البنت اللي معاك

نضال : مدام نورهان نضال الوزاني

مريم بصدمة : اووووووه نضال تزوج شكون كان يقولها انا بعدا كنت كنقول غدي تبقى عازب طول حياتك

نضال : كنظن حتى نتي خاسك تشوفي حياتك

مريم : لا انا معنديش هاد الفكرة في راسي مباغاش نربط راسي بشي واحد

نضال : مزيان

مريم ولات سلمات عليه بالوجه : يلاه نخليك تابعاني الخدمة

نضال حرك راسو بالإيجاب

خرجات مريم والدمعة في طرف عينيها مسحاتها بعجرفة قبل تهبط وكملت طريقها خارجة من القصر

دار عند نورهان هز يديها حطها بين يديه وكيدوز باليد الأخرى على راسها بحنان عارف شنو كتكن ليه مريم من مشاعر منلي كانو صغار وكيقراو مع بعضياتهم كانت ديما كتبينلو وكتلمحلو بحبها لكن هو كان ديما كيداعي عدم المعرفة مباغيش يعطيها فرصة ويخرب صداقتهم

خرجات هي والهام ساهية كتفكر في نوعية العقاب اللي غدي يعطيها خوها عارفاه ممساليلهاش دبا مشغول مع نورهان لكن غير ايقاد أمورو مغديش يدوزهالها بالساهل

لينا : اااااااه فين كان عقلي انا

إلهام : لينا مالك

لينا : ختي مشيت فيها خويا غدي يقتلني مشيت البواط بلا خبارو هاد المرة ايكون موجدلي شي عقاب اللي اكيد مغديش نستحملو منين كنت صغيرة كنت خرجت مع صحاباتي ومرجعت حتى دازت يوماين عرفتي شنو دارلي نفاني في جزر Antipodes تما اصاحبتي الموت ديال البرد ومكاينش بنادم كااااع خلا غير لي كارد اللي حرصوني عرفتي دازت 3 ايام هزوني لوبيطال مقدرتش نستحمل ودبا انا كبيرة عرفتي شنو ممكن يديرلي راه يقدر يقتلني وميحسش بيا نتي معارفاش خويا صعيييييب بزااااااااف مكاينش في قلبو الرحمة وخا يكون كيحماق عليك إلى مشيتي حتى خالفتي هضرتو ياويلك اوووف معرفتش شنو ندير

إلهام: اويلي المسخوطة خوك لهاد الدرجة صعيب ويلي ويلي خلات عليك

لينا : واش دبا قلتلك هادشي باش تزيدي عليا

إلهام : وشنو بغيتي نديرلك انا كنقولك الحقيقة

لينا: عاونيني بشي حاجة عفاك نتي عندك مع داكشي ديال تحراميات

إلهام: الله يمسخك اجي بعدا نسولك واحد السؤال عاد نعاونك شنو كيربطك برضى برادة.

لينا : مبيناتنا والو متسرطالوش داكشي اللي درتلو ديك النهار وحصلني في البواط دبا باغي يوصلها لخويا والمشكل هو صاحبو يعني منين غدي تجي من عندو اتزيد تعقد القضية

إلهام: إوى عندي ليك الحل حني عندي نقولك

لينا حنات عندها نظرا لطولها

الهام : هانتي غدي………………………………………………….

خرجات لابسة القفطان دموع في طرف عينيها مستقبالها ضاع كلشي مشى والديها عماهم الطمع سمحو في كبدتهم على قبل الفلوس وكلات أمرها لله وتمشات ناحية الصالون وقفات حانية راسها مباغاش طلعو تعرف شنو كيتسناها

قاطع الصمت باها منين هضر : نخليوكم تهضرو باش تفاهمو على اموركم خذيجة لالة رجاء السي عبد الهادي يلاه

خلاتهم خرجو ونطقت : شوف أعمي انا مباغاش نتزوج براجل قد بابا سمحلي منقدرش نقبل بزواجي بيك انا قلبي مع واحد آخر ونتمنى تفهمني

قرب عندها وقف مربع يديه والابتسامة على شفتاه : وعلاش احبيبتي متقدريش تزوجي بيا لهاد الدرجة انا كبير عليك باش ترضيني قد باك وقيلة بيناتنا غير 8 سنين

هزات راسها بصدمة ممصدقاش اش كتسمع حطات يديها على فمها والدموع في عينيها : ســـــــــعـــــــــــــد

💘أحببت شهيرا 💘
🦋بقلم لمياء الشادلي 🦋
❌البارت 25❌
✳️شهيرة✳️

سعد دار وجها بين يديه : من اليوم غدي تولي ديالي حتى حاجة مغدي تفرقنا على بعضياتنا

فاتي طاحو من عينيها دموع الفرحة : ممصدقاش اش كنشوف كيفاش درتي ليها واش كنتي مع واليديا باش تخلعوني ولا شنو وكي درتي ياك قلتي مخدامش

سعد : والديك فعلا كانو باغيين يزوجوك لداك الشارف ولكن الفضل كامل كيرجع لشخص واحد مهم خلينا من هادشي اليوم غدي نديرو الخطبة وبعد 15 ليوم غدي نديرو العرس

رجعو دخلو والديهم اتافقو على العرس بعد 15 ليوم

البشير : إوى اولدي وصداقها والسكن وخدمتك شنو داير فيهم

سعد : صداقها انعطيها 100 مليون

البشير عينيه ولاو كيبريو بالطمع : والسكن

سعد جبد سوارت : عندي الفيلا ديالي جات في الخرجة د كازا

البشير حل فمو مكيعرف والو على سعد ومكيعرف والو على ماضيه الحي د سعد بعيد شويا على الحي د فاتي كانو كيفرقوهم زوج دروبة : احم ولدي ونتا شنو خدام

سعد جبد البادج ديالو : رئيس المهندسين المعماريين في شركة الوزاني للهندسة المعمارية والتصميم

البشير زاد حل فمو : إوى اش غدي نقولك اولدي منلقاش حسن منك لبنتي تبارك الله عليك مزال شاب وقاد براسك الله يكمل عليكم بالخير

عبد الهادي : هي نلبسو الخواتم

جبدات رجاء الخواتم عطات ديال فاتي لسعد اللي كان مصنوع من الالماس ومغلف بالحجر الصغير دالالماس وكتوسطو جوهرة كبيرة كان ديكورو اكثر من رائع وفاتي الخاتم ديال سعد اللي كان حتى هو ديال الالماس وسامپل

ركبلها الخاتم وهي كذلك نفس الشيء قرب لعندها وباس راسها دور وجهو وهمس في اذنها : من اليوم نتي ديالي نحصلك مع شي واحد نقتلك

فاتي حتى هي قربات لوذنو وهمسات : مزال غدي نتفاهمو على هادشي اللي مخبي عليا

سعد : اووووهو مدام الفارسي ضسرات ولات باغة تفاهم معايا

فاتي : راني كنهضر بصح نتا زعما ما بين ليلة وضحاها تقلبتي وليتي ميلونير هادشي فيه إن

تافقو على كلشي وشنو غدي يكون في العرس سعد مدخلش في داكشي سمع التليفون كيصوني شاف النمرة ابتاسم بالجنب استأذن منهم وخرج لبرا قبل لابيل وحط التليفون على وذنو

سعد: مكيحسابليش وليتي كتبغيني حتى لهاد الدرجة

نضال : أولد الكلبة قلنالك الخطوبة فيها نهار نتا كلستي عام كتحاب ليا تما عندك 15 دقيقة نلقاك في البواط

سعد: صافي صافي ناري اصاحبي منين كتبدا العفو

نضال : تحرك ونتا فيك الهضرة اكثر من العيالات

دخل سعد عندهم استأذن باش يمشي في حالو خرج من الدار ركب في لوطو ديالو اللي كانت من نوع الپورش كسيرا بسرعة نحو البواط

فلاش باك

Leave a comment