Skip links

قصة : أحببت شهيرا ( الاخير)

 6,264 عدد مشاهداات

💘أحببت شهيرا 💘
🦋بقلم لمياء الشادلي 🦋
❌البارت 101 ❌
✳️شهيرة ✳️

عثمان ضرب في الحيط اللي موراها بكروشي ونطق بالغوات : سمييييييية متكذبيييييش عليا شفت كلشي بعيني كفاش مطرا بيناتكم والو وهو كان مقرب منك في الكافي

سمية : مكذبتش مطرا بيناتنا والو انا غير مشيت نشرحلو ونقنعو يبعد مني ويتنازل على خطوبتو بيا مكنتش باغة نتزوج بيه

عثمان : اييييه تقنعييييييه بالبوسان

سمية : عثمااااااااان بعد كل هاد السنوات مزال متعلمتي تحيد هاد الأنانية وتيق غير راسك واللي كتشوف نتا

عثمان : سمية متخلينيش نمد يدي عليييك منين مكنتيش باغة تزوجي بيه ومكانش بيناتكم والو علاش مقبلتيش تزوجي بيا وعلاش مقلتيليش على حملك

سمية هبطو دموعها : مشي مقبلتش خفت من بابا هو كان مريض وفيه القلب كان ممكن في أي لحظة يموت وهو ساخط عليا وخا اللي خفت منو طحت فيييه والحمل بغيت نقولك حاملة ولكن مقدرتش خفت تخلى عليا خصوصا ماماك مكانتش كتحملني خفتها تعمرك عليا وتخليك تسمح فيا وتقول أنها بنت الحرام وتلوحني

عثمان تنهد بعصبية : متأكدة مكان بيناتكم والو

سمية : عثمان لهاد الدرجة مكتيييقش بيا راه هو اللي زرب عليا وتقرب مني انا جيت غدي نبعدو وقفتي علينا في ديك اللحظة وكنت باغة نشرحلك ولكن نتا مخليتيليش الفرصة تم نيت قتلتيه وسمحتي فيا

عثمان : علاااااااش مقلبتيش عليا وعلمتيني بموضوع البنت نضال كان ديما معايا كنتي تتصلي بيه بلا متهضري معايا علميه هو يقولي مكنتش غدي نتردد ولو دقيقة باش نرجع

سمية : نضال حتى هو كان قاطع علاقتو مع العائلة مكانش تيجي بزااااااااف وفاش تيجي متيجلسش باش نهضر معاه ديما مشغووووول ومكانش عارف أصلا بقضية عندي بنت حتى كبرات وصلات لديك 14 لسنة تما تراجعت نقولو حيت هي ولات كتبغيه خفتهم يتعرفو على بعضياتهم وتبني آمالها عليه في التالي تعيش نفس المأساة ديالي لكن القدر كان عندو قرار آخر

عثمان تنهد غدي يحماق هادشي كامل داز عليها وهو مكاينش الحقد ديالو اتجاهها خلاه يتجاهل كلشي ويخلي وراه الماضي كامل : سمية كلشي فاااااات وخا اللي داز صعيييييب لا عليك ولا عليا ولا على بنتنا ولكن خاصنا نكملو في الحياة نورهان لقات اللي يبغيها ويعشقها ويحافظ عليها نضال وعارفو يخاطر براسو غير باش تعيش هي ولدهم ومحدها معاه مطمئن عليها ولكن…………. رجع شعرها ورا وذنيها……….. نتي مغديش تعيشي طول الحياة بوحدك طارق اكيد كذلك غدي يعيش حياتو ويجيب شي وحدة اللي تعمرها عليه وانا مغديش نبقى بوحدي سمية، تقبلي تزوجي بيا؟

سمية هزات راسها فيه والدموع في عينيها نفس الشخص قدامها نفس الملامح الجذابة وخا اكتسات وجهو بعض التجاعيد الخفيفة إلا انها لازالت عاشقة لشخصيتو وقلبو وكل انش فيه وهو كذلك كيبادلها بنظرات كلها عشق متبدل فيهم والو باقييين نفس النظرات الحب عمرو كيتغير لا بعامل المسافات ولا الزمن اللي كيبغي بصح مكينساش

عثمان : مزال كنتسنى جوابك معنديش مشكل إلى معطيتينيش موافقتك دبا ولكن متعطليش باش تاخذي قرارك

وقف وعطاها يدو ناضت وخرج خلاها من موراه مباغيش يبزز عليها الأمر عارف راسو خطأ منين حكم عليها بدون ميسمع منها والو وخلاها كتعاني هي وبنتو بسبابو قاطع افكارو صوتها موراه بنبرة فرحة

سمية : موااااااافقة موااااااافقة نتزوج بيك وتعوضني على كاع اللي داز

عثمان دار عندها والابتسامة على وجهو طلق يدو ليها توجهت لعندو كتجري تلاحت عليه معنقاه بينما هو كيدوز يديه على شعرها بحب : اااااااه شحال كنبغيييييييك

سمية : حتى انا كنبغييييك عمري قدرت نساك وانا كنشوف كل نهار نسخة مطابقة ليك

عثمان ابتسم : مزال نديرو نسخ آخرين ليك

💘أحببت شهيرا 💘
🦋بقلم لمياء الشادلي 🦋
❌البارت 102 ❌
✳️شهيرة ✳️

سمية بخجل : عثمااان واش تسطيتي بنتك بقاتلها سيمانة ودخل في شهرها ونتا باغي الولاد براكة غير هي ثمرة حبنا خاصنا نعوضوها على كاااع داكشي اللي فات وخا نضال دار كل ما فجهدو وحاول ينسيها في كلشي

عثمان ابتسم وعطاها يدو : يلاه نمشيو غدي يكونو كيتسناونا

سمية شدات في يدو فرحانة بعودتهم : يلاه

ــــــــــــــــــــــــــــــــــــــــ
اسمهان : إوى أختي نرجس اش غدي نقولك ولدي مكانش باغي يتزوج وانا اللي بززت عليه كان كل مرة مع بنت وراك عارفة ياسر كيف داير عيت محرقالو في راسو باش يتزوج وراك شهدتي على هادشي نهار بغى يتزوج مشى بالمقلوب غدي لعند مرت ولد عمو مهم كلشي فات ودبا الحمد لله وأخيرا طاح في الحب الحقيقي والبنت اللي تستاهل تاخذ قلبو اوى واليوم جينا طالبين في يد إلهام راها بحال بنتك وغدي تولي حتى انا اكثر من بنتي ان شاء الله

نرجس : ياسر عرف يختار مسخوط كيمشي غير الأخلاق والزين إلى وفقات بنتي إلهام منزيدكم غير بالله يكمل كلشي بالخير والهام راها بحالها بحال لينا ربي اللي عالم بمعزتها عندي ولالا أنور

أنور : وي إلهام الله يعمرها دار ونعم الأخلاق نوصيك اولدي ديرها في عينيك راني بحال باها إلى درتيلها شي حاجة وتشكاتلي منك راه ميفكك حد مني

لينا كتقرص في إلهام من التحت وكتنطق بهمس في اذنها : واللهيلا يا مسخوطة ممشيتي حتى طيحتيه على زنافرو غبت عليك غير 15 اليوم لقيتك منوضاها بالحق غير تسناي اليووم نخرج منك كلشي اليوم غدي تعاوديلي

إلهام بهمس: ورصاي المرض من بعد ونعاودلك خليني دبا نبان متبتة

نورهان من الخلف نطقت حتى هي بهمس :اش كتقولو نتوما هممم ؟ كتعاودو بلا بيا

إلهام : الله يهديك اختي واش هذي بلاصة نتعاودو فيها دبا

ماجد : إوى ابنتي إلهام قابلة تزوجي بولدي ياسر

إلهام ولات حمرة هاد اللحظة بالذات وهاد السؤال بالذات قدام هاد الكم الهائل ديال الناس من أصعب ما يكون تمنات الأرض تنشق وتبلعها ولا تجاوب ضربت الطم كأنها ولات زيزونة أو بمعنى أصح خرساااااء ( كنفايل عليكم يا خرسائاتي 👑)

ياسر : شنو معوالاش تجاوبي ولا تراجعتي في قرارك راه غدي نديك بالسيف عليك

ماجد : ياسر ولدي مشي هكا كنهضرو خليها تجاوب على راحتها

اسمهان : إوى ابنتي موافقة تزوجي بولدي كنواعدك انه غدي يتهلى فيك ويصونك مغدي يخلي حتى واحد يآذيك

إلهام : عارفة اخالتي وحتى انا مغديش نلقى زوج حسن من ياسر

ياسر عاد رتاح من جوابها كان كالس على العافية خاف تجي حتى للآخر وضيعلو كلشي : نفهم أنك موافقة

إلهام بابتسامة خجولة : اه موافقة

اسمهان جبدات علبة في الأحمر مغلفة بالجلد حلاتها جبدات منها زوج خواتم واحد سيمپل والآخر الماسي شكلو زوين وانيق عطاتولهم لياسر ديال إلهام والهام دياسر ركبو الخواتم لبعضياتهم والكل كيصفق فرحانين ليهم في هاد اللحظة دخلو عثمان وسمية شادين في يدين بعضياتهم كل الانظار توجهات ليهم البعض مصدوم من منظرهم والبعض فرحان ليهم كل واحد فيهم وتعابير وجهو كتعبر على احساسو

أنور : كنشوف هاد النهار غير ديال الخطاب الساط ياكما حتى نتا باغي تخطب سمية من عندي

عثمان : لا نتا دخل سوق راسك مدخلكش فينا يد مراتي غدي نطلبها من بنتي

💘أحببت شهيرا 💘
🦋بقلم لمياء الشادلي 🦋
❌البارت 103 ❌
✳️شهيرة ✳️

توجه لناحية نورهان اللي كانت متكية على صدر نضال ولات هاد الأيام غير عيانة تقلات بزااااااااف بكرشها كلس حداها وحط يديه على شعرها

عثمان : نورهان بنتي عارف أنك عانيتي بزااااااااف ونتي بوحدك عارفك كنتي مقصحة وانا ماشي معاك ولكن عذريني ابنتي مكنتش عارف عمري تخليت عليك وانا مستعد نعوضك ونعوض ماماك على اي حاجة ضاعت من حياتكم وخا صعييييب نرجع طفولتك لكن على الأقل غدي ندير مجهود ونتي كبيرة كنتمنى تسامحيني ابنتي ومتحقديش عليا

نورهان : انا عمرني نحقد عليك من ديما كنتي عزيز عليا وبلا منعرفك حطيتك في مقام بابا ونتا كذلك مكنتيش كتعرفني ووقفتي معايا و درتي المستحيل على ودي فقولي كفاش غدي نحقد عليك ونتا ما درتي معايا غير الخير و الزوين عمرني نحقد عليك أبابا

عثمان ابتسم عندو هاد كلمة بابا هي الدنيا وما فيها جرها لعندو من عند نضال و عنقها : سمحيلي ابنتي سمحيلي على كاع اللي دوزتي ونتي بوحدك وانا مشي في جنبك

نضال : اسبحان الله اشريف بحالي خديتيها من عندي بلا متشاورني راها مراتي

عثمان : وراها بنتي إلى كانت مرتك

نورهان شافت الوضع غدي يتقلب دخلت وجراتهم عنقاتهم بزوج وهي وسطهم : بزوجكم مهمين في حياتي بزوجكم كنبغيكم واحد كيمثلي الحنان والحماية واحد كيمثل قلبي والأمن والأمان ديالي وروحي وحياتي كلها اللي ميمكنش نتخلى عليهم.

عثمان بعد ورجعو لوضعهم السابق : صافي دبا خليونا نرجعو لموضوعنا بنتي نورهان اليوم جيت طالب راغب في يد ماماك سمية تكون مراتي على سنة الله ورسوله

نورهان شدتها الضحكة من الطريقة اللي كيهضر بيها باين غير حافظ هاد الكلمات مملفش بيهم : ودبا إلى مقبلتش بيك أبابا وبغيت نزوجها لواحد آخر هممم؟

عثمان عينيه ولاو حومر : جربي ديريها نخطفها ونزيد متعرفوها فين مشات ونتي كلسي عيشي بوحدك مع راجلك روحك حياتك.

نورهان : أويلي غير ضحكت معاك متعصبش دغيا تقلبتي انا أسيدي موافقة نعطيك ماما وعينيا مغمضين شكون بحالها أصلا تدي واحد بحالك كون مكنتيش بابا كون كنت تزعطت فيك

نضال قرصها من التحت جيهت فخاذها غوتات ربي اللي خلقها : حتى دبا عندك الاختيار باش تزعطي

نورهان : حشومة عليك غير ضحكت والله زرقتيلي لحمي

نضال كيطنز عليها: حتى انا غير ضحكت معاك احبيبتي ضحكي معايا نضحك معاك الأمر عادي

لينا شداتها الضحكة شافت جيهة رضى ونطقت بهمس : بانولي هاد الزوج عمرهم يتبدلو

رضى بابتسامة حط يديه على شعرها كيدوزها عليها : ونتي عمرك غدي تبدلي كتجي لعند عائلتك كتنسايني

لينا : تنساك الموت احبيبي واش نقدر نسى قلبي

رضى : وليتي عنيييبة كيبانلي هاد الولد غدي يخرج عناب منو مكاين

لينا : اححح ولدي غدي يخرج نسوانجي

❌ ❌ ❌ بعد 15 يوم ❌❌❌

هبطات بفستانها الأبيض يدها في يدو تحت تصفيقات الحضور والابتسامة على وجههم فرحانين بيومهم وأخيرا كتابلهم انهم يتجمعو وصلو التحت لاحت عليهم نورهان الورد بفستانها الازرق كتبان بحال الاميرة وسطو قابلتهم بابتسامة كتهنأهم

💘أحببت شهيرا 💘
🦋بقلم لمياء الشادلي 🦋
❌البارت 104 ❌
✳️شهيرة ✳️

خرجو للحديقة فين الكل مجموع توجهو لبلاصتهم كانت آخر لبسة سعد جا جذاب في الكوستيم اللي كيبان غدي يطرطق عليه بدوك العضلات اللي عندو توجهو عندو شبان العائلة جروه لطاولتهم عطاوه المشروب متانع لكن بززو عليه فضل يديرلهم خاطرهم وميكترش لايصدق سكران ليلة عرسو بينما البنات جرو فاتي كيرقصو معاها بديك الغوب كلها وكتقول لأخرى مكتعرفيش جميع الأنظار عليهم من بينهم بنات اللي حاسدينهم على دوك الرجال اللي عندهم ورجال حاسدين شبان الوزاني على عيالاتهم

توجهو الشباب لعند زوجاتهم كلها وجر مراتو تحت انظار الجميع طلقات اغنية رومانسية تمشاو نحو حلبة الرقص كتمايلو على انغام الموسيقى والحضور كيصفقو ليهم شي فرحان ليهم من قلبو الخالص وشي السم كينهش في الداخل ديالو

نضال همس لنورهان في اذنها : توحشتك طول هاد المدة ونتي مع البنات.

نورهان : حتى انا احبيبي لكن جات حشومة نخليهم

نضال : وانا محشوماش عليك تخليني

نورهان بغات تجاوبو حسات بمغص في كرشها : اااااه نضاااااااال

نضال وقف : شنو مالك

نورهان : طرطقااااات

نضال مفهم والو : كفاااااش شنو طرطق

نورهان كتضرب فيه : والساقية تطرطقااااااات غدي نولد دباااااااا ااااااااااااااه

نضال زرب عليها هزها وخرج كيجري كلهم تبعوه طلعها في لوطو ركبات حداها سمية اللور ونضال وعثمان القدام بينما الآخرين كلها وركبو في لوطو ديالهم مخليين العرس وراهم

نورهان : ماما غدي نولد كنحس بالماس كيتقطعو في كرشي مامااااااا عتقيني قولو يزرب

نضال : صبري احياتي مبقى والو ونوصلو تحملي تنفسي مزيان هكا غدي تخنقي

نورهان العرق نازل مع جبينها : وبعد منييييي متهضرش معايا الله ياخذ فيك الحق نتا اللي حملتيني كون حسابلي هكا كاع منتزوج بيك اااااااع كنحس بيه بدا تيخرج انولد دبا واااا زيييد في السرعة

نضال وقف قدام لوبيطال نزل هزها ودخل بيها كيجري تعرضلو طبيب

الطبيب : موسيو الوزاني اجي معايا لغرفة الولادة

نضال : نتا بالذات غدي تغبر من قدامي وتجيب طبيبة دبا هي اللي غدي تولدها

الطبيب شاف في وجهو مكيبشرش بالخير مشى كيجري عيط للطبيبة اللي حضرت في الحين دخلوها لغرفة العمليات عطاوه اللبسة الطبية لبسها ودخل معاها تحت اصرارو

نورهان متكية على البياص متاخذة وضعية الولادة وكتغوت ربي اللي خلقها : اااااااه عتقونييييييي عييييت صافي مبقيييييتش قادرة ااااااه نضاااااااال

نضال يدو كاملة ولات قباشي مزيرالو عليها والدم خرج منها بينما هو محاسش بيها قدما خايف على حبيبتو وولدو : شت حبيبتي مبقى قدما فاااااات يلاه ديري جهدك وغدي يكون كلشي هو هذاك

الطبيبة : مدام نورهان عاونيني حتى نتي زحمييي مرة أخرى الراس خرج حاولي آخر مرة يلاه غير هاد المرة

💘أحببت شهيرا 💘
🦋بقلم لمياء الشادلي 🦋
❌البارت 105 ❌
✳️شهيرة ✳️

نورهان عطات كل ما فجهدها وزحمت بقوة غوتات بصرخة هزااات المستشفى كامل منين خرج الولد اللي كذلك معاون مو في الغوات

الطبيبة ابتسمت برضى هزات الولد قاداتو في فوطة وعطاتو لنضال اللي هزو بيد وحدة وكيشوف فيه بحب أبوي احساس جديد اختارق قلبو قبل راسو ببطء خايف لا يآذيه وحطو عند نورهان اللي متلهفة تشدو بين يديها

نورهان بصوت تعبان : شوف شحال زوين عينيه زورق بحالي ولكن باقي الملامح كلها ديالك شبهلي انا غير في العينين

نضال بابتسامة : مزال متبانش ملامحو اللي متأكدين منو انه عينيه كيديولك وقيلا توحمتي على عثمان وكيحسابلك عليا

نورهان : لا انا متأكدة توحمت عليك هانتا غدي تشوف غدي يطلعلك في الشبه ولكن شوف مالو مخنزر

نضال : هذا خارج ساخط على الوضعية من النهار الأول……. هزو من عندها غطاه وعيط على سمية…… نورهان رتاحي انعطيه لسمية ونرجس يدوشولو وينقلوه لغرفتك

نورهان حركات راسها بالإيجاب مشاتلها الطاقة كاملة دقائق و كانت فاقدة للوعي بينما نضال عطى الولد لسمية ونرجس يتكلفو بيه وهو هز نورهان مخلاهمش يقيصوها ولا يتكلفو بيها طلع في المصعد توجه للغرفة اللي كانو وجدوها البنات في الوقت اللي كانت كتولد فيه نورهان دخل لقاهم مجموعين كيعلقو تصاورهم والبالونات في الازرق والاصفر منظر زوين بزااااااااف شافوه داخل كلهم وقفو باركولو وخرجو خلاوهم بحدهم حطها في البياص اللي كان حتى هو مزين بالورود غطاها وطبع قبلة على راسها

خرج للبالكون كيكمي وفي راسو ألف مطرقة مكانش كيفكر بهاد الطريقة لكن منين شاف ولدو عرف راسو خاص يبدل حياتهم للأحسن مستحيييييل يعيش وهو ديما خايف على عائلتو اتاخذ قرار وقرار لا رجعة فيه

داز الوقت ضربات 3 دالليل وهو باقي على نفس الحال جابولو ولدو اللي كان ناعس حطو في بلاصتو ورجع خرج للشرفة جبد التليفون دوز الإتصال لشخص اللي جاوبو في الحين

الشخص : السي نضال شنو قرارك

نضال : انا اللي غدي ندوزها بشرط نبغي الملف ديال سعد الفارسي ورضى برادة وعثمان الوزاني يتغبرو

الشخص : السي نضال مزال عندك الوقت فين تراجع قرارك عامين مشي ساهلة

نضال : مكيهمش اتاخذت قراري انا اللي غدي ندخل الحبس في عوضهم وكيفما قلت بغيتهم كلهم يبعدو على المافيا

الشخص : أمرك سيدي فقاش غدي تمشي

نضال : احم ال……… قاطعو الكاس اللي طاح مهرس دور راسو لقاها واقفة بالسيف كتشوف فيه وكترعد ممصدقاش هادشي اللي كتسمع

نورهان كتنطق بتلعثم بالسيف باش كتخرجلها الهضرة : ووواش هااادشيييي اللي اللي سسسمعت ببصح

نضال فصل الخط وتمشى لعندها : شنو سمعتي

نورهان : نضال متكذبش عليا باغي تمشي وتخليني ياك

نضال : مغدي نمشي لحتى بلاصة غير كتخايلي

نورهان : نضال متكذبش عليا قول الحقيقة

نضال مكره محاملش راسو في هاد اللحظة يكذب عليها : تيقي فيا احبيبتي مغديش نمشي كفاش بغيتيني نمشي ونخليك نتي وولدنا واش حماقيتي

نورهان : ياك غير تخايلت

نضال : اه احبيبتي غير الدوخة مزالة مأثرة عليك

هزها ورجعها لبلاصتها عمر كاس دالما وعطاهلها كيشربها بيدو قادلها المخدة ورجعها لوضعيتها السابقة كلس حداها باش يطمأنها ويديه كتلعب في شعرها طول الوقت محيدهاش عليها حس بيها غفات وقف بالشوية باش متفيقش طبع قبلة على راسها وأخرى على شفايفها عاد بعد طبع قبلة كذلك على راس ولدو وهز الفيسط ديالو لاحها على كتافو وخرج من الغرفة هز التليفون دوز الخط جاوبووه تم نيت نطق زوج كلمات لا غير

نضال : وجدو الطيارة

يتبع…….

💝 تسالاو أجزاء الليلة هانا عوضتكم على كاع دوك الأيام اللي محطيتش 💕 بغيت أرائكم وبوسطات كيضمنو توقعاتكم وتساؤلاتكم للاحداث الماجية مبقى كيفصلنا والو على النهاية 💝

💘أحببت شهيرا 💘
🦋بقلم لمياء الشادلي 🦋
❌البارت 106 ❌
✳️شهيرة ✳️

هزها ورجعها لبلاصتها عمر كاس دالما وعطاهلها كيشربها بيدو قادلها المخدة ورجعها لوضعيتها السابقة كلس حداها باش يطمأنها ويديه كتلعب في شعرها طول الوقت محيدهاش عليها حس بيها غفات وقف بالشوية باش متفيقش طبع قبلة على راسها وأخرى على شفايفها عاد بعد طبع قبلة كذلك على راس ولدو وهز الفيسط ديالو لاحها على كتافو وخرج من الغرفة هز التليفون دوز الخط جاوبووه تم نيت نطق زوج كلمات لا غير

نضال : وجدو الطيارة

قطع خرج من المستشفى لقاهم موجدينلو لوطو ركب في الخلف مفيه ميسوك تحرك الشيفور ناحية المطار دقائق وكانو وصلو نزل من لوطو طلع راسو للسما كيشوف في شروق الشمس دليل على انفتاح يوم جديد وجرح جديد بالنسبة ليه عينيه حومر لأول مرة غدي يندم على الطريق اللي كان غدي فيها اول مرة غدي يندم على الضحايا اللي ماتو بسبابو ها هو جا الوقت اللي يخلص فيه من ديما كان ساد قلبو بالقفل ضرب الحساب لكلشي إلا انه يجي شي نهار وتجي مولات سوارت تحلو ودخل بكل أريحية خدا كاسكيط من عند الكارد مع نظارات شمسية سوداء دارهم ودخل للمطار بخطوات موزونة تمشى مع الكولوار دخل من الباب السري وطلع في الطيارة اللي كانت على وشك الاقلاع

تحل باب الغرفة دخلو كيتسلتو ملتمين واحد تحنى لعند الولد هزو بين يديه بينما الآخر حيد الغطى على نورهان حط زيف على نيفها تفاديا انها تفيق وتحنى عندها هزها بين يديه خرجو واحد مور واحد متاخذين الحطة ديالهم شافو فلي كارد اللي كانو طايحين مغمى عليهم دورو راسهم يمين وشمال بانلهم شخص هاز كاس القهوة ومتاجه ناحية الغرفة عطاو رجليهم للريح وخرجو كيجريو من الباب اللوراني للمستشفى خصوصا من بعدما ما سمعو كلمة “وقفووووووو” ركبو في لوطو وقلعو للوجهة ديالهم

عثمان لاح كاس دالقهوة ونطق بصراااخ بعدما شافها بين يديهم : وقفوووووووو…….. حاول يتبعهم لكن كانو خفاف وكيجريو بسرعة

جبد التليفون من جيبو صونالو كاع مكيجاوب جرب المرة الأولى والثانية وما من رد حاول المرة الثالثة مجرب حظو حط التليفون على وذنو كيتسنى ثواني وتطلق الخط

نضال : عثمان تاخذت قراري تهلى فيها

عثمان : اش كتخربق علامن كتهضر واش تسطيتي راهم خطفو مرتك وولدك

نضال : شنووووووو

قطع عليه ووقف توجه لعند البيلوط اللي كان كيسوك كيطلع الطائرة للسماء متاخذين الوجهة ديالهم

نضال : وقفها دبا

البيلوط : كفااااااش موسيو نضال ولكن راه طلعنا

نضال : إوى غير الوجهة لغابة *******

البيلوط : سيدي ولكن الخطوط الجوية………….

قاطعو نضال معصب : مكيهمنيش دير اش كنقولك

خرج من عندو وتوجه جيهة باب الطائرة حلو كيشوف منظر الأرض من الفوق دوز يديه على شعرو معصب غدي يطرطق فيه شي عرق بزااااااااف على هاد العكس كامل حتى كيقول غدي يقاد كلشي وكتعواجلو من قنت آخر هادشي كامل كيزيد يخليه يبقى متشبث بقرارو ثواني وتحطات الطائرة في مساحة خالية من الأشجار قرب الغابة نزل هز المنظار ديالو تمشى ناحية الغابة وقف خلف إحدى الاشجار منيش على الكوخ حاظي جميع التحركات اللي داخلو

كالسة بفستانها الأبيض مجمعة مع البنات في الكافيتيريا دالمستشفى فرحانين لنورهان

لينا : عرفتو البنات تخلعت منين شفتها كتغوت دبا حتى انا غدي ندوز من هاد المرحلة

فاتي : نتوما بعدا دوزتو المراحل اللي قبل تهنيتو منهم وانا اش نقول

💘أحببت شهيرا 💘
🦋بقلم لمياء الشادلي 🦋
❌البارت 107 ❌
✳️شهيرة ✳️

إلهام : أودي كلنا ليها غير كونو هانيين

وقفو عليهم مربعين يديهم بحال شي كارد كلها وكيشوف في حبيبتو نطق سعد وعينيه على فاتي

سعد : غدي تكوني عيتي يلاه نمشيو

فاتي : لا معيتش غير خليني مع البنات

لينا كتنغزها لعل وعسى تحشم ساعة السيدة مكلخة اكثر من اللازم نطقات بهمس : احم فاتي ختي عيقتي وزدتي فيه مكفاكش العرس اللي تخسر حتى لآخر لحظة ومزال باغة تشديه هنا سيري ديري لراجلك خاطرو هكا راك غدي تنفريه منك

فاتي ردات عليها بهمس : ولكن انا خايفة بزااااااااف

لينا : متخافي من والو كلشي كيفوت يلاه نوضي سيري نيت تبدلي حوايجك حتى العشية ورجعي انا انبقى مع الهام

فاتي هزات راسها بالإيجاب ووقفات شدات في يدو خرجو متوجهين للفيلة ديالو

سعد : كتهربي مني همم؟

فاتي حشمات : مشي غير مبغيتش نخلي نورهان بوحدها

سعد : هممم نورهااااان الله يجعلني نتيييق

رضى ركز عينيه على لينا ونطق : ونتي معوالاش

لينا : هممم انا؟

رضى : لا إلهام شكون في نظرك مراتي

لينا بغباء : أنا

رضى : وشكون غدي نهضر معاها إذن

لينا : هي

رضى : الكلاخ كتاكليه ولا كتحيمري عليا ولا شنو نوضي تكعدي

لينا : عفاك خليني غير شوية غير شوية عفاك عجبني ولد خويا بغيت نشوفو منين يفيق عفاك

رضى : نوضي تحركي منين يفيق نجيبك تشوفيه

لينا : لا بلاش حشومة نعذبك

رضى : الله اودي ذياب الوزاني كاااااامل ومنتعذبوش على قبلو ودبا يهديك الله ونوضي تكعدي.

لينا : بفففف صافي ها هي نايضة بسلامة إلهام بسلامة خويا ياسر

وقفات عطاها الفيست ديالو حطاتها على كتافها وخرجو متوجهين للفيلة ديالهم بزوجهم في أغلب الأحيان مكيبغيوش يمشيو للقصر دعائلتو تفاديا للمشاكل المطروحة ما بين مو ومراتو

ياسر : إوى ألالة إلهام عجباتك الكلسة ياكما نشريلك لوبيطال تسكني فيه

إلهام : انا لهلا ينزل علينا شي باطل معاجبنيش الحال غير كنت مونسة مع البنات وصافي

💘أحببت شهيرا 💘
🦋بقلم لمياء الشادلي 🦋
❌البارت 108 ❌
✳️شهيرة ✳️

ياسر : مغديش تمشي؟

إلهام : يالاه وصلني عييييت وليت باغة غير نرتاح

ياسر : معرفتش علاش مكتسمعيش علاش مبغيتيش تجي تعيشي معايا مبقالنا والو ونتزوجو علاش راسك قاصح

إلهام : لا لالالالا عام وزيادة وانا عايشة في داك الحي عمر شي حد قلل احترامو عليا عايشة بيخير الحمد لله غير نتا مبرزط راسك على والو

ياسر : الهاااام قلبي مكيكونش مهني من جيهتك سمعي للهضرة فينما بغيتي تسكني نديك إلى بغيتي ناخذلك اباغطومون ديالك في بلاصة زوينة مأمنة ولا فيلة تكون ديما الحراسة مشددة عليك معنديش مشكل مهم نكون مرتاح من جيهتك

إلهام : ياسر عفاك بلاش والله هانتا قلتيها مبقى والو ونتزوجو فبلا متعذب راسك

ياسر تنهد عارف راسها قاصح : اك نوضي نمشيو

. وصلات لوطو خرجوها مغمى عليها و دخلوها لديپو هي والولد اللي كان ناعس مسايق خبار لأش داير بيه السيد واخذ راحتو طفل غير الأطفال الآخرين مكيعرفش الخوف من الصغر حرك المنظار لجيهتهم شافهم هازينها تحولو عينيه للون الأحمر مباغيش يدير شي خطوة اللي يندم عليها جبد التليفون تاصل بلي كارد بعد دقائق كانو كلهم مستفين في أماكنهم خلف الأشجار مستاعدين لتنفيذ الخطة

حرك اصابعو حركة كانت كفيلة تخلي زوج دلي كارد اللي قدامو يتمشاو هازين السلاح ممستاعدين لأي هجوم وهو سبقهم باغي يتفك من هادشي اللي مرضو في حياتو

في الداخل

نورهان بدات كتحل عينيها تأثير المخدر كان خفيف مخداتش وقت بزااااااااف وحلات عينيها موسعاهم على جهدها كتشوف في المكان مبدل مشي المستشفى دورت عينيها كتحس بيديها ورجليها مربوطين هزات راسها كتسوط عرفات راسها مخطوفة هادشي مبقاش غريب عليها ومكيشكل ولو ذرة خوف واحدة ولفات هاد الحياة كل مرة هجوم كل مرة أكشن سمعات حس أقدام كيتقدمو لعندها ابتسمت باستهزاء عارفة مزيان هاد الخطوات ديالمن

نورهان : أهلا شفتك فينما تحرافلك تجي ضايفني عزيزة عليك حتى لهاد الدرجة

أمير : اوهووووو خديتي الانطباع ديالو بالكامل محسابليش عام ونص غدي يخليك تولي نسختو الثانية

نورهان : هههههه فيك الهضرة بزااااااااف ولات كضرني في راسي شحال هذي نتا اللي حطيتي الصفقة ودبا انا اللي غدي نحطها عندك زوج حلول مكاينش ثالث يا غدي تطلقني نمشي بحالي يا غدي تموت ومن دبا كنصحك تهرب نجا بروحك وبيني وبينك كون جات عليا غير بقى نتهنى منك…… علات راسها فيه وختمات كلامها بغمزة

أمير : مكتخافييييش ؟

نورهان : واش ضروري في كل مرة نجي عندك فيها نعاودلك نفس الهضرة انا مكنخاااااافش من الشمايت وخصوصا من اللي بحالك

أمير عينيه ولاو حومر استفزاتو بزااااااااف هز يديه ونزل عليها للحنك دورات وجها والابتسامة مفارقتش وجها ربي اللي عالم بكمية الالم اللي كتحس بيها لكن مستحيل تغلط وتهبط دموعها قدام واحد حقييييير بحالو

أمير خرج دقائق ورجع هاز في يدو ذياب بين يديه هاد الاخير اللي كان بدا كيفيق : ودبا شنو بانلك نصفيها لولي عهد الوزاني هو الأول ونتبعلو ملكة الإمبراطورية وختامه مسك نصفيها للامبراطور واللي 100٪ هو كاين هنا

نورهان : شنو زعما بغيتي تخلعني وطحتي من عيني بلا قياس داير هادشي كامل باش تستدرجو لهنا بففففف المستوى دالخطة ديالك طايح بلا قياس

💘أحببت شهيرا 💘
🦋بقلم لمياء الشادلي 🦋
❌البارت 109 ❌
✳️شهيرة ✳️

أمير : لسانك سليط…….. هز ذياب بيد وحدة وميلو غدي يطيحو عيات تقوي راسها ولكن حتى لولدها وحبس

نورهان : لاااااا أميييييير إلا ولديييي

أمير رجع ذياب لوضعيتو الاولى وابتاسم : ودبا تفاهمنا لقيت عندك نقطة ضعف وخا انا متأكد مشي بوحدو وإنما نضال كيدوبلو ااااااه شحال كنتسنى يدخل من هاد الباب ونفدي فيه الجديد والقديم

نضال : هانا جيييت اش كتسنا يلاه فدي فيا القديم والجديد نشوف

أمير دار عندو مصدوم كفاش معلموهش لي كارد بقدومو وهوما كانو مطوقين المكان كرز على يدو عرفو قتلهم بدون ما يدير الحس سرط ريقو كيشوف فيه مربع يديه واقف بكل ثقة شخص مثلو مكيتهزمش من طرف حتى واحد سوى خالقه هز سلاح ديالو و حطو على راس ذياب هاد الاخير اللي كان حال عينيه مخنزر متيبكي ما والو غرييييب جدا هاد الطفل حتى واحد مفاهم امرو

أمير : تقرب حسب ولدك في عداد الموتى

نضال قرب لجيهة نورهان بينما لي كارد كاملين هازين السلاح على أمير تفاديا لأي واقعة تحنى لعندها فتحلها القفل وحيد السنسلة من رجليها وكذلك يديها ووقف مع الدورة سمعو صوت إطلاق النار قلوب توقفت مع الزمن وعيون تبلوكات لا صوت غير صوت اقدام رجليها ووقوفها امام نضال وصرختها اللي كتدل على المها وخروج روحها

كيشوف فيها طاحت قدام عينيه بدمها اللي خارج من جيهة قلبها قلبو تهز من منظرها بدون تردد وجه السلاح ناحية أمير لي كارد بسرعة طيرو الولد من يديه بينما نضال تيرا بكاع الرصاص اللي في السلاح خواه فيه كامل كل رصاصة وفين جات الحاجة المؤكدة انه طاح جثة هامدة

نضال تحنى لعندها حط يديه خلف راسها والأخرى خلف خصرها عينيه حومر يديه كيرعدو خرج من الكوخ كيجري وهي بين يديه ورئيس الكتيبة تابعو هاز بين يديه ذياب اللي رجع كيغوت وكيبكي لأول مرة بعد زيادتو وقف قدام الطائرة ركبو وانطلقت بسرعة ناحية المستشفى

نضال كيدوز يديه على حناكها وعينيه حومر مغرغرين بالدموع : نورهااااان عفاك احبيبتي لاااااااا متمشيش الا هذي انورهان اللي متعاقبينيش بيها كنترجاك حبيبتي متخلينيش انا وولدك مغديش نقدر نبقى عايش موراك مبغيتش نخليو ولدنا يتيم نورهااااان حلي عينيك……. بدون إحساس طاحو دموعو على خذها ولأول مرة في التاريخ نضال الوزاني كينزلو دموعو لأول مرة كينزلو وعلى قبل انثى اللي هزات عرش رجولته

حلات عينيها ببطء وتعب شديد كتنطق بصوت خفيف والابتسامة على وجها : ن ن نضال كتبكي؟ م مبغيتش ن نشوفك كتعذب ع على قبلي إلى وقعتلي ش شي حاجة ت تهلى في وووول دنا كو ن ليه نتا الأب والأم……. نطقت بهاد الكلمات ورجعت سدات عينيها وهبطات يديها معلنة عن فقدان وعيها او فقدان حياتها للأبد

نضال كيحركها بهستيرية : نورهااااااااااان لااااااااااااا نورهااااااااان عفااااااك متمشييييييييش نورهان مديرييييهاش

حطات الطائرة فوق سطح المستشفى نزل توجه للمصعد نزل للطابق الأرضي خرج تعرضولو بالبياص تخطاهم ونطق بصراخ حلقو جف : فين هما الأطباء دالمرض

الطبيبة جات كتجري قبل ميوصلو علموها بحالتها وامرتهم باش يوجدو غرفة العمليات : موسيو نضال حطها في البياص يديوها لغرفة العمليات راه واجدة وانا اللي انحرص على أنها تخرج على خير وبحياة جديدة الى كتبها الله

نضال توجه لغرفة العمليات دخلها حطها ورجع شاف في الطبيبة : نتي دبا غدي تحركي تخرجي قبل منرتاكب فيك شي جريمة

الطبيبة خلعتها صورتو كيبان وحش بصفة انسان قاطعهم دخول عثمان بلباس الطبي وفي يديه القفازات اللي كان يلاه كيلبسهم : نضال غير خليها نقدر نحتاجها ونتا خرج تسنى برا إلى بقيتي غدي تسطريسيني كفايا انه هذيك اللي بين الحياة والموت بنتي

💘أحببت شهيرا 💘
🦋بقلم لمياء الشادلي 🦋
❌البارت 110 ❌
✳️شهيرة ✳️

نضال خنزر فيهم وخرج جاعر ضرب في الحيط كيخرج فيه جنونو يدو كاملة رجعات الدم والحيط تحفر تكا عليه وهبط كلس في الأرض مزال منظرها بين عينيه وهي غارقة في دمها ابشع منظر شافو في حياتو كيف لا وهي قطعة من قلبو حس بخطوات اقدام كيتحركو حداه بدون ميهز عينو نطق بصوت مجروح كيزعزعز القلب : وتحركي ت**** مدوروش بساحتي الكلاب

نرجس شهقت عمرو تجرأ حتى يغوت عليهم ودبا كيجري عليهم وبل بكلام ساقط : نضال ولدي مالك

نضال دموعو كيطيحو مبغاش يهز راسو يشوف فيها : بعدي مني خليوني بوحدي واش مكتعرفوش تقيلوني عليكم

أنور : نضااااااااال ولدي اش هادشي كتقول فين هي مراتك وولدك ملقيناكمش في الغرفة منين كنا كنقلبو بنتيلنا كالس شنو وقع

نضال هز راسو فيه عينيه حومر : بغات تمشي وتخليني كلبة مقلتلهاش تنقذني علاش كتصرف من راسها وعلااااااش كتدير اللي قالها راسها من ديما كتدير غير اللي بغات مكتسمعش لهضرتي غدي تحمقني مبقيتش قادر نصبر

نرجس دموعها طاحو قدرات تفهم انه نورهان واقعلها شي حاجة عمرها شافت ولدها في هاد الحالة عمرها شافتو كيبكي وها هي دبا كتشهد على هاد اللحظات هبطت كلسات حداه معنقاه قلبها كيتقطع على ولدها : شت مغدي يوقعلها والو نتوما قوييييين غدي تجاوزو كاع هادشي وترجعو تربيو ولدكم مجموعين

نضال تخشى في حظنها مراضيش يبكي وهو كيشوف في وجهها بينما هي حطات يديها على راسو مزيرة عليه مخلياه على راحتو وفي الأخير كيبقى حظن الأم هو الملجأ الوحيد لكل واحد فينا ويحسن عوان اللي معندوش وربي يعوضو باللي يهتم بيه ويعطيه الحنان وخا حنان الأم ميتعوضش

وقفو بلوطو قدام الفيلة خرجو مشادين في أيدي بعضياتهم هزها بين يديه وأخيرا غدي يتجمعو تحت سقف واحد توجه لباب الفيلة خشى يدو في جيبو جبد الساروت ولحيتو كتلاعب انفها

سعد: اليوم غدي تولي ديالي في كلشي اليوم غدي نتملكك

فاتي ابتسمت : كنبغييييك احبيبي

……….. : سعد

دارو عند مصدر الصوت فاتي على وجهها ملامح الاستفسار بينما سعد عينيه رجعو حومر

. سعد : شنو جاية كديري هنا

نورة : سعد شكون هذي دغيا نسيتيني علاش بدلتيني بيها

سعد كارز على سنانو: نورة شنو قلتلك اخر مرة إلى لقيتك هنا غدي نقتلك إذن نتي طالبة عليها

نورة : سعد عفاك سمعني

فاتي تنترات من سعد وتوجهت لجيهة نورة نزلات عليها بصقلة ونطقت بعصبية : جمعي شويا دالكرامة اللي عندك وتحركي من قدامي والا انا بنفسي اللي غادي نرتاكب فيك شي جريمة اللصقة تفو كثرتو

نورة شادة على حنكها : نتي كفاش تجرأتي تضربيني واش عارفة راسك شنو درتي عاهرة بحالك غدي تجي ترتاكب فيا انا جريمة منيتك اختي

سعد قرب لعندها والابتسامة على وجهو عجباتو فيها فاتي

نورة : سعد حبيبي ضربها شوف كيفاش دارتلي

سعد نزل عليها بتصفيقة للحنك لدرجة الدم خرج من نيفها : تحركي وهذي اللي كتهضري عليها حسن منك بألف درجة الكلبة وبالمناسبة نقدم لك مراتي فاتي الفارسي تعرفتي عليها ودبا خرجي ومغديش نولي نقولك اخر مرة نشوفك عندي حيت هاد المرة كوني أكيدة مغديش ندوزهالك وغدي يكون مصيرك الموت لا غير

💘أحببت شهيرا 💘
🦋بقلم لمياء الشادلي 🦋
❌البارت 111 ❌
✳️شهيرة ✳️

خرجات نورة فاقدة الأمل كانت كتمنى يعطيها ولو فرصة ندمت على النهار اللي عماها الطمع وسمحات فيه بعض الاغلاط كنديروهم وحنا معارفينش الثمن ديالهم حتى كيجي الوقت اللي كيخلينا نذكرو كلشي ديك الساعة مينفعش الندم

سعد دار عند فاتي اللي كتشوف في خيالها باشمئزاز : فاتي خليني نشرحلك مشي كيفما كيحسابلك

فاتي : سعد انا عارفة كلشي متحتاجش تشرحلي

سعد : شنو عارفة

فاتي : عاوداتلي نورهان كلشي عاوداتلي كفاش كنتي كتحماق عليها وكنتي مستاعد دير اي حاجة على قبلها لكن هي تخلات عليك ومشات مع واحد آخر دارلها الوراق وداها لفرنسا عارفة كفاش قاسيتي فخبارك كان خاصني نشكرها حيت كون مكانتش مشات وخلاتك مكنتيش غدي تبغيني ومكناش غدي نتعارفو ومكنتش دبا غدي نكون لابسة كسوة دالعرس ومزوجة بيك

. سعد ابتسم وقرب لعندها قبل جبينها ونطق بهمس : كنحمااااق عليك يا زهرائي

فاتي : عجبني هاد اللقب في خبارك

سعد : اممم صافي نولي نعيط لحبيبتي بيه……. قاطعهم صوت التليفون ديالو جبدو حطو على وذنيه كيسمع لصوت سمية وملامحو كيتغيرو قطع وشاف في فاتي عينيه حومر اكفس خبر يقدر يسمعو كيف لا وهي ختو اللي رباها

فاتي : سعد ماااالك

سعد : نورهان تضرباااااات بالرصاص وجاتها الضربة في القلب

فاتي : كفاااااااااااش ايمتى وقع هادشي

سعد : سربي دخلي بدلي عليك انا كنستسناك في لوطو

دخل كيجري للمستشفى غدي يحماق عاد خرج خلاها ولدات وعلى خير كفاش حتى وقعلها هادشي الله واعلم وقف عليهم كيشوف نضال كالس في المقعد وحداه سمية هاد الأخيرة اللي دايرة حالة بالبكى معارفاش انها كتزيد تقطع قلب نضال لأشلاء صغيرة وبموس حافي

طارق : ولد عمي كفاش حتى وقعلها هادشي عاد خليتها بيخير

نضال : خطفوها هي وذياب مشيت نقدها بغاو يقتلوني هي جات قدامي وجات الدقة فيها

طارق : شنووووووو نضال كنت ديما كنقولك بعد على هاد الخدمة فيها غير المشاكيل مكنتيش كتسمع ودبا شفتي ها هي نتيجة افعالك فين هو الولد

سمية : شنوووووو دبا بنتي وقعلها هادشي بسبابك انضال حشومة عليك علاش عذبتيها معاك اش بغيتي عندي حتى تشويني في كبدتي

نضال خلى ديك الهضرة في خاطرو مفيه اللي يدابز معاهم اصلا لمس في كلامو الصدق لو كان من الاول متبعش ديك الطريق مكانش غدي يوقعلها والو :راه مع نرجس وأنور ونتي اسمية بلى متزيدي على ما بيا معارفة والو سكتي متخلينيش نخسر معاك خليني محتارمك

سمية شافت وجهو تغير عرفاتو يقدر يقلب عليهم لوبيطال في اي لحظة اللهم تسكت

طارق حرك راسو بالايجاب : من فقاش وهي لداخل

نضال : من شحال كنظن مبقى والو ويخرج

دقائق ولحقو عليهم رضى ولينا موراهم فاتي وسعد كذلك استفسرو على شنو وقع وعاودولهم بدقة

💘أحببت شهيرا 💘
🦋بقلم لمياء الشادلي 🦋
❌البارت 112 ❌
✳️شهيرة ✳️

دقائق ولحقو عليهم رضى ولينا موراهم فاتي وسعد كذلك استفسرو على شنو وقع وعاودولهم بدقة

فرانة قدام الدار ديالها بعدما داها فطرات شاف فيها بابتسامة وقرب عندها قبل جبينها : يلاه سيري رتاحي وسدي الباب في العشية غدي نصونيلك

إلهام حركات راسها بالإيجاب قربات عندو طبعت قبلة على خدو ونزلت وقفت قدام الباب شافت فيه بابتسامة دارتلو باي باي ودخلات سدات الباب البراني وحلات باب الدار الداخلي دخلت وردات الباب عند بالها تسد لاحت صاكها دخلت البيت اللي كان مظلم كَوْنُو مفيهش النوافذ حيدت الكسوة لبست بيجامة كتكون من شورط قصير حد الفخاد وتيشورط قصير وتلاحت على الناموسية الصغيرة اللي عندها في البيت هزات التليفون ريكلات الساعة وغمضت عينيها مستعدة للنوم

في الخارج جبد التليفون لقى بزااااااااف دالمكالمات فايتين كان داير التليفون في الوضع الصامت مسمعوش رجع تاصل جاوبو رضى في الحين خبرو بشنو وقع قلب الطريق نيشان للمستشفى متأسف لحالة بنت عمو دقائق ووصل للمستشفى دخل لقى عثمان خارج من غرفة العمليات وكلهم مجموعين عليه ياسر حتى هو وقف قريب ليهم متلهف يعرف شنو وقعلها

عثمان بعد التغوبيشة اللي كان ضارب بدلها بابتسامة ونطق بنبرة أمل : الحمد لله قدرنا نقدوها بنتي متشبتة بالحياة مبغاتش تخليكم ربي كتبلها عمر جديد دبا غدي ينقلوها للغرفة ديالها بعدما تجاوزت مرحلة الخطر

نضال تنهد بعدما كان حاس براسو هاز حمل ثقييييل : الحمد لله بغيت نشوفها

عثمان : نضااااااااال نورهان جاتها الرصاصة في بلاصة صعيبة والقلب ضررلها لذلك كنصحك أو بالأحرى كنحذرك متعصبهاش حاول ديرلها الخاطر وعاملها على قد عقلها

نضال حرك راسو بالايجاب ودور راسو بعدما حس بباب غرفة العمليات تحل وخرجوها صفرة نقطة الدم مكدورش بيها وقفهم وطبع قبلة على جبينها قلبو كيزيد ينزف الدم وهو كيشوف حبيبتو في هاد الحالة اللي كان خاصو هو اللي يكون فيها رجع لوضعيتو وسمحلهم يتمشاو بيها لغرفتها

ناعسة كل رجل لايحاها في جيه معارفاش بشنو داير بيها من غير بعض اللمسات اللي كتحس بيهم على جسمها ومرة مرة كتصدر ابتسامة ظنا منها انها كتحلم بل هي كتزيد تهيج داك الشخص اللي قدامها حسات بهاد الحركات تزادو خصوصا الطريقة اللي خلات جسمها ينتافض ويتهز حركات يديها في داك الظلام الحالك وشعلات الضو كتشوف عيون كتوحي بالشر مع ابتسامة خبيثة صادرة من فم مسخ في هاد اللحظة جات في بالها فكرة وحدة هي الضياع إلى منقداتش راسها من هاد الوحش

إلهام : ش ش شنو ب بغي تي ععن دي

اشرف ولد جيرانهم : بغيتك نتي الزين

إلهام : إلى م م مبع دتيش م من ي غدي نقول ها للخالتي صباح

اشرف : إلى قدرتي تخرجي دبا سيري قوليهالها

إلهام الدموع بداو كيطيحو من عينيها وإحساس الخوف تملكها: عفا ك خل يني نمشي في حالي

اشرف : تؤ تؤ تؤ مكاينش الخروج اليوم غدي تخلصي على كلشي حشومة غير صحاب الطوموبيلات اللي يتخلصو وحنا زعما منستاهلوش

إلهام شافتو كيحط يديه على جسمها وكيوزعهم بحركات جريئة حطات يديها موراها فتحت التليفون اللي طلب منها حركة قليلة نظرا لأنها مكانتش دايرة الكود دخلات لجيهة المكالمات ضغطات على آخر مكالمة بدون متشوف خلات حتى تطلق الخط وتنطقات كلمة ألو بدون ميسمعوها عاد طلقت مكبر الصوت كانت حركة ذكية منها

إلهام : عفاك متغتاصبنيييييش عفاك بعد منييييي مدرتلك والو

ياسر بدون ميجاوب قطع وزدح التليفون مع الحيط كيترعد عينيه طلقو شرارات حمراء مغديش يدوزها لهذا اللي تجرأ يقيس ممتلكاتو خرج من المستشفى كيجري ركب في لوطو بسرعة وانطلق ناحية الحي

💘أحببت شهيرا 💘
🦋بقلم لمياء الشادلي 🦋
❌البارت 113 ❌
✳️شهيرة ✳️

اشرف : حشومة تقولي نغتاصبك اصلا كلشي غدي بكون بإرادتك

إلهام : وبعد مني ومتقيصنيييييش ومكنحملكش واش مكتفهمش

اشرف : لا غدي تولي تحمليني مع الوقت غير كوني هانيا ودبا خلينا ندوزو الأمور الأخرى

إلهام وقفات بسرعة هزات قرعة دالما دالزاج اللي ديما كتكون عند راسها لكونها كتعطش بالليل ومكتبغيش تنوض حتى للمطبخ غفلاتو وهبطت عليه بيها للراس لحظة صمت اختل توازنو وطاح غارق في دمو

إلهام رجعت كلها كترعد خايفة من اللي جاي : قتلتو وليت مجرمة

. طاحت للأرض كتبكي خصوصا من سمعات دقان في الباب ديال الجارات اللي سمعو الغوات وتوجهو لعندها مجاوبهم حد دخلو لقاوها كالسة حداه كتشوف في جثتو كترعد وبين لسانها كلمة وحدة كترددها ” قتلتووووو”

صباح : ياك ابنت الحرام هذا هو خيري دخلتك لداري وتهليت فيك بحال بنتي ونتي باش جازيتيني رزيتيني في كبدتي بالحق شنو نتسنى من بنت الخيرية دبا انعيط البوليس هما اللي غدي يتكلفو بيك ويديوك فين ترباي

إلهام : ه ه هو ب بغى يغتاصبني

صباح : سكتي الكلبة هادشي باش كتجازينا ملقيتي باش تغطي على جريمتك قلتي أري نلبقلو جريمة الاغتصاب محشمتيش هانا انوريك الكلبة يا بنت الزنقة

داز الوقت خرجوها البوليس وفي يديها المينوط مهبطة راسها والدموع في عينيها فعلا في هاد اللحظة حسات براسها وحيدة وهي كتشوف نظرات الناس ليها اللي كلهم استهزاء وحقد هبطولها راسها البوليس باش تطلع في لوطو قاطعهم صوت من موراهم دارت كتشوفو يلاه نازل من لوطو قرب لعندها كيشوف في دموعها حط راسو على راسها كيساندها وقلبو محروق

ياسر : قاسك؟

إلهام حركات راسها بالنفي : قتلتووووو وليت مجرمة

ياسر : عمرك مكنتي مجرمة احياتي وعمرك غدي تولي تيقي فيا غدي نخرجك وانرجعو بزوج

إلهام : واعدني

ياسر : نعرف نضحي بعمري على قبلك احياتي عمرك غدي تكوني في الحبس ولو على جثتي

إلهام ابتسمت مطمأنة من هضرتو اللي بعثات الأمل في روحها : كنتيق فيك حبيبي

ياسر : حيدو ليها المينوط

الشرطي 1 : كفاش أسيدي واش بعقلك السيدة راه متهمة بجريمة قتل ميمكنش يتطلق سراحها

ياسر : راه هضرت قلتلك فتح المينوط انا اللي غدي نديها حتى للمركز

إلهام: مشي مشكل احبيبي انا غنمشي معاهم لحق عليا نتا

ياسر : إلهام متجهلينيش مدام ياسر الوزاني عمرها كتمشي في السطافيط وعمرها كيتدارلها المينوط…… شاف في الشرطي…… راه هضرت انا غدي نديها حتى للمركز ونتوما تبعوني

الشرطي 2 : وباشمن صفة غادي نحققلك هاد الطلب

ياسر : معرفتيش باشمن صفة……. جبد لاكارط ناسيونال وعطاهالو

الشرطي شافها ملامحو تغيرات بدون تردد هز السوارت وفتحلها المينوط فسحلها المجال منين تدوز ورجع لياسر لاكارط ديالو هاد الاخير اللي جرها من يديها ركبها في لوطو كسيرا بسرعة ناحية المغفر مخلي البوليس موراه تابعينو

💘أحببت شهيرا 💘
🦋بقلم لمياء الشادلي 🦋
❌البارت 114 ❌
✳️شهيرة ✳️

بخطواتو الرجولية المعتادة دخل عندها كيشوف فيها بملامح ممحية جر كرسي وكلس جنبها كيحقق في جسدها ووجها اللي باين عليهم التعب الشديد حط يديه على يديها زير عليهم وهبط راسو طبع قبلة عليهم وطلع راسو فيها

نضال بعينين حومر نطق بنبرة جرح : من نهار دخلتي لحياتي وانا كنحس براسي مخربق مكرهتش الايام ترجع بيا لور مكنتش نحضر لداك الحفل ولا نشوفك هدمتي حياتي كاملة علاش خليتيني نبغيك علاش دخلتي لقلبي شكون عطاك الحق شكون باشمن حق تنزلي دموعي اللي عمر شي بنت المرة قدرات تنزلهم عييتيني خليتيني مبقيتش عارف راسي شنو باغي……. ولثاني مرة عينيه دمعو…….. سمحيلي غدي نحكم على راسي بالجحيم باش تعيشي مزيان مبقيتش باغي نغامر بيكم لذلك مغديش نتراجع على قراري سمحيلي غدي تضطري تصبري هاد العاميين باش نعيشو بقية عمرنا مجموعين في أمان كنتمنى منين تفيقي تفهميني عمرني غدي نتخلى عليك ولكن هذي غير فترة مؤقتة وكلشي غدي يفوت

طلق من يديها وخرج بانلو عثمان هاز ولدو وكالس بوحدو : فين مشاو

عثمان : انا اللي قلت لهم يمشيو عياو هاد النهار منعسوش كاااع

نضال حرك راسو بالايجاب خدا الولد من عندو طبع قبلة على راسو وحط صبعو في يديه بينما ذياب زير عليه الشي اللي خلا قلب نضال يهتز إحساس الأبوة تحرك فيه وخلاه يبتاسم بدون شعور وقفو وحط راس ذياب على صدرو العريض

نضال : عثمان من ديما عارفني كنتيق فيك

عثمان : اش تما شنو عندك

نضال : غدي نمشي لروسيا انكلس عامين تما تهلى فيها وفي ولدي

عثمان : علاش ضحيتي براسك

نضال : انا اللي دخلتهم للمافيا وانا اللي خاصني نتحمل الذنب

عثمان : ولكن متنساش أنني انا اللي دخلتك

نضال : بلا متحلم تمشي في بلاصتي نورهان فرحات بزااااااااف برجوعك ميمكنش ترجع تفقد الأمل بعدما شافتك والى مشيتي غدي يتعذبو بزااااااااف دالناس مشي بحال الى مشيت انا

عثمان : نضااااااااال نورهان كتبغيييك كفاش بغيتيها تقدر تحمل بعدك عليها

نضال وقف هز الولد ورجعو لحظن عثمان : تهلا فيهم……. لاح عليه هاد زوج كلمات وتمشى مغادر المستشفى مخلي قلوب غدي تنكاسر فور ما تسمع الخبر

في المغفر بعد مجموعة من التحقيقات وتدخل ياسر مع مجموعة من المحامين قدرو يخرجوها ببراءة وبدون محاكمة نفوذ ياسر كانت طاغية خلات الأمور دوز كيفما بغى

❌ بعد مرور 5 سنوات ❌

خرج من باب السجن الروسي على راسو الكاسكيط والنظارات على عيونو مع لباس سبورتيف مواتي بنيتو الضخمة اللي ضوبلات بالاضافة الى لحية كثيفة اللي زينات وجهو وعطاتو هبة اكثر مستحيل تشوفو انثى ومتزعطش فيه توجه لناحية لوطو ديالو اللي جاية في مقدمة مجموعة من السيارات انطلق بسرعة ولي كارد تابعينو دقائق معدودة وكان قدام المطار بمدينة موسكو توجه للجناح الطائرات الخاصة خرج في الجناح الخاص بيه تمشى ناحية الطائرة اللي كانت في انتظارو طلع كلس في مقعدو المخصص ليه هز الطابليط اللي فورما فتحها بانت تصويرتها حط صباعو على عينيها كيدوزهم على جميع ملامح وجها غدي يحماق باش يشوفها شوقو ليها تعدا الحدود

💘أحببت شهيرا 💘
🦋بقلم لمياء الشادلي 🦋
❌البارت 115 ❌
✳️شهيرة ✳️

🇲🇦 في المغرب 🇲🇦.

هابطة كتجري في الدروج بالطالون ديالها اللي فيه 20 سنتيم معرفت فين باغة توصل هبطات عندهم لقات عليهم التحية وقربات ناحية ولدها قبلاتو في حنكو وابتاسمت بحنان

نورهان : صباح النور حبيب مامي توحشتك انا علاش مبقيتيش كتجي تبات حدايا

ذياب دور راسو لعندها مخنزر : راني كبرت واقيلة كفاش بغيتيني نجي نعس حداك

نورهان : أييييه الزين ديالي ولا كيتنفخ عليا

ذياب : وماما مالكي كتعنبي على الصباح مكتعيايش من هاد الهضرة ديالك

نورهان تقلقت كلست بعيدة عليه : مفهمتش انا هاد الشخصية ديالك منين جايبها حتى انا بعد مني صافي سخطت عليك مغديش نهضر معاك

ذياب ابتسم بلباقة مسح فمو بالمشوار ووقف تمشى لعندها بحلته وتصفيفة شعرو الجذابة خطواتو موزونة تحلفي عليه عندو 30 عام مشي 5 سنين وقف عليها خدا يديها قبلهم ونطق بصوت كينعش القلب : تؤ تؤ تؤ أميرتي تقلق عليا مجاتش شنو بغاتني ندير باش نصالحها

نورهان حولات عينيها مكبرة عليه : مبغيت والو غير بعد مني

ذياب : اممم حسب معرفتي بأميرتي بغات هي اللي تديني ليكول ولالا

نورهان ابتسمت كيفهمها طايرة : شنو زعما موافق

ذياب : منقدرش نخسر الخاطر لحبيبتي

نورهان جبداتلو حنكو وطبعات قبلة عليهم : اي يخليك ليلي نموت فيك انا

نرجس مبتاسمة : الله يخليكم لبعضياتكم يا ربي ولهلا يحرمني منكم

سمية : امييييين

ابتسمو فرحانين بحفيدهم اللي دخل الفرحة للقصر رغم أنها مكاملاش بغياب نضال

في عز فطورهم دخلات جارة معاها أيهم اللي في عمرو 4 سنوات مع بنيتة كيوت إسمها ندى هازها رضى في عمر عامين

لينا : ها حنا جيييينا

ذياب : صاحبي جيتي؟

أيهم : اه زيت

ذياب : لاواه الزيتون مالك اصاحبي مبغيتيش تصلح هضرتك

لينا : اشوف أولد خويا بعدلي من ولدي الله يرحم باك مشي نتا عندك اللسان مسرح يحسابلك كلشي بحالك

ذياب : غير ضحكت معاه اعمتي مالكي دايرة بحال هكا قشابتك ضيقة

رضى : شي وحدين كيشبهو لباهم

ذياب : عارف راسي كنشبه لواليد بلا متحتاج تفكرني

زدحت الكاس دالعاصير فوق الطبلة وخرجات كتجري الدموع في عينيها ذياب تبع ليها العين وتمشى تابعها عارف مزيان فين غدي تكون وقف عليها جنب لابيسين كلس حداها وعنقها بالجنب

💘أحببت شهيرا 💘
🦋بقلم لمياء الشادلي 🦋
❌البارت 116 ❌
✳️شهيرة ✳️

ذياب : علاش مكتجاوبيهش منين نتي كتبغيييه لهاد الدرجة

نورهان : نتا شنو كتعرف في الحب باش تهضر عليه

ذياب : ماما انا عارف كلشي انا مشي صغير كيف كيحسابكم دماغي بحالكم وعارف مزيان حتى فاش كتفكري

نورهان مسحات دموعها بعجرفة : شكون علمك هادشي

ذياب : بابا

نورهان : شنوووو؟ كفاش علمك هادشي

ذياب : في الوقت اللي كان كيتاصل بيك ومكتبغيش تجاوبيه كان كيتاصل بيا انا و كنقولو كلشي ومنين كنت كنسولو علاش كيدير هادشي شرحلي كلشي ماما بابا كيبغيييك هو عمرو خلاك لخاطرو هو بالعكس مشى باش حنا نعيشو مزيان

نورهان : قالي عامين وغدي يرجع تاصل بيا وقالي عامين مغديش يفوتها فعلاش إذن كلس 5 سنين

ذياب : هو غدي يجي وغدي يشرحلك كلشي

نورهان : باك سمح فينا عمرو غدي يجي هو كذاب معندوش الكلمة قالي مغديش يمشي ويخليني ودارها عمرني نسامحو

ذياب تنهد : مغدي نقولك والو اليوم غدي يوضاح كلشي ودبا مبقيتيش باغة توصليني ليكول ؟

نورهان ابتسمت كون مكانش ولدها كون راها انتحرت شحال هذي ربي رزقها بأحلى حاجة كتحس براسها مع رجل في عمرو 30 مشي طفل في عمرو 5 سنوات وقفات وعطاتو يديها شد فيها توجهو ناحية الباركينغ ركبو في لوطو من نوع فيراري كانت نفسها لوطو اللي صنعها نضال كسيرات بسرعة من بعد ما دارو السمطة وذياب حداها في المقعد الأمامي

نورهان : نجي موراك ولا الشيفور

ذياب : لا غدي يجي عندي خالي

نورهان : بصح؟ علاش بالسلامة هو رجع

ذياب : اه اليوم غدي يكون وحتى خالتو ميساء وفهد

نورهان : مفهمتش انا منين كتجيب هاد الخبارات كاملة وحنا مقلوبة علينا الكفة

ذياب ابتسم : ياكما نمشي نخدم في المخابرات

نورهان : اعععععع نضال غدي نقتلك إلى رجع موتو غدي تكون على يدي على هادشي اللي كيعلمك البعلوك فاش كنت قدك كنت مزالة كندوش للمونيكات الروض ومكنتش مزال مدخلتلوش ونتا أربي السلامة سابق الناس حتى من القراية دخلوك بكري والله مفهمت هاد الذكاء الخارق منين جايبو

ذياب : ههههه مالك حسدتيني

نورهان : يهديك الله واش كاينة شي وحدة كتحسد ولدها ولكن هادشي بزااااااااف بنادم كيكون مطور شويا مشي بلا قياس وليت نخاف منك

ذياب : وصلنا……. هز يديها قبلها……. صوكي بالشويا عندك الطريق تاصلي بيا منين توصلي للشركة

نورهان حركات راسها بالإيجاب مصدومة غير كترمش بعويناتها الزورق المماثلين ليه نزل ووقف كيديرلها باي باي خلاها كسيرات ودوز النمرة دباه ثواني وتطلق الخط

نضال : الوحش لباس عليك

ذياب : الحمد لله راها وصلاتني اليوم ومشات للشركة ولكن راها كانت لابسة كلاسيك فيست بالسروال ديالها مع تيشورت وشعرها جامعاه كوب شوفال والميكاب خفيف يعني كنظن هادشي كيناسبك

نضال ابتسم : مهضرت مع حتى واحد؟

💘أحببت شهيرا 💘
🦋بقلم لمياء الشادلي 🦋
❌البارت 117 ❌
✳️شهيرة ✳️

ذياب : انا كاين وبغيتيها تهضر مع شي واحد إوى لا سخات عليه روحو يديرها راك مخلي وراك راجل الساط عارف راسو اش كيدير

نضال : وليت نخاف منك

ذياب : تلاح خليني ندخل ايفوتني الكوغ

نضال : يلاه باي نتشاوفو في العشية

ذياب : سي يو

داز الصباح وجات العشية كاع العائلة مجموعة في قصر الوزاني اليوم عيد ميلاد ذياب واليوم كمل 5 سنوات الكل مجموع على الكيك ديالو كيتسناوه يقطعها وهو حلف لاحط يديه على الموس

عثمان : ذيااااااااب شنو كتسنى راه من الصباح وحنا كنتسناوك تنفخ على الشمع وتقطع الكيك

ذياب : بلاتي حتى يحضر واحد الشخص كيهمني ميمكنش نفخ عليها بوحدي وبلا بيه

نورهان : وانا ولدي حداك شكون كتسنى

سعد : الساط راك عيقتي بغينا نمشيو في حالنا ونتا مبغيتي طلقنا

ذياب فيكسا عينيه في الباب كيشوفو داخل بخطواتو الموزونة والفاليز في يديه وسع ابتاسمتو ودار لعندهم : ودبا نقدر نفخ عليها

كلهم دورو عينيهم لناحية الباب بعدما ما سمعو صوت خطواتو الزمن توقف وانتشرت في المكان علامات الصدمة الحزن الحنين الشوق الأمل الحب العشق التأنيب كلهم علامات اعتلوا ملامح الحاظرين

نرجس حاطة يديها على فمها مصدومة : نضااااااااال

نضال تمشى لناحيتها قبل راسها بحب ويديها كذلك سلم عليهم كاملين الرجال سلام رجولي والإناث لا غير ختو اللي تعلقات فيه مشتاقة ليه توجه ناحية ولدو هزو بيد قبل جينو وعنقو كيستنشق ريحتو اللي توحشها مبعد عليه حتى طفى شوقو منو عاد نزلو حول نظرو ليها خلاها هي الاخيرة هي اللي كتخصو هي الوحيدة اللي طول الوقت شاغلة تفكيرو قرب عندها وقف قدامها كيشوف الدموع في طرف عينيها وراسها حادراه مبغاش تشوف فيه

نضال حط يديه تحت ذقنها وهز ليها راسها ونطق بهمس : متوحشتينيش ؟

طلعت راسها فيه و الدموع كيهبطو حركات راسها بالنفي وطلعات كتجري لغرفتها

نضال تنهد عرفها غدي تكون هازة في قلبها من جيهتو تبعها طالع في الدروج قاطعو صوت ولدو : بابا ماما بدلات الجناح خدات جناح عمتي لينا

نضال دور راسو لعندو وحرك راسو بالايجاب مزير على يديه رجع طلع لجناح ختو تابعها بخطوات مسرعة بانتلو غدي تسد الباب بسرعة حلو قبل متقفلو ودخل عندها سدو من الداخل

نورهان : رجع فين كنتي بعد مني مغديش نتصالح معاك هاد المرة مغديش تضحك عليا بسهولة

نضال : غوتي بكي خرجي شنو عندك في قلبك

نورهان دموعها منهامرين على خذها : وبعد مني سير فحالك مبقيتش كنحملك وليت كنكرهك

نضال : نورهااااان متقوليش شي حاجة مقداش عليها

نورهان : حتى نتا مكنتيش تقول شي حاجة مقادرش عليها علاش كذبتي عليا علاش علاش سمحتي فيا وخليتيني

💘أحببت شهيرا 💘
🦋بقلم لمياء الشادلي 🦋
❌البارت 118 ❌
✳️شهيرة ✳️

نضال : نورهان مسمحتش فيك تاصلت بيك ووضحتلك كلشي في التليفون مكاين علاش نعاودو نفس داك السيناريو

نورهان : وعلاش كذبتي قلتي غير عامين وكلستي 5 سنين

نضال: نورهان كان كيحسابلي غدي تكون عامين حتى تصدمت في المحاكمة نظرا لكوني انا البوص وللجرائم الكثيرة اللي رتاكبت حكمو ب 5 سنين باش نخرج من المافيا هادشي كامل درتو على قبلكم باش نعيشو حياة عادية ومنتعرضو حتى لهجوم أو خطف 5 سنين انورهان غير باش يتسحب الملف ديالي من المافيا

نورهان : وخا هكاك مغديش نتصالح معاك نتا كل مرة غدي تولي ديرلي هكا حتى كنقول غدي نعيشو مزيان وكتخسرها

نضال : نورهاااااان رحميني كفايا البعد عليك اللي كان كيقتلني كل دقيقة متزيديش على ما بيا

نورهان : وانا شنو كيحسابلك واش عند بالك كنت مرتاحة كل نهار كنتعذب وانا كنشوف ولدك طالع ليك في كلشي كيدي ليا غير في العينين اما الباقي كلو نتا كنقول منفكرش فيك ولو غير نهار ولكن كي ندير وانا كنشوفو كل نهار كنحاول بالنهار نبين ليه بأنني سعيدة وفي الليل كنرجع للجحيم ديالي حتى النعاس مكيدينيش وانا مولفة حظنك عامين وانا عايشة غير بالسيروم والدوايات الدوا دالقلب مبقيتش نقدر ندوز نهار واحد بلا منشربو شنو بغيتي عندي حتى دوز عليا هاد العذاب كامل شنو درتلك علاااااااااااش…………. دفعات بيديها كاع الميكاب والروايح اللي كانو فوق الكوافوز طاحو للأرض رجعو فتات……… طلقني وهنيني من عذابك مبقيتش حاملة نشوف وجهك مرضتيني في حياتي مخرجت من هاد الحب بحتى حاجة زوينة من غير صداع الراس والمرض وجرح القلب قلبتي حياتي سفاها على علاها ضيعتيني الله ياخذ فيك الحق كنكرهك بكل جوارحي كتسمع كنكرهك

كان كيسمعلها وكيشوف دموع منهامرين على خذها وكلماتها كيدخلو كيف السيف لقلبو حط يديه على الجاكيط كيحلها حاس براسو مخنوق بزااااااااف على هادشي اللي كيحس بيه واش لهاد الدرجة مقادراش تفهمو وتحط راسها في بلاصتو منطق بحتى كلمة من غير انه قرب لعندها وجبدها لعندو لحظنو مزير عليها بين يديه

نورهان كتنثر منو : وا طلقني هاد المرة مغديش نخضعلك مغديش نكون ليك

نضال : مربحتي والو من علاقتنا وذياب؟

نورهان : نتا الوحيد اللي ممنحقكش تهضر على ولدي كتسمع ذياب ولدي انا بوحدي

نضال كلس وكلسها عندو وجمع يديها مزير عليهم عارفها كترطا غير بوحدها : دبا غدي تسكتي وتسمعيني مزيااااان

نورهان : لا مبغيتش

نضال قرب لعندها جبد راسها من الخلف وحط شفايفو على شفايفها كيقبل فيها بعنف كأنه كيحاسبها على كاع دوك الكلمات اللي خرجات من فمها مطلقها حتى حس بمذاق الدم في فمو

نورهان مسحات فمها بعجرفة كتشوف فيه بحقد : مصعووور

نضال : توحشتي العصا ياك نرجع نضال القديم اش بانلك

نورهان سمعات كلامو التزمت الصمت خصوصا منين شافت ملامحو اللي تغيرو للصرامة

💘أحببت شهيرا 💘
🦋بقلم لمياء الشادلي 🦋
❌البارت 119 ❌
✳️شهيرة ✳️

نضال : دبا سمعيني مزيان نهار شفت ولدي حسيت براسي تزادت عندي مسؤولية اكثر انا قادر نحميك ولكن كانو عندي أعداء بزااااااااف غير أمير واكيد كنتو ديما غدي تعرضو للهجوم خصوصا ذياب كان غدي يكون محط انظارهم وايحاولو يديرو اي حاجة باش يقتلوه خصوصا انه ولي عهد الوزاني فكرت في مصلحتكم هي الأولى داكشي علاش قررت نضحي بعامين من عمرنا على قبل باقي العمر والحاجة اللي خلاتني نتأكد من هاد القرار فاش تخطفتو نتي وولدي وخصوصا منين شفتك ونتي غارقة في دمك بين الحياة و الموت مكان عندي حتى حل من غير هذاك فاش قالولي انك تجاوزتي مرحلة الخطر أمنت عثمان عليكم ومشيت دوزت سيمانة وفي ديك السيمانة جيت عندك فاش سمعت بالكريز اللي شداتك لكن مكانش عندي كي ندير كل مرة نجي عندك فاش كنت كنجي كنتي كتكوني ناعسة قبل نهار المحاكمة صونيت عليك وقلت لك كلشي وتقبلتي الموقف وقلتيلي غدي تسنايني نهار خرج القرار تفاجأت ب 5 سنين مقدرتش نصوني عليك ونقولهالك كنت كل سيمانة كنجي عندك القصر ندوز الليل كامل حداك وفي الصباح كنمشي قبل ما تفيقي حتى كملت عامين وولدي كنت ديما كنشوفو وخا دازت ديك العامين كاع داك المخيمات والرحلات اللي كان تيعلمكم بيها كان كيجي يدوزها عندي وقبل ميدخل ليكول عثمان اللي كان تيجيبولي عمرني نسيتكم ولا فرطت فيكم في العام الثالث صونيت نعلمك لكن مبغيتيش تجاوبي مبغيتش نبزز عليك خليت حتى دوز هاد الفترة ونشرح ليك كلشي تيقي بيا لو كنت عارف انه غدي يجي شي نهار ونبغيك عمرني كنت ندخل المافيا ولكن مكتعرفش القدر شنو مخبي ليك

نورهان حطات راسها على صدرو سخفانة عيات من هادشي كامل حتى كتقول تقادات وكتخسر من قنت آخر

نضال كيحركها : نورهان صفا ؟

نورهان بهمس : الدوا مشربتوش اليوم
نضال : فين هو

نورهان حركات يديها ناحية المجر حلو جبدو وفتح الكينة عطاها حبة وكب ليها كاس دالما شربولها ويديه كتلعب في شعرها

نضال : شوية دبا؟

نورهان حركات راسها بالإيجاب مبقاش عندها الجهد اللي دابز ولا تزايد معاه في الهضرة

نضال حيد السبادرين ديالو قاد الناموسية وتكاها ودخل حتى هو حداها حط راسها على صدرو بينما يديه كتلعب في شعرها مرة مرة كيطبع قبلة على راسها اشتاق ليها بلا قياس دازت عليه 5 سنين دالجحيم بعادها عليه خلاه يعرف قيمتها اكثر ويقرر عمرو يتخلى عليها ولو على جثتو

نضال : رجعات في عمرك 24 سنة ومزال مبغيتي ديري عقلك مزال مقدرتي تشوفي شحال كنبغييييك وخا هاد الكلمة قليل في حق داكشي اللي كنحس بيه من جيهتك

نورهان نطقت بنبرة تعب : عيت انضال عييييت والله وليت حتى كنقول غدي نعيشو بيخير كأي مرأة وراجلها وكأي عاشق وعاشقته وكتخرجلنا شي حاجة من الجنب واش مشي من حقنا نعيشو كيف الناس

نضال : تيقي بيا عمرنا نوليو نتفارقو كنواعدك هاد المرة مغدي تفرقنا غير الموت

نورهان ابتسمت : واعدني عمرك تخليني واعدني فينما مشيتي تديني معاك

نضال : كنواعدك عمرني نخليييك ولو على جثتي من هنا الفوق حتى حاجة متفرقنا

نورهان : كنبغي نهز في قلبي من جيهتك كنبغي نبقى مقلقة عليك ولكن مكنقدرش وليتي نصفي الثاني

نضال زير عليها في حظنو وأخيرا تجمعو بعد سنين من الفراق تفكر شي حاجة كلس ونوضها كلست مقابلة وجها مع وجهو ونطق بصراخ : واش نتي فوقما يوقع شي مشكل تجبدي الطلاق لهاد الدرجة مستاهنة بعلاقتنا راه عندنا ولد في عمرو 5 سنين ديري عقلك انورهان وبراكة من التبرهيش

نورهان حنات راسها حشمانة من أفعالها فعلا مكتفكرش حتى كتجبد كلمة الطلاق عضات على شفايفها بتوتر معارفاش شنو كيوقعلها : نتا اللي كتضطررني كتديرلي شي فعايل مستحيل اي وحدة تقبلهم

نضال تنهد : نورهان راك وليتي بعقلك نساي عليك دوك الأيام دالتبرهيش راه عندك مسؤولية كبيرة ومزال غدي تزيد تكبر

نورهان : شنو هي هاد المسؤولية اللي غدي تزيد تكبر

نضال ابتسم بشر وجرها لعندو قلبها وجا فوقها تحنا عندها قبلها في شفاها وبعد مخلي مسافة قليلة بيناتهم : ذياب كبر معوالاش تزيدي ريم وسعد…… شاف فيها بشر وختم كلامو بغمزة…… هممم ؟

نورهان رجعات حمرة لكن تشجعت ونطقت بجرأة: وانا مستعدة نزيد حتى 3 معنديش مشكل

💘أحببت شهيرا 💘
🦋بقلم لمياء الشادلي 🦋
❌البارت 120 ❌
✳️شهيرة ✳️

طارق : ولد ختي درتيلنا الطيارة غدي يجي شي حد غدي يجي شي حد في التالي خلاوك ومشاو ودبا نفخ على الشمع وقطع الكيك هذوك الزوج منين كيتلاقاو خصوصا بعد هاد السنوات كون أكيد مغديش يهبطو حتى لغدا ولا حتى تولد نورهان

ميساء ضرباتو لراسو : كون تحشم

ذياب : وفين عمرني انا نفخت على شي شمع ولا بغيت شي عيد ميلاد هذا درت بيه غير السبة باش يتجمعو

ياسر : دبا المسخوط مضيعلنا الوقت باش تقولنا هاد الهضرة اوى الله يمسخك القرد

إلهام : ذياب مبقيتش غدي نزوجك بنتي على هاد الفعايل اللي فيك

ذياب حول عينو باستهزاء : ديك عود الند شكون داها فيها راه أيهم سيري لصقيهالو

ياسر : ياك الكلب كتهضر على بنتي بحال شي سلعة حتى تكبر ونتفاهمو

فاتي شافت في سعد : فين هو علي؟

سعد دور راسو كيقلب بعينيه كيتساءل : معرفتش خليتو غير هنا

فاتي بعصبية : ااااااه أسعد وشنو حاضي إلى معرفتيش ولدك فين مشا

سعد : شت صافي دبا نلقاوه

لينا دورات عينيها لرضى كيبانلها واقف وشاد ايهم بوحدو تقدمت لعندو ونطقت بهمس في أذنو : فين هي بنتك

رضى : ياك عاد خديتيها من عندي

لينا : أويلي واش كون كانت عندي كنت غدي نجي نسولك عليها

رضى حمر فيها : لينا متعصبينيش فين مشات البنت

لينا كتغزز سنانها بالفقصة : زيد نقلبو عليها لا تكون كتلعب فشي بلاصة هنا

تمشاو خارجين كيقلبو بعينيهم على ندى وسعد فاتي نفس الشيء عياو يقلبو مكاينش حسهم تمشاو ناحية الحديقة حتى تما مكاينش الحس قلبو في جيهة المسبح بانلهم علي اللي كان في عمر الاربع سنوات تقريبا هازها بالشوية وهي مرة مرة كتزلق غدي طيح بين يديه مزال ممتحكمش فيها والابتسامة على وجهو وهي كذلك كتبتاسملو وكتبجغط بين يديه في عز ضحكاتهم الطفولية حس برضى طيرهالو من بين يديه

رضى : سعد شد ولدك واش فينما كيتلاقاو كتبانلو بنتي في البلان

سعد : اساط عندك البنت تيتيزة بالسيف الولد ما يتزعط

رضى : كتفلى عليا

فاتي : علي علاش مكتعلمنيش منين كتبغي تمشي لشي بلاصة

علي : ماما كنت غير هنا مخرجتش على القصر باش نعلمك

سعد تحنا عندو هزو بين يديه ودوز يدو على شعرو بحنان : خاصك تعلم ماماك بكلشي هكا خليتينا مخلوعين عليك وهاد المرة منين تبغي تهز بنت عمو رضى طلبها منو مشي بلا خبارهم تمشي تشفرهالهم هي مشي لعبة ولا مونيكة

لينا تحنات عند علي قبلاتو على خذو مبتاسمة : ناري شحال حلو هاد الولد اييي كيووووت شفتي نتا غير تكبر نزوجك بنتي

رضى : أييييه الالة ومعامن تشاورتي هاد البنت ماعندها اب؟

سعد : ليك الشرف تناسب معايا

💘أحببت شهيرا 💘
🦋بقلم لمياء الشادلي 🦋
❌البارت 121 والأخير ❌
✳️شهيرة ✳️

❌ بعد شهر ❌

نازلة بفستانها الأبيض تحت تصفيقات الحضور يديها في يد عثمان والابتسامة مزينة وجها وصلو لآخر درج شافت فيه قابلاتو بابتسامة فرحة وأخيرا وصل النهار اللي كانت كتسناه حطات يديها بين يديه اللي كانت ممدودة ليها وطلقت من عثمان تمشاو فوق الطابي الأحمر والحضور كيلوحو عليهم الورد فرحانين بيهم خرجو للحديقة والصحافة كتصور كلشي باغي يأرخ هاد الحدث العظيم بعد سنوات من الألم الفراق قدر الحب يتغلب على هادشي كامل و يكملو مع بعضياتهم تقدم عندهم ولدهم هاز في يديه زوج بواطات وقف قدامهم حل البواطة الأولى كان فيها براسلي سيمپل باين رجولي كتوسطو لؤلؤة كبييييرة عطاها لباه ركبهالو ورجع حل البواطة الأخرى حلها جبد منها براصلي انثوي كتوسطو وردة الماسية كبيرة ركبو لمو وشاف فيهم

ذياب : هذو دومونديت عليهم من ايطالها بزوجهم فيهم GPS……. شاف في باه….. الى كانت كتفكر فيك ماما بلاما تحس غدي تقيس في البراسلي ديالها وغدي يڤيبري البراسلي ديالك……. رجع شاف في مو…….. وبابا كذلك إلى فكر فيك نفس الشيء هكا وخا تكونو بعادين اتحسو ببعضياتكم وفينما مشا اي واحد فيكم غدي تقدرو تعرفو مكانو عن طريق هاد البراسليات

نضال حط يديه على راس ولدو ابتاسم برضى : الله يرضي عليك الوحش ديالي

نورهان تحنات عندو غير حيت لابسة الطالون اما هو طويل وخا في داك السن قبلاتو في خدو ونطقت بابتسامة: شكرا ولدي الله يخليك لينا ولهلا يحرمني منك

نضال : شنو زعما دبا باغي تشاركني في مك سير تلعب راك كبرتي دبر على شي وحدة نزوجها ليك

نورهان : حبيبي كتغير من ولدك حشومة

قاطعتهم نرجس اللي وقفات قدامهم : العرسان معوالينش تقطعو الكيك كلشي كيتسناكم

نورهان شدات في يد نضال ونطقت بابتسامة : وخا ماما نرجس ها حنا جايين

نضال : لا بلاتي خليهم يتسناو انا مزال باغي نرقص انا ومراتي

نرجس بابتسامة : اك الوقت كلو ليكم

نضال جر نورهان لحلبة الرقص كل الأنظار عليهم الضو تطفا وتشعل من فوقهم بينما هما ناسيين العالم كأنهم غير بوحدهم حط يديه خلف خصرها ويديه الثانية في يديها بينما هي اليد الثانية حاطاها على كتفو وهو كيحركها على أنغام الموسيقى كيفما بغى هبط راسو لاذنها ونطق بهمس

نضال : في هاد المدة كاملة ومزال مكتعرفيش ترقصي
نورهان : ملقيتش الوقت فين نتعلم
نضال : مزيان نيت تعلمي كلشي على يدي

نورهان : عقلتي على أول مرة رقصنا انا وياك مكنتيش كتحملني

نضال تنهد : ااااااه شكون كذب عليك جذبتيني من أول مرة شفتك فاش دخلت للفيستيفال قشعتك من بعيد كنتي غير البنات اللي كانو تما عينيك الزرقاوتين كانو جذابين في ديك اللحظة جذبتي بيهم قلبي وديتيه معاك

نورهان : وعلاش كنتي كتعامل معايا خايب وقمعتيني شحال من مرة

نضال : حيت معجبنيش الوضع اللي شفتك فيه مع داك الولد للي كان مقربلك حدا الفيستيڤال بنتيلي متسوايش وبنت الزنقة كاع هاد الأفكار طاحو في بالي

نورهان : هذاك اللي كان مقربلي سيمو وراه ضربتو كنظن نتا مشيتي قبل متشوف ديك الضربة اللي عطيتو ههههه خسارة ولكن من الأحسن نيت منين مشفتيش كون مكرهتينيش منظنش داك الكره يتحول لحب

نضال : سمحيلي حبيبي غلطت في حقك شحال من مرة

نورهان : وخا عذبتيني زدت تعلقت بيك شخصيتك القوية خلاتني نزيد نطيح فيك كنبغيييييييك بلا قياس

نضال تنهد : عشقك لي لا يساوي سوى أرباع هوسي بك

نورهان : احححح حبيبي الشاعر يلاه نمشيو نقطعو الكيك الموسيقى سالات

حظن يديها بين يديه وتمشاو ناحية العائلة قطعو الكيك ووكلو بعضياتهم وتفرق الكيك على الباقي تجمعو كاع لي كوبل حداهم وقفو عثمان في الفوق حداهم من الجنب أنور ونرجس وفي الجانب الآخر والدين ياسر ومن تحتهم وقفو في الوسط نضال ونورهان وسطهم ذياب اللي واقفين حداه من الجوانب فهد وايهم وعلي بينما نضال حداه سعد وفاتي ورضى ولينا هازين وسطهم ندى ومن جيهة نورهان ياسر والهام اللي هازين أروى بنتهم حداهم طارق وميساء

نضال شاف في نورهان قرب لعندها وحط شفايفو على شفايفها وتشدت التصويرة في ديك الوضعية كانت أغرب وأروع صورة في تاريخ الصور بعد عليها وهمس في اذنها

نضال :💦 دنياي بحر في عينيك الزرقاوتين 💦

💘 النهايـــــــــــــــــــــــــــة 💘

💗💝وهنا انتهت رحلتنا مع الجزء الأول لقصة أحببت شهيرا ترقبوا الجزء الثاني عن قريب

Leave a comment