Skip links

عذراء مطلقة 5

 6,916 عدد مشاهداات

العنوان 🥀عذراء مطلقة🥀
بقلمي انا 🥀سنونة الزاهيري🥀
الفصل الثاني ❤❤لازلت صالحة للحب❤❤
الجزء 112
عقيل: اش بغيتي تقصدي يعني مغترجعش تشوف ولا شنو
سيرين: خيال مشا ليها الشوف بسباب صدمة ملي طاحت على راسها وباش يرجع ليها الشوف ديالها خاص توقع ليها صدمة اخرة وحتا هاد الحل انا كنستبعدو حيت يقدر يرجع ليها ولاكن غضرر ليها شي بلاصة اخرة مهم عفاكم حاولو تعطيوها امل ومتخلوهاش تحس بلي فقدات البصر ديالها
اسر: مع سمع هاد الهضرة خرج صاعر
ونورة والباقين مشاو عندها لشومبر ديالها بقا غي عقيل واقف مصدوم ومقادرش يواجه خيال
سيرين: عقيل كي بقيتي شوية
عقيل: كفاش بغيتيني نكون
سيرين: عقيل عفاك مديرش فيا هكا انا عارفة راسي غلط وكنطلبك تسامحني
عقيل: نهار تندمي على فعايلك غنحاول نسامحك
زاد وخلاها
عند اسر
خرج متوجه لقصر
مشا نيشان لغرفة السرية ديالو دخل مشا نيشان لكومبيوتر طلع كاع المعلومات على مسعود وضافر
طلع العنوان ديال الشركة
وخرج هز لوطو ديالو وتوجه لعندو
دخل مع باب الشركة بكل هبة هاز راسو لسما وباينة فيه بلي صاعر ديال بصح
وقف على البنت لي كانت فالغيسيبسيو
اسر: بغيت مسعود
البنت: واش عندك معاه شي موعد
اسر: بلا مانبقا نتعاطا معاك وريني لبيرو ديالو
البنت: ولاكن
بغات تهضر حتا سمعاتو نطق موراه
مسعود: اووووه اسر ال منصور كامل عندنا مخفتيش على راسك
اسر: هاد الساعة انت لي خاضك تخاف على راسك
شدو شنق عليه وزداه مع لحيط
اسر: عداوتك معانا حنا الرجال علاش مترجلوش لا انت لا داك الفار لي مربيك
مسعود ؛ مرضاش قدام الموضفين ديالو ودفعو مبعد عليه ) خرج تق*** عليا من هنا
اسر: كنقسم ليك بالله وتوقع لخيال شي حاجة تانخيك تمنا الموت ومتلقاهاش
مسعود: غي سمع خيال قلبو تخطف ) خيال اش واقع ليها
اسر: ضار عندو صاعر عطاه كروشي حتا كان غيطيح ) اخر مرة تجبد سميتها على فمك وكتسول بحالا ماشي انت لي مور لكسيدة
مسعود : بلاتي بلاتي اشمن كسيدة انا معندي تاعلاقة لبارح عاد تلاقيتها بالصدفة
اسر: لمس فكلامو ااصدق ) الا لقيتك مور هادشي لي وقع ليها متلوم غي راسك
خرج من عندو
عند.خيال
نورة : بنتي واش محتاجة شي حاجة فيك الجوع
خيال: ماما انا ضعت ياك انا عمرني غنرجع نشوفكم مزال هئ هئ
نورة: مقدراتش تجاوبها غي كتبكي فصمت
نجود: خيال بنتي مكاين لاش توتري وتخافي هادي غي ازمة ودوز
خيال: انتي غي كتشفقي عليا انا ممحتاجة الشفقة ديال حتا واحد
غفران: خيال هو بصح ماما قاصحة شوية ولاكين راه قلبها بيض هيا ماشي كتشفق عليك
نجود: اه علاش غنشفق عليك مالك اش واقع ليك هادي غي ازمة وغتفوت وانتي قوية
جلس حداها عقيل
عقيل: غي كيقوي راسو قدامها وصافي) واترجلي معانا انتي غترجعي حسن من لول

العنوان 🥀عذراء مطلقة🥀
بقلمي انا 🥀سنونة الزاهيري🥀
الفصل الثاني ❤❤لازلت صالحة للحب❤❤
الجزء 113
بعد مرور اسبوع
كانت نورة كتعاون خيال تلبس حوايجها حيت غتخرج من طبيب جا عندهم اسر
اسر: حط ليها واحد الملف قدامها ) خيال خاصك توقعي على هاد لوراق باش تخرجي
نورة: انا نوقع عليهم اولدي حسن
اسر: شاف فنورة بمعنا لا ) خاصها هيا توقعهم
خيال: كي غندير نوقعهم وانا مكنشوف والو
اسر: جبد ليها علبة ديال لمداد حمرة وشظ ليها صبعها طبعو فيها وحط بصمتها فالوراق كاملين ) دبا سالينا
خيال: ماما عفاك واخا تخلينا بوحدنا شوية
نورة: واخا ابنتي غنتسناكم برة (شافت فأسر بمعنى رد ليها البال وخرجات
خيال: اسر عفاك متبقاش تعاوني متبقاش تقرب مني بمرة انت ماشي مضطر تكون فجنبي غي على قبل داكشي لي داز بيناتنا صافي عفاك داكشي مكان عندك حتا يد فيه وانا مبغيتكش تبقا معايا ديما
اسر: وشكون قاليك انا معاك ديما
خيال: متستحمرنيش عفاك انا واخا مكنشوفش لاكن راه كنحس انا عارفة بلي هاد المدة كاملة لي انا هنا انت معايا
اسر: مكنسحمركش وغنبعد من طريقك ومغنعاودش نقرب ناحيتك غي كوني هانية (صعراتو بكلامها متحكم فراسو غي بزز ) اصلا هاد الوقت خاصني نكون فجنب مراتي
الا ساليتي كلامك ياله عمتي كتسنانا
خيال: فنفسها متوقعاتش منو هاد الهضرة بغاتو يبقا معاها بلا هيا مطلب منو يبقا بغاتو يبقا معاها بزز منها هيا نيت هيا لاحضات اهتمامو بيها بزاف ومشاعرهاا مخربقين طاح عليها الضيم
شد ليها فيدها حتا خرجو
اسر: هادي اخر مرة غنشد ليك فيدك سو بلا متقلقي
خرجو لقاو نورة كتسناهم هيا وعقيل وسيرين سلمو عليها وتوجهو لقصر
فالقصر
كانت جالسة جوليا مع نجود
نجود: هاد المشاكيل مخلاوناش نفرحو بزواجكم كيف ناس
جوليا: ماشي مشكل اخالتي انا خاصني نفرح ملي تفرحو ونحزن ملي تحزنو
نجود: ونعم التربية ابنتي حتا خيال معندها زهر عزات عليا ديك البنت واخا فلول كنت ديما ضدها
جوليا: فنفسها بغيت ليها لموت باش تعلم تقرب ليا من حاجتي ) ااه مسكينة اامضرا معرفتوش شكون ضربها
نجود لا مقدروش يعرفو اللوطو لي ضرباتها مكانش عندها ماتريكيل
كانو كيهضرو حتا صونا الفون ديال نجود
هزاتو جاوبات
نجود: ولدي ماجد / مالك اش واقع/ واخا واخا فينك دبا / انا غنجي عندك تهدن شوية
جوليا : ياك لاباس اخالتي
نجود ،: ماجد ولد خويا يمكن عندو شي مشكل وراه فالكوميساريا غنمشي نشوفو
خرجات نجود متوجها عند ماجد
وجوليا ناضت طالعة لبيتها
دازت على بيت سلطان ونجود سمعاتو كيهضر فالفون على شي عملية
سلطان ؛ الملف هاهو فيدي ناقصهم التوقيع ديال اسر/ اكيد الشحنة ديال الاسلحة غتكون فيدنا / مهمة بزاف عندنا هاد الصفقة / ولو مشبوهة الاسلحة ديالنا عندها كاليتي وغتنفع خوتنا فالعراق / صافي غي يوقعهم اسر وغتحرك الشحنة
هادشي داز على ودن جوليا بتاسمات بخبت

العنوان 🥀عذراء مطلقة🥀
بقلمي انا 🥀سنونة الزاهيري🥀
الفصل الثاني ❤❤لازلت صالحة للحب❤❤
الجزء 117
عند مسعود
كان فطريقو لرباط
سعات قليلة كان واقف قدام الدار ديال نجاة (نجاة هيا بدلات لنورة ولدها بخيال )
دق الباب فتحات ليه مرأة متوسطة فالعمر
المرأة: علامن كتسول اولدي
مسعود: كنسول على نجاة هنا فين كتسكن ياك
المرأة : اييه اوليدي هنا دخل نوصلك عندها ونمشي فحالي انا ساليت خدمتي ليوم نروح عند وليداتي
مشا معاها حتا دخلاتو لعند نجاة كانت باقا على حالتها الالات ضايرين بيها والاكسيجين على فمها
جلس فوق الفوتاي قدامها
مسعود: انتي هيا القابلة نجاة لي كانت خدامة فسويسي
نجاة: حركات ليه راسها بمعنة اه
مسعود: قبل 20 عام هادشي وبضبط نهار 26 فشهر 6 كنتي ولدتي واحد السيدة سميتها تاجة
نجاة: توترات وهيا كترجع بداكرتها لور نطقات بصعوبة ) د د داك النهار ب ب باقي بين عينيا موتها كان على يدي ولادتها كانت صعيبة وانا كنت خايفة ومعاونتهاش كنت اول وحدة هزات بنتها بين يديها
مسعود: دبا غندوزو لموفيد لبنت متزادتش ميتة
نجاة: لبنت تزادت حية وبصحة مزيانة
مسعود: وعلاش كدبتو وقلتو راها ماتت
نجاة : اش غنقولك اولدي مبقا ليا قدما فات الطمع عماني وانا لي بدلت البنت لي حية بولد واحد المراة اخرة
مسعود: صعر ولاو عينيه حمرين ناض لعندها ) ختي فيناهيا
نجاة: ختك رباتها واحد السيدة على اساس بنتها وحتا هيا عاد عرفات بلي ماشي بنتها
مسعود: شنو سمية هاد المراة
نجاة: سميتها نورة آل منصور وختك سميتها خيال آل منصور
مسعود: تصدم وفرح فنفس لوقت شد على قلبو كيتنفس بصعوبة ) ااه ااه كنت حاس بيها هههه هيا ختي هيا كانت حدايا لا مايمكنش انا كنت غنقتل ختي كنت خاطف ختي
ضار شاف فنجاة
نجاة : سمح ليا اولدي كي كتشوف انا كنتعاقب على فعايلي
مسعود: شاف فيها بحقد وكره وتفكر كاع داكشي لي داز عليه ) لا راك مزال متعاقبتي (حيد ليها الأكسيجين )
نجاة: اااش باغي دير انت
مسعود: لوا ليها الكابل ديال السيروم على عنقها وزير عليه وهيا كتفركل تحتو مطلق منها تا خرجات روحها رماها فالأرض مخلي الكابل لاصق على عنقها
وخرج كيقاد فحوايجو
لقا واحد من رجالو
مسعود: تكلف مبغيت نلقا حتا مشكل من بعد
هز لوطو ديالو راجع لكازا
عند خيال
كانت فالبيت ديالها معاها نورة
خيال: غنمشي لطواليط
نورة: خليني نعاونك ابنتي
خيال: ماما خليني نمشي بوحدي خاصني نتعود ونعول على راسي
نورة: خيال بغيت نهضر معاك ابنتي
خيال: خليني حتا نرجع من طواليط
مشات قضات حاجتها ورجعات كتمشا غي فجناب الحيط
خيال: هنا ماما فاش بغيتيني
نورة: اش غنقوليك ابنتي (نزلو دموعها ) هادشي صعيب عليا بغيتك تعرفي بلي انتي راك بنتي ويوقع لي يوقع غتبقاي بنتي
خيال: ماما دبا علاش كتبكي انا بنتك وهادا غي امتحان وخاصنا نصبرو حتا يدوز متخافيش غنرجع نشوف بعيني حسن من لول
نورة: سكتات ومبقاتش قادرة تقوليها حتا حاجة ) غيدوز ابنتي غيدوز
خيال: نشاء الله اماما
نورة: بنتي عفاك غتسمحي ليا غنهملك هاد ليامات عندي واحد الغراض خاصني نفكو وغنرجع لبنتي ونقابلها
خيال: ماشي مشكل غي قولي لعقيل هو بوحدو لي يبقا معايا
نورة: علاش مال اسر ياك هو لي بقا معاك فالطبيب
خيال: ماما اسر عندو مراتو معندها حتا معنى مخلي مراتو باش يبقا مع بنت عمتو
نورة: حتا عقيل عندو خطيبتو لي هيا سيرين كنضن هادشي غيخليك تعاودي تفكري فراسك مفديش تبقاي حياتك كاملة وانتي بوحدك
خيال: عقيل مغيخلينيش هادشي كان خاصني نفكر فيه شحال هدا اما دبا شكون هدا لي غيقبل بوحدة عمية وفوق هادشي مطلقة
نورة: خيال متفكريش بهاد الطريقة عاهدي بيك بنت بعقلها متقفة ماشي متخلفة
خيال: صافي ا ماما عفاك بدلي عليا هاد الموضوع

عنوان 🥀عذراء مطلقة🥀
بقلمي انا 🥀سنونة الزاهيري🥀
الفصل الثاني ❤❤لازلت صالحة للحب❤❤
الجزء 115
فالكوميسارية
دخلات نجود لعند الكوميسير
نجود : مسيو عدنان دير غي بوجهي وخليه يخرج غي هاد المرة والكفالة انا انتكلف بيها راه باقي صغير ومعندو عقل
الكميسير؛ مداد نجود هادي هيا المرة الرابعة فين كيجيبوه عندنا وهاد المرة القضية عنو معقدة لقيناه هاز كمية كبيرة ديال الكوكايين ومستهلك منها بزاف هادشي راه مافصالح ديالو لاهو ولا انتوما هادشي بلا منهضرو على السلاح لي هاز بلا رخصة
نجود: هادي غتكون اخر مرة يعاود يرجع هنا غي دير بوجهي وخليها كفالة
الكميسير: غي على وجهك مي المرة جاية غنصيفطو فين يتربا راكم فششتوه بزاف
نجود: هادي غتكون اخر مرة
ناضت نجود ) غنتسناه لتحت غنمذي نخلص الكفالة
خرجات خلصات وبقات كتسنا فيه فالباب
غي شافتو جاي شاد فراسو مشات لعندو
نجود: ماجد بشوية عليك اش هاد الحالة داير فراسك
ماجد : صافي اعمتي متزيدينيش تا انتي باراكة مدوز ليلة مكفسة
نجود: هادشي راه مامسلككش ومدايمش ليك ها انت كدمر مستقبلك بيدك
ماجد: وصافي لفلوس لي هلصتي راه غنرجعهم ليك بلا متعطيني دروس فالاخلاق لواليد ومتيديرش هادشي
نحود: شوف هاه بلا متهضر معايا بهاد الطريقة اصلا اللومة كاملة على باك لي معرفش يربيك وحسابي معاه بوحدو
زادت وخلاتو
ماجد: واغي وصليني بعدا وعلى اخر يامي نمشي فطاكسي
عند اسر
كان مع امير فالشركة
امير : حنا مزال مراقبينو الصباح كان قدام لكلينيك كيشوف فيكم غي من بعيد
اسر: خاص نعرفو ضافر فين مخبي اما مسعود هداك غنعرف شغلي معاه بوحدي
امير : وخيال اش درتي معاها
اسر : خيال قاتلاني اخويا ولاكن عرفت كيف نلعبها عليها (بتاسم بخبت وهو كيتفكر اش دار )
امير: انا وليتي كتخلعني هاد خيال وولات مخرجاك على طوعك
دخلات علهم الكاتبة: مسيو امير انسة ميساء كتسول عليك
امير: اش بغات هادي تاني
اسر: تهز من قدامي تلاح عندها
مشا لقاها كتسماه فالمكتب ديالو
امير: سلم عليها ) ميساء صافا
ميساء : وجها صفر وباين فيها التعب ) ماسي صافا ا امير
امير: مالك اش واقع
ميساء : معندي منخبي عليك انا هادي رجلي من عند الطبيب
غفران كانت داخلة لشركة ببتسامة عريضة باينة فرحانة وهازا فيدها 2 كسان ديال القهوة من نوع خاص
مع فتحات لباب ديال المكتب ديالو جات فودنها كلمة وحدة خلاتها طيح الكسان من يدها بالصمة ديال الكلمة لي تلقات

العنوان 🥀عذراء مطلقة🥀
بقلمي انا 🥀سنونة الزاهيري🥀
الفصل الثاني ❤❤لازلت صالحة للحب❤❤
الجزء 116
ميساء : امير انا حاملة
امير: وسع عينيه من الصدمة التنائية لي تلقى من جيهة ميشاء حاملة ومن جيهة غفران لي سمعاتها
شافو فغفران بزوج
غفران: حاولات تبرد راسها ) وهانتي حاملة هو اش علاقتو بهادشي سيري لطبيب
ميساء : شافت فأمير ) امير انت عارفني علاياش كنهضر ملي تكون مسالي خاصنا نهضرو ضروري ونلقاو شي حل
امير: الصمت الصدمة مخلاتو ينطق بحتا كلمة
ميساء بغات تخرج حتا وقفاتها
غفران: بلاتي انتي فين غادا شرحي ليا اش واقع هنا وشنو علاقة امير بالحمل ديالك
ميساء: شكون انتي باش نشرح ليك هادشي بعيد عليك (دفعاتها وخرجات )
غفران : وجهات كلامها لأمير) هاد السكات ديالك اش كيعني
امير: كيدوز على راسو بيديه ) حتا انا مفهمتش
غفران: امير متحمقنيش هادي لي خرجات علاش جاية كتقوليك راها حاملة علااش
امير: ناض لعنهدها شد ليها راشها بيديه كيدوز فيهم بحنان ) غفران حياتي غنشرح ليك كلشي دبا غنخرج خاصني نتأكد
غفران: يعني هادشي لي فبالي يقدر يكون بصح ….
مخلاهاش تكمل كلامها وخرج وخلاها
عند سيرين
كانت فالجناح ديال عقيل هزا تيشرت ديالو وكتشم فيه
سيرين: علاش كدير فيا هكا هئ هئ
دخل عقيل لقاها فديك الوضعية
عقيل: اش كديري هنا
سيرين: عاقبتيني بما فيه الكفاية هئ هى حن فيا غي شوية
عقيل : كنتي تفكري فهادشي قبل مديري فعلتك
سيرين: علااش انت قاسي لهاد الدرجة علاااش زواجنا مبقا ليه والو وحنا حتا لهضرة مكتجمعناش كفاش بغيتي يجمعنا فراش واحد
عقيل: سيرين خرجي متخلينيش نجرحك كتر خرجي
خرجات سيرين كاتمة دموعها
عند جوليا
كانت داخلة لبيت نجود وسلطان وكتقلب على الملف
يدها كيرجفو
جوليا : قلبات واحد البلاكار وهيا تلقاه هزاتو ) اوووف حمد الله واخيرا غتسالي هاد المهمة وغنرجع ليك امسعود لوكان ما هاد المهمة كنا غنكونو بزوج
خرجات كتسلت
وهيا دوز على بيت الحاج جا على مسامعها كلمات لي خلاوها توقف فبلاصتها وتسمر من الصدمة …..

عنوان 🥀عذراء مطلقة🥀
بقلمي انا 🥀سنونة الزاهيري🥀
الفصل الثاني ❤❤لازلت صالحة للحب❤❤
الجزء118
عند جوليا
كانت فالباب كتصنط لحوار لي داز بين الحاج وسلطان ملي سمعات سمية ضافر
الحاج : مدام ضافر رجع الا وناوي على عداوة كبيرة
سلطان : باشمن حق عندو ينوض هاد لعداوة علينا وحنا مدرنا فيه غي لخير
الحاج : هو معارفش لخير لي درتي فيه وهو متيق لفخ لي تنصب ليكم بزوج
سلطان : ضافر لوكان يعرف اش درت على قبلو ميتجرأش حتا يهز عينو فيا
الحاج: داك نهار ميتنساش وروح المرحومة كانت طاهرة مشات نتيجة خطة مدروسة حمد الله قدرنا نعتقو لبنت
سلطان: باقا فيا غصة زهرة لي مقدرتش نعتقها وهو بكل دم بارد قتل مراتو وكان ناوي يقتل بنتو لوكان موصلناش فالوقت المناسب وعتقتها من بين يديهم
الحاج: كنضن الا عرف بلي بنتو باقا عايشة هاد لعداوة مغتبقاش
سلطان: هاديك راها مبقاتش بنتو
جوليا شهقات بهول الصدمة ورجعات كتجري رجعات لملف لبلاصتو من بعد مصورات كاع لوراق لي فيه
جوليا: الا ديت الملف دبا غيعيقو بيا ومغنقدرش نعرف شكون هيا بنت ضافر خاصو دبا يعرف هادشي
خرجات كتجري من لقصر
هزات لوط ديالها متوجها لعند ضافر بلا مترد لبال للوطو لي تابعاها ومراقباها
حتا دخلات لواحد الفيلا صغيرة
الكارد لي كان تابعها هز الفون ديالو
الكارد: مسيو اسر جوليا دخلات لواحد الفيلا جديدة تاني غي هيا دخلات خرجات واحد لوطو اخرة مقدرناش نميزو شكون لي فيها / هيا لولة سي اسر
عند اسر
يعني اجوليا كتلعبي هاد لمرة غنتأكد بلي راك لاعباها عليهم
تفكر خيال
اسر: اش غتكون كدير دبا
دوز الابيل لنورة
اسر: اعمتي /مزيان/خيال اش كدير/ هادشي لي قالت ليا الصباح /انا عارف اش غندير معاها عقيل تماك
قطع الابيل وتوجه لقصر
عند امير
كان مع ميساء فواحد الكافي
امير: هادشؤ لي كتقولي راه مكيدخلش لعقل
ميساء: تيقني هادشي لي كنقوليك راه هو لي كاين انا حاملة بزوج اسابيع الوحد ديالي صعيب بزاف هادشي علاش دغيا بان ليا الحمل وانا مدرت حتا علاقة قبل 2 سيمانات من غيرك انت والا بغيتي نديرو تحليل لاديين انا مستعدة
امير: ماشي وقتو دبا فااااك تا كنكول كولشي تقاد وتعواج من شي جيهة اخرة
ميساء :نرمالمو خاصك تكون فرحان راك غتولي اب زعما
امير: واش كتبوهلي عليا انا عندي حياة اخرة عندي مرة اخرة فحياتي انا اصلا معاقلش على ديك ليلة مكنتش فالوعي ديالي
ميساء : حتا انا مكنتش فالوعي ديالي ولاكن هدا هو لقدر ديالنا وانا مغنخليش ولدي يتزاد بلا اب
امير : وشنو حل دبا
ميساء : حنا خاصنا نتزوجو مغنسمحش ليك تخلي ولدي يقولو ليه ولد لحرام تزاد عن طريق علاقة غير شرعية
امير: ميساء انا مستحيل نتزوج بيك كنبغي وحدة اخرة غفران لي شفتي صباح راه من غيرها منديش
ميساء: ضونك غادي يخصك تحمل العواقب ديال هادشي لي غيوقع
ناضت وخلاتو
امير فنفسو فرحان انو غيولي عندو ولد لاكن مكانش باغي ولاد بهاد الطريقة وكان باغيهم مع غفران لاكن قدر الله ومشاء فعل امير خاصو يلقا حل
عند جوليا
دخلات لعند ضافر
وعاودات ليه شنو سمعات
ضافر: خبط على بيرو ديالو) وااش متأكدة من هادشي لي كتقولي
جوليا: كيف قلت ليك كنت جايبة ضوصي لي غيغرقهم مي ملي سمعت هادشي رديتو لبلاصتو حتا نعرف فين كاينة بنتك
ضافر: تصدم حيت بنتو مماتتش بلا ميفكر شكون عتقها من الموت لي حكمو عليها هو نيت ) خاصنا نرجعو بنتي منهم ميكمكنش نخليها عندهم
قاطعهم مسعود
مسعود: خاصك تقول نرجعو بناتنا منهم

العنوان 🥀عذراء مطلقة🥀
بقلمي انا 🥀سنونة الزاهيري🥀
الفصل الثاني ❤❤لازلت صالحة للحب❤❤
الجزء 119
ضافر: انت اش بغيتي تقصد ببناتنا
مسعود: انا لقيت اختي وهيا دبا كاينة فداك القصر
ضافر: شكون فيهم وهيا كفاش وصلات لتماك
مسعود: شاف فجوليا) ختي هيا لبنت لي خطفناها خيال
جوليا : اويلي لا ميمكنش انا…(داركات الموقف كانت غتفضح راسها وهيا تسكت
ضافر: انتي اشنو
جوليا: بغيت نقول انا مكنتش متوقعة هادشي بمرة وخا كنشوف خيال مختالفة عليهم
مسعود: هاديك راها اختي ومن دمي ولحمي ميمكنش نخليها بيناتهم
ضافر: حتا انا مغنخليش بنتي وانا عارفها باقا عايشة اكيد مغنخليهاش بيناتهم
جوليا: كون هاني غنعرف شكون هيا بنتك وفين كاينة
عند.اسر
دخل لقصر متاجه لعند عقيل لي كان كيتسنا فيه
عقيل: واش متأكد هدا راه مابلان ماوالو
اسر: مخلاتش ليا شي حل اخر
عقيل: وااعليه مشينا
اسر: غنمشي ندوش عطيني لباغفام ديالك
عطاه عقيل
ومشا دوش ورش ريحة ديال عقيل وخرج لقاه كيتسناه فالجناح ديالو
وتوجهو بزوج لعند.خليا لقاو لباب ديال بيتها محلول
وهيا جالسة فالفراش كتمشط شعرها
بدون مقدمات مشا عندها اسر حيد ليها لمشطة وبدا كيمشط ليها فشعرها
خيال: عقيل هدا انت ياك خلعتيني
عقيل: قرب لحداها كتر باش تأكد بلي هو لي كيمشط ليها ) اه انا شكون غيكون من غيري
خيال: بتاسمات ليه ) ماشي غي انت بوحدك لي ساكن هنا
عقيل: ياكمة بغيتي شي واحد اخر من لي ساكنين هنا هو لي يمشط ليك شعرك
اسر: كيدوز المشط على شعرها بحنان وكيتصنت لكلامها وصوتها لي غي كيشمعو كيجيه بحال شي لحن
خيال: انت بوحدك لي كنتي من ديما كتمشط ليا شعري ملي مكتكونش ماما
عقيل: دوزناها دوك الايام كانو زوينين
خيال: اه كانو زوينين حتا دخل ربيع لحياتنا
عقيل: نساي عليك ربيع نساي لعاالم كامل
خيال: بزربا نزلو دموعها ) مقادراش نساه هئ هئ يمكن غلطت بزاف ملي طلقت منو وفضحتو يمكن كون سترتو ميوقعش ليا هادشي كامل كون بقيت معاه مكنتش غنجي لهنا ومكنتش غنتخطف ومكنتش غنولي عم…
عقيل: خيال واش من نيتك هادشي راه مكتاب عليك خاصك ترضاي بيه هدا امتحان وغتنجحي فيه خاصك غي تصبري
خيال: عقيل انا بغيت نمشي نزور لقبر ديالو بغيت نطلب منو سماحة
اسر: تزير ومعجبوش لحال وهو كيسمع فيها كتهضر على ربيع لاكن كتم العضب ديالو
عقيل: غنسول ليك على لقبر ديالو غي رتاحي ومتبقايش تفكري بزاف
خيال: فين وصلتي مع سيرين
عقيل: مبغاش يهضر على سيرين قدامها وهو عارف بلي حتا واحد. معارف سيرين راقصة ) خليك مني انا علاش كتجاهلي اسر
خيال: كي شفتي انت اسر غي واقف ليا فالباب وانا سديتو فوجهو هو ممسوقنيش اصلا
عقيل: شاف فأسر لي حبس ضحكة بزز وهو يطلقها هو كيضحك )هاهاها ضحكتيني واش انتي كتجري عليه مباغاهش حتا يبان قدامك ومنفخة حيت مبقاش مسوق ليك
خيال: اوا هو عندو مراتو ملي باغيني علاش مشا تزوج ولا يخ منو وعيني فيه انا داك سيد مكنفهموش
عقيل: انا بعدا شاك فداك زواج ميمكنش يكونو مزوجين بصح وهو مكيجيش لقصر
خيال: وايلي واش بصح هو مكيباتش فالقصر
اسر: خنزر فعقيل وهو فهم راسو
عقيل: اااه لا لا غي نسيت كيجي يبات هنا اكيد.مغيخليش مراتو بلا ميدوزو شي ليلة رمنسية
خيال: خنزرات فيه ). كفاش ليلة رمنسية هاه هو كيبات معاها ياك ياك سكتات شوية اصلا انا ماشي شغلي مراتو هاديك.
عقيل: بحالا كنشم ريحت الغيرة لا
خيال: اشمن غيرة علاياش كتهضر انت انا غنغير على داك لوحش هادي هيا لي عمرها مغتكون

العنوان 🥀عذراء مطلقة🥀
بقلمي انا 🥀سنونة الزاهيري🥀
الفصل الثاني ❤❤لازلت صالحة للحب❤❤
الجزء 120
عقيل : كيضحك) هاها ها هادشي لي بان ليا باينة طايحة فيه طيحة خايبة
اسر: باقي كيدوز يدو على شعرها ومبتاسم وهو عارفها كتغير عليه هادشي كيعني ليه بلي كتبغيه غي كاتمة المشاعر ديالها
خيال: واش انت خرج ليك لعقل (ناضت بعصبية ودفعات اسر لي كيحساب ليها راه هو عقيل ) بعد ليا من شعري
كدفع فيه لجيهت الباب خرج عليا خرج مزيان قالك كنغير
عقيل : خار*** بضحك فصمت وهو كيشوف فيها شعلات وكدفع فأسر تخرج فيه
تبعو تاخرجو وكيضحكو بزوج
حتا خرجاتو ورجعات كتمشا جنب لحيط حتا رجعات لفراشها
خيال: مزيان هادشي لي بقا ليا غي نغير عليه قالك داكشي لي خاص مي غي لغيرة جلسات كتجمع فشعرها ) اشنو زعما كيبات عندها بصح لا لا كفاش لا تاني راها مراتو لا صافي انا غنحماق اوووف هااادشي بزااف هئ هى هئ علاااش كيوقع ليا هادشي علاش
عند ماجد
كان فالفيلا ديال عائلتو فالبيت ديالو مليوح فالفراش شادو كامل كل رجل فين مرمية معاه وحدة شعرها احمر وكاملة وشامات وكاملة متقوبة حلقات دايرها تحتو ولايح عليها تقلو
طابلة قدامو عامرة قراعي وسطورة ديال البيضة لي مضروبين ولي باقين مقاسهومش
بدا كيحل عينيه ناض عليها مشا نيشان هز قرعة ديال روج هز ليها الراس شرب نصها ودخل لدوش
دوش وخرج لقاها فايقة مشا جلس قبالت ديك الطابلة
رانية؛ جلسات حداه ) احح شحال واعرة تصبح على شي سطر واجد
ماجد ؛ مكابن ماحسن منو فالفطور
ضرب 2 سطورة ديال الكوكايين وهيا سطر
ودخلات دوشات خلاتو كيتنشوا
ملي سالات خرجات عندو باستو فعنقو
رانية؛ واخا محنتيني هاد.ليلة مي فسبيل هاد.سطير نموت معاك
ملي يعمر ليك المطور عاارف فين تلقاني
خرجات لقات فطريقها عصمان
عصمان : رما ليها خمس الاف درهم ) لمرة جاية بغيتو ياخد لادوز كتر
رانية: ماطلبتي غي لموجود
وقفات عليهم سوزي جمعاتها معاها بصقلة
سوزي: انتي الق*** نعاود نشوفك هنا ندفن مك فأرضك
رانية خرجات كتجري
سوزي: واااش معيتيييش ابابا علاااااش هاد الشر كاااااامل
عصمان: شتك بحالا كتهزي صوتك على باباك
سوزي: انا ممعتارفااااش بيك اصلا انت مستحيييل تكون اب اناااا وليت خايفة نكون بنتك بصح
عصمان: عطاها بصقلة حتا ضارت ) قليلة لحيااا خاااص نعاود.ليك الترابي
سوزي: والو نموووت مغنسمحش ليك دمر لماجد حياتوووو انااا رجعت على قبلوووو ومغنخليكش مغرقو فهاد الأدمان حيت انت انسان مهووس بواحد.السيدة لي رافضااااك لدرجت خديتي منها ولدها ومخليها كتكبر فبنت ماشي من دمها وكدم
سوزي: والو نموووت مغنسمحش ليك دمر لماجد حياتوووو انااا رجعت على قبلوووو ومغنخليكش مغرقو فهاد الأدمان حيت انت انسان مهووس بواحد.السيدة لي رافضااااك لدرجت خديتي منها ولدها ومخليها كتكبر فبنت ماشي من دمها وكدمر ليها فولدها بااااااش تعاااقبها غي حيت رافضاااك
عصماااان: سكتييييي شكتيييي منعاودش نسمع حسك
سوزي: انت راك واحد مريض واااش عااارف شحال من واحد دمرتي ليه حياتو بهادشي لي درتي خيااال بعدتيها على واليديها ونورة خديتس منها ولدها وماجد خليتيه يعيش بعيد على مو وعائلتو وبسباااابك عشت بعيدة على ماماااا ملي جبتي ليها ماااجد رجعات لروسا وتخلات عليا حيت انا من دم واحد مريض مهووس
عصمااان: شدها من شعرهااا وضربها مع لحيط حتا بدات كتنزف ) قلت ليك سكتييي
وزاد. وخلاها مرمية فالأرض كتألم

العنوان 🥀عذراء مطلقة🥀
بقلمي انا 🥀سنونة الزاهيري🥀
الفصل الثاني ❤❤لازلت صالحة للحب❤❤
الجزء 121
عند غفران كانت فالجناح ديال امير لي فالوطيل كتمشي وتجي ليل كامل منعساتش كتسنا فيه
حتا صبح صباح عاد جا
مع دخل تفاجأ ملي لقاها قدامو تلاحت عليه عنقاتو
غفران: امير فين كونتي تخلعت عليك بزاف
امير: بادلها العناق زير عليها مبقاش باغي يطلقهاخايفها تكرهو ملي تعرف بلي ميساء حاملة منو هو خايفها ترجع تخليه بغات تبعد حتا نطق) خليك متبعديش
غفران: همسات ليه فودنو ) انا عمرني غنبعد كنبغيك بزاف
بقاو مدة ماشي بالقليلة وهوما على نفس الوضعية حتا بعد.هو
امير: جرها لفراش بشوية) غفران انتي عارفاني كنبغيك كتر من اي حاجة اخرة انتي واش كتبغيني واش تقدري تجاوزي معايا كاع المشاكل لي ممكن تواجهنا
غفران: انا كنبغيك كتر وحتى مشكل مغيقدر. يوقف فطريقنا.ولاكن شرح ليا انا اشنو داكشي لي سمعت من ديك البنت
امير: هدا هو اول واكبر مشكل غيواجهنا ميساء بصح حاملة وانا هو بابات البيبي ديالها
غفران: نزلو دموعها بغزارة ) هئ هى قولي بلي هادشي غي كدوب هئ هئ( خبات وجها بيدها وكتبكي وتنخصص ) علاااش علاااش درتي هكا علااش خنتي حبنا وموفيتيش ليه
امير: تيقيني اغفران عمرني مخنت حبنا ديك ليلة مكنتش فالوعي ديالي كنت شارب بزاف ومفوت فلادوز انتي مكنتيش وانا كنت باغيك تكوني حدايا تخيلتها انتي ووقع لي وقع ملي فقت الصباح ملقيتهاش ومعاودتش شفتها حتا جات قاتلي بلي حاملة
غفران : هئ هئ هئ حتى بديت كنفرح وبدات علاقتنا مزيانة يوقع لينا هادشي هئ هئ انا ميمكنش نسمح ليك هئ هئ انت مكانش خاصك تخوني واخا تعرا قدااامك مكانش خاصك تقرب منها
امير: غفران راه كنبقا راجل وعندي غريزة اناااا مخنتكش قلت ليك مكنتش فالوعي ديااااالي انا عمرني مدرت موراك شي حاجة ملي كانت عندك 15 عاام وانا كنشوفك مراتي عمرني تقربت من شي وحدة نهار كنبغي نخوي كنجيب وحدة بنت ليل نقضي نعطيها خلاصها هاد المرة مكنتش فالوعي ديالي حيت كنت كنفكر فيك كنتي شاغلا ليا بالي مشيتي لأمريكا ومفكرتيش فيا مشفتيش وراك
غفران: لاااااا صاااافي سكت هااادشي بزاااف كلهم تقربتي منهم وانا لااااا كلهم دازو من فراشك الا اناااا وكتقول كتبغيني
امير جابت ليه الضحك بكلامها شوف هو فاش كيهضر وهيا فاش كتفكر قرب لعندها جرها ليه شد وجها بين يديه ) انتي باغيك حلالي تكوني ففراشي بالحلال وبرضايالك بالوعي ديالنا بزوج وباغيك تكوني ام ولادي
غفران: هئ هئ انت دبا غتولي اب غيولي عندك ولد وعندو ام اخرة ماشي انا هئ هى اش غدير ديا
امير: متفكري فوالو غنلقا حل فصالحنا بزوج

العنوان 🥀عذراء مطلقة🥀
بقلمي انا 🥀سنونة الزاهيري🥀
الفصل الثاني ❤❤لازلت صالحة للحب❤❤
الجزء 122
عند سوزي
ناضت كتستجمع ما تبقا من قوتها راسها كينزف فيها دوخة بزاف بزز باش قادرة توقف
خرجات كتعكز على لحيط حتا للوطو ديالها ديمارات شادة طريق لكلينيك
رؤية عندها مواضحاش غاديا وكتمايل فطريق بلوطو
كتحااول ماتفقدش لوعي ديالها حتا توصل لطبيب لاكن محساتش حتا فقدات الوعي ديالها ورجليها على لكسيراتون
لوطو مكسيريا بسرعة كبيرة حتا خرجات فواحد الشجرة جنب طريق
عند مسعود
كان شاد طريقو لعند ضافر حتا كتبان ليه لوطو غادية بسرعة خيالية محبساتها غي شجرة لي خرجات فيها
فرانة ونزل كيجري
لوطو ديالها كانت كاملة مفرشخا من لقدام ودخان كتيف بزااف وهيا دم مغطي ليها وجها
ضارب مع لباب ديال لوطو حتا فتحو ونزلها وهزها حطها فلوطو ديالو وضار راجع ناحية لكلينيك
وصل لكلينيك ديال سيرين
دخلوها اغجوو شافتها سيرين تصدمات
سيرين: سوزي اش واقع ليك (كتفحص فيها سطحيا) دخلوها للبلوك ديرو ليها تصاور بالأشعة ونقيو ليها الجرح (شافت فمسعود) انت لي جيتي معاها شنو وقع ليها
مسعود: معرفتش لقيتها قدامي كانت سايكة بسرعة كبيرة حتا خرجات فواحد الشجرة
سيرين: شكرا ليك بزاف هيا راه من العائلة الا بغيتي بلا متبقا هنا تقدر تمشي انا غنتكلف بيها
مسعود: ماشي مشكل غنتسنا حتا نطمأن على حالتها
سيرين: اوك مسيو…
مسعود: انا مسعود جواهري
سيرين: متشرفين اسيدي انا دكتورة سيرين آل منصور
مسعود: تسعق ملي سمع كنيتها لاكن مبغاش يبين ) غنتسناها هنا
عند نورة
خرجات من بيتها متاجها عند سلطان ونجود دقات عليهم فبيتهم
عطاها سلطان الأذن ودخلات
نورة: سمحو ليا مكنتش باغا نصدعكم فبيتكم مي معنديش شي حل اخر
سلطان: اش واقع اختي واش هانية
نجود: ناضت لعندها ) مال وجهك مخطوف
نورة: مكاين مايتخبا خوك انوجد شزاني فكبدتي فرقني على ولدي هئ هئ
نجود: اش كتقزلي اشمن ولد وخويا اش دخلو فهادشي
نورة: اما راه ولدت ولد ماشي بنت هئ هى وخوك باش ينتاقم مني حيت رفضتو بدل ليا ولدي بخيال حرمني من ولدي لي هربت من عائلتي على قبلو هئ هى
نجود: تصدمات) لا لا هادشي ميمكنش انتي منين جبتي هاد لهضرة منسمحش ليك انورة تقولي هادشي على خويا
نورة: انا عارفاه خوك ولاكن راه شواني فكبدتي فاش مشيت لرباط راه مشيت عند لفرملية لي ولداتني وهيا لي عتةرفات ليا بلي بدلات ولدي بخيال وعطات لولد لخوك انوجةد
سلطان: هدا راااا تجاوز حدو بزاااف كتر من لقياس
نجود: جلسات كترجف ) اش هادشي درتي اخويا اش هادشي
سلطان: وفين لولد دبا
نورة: معرفتش انا جيت عندك انت باش تعرف ليا فين ولدي هئ هى
سلطان: واش خيال عرفات بلي هيا ماشي بنتك
نورة: هى هئ هئ لا اخويا انا مقدرتش نقوليها والو
سلطان: احسن حاجة هيا انك مقلتي ليها والو وهيا فهاد الوضع هيا معليها حتا دنب
ناضت نجود هزات صاكها ولمونطو ديالها
سلطان : فين غادية انوجود
نجود: غنمشي عند خويا انا مايمكنش نسكت على هادشي خاصني نتأكد

نوان 🥀عذراء مطلقة🥀
بقلمي انا 🥀سنونة الزاهيري🥀
الفصل الثاني ❤❤لازلت صالحة للحب❤❤
الجزء 123
خرجات نجود وتبعها سلطان ونورة
توجعو كاملين عند عصمان لفيلا ديالو
غي وصلو ستقبلهم بوجه خبيت مبتاسم فوجههم
عصمان: مرحبا مرحبا كون علمتوني كون تلقيتكم بالحليب وتمر
نجود: عصمان بغيت نعرف واش هادشي لي سمعت بصح ولا كدوب
عصمان: مفهمتش انتي اش كتقصدي
شدو سلطان شنق عليه) متبوهلش عليا اعصمان من ديما كنت عارفك حاقد وخبيت لاكن عمرني متصورتك تخطف ولد ختي وتبدلو ليها ببنت وحدة اخرة
عصمان: تبدل لون وجهو ولا صفر متوقعهمش يعرفو بقا غي ساكت وكيرجف عارف بلي سلطان يقدر يدفنو فأرضو وميرحموش
نجود: لا لا ميمكنش هئ هئ (عرفاتو دايرها غير من ردت فعلو عادشي راها ختو وكابرة معاه عارفة تصرفاتو ) انت علاش درتي هكا علاااش باغي دمر ليا حياتي 30 عام ديال العشرة وزواج غيدمرو ليا بسباب فعلتك حراام عليك
نورة: اش بغيتي عندي علااااش تحرمني من ولدي هئ هى ولدي لي ضحيت بعائلتي على قبلو وهربت وبعدت باش ميتبعش ليا طريق باه
عصمان : نزل ليه ضغط السكر ولا غي كيرجف ) انتي سباب فهادشي كامل انا كنت باغيك من قلبي وفكل مرة كنتي كترفضيني كنحقد عليك كتر حتا فرحت مملي مات سليمان وقلت انتي وليتي ارملة وغتقبلي بيا لاكن صدمتيني ملي هربتي وقلتي ليهم بلي حاملة ومبغيتيش ولدك يتبع طريق باه
نورة: هئ هئ انت راك مجنون مريض باغيني نكون معاك بزز انا كنشمأز منك بغيت نعرف غي فيناهو ولدي
ناضت لعندو شنقات عليه وكضرب فيه وهو مكيتحركش مخليها كضرب فيه
حتا نزل ماجد شافها كضرب فيه
وبلا ميشعر جرها بعدها على عصمان وجمعها معاها بصقلة
فالكلينيك
كانت سيرين
كنشوف فصور الأشعة لي خرجو لسوزي
سيرين: على سلامتك حمد الله معندك تا نزيف داخيلي مي ضربة قاصحة شوية غيخصنا نخيطوها ليك
سوزي : باقا متألمة ) ااه ااي كضرني بزاف
سيرين: غيجيبو ليك ديكالمو لي غيخففو عليك صداع كفاش حتا متحكمتيذ فلوطو ديالك سيد لي جابك قالي لوطو كانت كتمشي بسرعة خيالية
سوزي : كنت مضروبة قبل من لكسيدة
سيرين: بغات تسولها لاكن قاطعاتها الممرضة لي دخلات
الممرضة : دكتورة سيد لي جاب لمريضة كيشول على حالتها واش ممكن يدخل يشوفها
سيرين: اه خليه يدخل
دخل مسعود
سيرين: شكرا بزاف جبتيها فالوقت هاهيا غتولي بيخير نخليكم
سوزي: شكرا بزاف اسيرين
خرجات سيرين وخلاتهم
مسعود: كيشوف فيها وساهي فجمالها الغربي
سوزي: واش انت لي جبتيني
مسعود: تلبك ومبقاش عارف ميقول ) اا اه اه شفتك فاش خرجتي فشجرة وجبتك على سلامتك
سوزي: الله يسلمك كون مكنتيش انت كون بقيت مرمية تماك
مسعود: اي واحد فبلاصتي كان غيعتقك مي واش كنتي مدروكية طريقة باش كنتي صايكة كانت سريعة بزاف
سوزي: مبقيتش عاقلة كنت مضروبة فراسي قبل
مسعود: بدا كيتطلق معاها) مبقيتيش عاقلة بسباب ضربة ولا كتنساي بزاف
سوزي: وعلاش هاد سؤال واش كنسا بزاف
مسعود: خاصني نسول على راسي نخاف غي نخرج من هاد لباب ومتبقايش عاقلة عليا حتا انا
سوزي: ضحكها ) علاش ياكما باغي شي مقابل حيت عتقتيني
مسعود: وا هو فالصراحة مكرهتش
سوزي: واش مبقات تاحاجة كدار لله ولا شنو زعما
مسعود: لا باقي غي هو دبا لا كنتسالك عراضة خاصك تشكريني بشي طريقة زوينة
(خليو هادو يتعارفو هههه ونمشي نشوفو خيال اش كدير )
ولات غي جالسة فالبيت ومكتخرجش منو
مخدمة تيفي وكتصنت ليها مرة تضحك مرة تعبس وجها
اسر كان داخل لقصر لقا عقيل خارج
اسر: اجي اجي فين ناوي
عقيل: غنمشي ندرب شوية لكومبا قربات
اسر: ماشي دبا اجي معايا بغست نشوف خيال
عقيل: وايلي اصاحبي شفتيها اش دارت لينا صباح
اسر: صافي زيد ياله عندها شو غي تدخل قوليها غتبقا معاها بلا متهضر حيت ضاراك الضرسة ولا شي لعبة
عقيل: تفرشخ عليه بالضحك ) وناااري اصاط طيحة خااايبة هادي
اسر: خنزر فيه وجرو وراه
دخلو عند خيال
عقيل: لحب ديالي اش كديري
اسر: خنزر فيه ملي قاليها لحب ديالي
وعقيل: فهمو وغي حابس الضحكة
خيال: جابك الله بغيت ندوش ماما مكيناش مجاتش عندي عاوني انت عفاك
عقيل: شاف فأسر وعطاه اشارة بمعنا اه ) غنعاونك ولاكن راه ضاراني الضرسة مغنقدرش نهضر واخا
خيال: هزات يدها كتقلب عليه ) فينك قرب لعندي وجهك نشوف واش منفوخة ليك واش كضرك بزاف
عقيل: لا لا بلا متقيصيها غي غضرني كتر
خيال: على نيتها ) واخا اوا صافي بلا متبقا تحل فمك باش ميدخلش ليها لبرد
خرج عقيل وهلا معاها غي اسر
عاونها حتا حيدات حوايجها بقات غي بدو بياس وشد ليها فيدها حتا دخلها لدوش ووجدو ليها
خيال: صافي غي خرج اخويا تانسالي ونعيط ليك خلي لفوطة حدايا عفاك
اسر حل لباب وسدو بحالا خرج وبقا كيشوف فيها ويتمنضر ويعض على شفايفو
تزير اما واحد مولاي السلطان ولا هاز لعلام تحتو ….

العنوان 🥀عذراء مطلقة🥀
بقلمي انا 🥀سنونة الزاهيري🥀
الفصل الثاني ❤❤لازلت صالحة للحب❤❤
الجزء 124
بقا واقف فالحمام كيشوف فيها
حس براسو تزير بزااف ولمعلم واقف مابقا بغا ينعس ولا غي كيسوط ويتنهد وريحة الباندوش ديال الفريز لي ضاربة فالحمام على الجهد
بقا كيكالمي فراسو حتا شافها كتقلب على لبينوار بيدها ختا لقاتو ولبساتو عاد عيطات ليه هو زعما
خيال: عقيل خويا عقيل انا كملت اجي عفاك
اسر : عاود حل لباب يعني راه عاد دخل مشا لعدنها شد ليها فيدها بحنان وحط يد على خصرها
.خيال: انا عارفة باغي تقولي بصحة ولاكين ضاراك الضرسة هههه
اسر: زير ليها على يدها بمعنا اه
خيال: انت اكتر حاجة كنفهما فهاد الدنيا واضح بزاف ماشي غامض بحال هداك لوحش
خرجها من دوش وداها لدريسينغ
ختار ليها شنو تلبس كانو دوبياس فنوار كلهم مشبكين كيبينو لحم من تحت كيبري
خيال: قلباتهم بيدها )لا اعقيل مبغيتش هادو (رجعاتهم ليه
اسر: ردهم ليها ليدها بمعنى هادو لي غتلبسي
خيال: واش من نيتك اش فهمك انت اصلا فهادشي رجعات شداتهم ) ياله خرج خليني نلبس بغيت نعس عنقاتو ) شكرا ليك بزاف
بعد عليها اسر بغا يخرج حتا وقفاتو
خيال: عقيل واش بدلتي لباغفام ديالك
اسر؛ عرفها غتعيق بيه خرج بلا ميجاوبها
عند نورة
جبدها معاها ماجد بصقلة كون مشداتش توازن ديالها كانت غطيح
ماجد : انتي باشمن حق كتهزي يديك على بابا
دفعو سلطان وعطاه كروشي حتا طاح حيت كان مدروكي دغيا طاح لأرض
سلطان: قليل ترابي بحالك بحال باك
نجود: غي مصدومة من هادشي لي كيوقع قدامها شادة على وجها وكتبكي
ماجد: هادي اصلا اش مدخلها لعندنا هيا جرات عليا وهانتني فالقصر ديالكم باشمن وجه جايا دبا
نورة: مغنجاوبش واحد شمكار ومامربيش بحالك
شافت جيهت عصمان لي كان كيشوفيهم وكيضحك بخبت ) فيناهو ولدي غتقولي شنووووو درتي فولدي ولا يحرام عليا ديني تايكون موتك على يدي
عصمان: كيشوف فيها ويرجع يشوف فماجد ويرجع يشوف فيها
ويضحك بخبت
ماجد: شد نورة من يدها وجرها مخرجها لبرا الفيلا ودفعها تا طاحت لأرض ) هادي اخر مرة نعاود نشوفك هنا كتهددي بابا قدامي وفوسط دارو تبارك الله على ترابيك انتي نيت
سلطان : شد فعصام كيعطيه فكروشيات ) دوي ازا*** فين ولد اختي
نجود: كتحاول تفكو من يدو ) سلطان عفاااك تهدن ماشي بهاد الطريقة كيتحل هادشي
ماجد: من بعد ما خرج نورة وخلاها مرمية فالأرض رجع باغي يفك عصام من بين يدين سلطان

العنوان 🥀عذراء مطلقة🥀
بقلمي انا 🥀سنونة الزاهيري🥀
الفصل الثاني ❤❤لازلت صالحة للحب❤❤
الجزء 125
فوسط هاد الصراع
كانت لوطو ديال مسعود ومعاه سوزي شافو نورة جالسة كتبكي
نزلات عندها سوزي
سوزي: طاتي نورة اش كديري هنا واش وقع ليك
نورة: هئ هئ باك شواني فكبدتي وخوك هز عليا يدو ورماني انا بغيت نعرف ولدي فين كاين ومغنتحركش من هنا تا نعرف ولدي فيناهو
سوزي: تصدمات: واش ماجد هز عليك يدو لا انا مغنسكتش مزال اجي معايا اطاتي دخلي وغتعرفي ولدك فيناهو
نورة: وااش انتي عارفة ولدي فيناهو عتقيني بيه ابنتي انا مزاوكة فيك
سوزي: غي اجي دخلي وغنشرح ليك
شافت فمسعود لي كان باقي كيسمع فحوارهم
مسعود: الا محتاجة شي حاجة نعاونك
سوزي: واقلة غنحتاجك تعاوني ملي غندخل معرفتش ردت فعلهم على هادشي غنقول
مسعود : انا معاك
دخلو
مااجد :غي شاف نورة صعر ) سوزي هااادي لااااش مدخلاهااا هنا هياا راااه كانت كتهدد بابا باغا تقتلو
سوزي: انت بضيط غتسكت حتاااا نسالي كلامي وهدا لي كتقول عليه بابا راااه اكبر مجرم واااش شفتي هااد الضربة لي فراسي رااه هو لي ضربني
كلهم ضارو شافو فعصمان لي كان غي حادر راسو عرف بلي سوزي غتفضحو
سوزي: وكون غي جات فأنو يضرني ويخليني مرمية ويزيد هو راه خطف لنورة ولدها وبدلو ليها مع بنت اخرة
نجود: انتي كنتي عارفة
سوزي: اه كنت عارفة ومن نهار عرفت وهو نافيني مكندخلش لبلاد باش منفضحوش ونزيدكم حتا ماما نهار عرفات هربات ورجعات لروسها وتخلات عليا انا لي بنتها
نورة: فيناهو ولدي دبا
سوزي : هو راه جاب ولدك وخلاه يدخل لعالم ليهربتي بيه خوفا انو يدخل ليه هو راهه غرقو فيه وخلاااه يغرق فالإدمان خرج ليه على حياتو نتاقم منك عن طريقو
نجود وسوزي شافو فماجد حيت عارفينو مدمن
سوزي: مااجد راه هو ولدك هو دمر ليه حياتو وكان كيخلص ضحابو باش يبليوه بليدروك ويولي مدمن
ماجد: تصدم ) سكتي باركة من لكدوب بااارااكاااا
نورة: طاحت لأرض من هول الصدمة
سلطان ونجود مكانوش كيقلو عليها صدمة
اما مسعود : عنيه ولاو حمرين بالأعصاب ولا وجهو حمر زير على قبضة يدو ومشا شد فعصمان كيعطيه فكروشيات
من غير سوزي حتا واحد محاول يوقفو
سوزي: انت ااااش كدير حبس
مسعود: بلا مايشعر ضار عطاها كروشي تا طاحت لأرض ورجع كيضرب فعصمان) انت اولد الق*** سباااب انت لي شتتي لينا عائلتنا بسباااابك مي ماتت وتفرقت على ختي وبسباااااابك ترميت فالخيربة
(لاااا بزاااف على هااد الصدمات كاملين فدقة وحدة 😂😂😂)))
سلطان لي كان باقي شوية بعقلو
حاول يوقفو ) حبس غيموت ليك فيدك انت اش كتقصد وفين كتعرفو
مسعود: دفعو ) خليني ليوم غنشرب من دمو
سلطان: غي تهدن اولدي وشرح ليا مالك
مسعود: خياال راها اختي وبسباب هاد ولد الق**** الفرملية قتلات ليا مي فالولادة وخدات ختي بدلات بيها لولد انورة
سلطان: وانت منين كتعرف خيال ونورة شكون انت بعدااا
مسعود: انا لي غنرون ليكم حياتكم كي رونتو ليا حياتي خيال ختي وبنت ضافر غنرجعهم

العنوان 🥀عذراء مطلقة🥀
بقلمي انا 🥀سنونة الزاهيري🥀
الفصل الثاني ❤❤لازلت صالحة للحب❤❤
الجزء 126
عند خيال
كانت فالفراش ديالها ناعسة غي بدو بياس
حتا جا تخشا حداها فالفراش
خيال: تخلعات قفزات بغات تبعد ) ش ش شكوون انت
اسر: شششوو بشوية متخافيش هدا انا (رجع جرها ليه
خيال: اش جاي كدير عندي هنا
اسر: حسيت بلي توحشتيني
خيال: الصمت
اسر: ادا بصح توحشتيني
خيال: حطات يدها على وجهو وكدوز فيها بحنان
اسر: جر ليها يدها وباسها بحنان كتر
شوية وهيا تقلب عليه تاني
خيال؛دفعاتو) نوض سير عند مراتك اش كدير هنا اصلا
اسر: عصباتو ) جرها ليه بعصبية ) غتسدي فمك وتكمشي نعسي وهنينا بلا منخ*** معك سوايع هاد ليلةجرها ليه بعصبية عنقها ومزير عليها
وهيا كتمخشش فيه بغا تفك منو
اسر: نطق بحدة) رصااي واش مكتعرفيش تنعسي مقادة لاش كترطاااي ديا
خيال: واش ماشفتيش راسك كيف مزير عليا خنقتيني
اسر: مزال غنوري لمك زيار كي داير
خيال: وااش مكتعرفش تعامل مزيان مع الجنس اللطيف ديما هكا مغوبش ومخنخزر
اسر: فيناهو هاد الجنس اللطيف هاد ساعة كيبان ليا غا لي يااالطيف منو هههه
خيال: بعطيك الدوابااان تفو على كنس (كضرب فيه بيدها كل دقة وفين كتجيه) كطلق غا لقرطاااس لعفووو منك لعفوو
عند نورة
من بعد ما خرج مسعود بعصبية خلى لجو متوتر بزااف
نورة: مصدومة انو ماجد لي مكيحملهاش ومكحملوش وهز عليها يدو صدق هو ولدها
ونجود: لي مصدومة من خبت خوها وهادشي لي دار كامل
اما سلطان : كاان خايف و مصدوم كتر منهم وكيقول فنفسو مسعود كفاش عرف بلي بنت ضافر باقا عايشة وخايفو ياخدها منو
ماجد: كانت هادي اكبر صدمة ليه ومتقبلهاش طلع لبيتو عنيه حمرين هز جاكيط ديالو ولي كارط بونكير وخرج
سوزي: شافتو خارج ) ماااجد فين غااادي
مااجد: هاد لخبير ديال لقل*** لي كتخبرو عليا من صباح مشغليش فيه
خرج وخلاهم
نورة غي كتشوف فيه وكتبكي
سلطان شاف فعصمان ) مزال حسابي معاك مسالاش غنسالي لبك ونتبالا بيك
نوض نورة
نجود ناضت عند عصمان ) من ليوم ما انت خويا ما انا ختك مبقات كتجمع بيناتنا غي الحالة المدانية (شافت فسوزي ) بنتي ياله معايا انا مستحيل نخليك مع هاد المجرم
سوزي: شافت فيه بشمأزاز وخرجات مع نورة وشلطان ونجود
خلاو عصمان بوحدو وجهو مبقاش واضح من ضرب لي ضربو مسعود وسلطان ولا كيضحك بهستيريا
عصمان: هاهاهاها انا نتاقمت منك هاهاها سليمان انا لي ربحت هاهاها هئهئ هئ ولا كيضحك ويبكي فنفس الوقت
اكيد هادي هيا النتيجة ديال الشر هادشي كامل لي دار مغيخرجش ليه بالساهل
خرجو وهوما شادين الطريق فصمت
هز سلطان الفون ديالو كيصوني لأسر مكيجاوبش
رجع دوز لابيل ل أمير
امير : جاوبو فالبلاصة ) وااش اسلطان
سلطان: غفران فين كاينة بغيتها دبا تلقاها وتديها لدار ديال جبل
امير: هيا فالوطير غنديها نتلاقاو تما
عند اسر وخيال
اسر: راه كنقول لمك لسانك سليط كتسبي فيا
خيال: باقا كتعالر معاه وكتحاول ضربو ) كتشوفني غي انا شوف راسك انت كتخرج غي سم من داك لفم
اسر: شد ليها يدها وجرها ليها وبدون مقدمات عنقها وهمس ليها فودنها ) انا كنبغيك
يتبع

Leave a comment