Skip links

عذراء مطلقة 2

 8,720 عدد مشاهداات

العنوان 🥀عذراء مطلقة🥀
بقلمي انا 🥀سنونة🥀
الفصل الاول 💣لست بضاعة مستعملة💣
الجزء 25
امير ؛ هداك هو اسر طبعو قاصح بزاف
جابو ليهم لغدا
خيال؛ (قطعات واحد الطرف ديال الحوت وداتو ليه لفمو) هاكا دوق هدا زوين بزاف
امير؛ امم هادشي عندكم ناضي لي شاف لبلاصة يحكرها
عند اسر
وصل لوطيل صاعر حيد حوايجو ودخل لدوش تحت الماء البارد معصب ومفاهمش راسو هو اصلا علاش كيدير هكا
اسر: مغندوزهاش ليك بالساهل(دوز الأبيل لكاتبة ديالو ) ديك الفام دميناج من غدا غتكلف بالبيرو ديالي من غيرو لا قطع الأبيل ) غندمك
رما طيلي وتلاح فوق الماطلة
عند عقيل ؛
وقف بتيماكس ديالو حدا باب الشركة شافو سيمو وجا عندو
سيمو؛ شكدير هنا اصاط
عقيل؛ جيت نشوف خيال ونوصلها لدار
سيمو؛ خيال مكيناش خرجات قبايلا مع مول شي
عقيل؛ محسش على راسو حتى شنق عليه ) كيفاش خرجات مع مول شي اش باغي تقصد
سيمو ؛ كيحاول يتفك منو ) راه كلشي باين خيال باينة بغات دير بلاصتها هنا
عقيل؛ طلق منو وكسيرا بالمطور حتى بعد شوية وهو يوقف جبد الطيلي ديالو دوز الأبيل لخيال) انشوفو اش كطبخي اخيال
جاوباتو فاابلاصة
عقيل؛ بحدة ) فييييينك
خيال؛ انا حدا لبحر
عقيل: معاامن
خيال؛ عقيل مالك بحالا كتحقق معايا
عقيل؛ مزال مجاوبتي معامن
خيال؛ انا عند با دريس اجي وشوف بعينيك انا معامن اووف قطعات عليه
عقيل كسيرا نيشان لعندها
عند خيال
اووف هدا مالو عمرو هضر معايا هكا
امير؛ مالك
خيال: هدا خويا عقيل معرفتش مالو سمحلي مي راه ايجي عندنا دبا
امير ؛ عادي غيكون خايف عليك
وصل عقيل شافها من بعيد وشاف امير عرفو
وقف عليهم بلا سلام
عقيل ؛ خيال اجي معايا ) شاف فأمير وجرها
خيال؛(حتى بعدو ) اش كدير واش حماقيتي حشمتيني مع السيد
عقيل؛ راه هادشي لي باغي نسولك شكديري معاه هنا واش انتي مشيتي تخدمي ولا تجمعي فالقهاوي
خيال؛ عقيل واش خرج ليك لعقل راه سيد عرض عليا لغدا مور ماساليت خدمتي واش مكتيقش فيا الغلاط لي داز عمرو ايتعاود
عقيل؛ خيال انا تايق فختي مي بحال هاد النوع راه ماشي ساهل
خيال: مكاين لا نوع لاوالو ودبا اجي تغدا معانا ونمشيو بزوج
رجعو عند امير من بعد ما عتاذر ليه عقيل على التصرف ديالو
امير: هادشي عادي كيوقع ليوم الفينال عند ياك واقلة كان خاصك تكون كدرب دبا
عقيل: نهار كنكون لاعب مكندربش بزاف كنبغي نكون مرتاح
امير: نتمنى ليك التوفيق غتحضري اخيال
خيال؛ محااال داك نهار كون صاقت ليا نورة لخبار كون ليلتي متكملش هههه
عقيل ؛ من احسن بلاش نيت
عند نورة
داتها عينيها وهيا كتفكر فدكرياتها مع عائلتها فاقت عيانة
جمعات دار وخرجات تقدا
كانت عند الخضار حتى وقف عليها
احمد : (الكوميسير عقلتو عليه ) مدام نورة فرصة زوينة هادي
نورة:(مع ابتسامة ساحرة ) اهلا سي احمد اش كدير هنا كنضن نتا ماشي من هاد الدرب
احمد؛ خصارة حيت ماشي من هنا اما كون عرفتك شحال هادي
نورة؛ (توترات من كلامو ) فرصة سعيدة هادي نخليك اسي احمد خاصني نرجع لداري
احمد؛ سمحيلي واش ممكن نعاود نشوفك مرة اخرة
نورة؛ الا جات شي فرصة مرحبا

العنوان 🥀عذراء مطلقة🥀
بقلمي انا 🥀سنونة🥀
الفصل الاول 💣لست بضاعة مستعملة💣
الجزء 26
خيال وعقيل من بعد ما تغداو مع امير رجعو لدار ملقاوش نورة وجلسو كيسناوها كيحساب ليهم عندها شي عرس تاني
حتى تفتح لباب
نورة ؛ كتلهت ) جيتو كي اه اه كي دوزتي نهار الخدمة
خيال؛ داز مزيان اماما
نورة؛ شافت فعقيل فين وصلتي انت فالكومبات ديالك
عقيل : لبارح ربحت وتأهلت ليوم لفنال
نورة : اوا هاد المرة وجهك مامفرشخش ماعرط كي جرا
عقيل؛ ههه حيت خيا
خيال؛ عرفاتو اش غيقول وتداركت الموقف) عقيل
عقيل حس على راسو
نورة: ااش بغيتيه انتي
خيال ؛ اه ااهاااه البوطة البوطة اماما تسالات
عقيل: انمشي نعمرها
عمر لبوطة ورجع لدار
عقيل : انا انمشي خاصني نحضر بكري
نورة : الله يوفقك اولدي نشاء الله اتربح وتولي بطل كبير
خيال ؛ عنقاتو ) اصلا هو بنسبة لينا بطل وبطل كبير
عقيل ؛ عنقهم بزوجات) شنو كنت اندير بلا بيكم انا باس لنورة راسها انتي راك الواليدة تانية عمرني حسيت باليتم وانا معاكم
نورة : حنا معندناش من غير بعضياتنا اولدي
خيال: اهئ هئ الله يخلينا لبعضياتنا
عقيل ؛ ههه سكتي البكاية انا مشيت
نورة؛(موجها كلامها لخيال بتوتر ) تلاقيت مع لكوميسير لي تكلف بالقضية ديالك
خيال؛ (بدهشة ) فين تلاقيتيه
نورة؛ كنت عند الخضار تاوقف عليا معرفتو منين خرج
خيال: كون غي عرضتي عليه اماما نضايفوه راه وقف معايا
نورة؛ هادشي لي بان ليك
خيال؛ كون ما هو كون راني باقة نتجرجر فالمحاكم
نورة ؛ صافي انوجد لعشا وانتي تاصلي بيه يجي يتعشا معانا
عند اسر
كان فالوطيل هو وامير
اسر :(من قبايلا وهو ساكت مقدرش يتحمل ونطق) شنو علاقتك بديك الفام دميناج
امير؛ هاد ساعة مزال مكاين والو وغمزو
اسر: هيا تقدر تكون شي حاجة من بعد
امير؛ معرفتش ممكن رتاحيت ليها بريئة وبسيطة وانت عارفني معنديش مع دوك صحبات لبروتوكول بحال جووليا
اسر؛ (حس بدمو كيغلي مقادرش يفسر شنو واقع ليه وعلاش مهتم بيها لهاد الدرجة ) ناض وخلاه بلا مايجاوبو
عند سيرين
كانت خارجة من واحد العملية لي كانت صعيبة حتى تلقات ليها واحد البنت فالعشرينات
** عفاك قولي لي نجحات العملية غيرجع لحياتو الطبيعية
سيرين؛ سمحيلي مي منقدرش نعطيك تقرير نهائي العملية نجحات نتسناوه يفيق و نشخصو حالتو
**** هئ هئ ديري لي فجهدك ادكتورة عفاك منقدرش نعيش بلا بيه هو كلشي فحياتي
سرين ؛ غيكون خير غي تهدني ) مشات وخلاتها
بدلات حوايجها وهزات تيلي دوزات ابيل
سرين: محتاجة هاد ليلة بزاف دوزت عمليه صعيبة متوترة دبا خاصني نرتاح بغيت نلقا كلشي واجد مغندوزش لدار
قطعات لخط وتوجهات لمجهول

العنوان 🥀عذراء مطلقة🥀
بقلمي انا 🥀سنونة🥀
الفصل الاول 💣لست بضاعة مستعملة💣
الجزء 27
عند عقيل كان كيمارس تسخينات على صوت المدرب ديالو لي كيشجعو
المدرب ؛ هاد الكومبا راها الحلم بالنسبة ليك فكر فداكشي لي داز عليك فكل مرة خسرتي فكر بلي هاد الكومبا غتبدل حياتك غتوصلك الأحلام ديالك كلشيايولي يجري مراك ركز مع الهدف ديالك
عقيل: وهو ديسمع لمدرب ديالو رجع بداكرتو لور
#فلاش باك
قبل 16 عام كانت عندو 10 سنين
كان لاعب كورة مع صحابو حتا جات عندو نورة كتقلب عليه
نورة: (كتبكي دموعها شلال عنقاتو و طاحت على ركابيها ) هئ هئ هئ مشاااات مشاااات لحنينة مشاااات اولدي مشااااات لحنينة وتيتمنا فيها مشاااا جبل لي كان حامينا وخلانا اعععع الله ياربي اش هادشي كيدوز عليا
عقيل : مفاهم والو ) نوارتي هئ هئ علاش علاش كتبكي
نورة: متبكيش اولدي انا عمرني نفوتك انت راك ولدي حتا انا هئ هئ مليكة و سي محمد عزانا وعزاك واحد فيهم اولدي خوووتي مشاااو اولدي
عقيل : ههه لا لا راه غي سافرو عند عمي غيرجعو فالعشية
نورة: ولدي حضر عقلك هئ هئ تقلب لكار لي مشاو فيه وجات خبارهم
عقيل (الصمت )
نورة : جراتو من يدو وغدا كتجري لدار هزات خيال ومشات لسبيطار دموعها محابسينش لقات عم عقيل و مراتو وقفو على الاجراءات وخرجو الجتت
داز لعزو وحيت كانو غي كارين عمو هز لحوايج ودا عقيل معاه لبلاد بقات نورة كتمشي ديما تشوفو تبدل ولا حالتو حالة ضعاف ولا موسخ نوضاتها مع عمو وجرا عليها وعلى عقيل معاها وجابتو ورجعات لكازا بقا ساكن معاها ومع خيال وكيقرا حتى دار 16 عام مبقاش باغي يقرا ولا كيتريني ويبركولي فاش ما كان كيخدم عطاتو دار السفلية من بعد ما خواوها لكراية وفرشاتها ليه حتى ولا كيخدم مبقاش بغا يسكن فابور
ولا كريها عندها
نهاية فلاش باك
عقيل ؛ غنوصل وغنربح هدا وعد مني انوارتي
#امير
كان عاد فايق من النعاس هز تيلي ديالو كيدوز فتصاورها معاه وكيشوفها كيف كضحك وكيف كتحرك ملي دارت 15 عام وهو معجب بيها فالوقت لي هيا معتابراه بحال خوها بقا كيشوف وكيفكر كيفاش ولات كتعامل معاه مور ما تقرب منها بقا كيشوف واحد الصورة كانت فعيد ميلادو وجهو مطلي بلاكريم وهيا معنقاه وكضحك
امير؛(بتاسم بلا مايحس ) تبا لها كم اعشقها هههه غتولي ليا بالخاطر ولا بسيف
ناض دوش عليه بالخف وجد راسو وخرج عند اسر
امير: انا غادي لكومبا ليوم الفينال حتى انت اتمشي
اسر : عندي الخدمة مامساليش
امير: هو هدا انا غادي
اسر: ( طاحت فبالو خيال تقدر تكون تماك وتكةن قريبة لأمير بعد تفكير سريع ) بلاتي حتا انا انمشي معاك
امير: (بستغراب) عشنا وشفنا سي اسر ال منصور واخيرا بدل الرأي ديالو فشي حاجة ههههه
اسر: (معجبوش لحال ) الا مسكتيش اندير بناقص (فنفسو كلشي منك الق*** مي غتخلصي على كلشي )
(هههههع انت لي غتخلص وغتخلص بزااااف اسي اسر )
امير: هاهو ساكت
عند غفران
كانت شادة تيلي ديالها كتشوف فيه وتهضر مع نفسها
غفران ؛ نتاصل بيه امممم لا لا علاش مايتاصلش هو اوووف مشا ومسولش فيا ياربي بغيت غي نعرف علاش قرب مني هكداك غنتاصل بيه
قاطعها من لور
مؤيد: متحتاجيش تاصلي بيا انا جيت اصلا
غفران: (توترات مدات ليه يدها ) اممم ههه مرحبا مسيو عمراني
مؤيد : توتو تو شنو قلنا بلاش الرسميات (شاف فالساعة ديالو ) وقت لعشا هدا انا عارضك
غفران: سمحلي من…
مؤيد : مغنقبل حتا عتراض (جرها وهز ليها صاكها ) وخرجو

العنوان 🥀عذراء مطلقة🥀
بقلمي انا 🥀سنونة🥀
الفصل الاول 💣لست بضاعة مستعملة💣
الجزء 28
عند نورة وخيال
نورة : (كانت فالكوزينا وغارقة فالتوجاد لعشاء لي عارضين على احمد وباش يحتافلو الا فاز عقيل ) خيال فينك
خيال: ماما راني كنجمع فالصالون انا جايا
نورة: (جات عندها خيال كتوجد البسطيلة ) غتمشي تزيدي كروفيت وسيبيا وكلامار هادشي قليل والا ربح عقيل جيران كاملين ايدخلو يباركو وهادشي ما ايكفاناش
خيال؛ صافي انزل لمارشي دغيا نجيب كلشي ونجي
نورة: ردي لبال لراسك وتاصلي بسيد فالطريق
خيال: صافي واخة ) لبسات جلابتها وهزات تيلي وكارت فيزيت ديال احمد وتاصلات بيه) الو سي احمد الكوميسير هدا
احمد؛ هو هدا كاين مانقضيو
خيال: انا انا خيال خيال ال منصور كنتي تكلفتي بالقضية ديالي مؤخرا
احمد ؛ ااه اه مرحبا بنتي كي بقيتي مزيان
خيال ؛ الحمد الله والفضل كلو كيرجع ليك هدا علاش بغينا نشكروك انا وماما وعارضينك لعشاء عندنا ليوم الا كان عندك الوقت
احمد؛(بفرحة) تبارك الله عليك ابنتي مكان لاش تعدبو راسكم
خيال؛ مرحبا بيك خيرك صابق علينا اسي احمد
احمد : ان شاء الله ندوز عندكم
خيال: انسيفط ليك العنوان
قطعات عليه وسيفطات ليه العنوان فمسج
كانت كتمشا بالزربة حتى وقف عليها سيمو
سيمو: فين غدا اخيال
خيال: خاصني نمشي لمارشي ديال الحوت
سيمو : ياله نوصلك حسن ما تمشاي على رجليك
خيال: (كتهرب منو حيت عارفة باش كيحس من جيهتها ) مكاين لا انا بغيت نتمشى شوية
سيمو: راك اتعطلي والمارشي باقي بعيد
خيال: (من بعد تفكير) واخة صافي
ركبات وراه وهو كسيرا لمارشي
عند اسر
وصلو لقاعة الرياضية كيقلب عليها بعينيه والو مبانتش ليه
دازت الكومبا لولة وهو غي كيسنا تبان ليه
اسر : (فنفسو) واش انت ديال هادشي القل*** شكتخور دبا شكتخور ) امير انمشي نتشاوفي ملي ترجع
امير : مركز مع الكومبا ) مشات
اسر؛ وهو خارج جات عينو على عقيل مع المدرب ديالو )
المدرب؛ علاش مجبتيش خيال معاك كانت وجه سعد علينا لبارح
عقيل؛ خيال حنينة لبارح فاش طحت تأترات بزاف مبغيتهاش تشوفني هكاك مرة اخرة
المدرب ؛ عادي تأتر راها كتبغيك …انتوما كتر من لخوت
اسر: غي سمع ديك كتبغيك صعر وزاد قبل مايكمل المدرب كلامو كسيرا بلوطو ديالو بقا غادي مكسيري ومعارفش فين غادي ) فااااك علاااااش علاااااش هاد لقلاااااوي كامل علاااااش
وتموت كاع انا مااااالي مشا لحدا لبحر شاد السيكار ديالو كيكمي على الله يتكالما مقادرش يفسر هادشي لي واقع ليه
عند خيال
مشات تقدات داكشي لي خاصها وسيمو معاها ورجها حتا لباب دار
شافتو مو وهو معاها عيطات ليه مشا لعندها
حليمة : ام سيمو مراة حنينة بزاف) ولدي شفتك مع خيال قبايلا
سيمو: عفاك الوليدة متبدايش تاني
حليمة : اولدي الله يهديك نساها عليك نساها خيال عمرها مغتبغيك وانا مبغيتش يتعاود ليك تاني داكشي لي داز عليك
بحرا قلت بديتي كتقبل بلي هيا مزوجة ومغتكونش ليك هانتا تاني بديتي ترجع لور
سيمو: علااااش مغتبغينيش علااااااش انا شنو ناقصني انا حسن منو حسن من هداك ربيع لي تكرفص عليها
حليمة : كل واحد ومكتابو اولدي حاول تقبل هادشي
سيمو: بغا يبدل الموضوع ) خاصني نشوف واش عقيل غيربح ليوم نخليك الواليدة

العنوان 🥀عذراء مطلقة🥀
بقلمي انا 🥀سنونة🥀
الفصل الاول 💣لست بضاعة مستعملة💣
الجزء 29
عند عقيل
كان كيوجد يدخل لكومبا عنقو المدرب ديالو
المدرب : هادي فرصة العمر ديالك جيبها بكل قوتك ومتنساش تكتيك لي علمتك
عقيل: ان شاء الله مربوحة
دخل تحت تشجيعات الجمهور لي كان منهم امير
عقيل وقف كيشوف فالخصم ديالو لي كان ضخم طويل وغليض على عقيل
عقيل: (فنفسو ) حتى حاجة مغتوقفني
تسالمو بروح رياضية
بدات الكومبا بدرون صابق اندار تلاح عليه الخصم ديالو كيضرب فيه ويقول ماضربت كيعطيه كروشيات لوجهو
وعقيل غي كسطاكي على وجهو ضربة تجي فيه وضربة فيديك لي كيطاكي بيها
الخصم ؛ كان صاعر حيت عقيل مقاوموش حتى جا فكو منو الحكم ملي سلات الجولة لولة
المدرب ؛ كينش على عقيل وعطاه لماء يشرب) حاول دخر القوة وجهد ديالك حاول متعياش حتا دوز الجولة تانية
دق الجرس كيعلن على بداية الجولة تانية
ونفس شيء عقيل كيحاول يتصدا لضربات الخصم ديالو لي بدا كيعيا من قوة الحركات لي كيدير
سلات الجولة التانية
وبدات الجولة تالتة
دخل عقيل واقف على رجليه فالوقت لي الخصم ديالو قوتو بدات كضعاف وسخفان تلاح عليه ضربو بمرفقو لكتفو ولواه ليه حتى تسمع صوت عضامو كيتهرسو
كلشي كان كيشجع والخصم طاح كيبكي وهو متألم
الحكم ونزل لمستواه كيعطيه اندارات باش يوقف ويكمل الجولة ولا يستسلم
عقيل واقف وكيشوف فيه
الحكم علن على ستسلام الخصم وفوز عقيل لي مع اعلان الفوز ديالو تكنا عند الخصم ديالو وعاونو باش يوقف بكل روح رياضية
عقيل: سمح ليا مي كان خاصني نربح
الخصم ؛ اممم اه حتى انا فبلاصتك كنت ندير نفس شيء مكتابة ليك مبروك
تسالمو وبداو احتفالات بفوز عقيل وكلشي كيعنق فيه ويسلم عليه وفرحانين بيه جا عندو امير
امير: عنقو مبروك عليك اصاحبي
عقيل: شكرا بزاف اخويا
امير : كيف قلت ليك مرحبا بيك عندي بيناتنا تيلي
عند خيال
كان احمد ياله وصل لعندهم رحبو بيه
نورة: (مع بتسامة ساحرة) مرحبا بيك اسي احمد
احمد؛ باراك الله فيك
خيال: علاش مجبتيش معاك عائلك كنقصد مراتك وولادك
احمد.؛ ههه انا ممزوجش ابنتي وهبت حياتي كاملة لخدمة حتى فاتني تران
نورة: لاواه متقولش هكا
سمعو دقان وشطيح نايض
كان درب كامل كيشطحو ويغنيو فرحانين لعقيل ودقايقية خدامين
ناضت خيال فتحات لباب لقات سيمو هو لي كان كيدق
سيمو : فرحي فرحي اخيال عقيل هو لي داها
خيال: الصدمة والفرحة و دموع تخلطو ليها ) ماماااااا عقيل رباااااح ربح
نورة ناضت كتجري عندها ؛ ودزغرت ؛ يويويويويويويو وكلشي كيعنق فيها ويباركو ليها بالنسبة ليهم نورة راها الام ديالو ولو ماشي هيا لي ولداتو فرحانين خلاو احمد فبلاصتو ما فاهم والو ناض حتا هو تبعهم نزل لعندهم
غي شافوه ولاد الدرب وهوما يسقلو وحبسو الشطيح حيت عارفينو الكوميسير
وهو مفاهم والو
نورة ؛ مالكم علاش حبستو مابغيتوش تفرحو لخوكم
سيمو : همس لخيال فودنها ) لكوميسير اش كيدير عندكم
خيال: اااه ويلي ماما نسينا سي احمد
نورة ؛ عاد تفكراتو مشاو لعندو
خيال: سمح لينا مع الفرحة نسينا راه عندنا ضيف
احمد ؛ علاش هادشي كامل وعلاش دراري سكتو
سيمو: شاف راه غي فرحانين لولد دربنا دا البوطولة هدا مكان
احمد: اوا علاش سكتو وحبستو شطيح هدا ولدنا دا البطولة وشرفنا وشرف لبلاد ياله كملو
دراري بداو كيشطحو
حتى وصل عقيل نزل من لوطو ديال المدرب رماو عليه دراري الراية وهزوه فوق كتافهم وفرحانين بيه وكيغوتو ويغنيو
شاف فنورة كيف شادة واحد القنت وكتبكي قال لدراري ينزلوه
مشا لعندها
عقيل ؛ علاش كتبكي بلعكس خاصك تفرحي انا ربحت وعلى قبلك وعلى قبل خيال
نورة؛ عنقاتو دموع الفرحة هادو فرحانة بزاف كيف كنشوفك عاد البارح خلاتك المرحومة غي صغير ودبا كبرتي وليتي راجل وبطل
عقيل : باس ليها راسها وخيال حتا هيا عنقاتهم وجرات عقيل كتشطح معاه وهوما فرحانين
واحمد شارك معاهم هاد الفرحة وحتافلو فجو عائلي جيران كاملين تعشاو معاهم ومشاو فحالهم
احمد حتا هو بغا يمشي فحالو رافقاتو نورة لعند الباب
نورة : غي سمح لينا اسي احمد معطيناكش وقتك الكافي نعاودوها مرة اخرة نشاء الله
احمد ؛ بالعكس انا حسيت راسي وسط عائلتي لي معنديش كنت مرتاح وفرحت لعقيل من قلبي
نورة؛ ربي يخيك اسي احمد
احمد: (كيتفتف) لالاة نورة بغيت نشوفك فشي بلاصة ونهضرو على انفراد الله يخيك الا كان ممكن
نورة: علاش واش شي حاجة كتعلق بخيال
احمد ؛ لا لا موضوع خيال سالا بغيتك فحاجة اخرة واش ممكن نتلاقاو غدا فالصباح
نورة؛ جاها لفضول تعرف شنو بغاها هدا علاش وافقات وتافقو فين ايتلاقاو

العنوان 🥀عذراء مطلقة🥀
بقلمي انا 🥀سنونة🥀
الفصل الاول 💣لست بضاعة مستعملة💣
الجزء 30
صبح صباح جديد
فاقت خيال متوجها لخدمتها
مع وصلات تلقاتها الكاتبة
الكاتبة : انتي غتكلفي غي بالمكتب ديال المدير سوايع ديال الخدمة كاملين ادوزيهم تماك نقي لبيرو مزيان ولي خصاتو انتي اتكلفي بيها
خيال: واايلي دبا انا اندوز نهاري كامل مقابلا مع داك الكمارة
الكاتبة: جمعي راسك هداك راه ممعاهش لعب لي بغاها ظيرسها وسكتي (مشات وخلاتها
حتا هيا توجهات لفيستير بدلات عليها
وهزات مواد التنضيف فالكروسة المخصصة ديالهم ومشات لمكتب ديال اسر لي كان باقي موصل
خيال : مزيان ملي مكاينش نخدم بعدا فراحتي دوك شوفات عندو بحال الرصاص تفو
كانت كتنضف كتى تفتح عليها لباب بحال لعجاجة
خيال: كتهضر غي بشوية تفو على متوحش كون غي هرستيه حسن
اسر: جلس فوق الكرسي ومقابل معاها ن(ناوي يشطحها هاد النهار هيا لي اتشطحك ابب 🤣🤣) نطق بصوتو الخشن ) جيبي ليا قهوة
خيال: كتحاول تحكم فراسها باش متخسرش خدمتها ) واخا
اسر: ماشي هكاك غتقولي واخا مسيو اسر
خيال(بنفاخة ) واخا مسيو اسر
اسر : بحالا كتنفخي
خيال: اشنو ياكما بغيتيني نلحنها ليك مثلا
(خرجات تجيبها قبل متينوض ليها )
جابت ليه القهوة حطاتها قدامو ورجعات تكمل خدمتها
خيال: كملت خدمتي اسي اسر الا كنتي مامحتاج تاحجة انمشي
اسر: هز ديك القهوة وخواها فالارض ) مزال مكملتي نضفي هادشي
خيال: ولاكين علاش علاش درتي هكا انا كملت
اسر: بعصبية ) هادي راها خدمتك كمليها وبلا زيادة فالهضرة
خيال رجعات كتنضف فديك القهوة وكتحاول تصبر راسها
اسر : ملي شافها كملات ناض لعندها وهو كيتمشى بخطوات تابتين جرها لعندو وقفها) شنو كاليك كرك لبارح لي خرجتي مع امير كتحدايني
خيال: اول حاجة هاديك حياتي وانا حرة فيها تانيا امير مغنتفرقش عليه ولي فجهدك ديرو
اسر: جمعها معاها بصقلة خلاها مصدومة ) الا كنتي ناوية تلعبي معايا نبشرك لعب معايا قاصح عليك انا قود من هادشي لي شفتي
خيال ؛ كتحبس دموعها غي بزز؛ شكووون انت باش تهز عليا يدك لمسخين
اسر : بدون سابق اندار جر وجها بين يديه وحط شفايفو على شفايفها كيجر فيهم بقوة وبحنان فنفس الوقت
وهيا كدفع فيه لاكن قوتها مكانت كافية حتا هزات واحد السطل متوسط كانو مخلطين فيه مواد التنضيف وخواتو عليهم بزوج
اسر : مع تخوا عليه داكشي حس علا راسو اش لاكن قبل ميستوعب شنو داكشي
خشات ليه خيال راسو فالسطل
ودفعاتو وخرجات كتجري لبسات بزربة
عند نورة
فاقت وجدات لفطور ونلاتو عند عقيل فيقاتو وتسناتو حتى دوش وفطرو بزوج
نورة: جيب لي دوا نداوي ليك جروحك قبل مانخرج )
جاب ليها الدوا وتكا وهيا حدا راسو كديوي ليه فجروحو
عقيل: ربحت 30 مليون انوارتي ترفحت
نورة: ههه بصحتك انت تستاهل اش ناوي دير بيها
عقيل؛ معرفتش واحد صاخبي فكازا عندو ريسطو وكيقلب على شريك كيبان ليا ندخل معاه انا
نورة؛ مزيان هكاك دير علاش ترجع هادشي راه مدايمش ليك
عقيل : هادشي لي غندير مي حتا نخلص لخيال ليكول ديالها مبغيتهاش تبقا خدامة خاصها ترتاح
نورة؛ بيناتكم انا راكم عندي بحال بحال مهم انا انخرج دبا عندي واحد الغرض
طلعات لدار وجدات راسها ولبسات جلابة انيقة جاتها زوينة وخرجات عند احمد لي كان كيستناها على احر من الجمر فواحد الكافي
وصلات سلمات عليه بيدها وجلسات طلب ليها عصير ديال لفريز وهو كان ديجا طلب قهوة
احمد ؛ لالة نورة مكاين لاش نبدا ندخل ونخرج فالهضرة غنجيك نيشان انا عجبتيني وناوي معاك المعقول والحلال انا عشت حياتي كاملة بوحدي وعمرني فكرت فالزواج حتى جات عيني فعينيك مباغي لا نتفلا ولا نضحك عليك انا ناوي المعقول الا انتي وافقتي
نورة ؛(تصدمات منووبقات غي ساكتة )
احمد ؛ لالة نورة انتي باقة صغيرة وترملتي هادي 20 عام عطيني هاد الفرصة ومغتندميش راجلك الله يرحمو متدفنيس راسك حتا انتي
نورة؛ سمح ليا خاصني نمشي ) ناضت بغات تمشي فحالها حتا شدها من يدها
احمد ؛ نمرة ديالي عندك فكري مزيان والا وافقتي صوني ليا

العنوان 🥀عذراء مطلقة🥀
بقلمي انا 🥀سنونة🥀
الفصل الاول 💣لست بضاعة مستعملة💣
الجزء 31
اسر : حيد داك سطل خبطو مع لحيط كيشوف فحالتو كي ولات كلو فازك ) غنربيك حيت ناقصة فالترابي البرهوشة طلقت ليك لعب
دخل امير بقا كيشوف فيه كيف جامد وحالتو حالة
اسر : من احسن متنطق بحتا كلمة والا غنغلط فيك
امير: لمنضر ديالو جاب ليه الضحك حابسها غي بزز ) امممخخم لقينا عمتي
اسر: نمشي لوطيل ندوش ونمشيو عندها
امير: نعلم الحاجة راه كل مرة كتسول
اسر : من احسن بلاش حتا نتأكدو
خيال وصلات لدار كترجف خايفة منو
طلعات دوشات وجلسات كتسنا فنورة حتا جات
وجدو لغدا كيتغداو وخيال مسدودة ليها الشهية ونورة غي كتفكر فكلام احمد
جا عندهم عقيل
نورة ؛ نحط ليك غداك
عقيل : لا تغديت جيت غي نقوليكم انمشيو نتعشاو على برة ليوم انا عارضكم
خيال: هيا بغيتينا نحتافو غي وحدنا
عند اسر
من بعد ما دوش وبدل عليه خرجو هو واسر كل واحد فلوطو ديالو مع لوطو ديال الكارد
وصلو لدرب كيبانو بحال شي عصابة كلشي كيشوف فيهم نزلو لكارد طوقوهم ونزل اسر هو لول مشا نيشان لعنوان لي عطاوه امير نزل بقا حدا لوطو ديالو كيستكشف المكان لبنات غي حالين فامهم فيهم والعيالات كيبرككو
نورة :كانت فبيتها ملي سمعات الدقان ) خيال شوفي شكون فالباب
نزلات خيال غي فتحات لباب هنا كانت الصدمة لطرفين
اسر ؛ مصدوم وهو كيشوفخا قدامو وهيا مصدومة كتر منو
خيال ؛ بخوف بغات تسد الباب وهو حبسها بيدو بقات كدفع فيه حتا حتا زدات ليه صبعو مع لباب وحيد يظيه سدات لباب وطلعات كترجف
نورة ؛ شكون دق اخيال
خيال : اه اه حتا واحد غي واحد السعاي راه مشا فحالو
نورة ؛ مالك معطيتيه والو (رجع الدقان تاني لاكن بوتيرة قوية هاد المرة )نزلات نورة فتحات لباب مدغي شافتهم بزوج و هيا التانية وسعات عيونها ولات كطلع النفس بصعوبة حتا غابت عن الوعي
اسر وامير: عرفوها من الشبه لي كيجمعها بالحاجة
هزها اسر وهو باقي مافاهم والو
غي شافتها خيال وهيا تغوت
خيال؛ اش درتي ليها انت هئ هئ حرام عليك حرام عليك هيا مقاصتك فوالو اش بغيتي عندنا لاش تابعني حتا لهنا (كتغوت وكدفع فيه وهو مصدوم ومفاهم والو باقي مستوعب انها قدامو
جرها امير
امير: خيال خيال تهدني تهدني حنا مغنأديوكش انتي اش كديري هنا
خيال: واش من نيتك نتوما لي اش كديرو هنا هادي داري ضارت عند نورة ) ماما عفاك فيقي اش وقع ليك
امير: شاف فاسر لي باقي على حالتو )ادن هيا ولدات بنت ماشي ولد

العنوان 🥀عذراء مطلقة🥀
بقلمي انا 🥀سنونة🥀
الفصل الاول 💣لست بضاعة مستعملة💣
الجزء 32
خيال ؛ (جابت قرعة ديال البارفام كتشم فيها لنورة ) ماما عفاك فيقي سمحيلي ديما كنطيحك فالمشاكيل هئ هئ (شافت فاسر ) عفاك سيرو من هنا انا انعتادر منك وعمرك تولي تشوف كمارتي هئ هئ عفاك ماما معندها دخل متأديهاش هئ هئ
اسر: غي مصدوم ومكينطق بحتا كلمة
امير : تحرك لعندها) خيال تهدني غتفيق ماماك وغتشرح ليك انتي معندك حتا دخل هيا غي تصدمات شوية وغتفيق تهدني
شافو نورة بدات كتحل فعيونها
خيال؛ الحمد الله ماما فقتي اش وقع ليك
نورة : غي حلات عيونها شافتهم بدات كتبكي ودموعها شلال
خيال: ماما عفاك متبكيش هئ هئ متبكيش عفاك
نورة : كتبكي فصمت ناضت دخلات لبيتها وسدات عليها بلا حتا كلمة ) هزات لماطلا جبدات من تحتها مجموعة ديال الجرنالات وكتشوف فتصاورهم وتبكي
خيال: شي واحد يشرح ليا اش واقع علاش ماما مقالت والو ملي شافتكم وسط الدار
امير: غي صبري وغنشرحو ليك (شاف فأسر بمعنا سير لعندها
اسر : فتح على نورة لباب لقاها شادة دوك الجرنالات وكتبكي مشا جلس حداها
نورة : نطقات وسط دموعها ) انت هو اسر ولد خويا سلطان هئهئ هئ انا لي ختاريت ليك هاد السمية كنتي صغير بزاف
اسر: علاش حرمتينا منك هاد سينين كاملة حرمتينا من كلمت عمتي اعمتي
نورة؛ هئ هئ ماشي لخاطري اولدي ماشي لخاطري
اسر؛ الحاجة مبقاتش قادة على فراقك
نورة: هئ هئ هيا لي رسلاتكم
اسر: ناض جرها لعندو وعنقها كيسكت فيها ) ششش متبكيش دموعك غالين اعمتي
نورة: الله ياولدي هئ من ديما كنت مفكراكم وكنشوف تصاوركم
اسر: امير كيتسنا فينا لبنت لي برا واش بنتك
نورة: اه هاديك بنتي خيال
اسر: كان كيحساب لينا ولدتي ولد
انخرجو عندهم
نورة مع خرجات من لبيت تلاحت على امير معنقاه وكتبكي
امير: علاش كتبكي حنا اخيرا انتجمعو
بعدات عليه) شاف فيها مزيان ) مكانش كيحسابلي عندي عمتي زوينة حتا لهاد الدرجة
خيال؛ كيفاش عمتك شرحو ليا اش واقع
نورة: بنتي تهدني هدا اسر ولد خويا سلطان وهدا امير ولد خويا رشدي
خيال؛ مصدومة ) دبا امير ولد خالي وهدا (كتنعت فاسر ) حتا هو ولد خالي
اسر: هدا سميتو اسر
نورة: واش انتي كتعرفيهم
خيال: ماما حنا عندنا غي بعضياتنا حنا معندنا عائلة فين كانو شحال هدا فين كانو ملي كنا مكنلقاو مناكلو فين كانو هاد خوتك ملي كان خاصنا لي يحمينا فين كانو ملي كان ربيع كل نهار كيتعدا عليا فين
نورة؛ تهدني وغنشرح ليك
خيال: واش عارفة هادو شكون هادو هوما لي كنضل نمسح ليهم وسخهم هادو هوما لي كنخدم عندهم فالميناج اماما
نورة؛ غنشرح ليك ابنتي غي بردي
امير: خيال غي بشوية عليك ماماك راها عمتي حنا مكناش عارفينك واش بنت عمتنا
نورة: جلسات فوق سداري) فاش مات باباك عرفت راسي حاملة بيك وكان كيحسابلي غنولد ولد خفتو يتبع طريق باه وخوالو وهادشي علاش هربت وقت ليهم ميقلبوش عليا خفتك تبعي طريقو ونتحرم منك حتا انتي
خيال؛ علاااااش لكدووووب علااااش بابا مات حيت كان مريض
نورة: نورة كدبت عليك لمصلاحتك
خيال؛ مصلاحتي هيا نسكن وسط هاد الدرب كلشي يهضر فيا ونتزوج بواحد ديما يتعدا عليا كون بقيتي وسط عائلتك مكنتش انتعدب هاد لعداب كامل علاش فكرتي غي فراسك مفكرتيش فواليديك علاش كنتي انانية علاااش
نورة ؛الصمت
اسر؛ سمعها قالت نتزوج زادت صدماتو كتر
خيال؛ انا مبقيتش قادرة نتحمل هادشي كامل بزااااف على نهار واحد نعرف فيه هادشي كامل بزاااف
خرجات كتجري من دار
نورة ؛ خيال خيال في غداااا
امير؛ خليك انتبعها نرجعو بزوج (خرج موراها كيجري
اسر : واش خيال مزوجة
نورة ؛ تقريبا شي شهر دبا باش طلقات
اسر؛ هيا علاش طلقات واش زوجتيها بزز منها
نورة؛ هئ هئ عمرني بززت عليها شي حاجة كانت كتبغيه وتزوجاتو تخلات على قرايتها ولو رفضت الحب عما عيونها وبغاتو من بعد ولا كيتعدا عليها ويعنفها
اسر: ركز غي على كلمت كتبغيه وتزير) هيا غي تصدمات بهادشي لي وقع غي تهدن وترجع
عند خيال بقات غدا كتجري ومعارفاش اشمن طريق شادة حتى وقفها امير
جرها لعندو وعنقها
خيال: هئ هئ انا عشت ديما محروما من عائلتي ديما كنت كنحس براسي بوحدي الدفئ ديال العائلة لكبيرة عمرني جربتو من غير ماما وعقيل
كنا ديما وحدنا

العنوان 🥀عذراء مطلقة🥀
بقلمي انا 🥀سنونة🥀
الفصل الاول 💣لست بضاعة مستعملة💣
الجزء 33
امير ؛ كلشي سالا وغترجعو معانا حنا مغنخليوكمش
خيال؛ انا غوت عليها ياك هئ هئ عمرني رفعت عليها صوتي اش هادشي درت ياربي
امير: عمتي اتفهمك ومتقلقش منك
ياله نرجعو عندها
عند.عقيل
كان داخل لدرب حتا كيشوف دار مطوقا بالكارد مفهم والو مشا كيجري باش يدخل ساعة وقفو ليه 2 فالباب حابسينو مترددتش حتا لحضة عطا لكل واحد كروشي طيحو وطلع كيجري
لقا نورة جالسة حدا اسر معنقها بيد وحدة وكتبكي
عقيل: نوارتي اش واقع هنا
نورة؛ عقيل ولدي جيتي جلس انا انشرح ليك
عقيل ؛ شكون هدا
اسر : غي كيشوف فيه ويخنزر حيت عقل عليه
نورة : هدا ولد خويا اسر وهدا عقيل ولدي
اسر: بدهشة؛ عاودتي تزوجتي
نورة؛ لا اولدي عقيل ولد صاحبتي توفات مدة هادي وتكلفت بيه انا هو راه كتر من ولدي
اسر؛ هههه حس بفرحة وارتياح وناض عندو عنقو وسلم عليه) متشرفين اولد عمتي
عقيل؛ نورة ياك انتي معندك عائلة
نورة : عندي اولدي عندي عاودات ليه حتا هو
عقيل ؛هدا راه فيلم عندك بشااااخ
دخلات خيال وامير
نورة؛ بنتي (جات عندها كتجري وعنقاتها كتبكي)
خيال: هئ هئ هئ سمحي ليا اماما مقدرتش نتحكم فراسي سمحي لي غوت عليه ولمتك على والو
نورة: صافي ابنتي نساي
امير سلم على عقيل وقاليه راه حتا هو ولد خوها
ساد الصمت دقائق حنى نطق اسر
اسر: حنا جينا نرجعوك معانا
امير ؛ الحاجة كتسناك على احر من الجمر
نورة؛ واش هوما بيخير وسلطان ونجود ومريم ورشدي وسيرين واش هوما بيخير
اسر : مزيانين وغيوليو حسن الا رجعتي معانا
نورة ؛ نشاء الله
عقيل ؛ غي سمعهم وناض خرج خلاهم غي كيشوفو
خيال؛ ماما واش اترجعي وتخلينا وحنا اش غنديرو
وعقيل
نورة؛ انا مغنخليكش موراية وعقيل مغنخليهش ورايا
شافت فيهم تبارك الله كبرتو وليتو رجال
امير: حنا غنكبرو وانتي اتبقاي ديما شباب شهاد الجمال كامل اعمتي هههه
نورة: بحالك بحال باباك حتا هو كان ديما ضاحك
مرحبا بيكم عند عمتكم انوض نوجد لعشاء
اسر : مكاين لاش حنا انمشيو حتا نعاودو نرجعو
نورة : معندك فين تمشي حتا تعشاو معانا وتعرفو على بعضياتكم كتر
مشات لكوزينا وخلاتهم
خيال: هادشي غريب عقلي مقادرش يستوعب غي الصباح كنت خدامة عندكم ودبا وليت بنت عمتكم مقداش نتيق
امير ؛عنقها مالك مافرحناش حيت حنا ولاد خوالك انا بعدا فرحت ومن نهار شفتك حسيت بشي حاجة ماشي طبيعية كتجرني ليك
خيال؛ الصراحة فرحت حيت انت ولد خالي (شافت فأسر) وحيت غتولي عندي عائلة كبيرة
خاص نشوف عقيل فين مشا
امير :خليك انا انشوفو مغيكونش بعد
خرج امير وخلاهم غي بزوج
كيخنزرو فبعضياتهم
ناض اسر عندها وقرب بزاف حط صباعو كيدوزهوم على وجها بشوية
وهيا كتسناه اش غيصنع
حتى نطق
اسر: الا كان كيحساب ليك غندوز ليك داكشي لي درتي فالصباح غي حيت انتي بنت عمتي فراك غالطة
خيال؛ وقفات وتقابلات معاه بنضرة كلها تحدي) لمخير فخيلك سرجو اولد خالي
اسر : لا راك بصح ناقصة فالترابي
خيال: مغنجاوبكش
اسر شاف نورة راجعة عندهم وهو يجلس فبلاصتو كيتحلف فيها غي بعينيه
عند عقيل
مع نزل دخل لدارو وسد عليه نزلو دموعو بلا مايحس مسحهوم دغيا
عقيل: كيهضر غي بواحدو ( حتا هوما غيمشيو حياتك كاملة اعقيل غدوزها بوحدك انت عمرك تكون عندك عائلة
حتا قلت كولشي ايتقاد وغنعيشو بيخير وكلشي تقلب فدقيقة
امير غي نزل سول لكارد قالو ليه راه دخل لدار سفلية

العنوان 🥀عذراء مطلقة🥀
بقلمي انا 🥀سنونة🥀
الفصل الاول 💣لست بضاعة مستعملة💣
الجزء 34
حل عليه عقيل الباب
ودخلو
عقيل؛ انتوما انتا اتمشيو
امير؛ بغيتي تقول حنا انتا انمشيو
عقيل ؛ مفهمتش
امير: عمتي اكيد مغتخليكش وراها
عقيل؛ انا ممفرودش عليها مغنمشيش معاها حياتي كلها هنا
امير: واش نسيتي بلي انا غنولي الراعي الرسمي ديالك
عقيل؛ انا حتا لدبا باقي مفكرتش فهاد الموضوع مكنتش باغي نمشي ونخليهم مي دبا هوما مابقاوش محتاجيني نوارتي غترجع لعائلتها
امير: راك غالط خيال كتبان ليا عمرها مغتأقلم معانا وتبغينا كيف كتبغيك انت
عند سيرين
مشات عند غفران تسالمو وجلسو كيهضرو
غفران ؛ فخبارك طاتي مريم مشوشة عليك
سيرين ؛ كتشرب قهوتها) علاش بضبط
غفران؛ كتحس بيك مخبية عليها شي حاجة كنضن بدات كتشك فيك
سيرين؛ لا مكنضنش اصلا انا درت داكشي لي بغاو بغاوني نكون طبيبة تخرجت اوا صافي حتا انا بغيت ندير داكشي لي كيعجبني
غفران ؛ اوا ردي لبال فين وصلتي مع انور
سيرين؛ كنفكر نديرو خطوبة رسمية جبدت معاه الموضوه لاكن بان ليا متردد معرفتش علاش
عند خيال واسر
جلسات حداهم نورة وجا امير وعقيل
نورة : دنيا صغيرة قلت عمرني نعاود نولي وعمر خيال اتعرفكم ساعة عرفتوها قبل ماتعرفوني
امير: وخا تعارفنا فضروف غريبة مهم عرفناها ودبا انتجمعو كاملين لحاجة غطير بالفرحة
اسر : مزال معلمناها حتا نمشيو كاملين
خيال: كيفاش غنتجمو كاملين فدار وحدة (كتشير لاسر بصبعها) وحتا هدا معانا انا مغنمشيش اماما غنبقا مع عقيل
نورة: (كتغمز فيها ) خيال شهاد الهضرة كوني تحشمي غي كضحك معاك اولدي
اسر: (فرحان حيت غيبقا معاها فنفس الدار) ههه اه هيا فيها الضحك ياك ابنت عمتي (وورك عليها
عقيل: انا انوارتي مغنمشيش معاك الله يسهل عليكم وانا انبقا نجي نشوفكم مرة مرة (كيهضر بحزن
نورة: انا مغنخليكش ورايا والا ممشيتيش دبا غتجي من بعد
ياك قلتي ليا ادخل شريك فريسطو فكازا اش غتبقا دير هنا
عقيل ؛ مزال كنفكر باقي مقررت
نورة : نتعشاو بعدا ويحن مولانا
تعشاو فجو عائلي زوين خيال غي كضحك وتقشب مع امير ضد فاسر وعقيل مشاركهم فرحتهم رغم حزنو على فراقهم
عند الحاجة
كانو كيتعشاو مجموعين
الحاجة: كنحس بواحد الراحة غريبة ليوم معرفتش علاش
(شافت فالحاج )واش اسر متاصلش
الحاج؛ لا متاصلش غي خليك مرتاحة مغيكون غي الخير
نجود؛ الحاجة نورة الا رجعات غتسكن معانا فالقصر ولا غترجع لبلاصة فين عاشت (كتهضر بشمأزاز
الحاجة : نورة بنتي وانا مغنخليهاش تبعد عليا مرة اخرة وهاد لقصر راها تولدات فيه وكبرات فيه
نجود : ولاكين هيا راه مغترجعش وحدها راه معاها ولد وحنا منعرفو عليه والو ميمكنش يعيش معانا هنا
سلطان ؛ نطق بحدة) هادشي بعيد عليك وهداك لولد راه ولدنا ودمنا كيجري فعروقو وحنا مغنرميوهش لزنقا
مريم؛ نجود عفاك مكاين لاش هاد الحساسية من الولد لي مكتعرفي عليه والو حتا انا باغا نشوف ولد خويا ونشم فيه ريحتو
نجود : شفتكم بحالا درتو عليا الحمية راني غي هضرت ماشي جريت عليه هادشي الا بغات ترجع لعندكم
الحاج :ليكان غي ساكت وكسمع فيهم خبط يدو على الطابلة ) نجووود هادي اخر مرة نعاود نسمعك كتقولي هاد الهضرة

العنوان 🥀عذراء مطلقة🥀
بقلمي انا 🥀سنونة🥀
الفصل الاول 💣لست بضاعة مستعملة💣
الجزء 35
من بعد ما تعشاو اسر وامير رجعو لوطيل وعقيل نزل لدارو بقات خيال و نورة كيجمعو الروينة
خيال؛ عنقات نورة) ماما عفاك سمحي ليا مكانش خاصني نهضر معاك ونفاعل بحال هكاك
نورة؛ ماشي مشكل ابنتي راه من حقك فبلاصت مانعيشك فالعز والجاه هربت وجبتك لهاد الدرب عشتي فيه بزاف ديال المعانات ولاكين راه ماشي لخاطري باك الله يرحمو هو وخوالك كيتاجرو فالسلاح وحياتهم كلها خطر فخطر وانا كنت خايفة نولد ولد ويتبع طريق باباك ونخسرو حتا هو (نزلو دموعها) حتا انا ابنتي هاد سنين كاملة كنتعدب وساكتة حتا انا توحشت واليديا وخوتي لاكن خوفي عليك خلاني نبقا بعيدة عليهم
خيال؛ ماما صافي انت غترجعي ليهم وانا اكيد مغنتبعش طريقهم هادشي صعيب بزاف ماما بغيت نسولك واش معنديش عمامي معنديش عائلة بابا
نورة؛ باباك كان ولد عمي توفاو وبقا هو وختو مريم عندك عمتك سميتها مريم كانت صاحبتي بزاف كتر من ختي من بعد هيا تزوجات وخويا رشدي وولدات امير وسيرين اما خالك سلطان مراتو سميتها نجود علاقتي بيها ماشي مزيانة حيت كانت بغات تزوجني لخوها وانا رفضت وتزوجت باباك وعندهم غي اسر معرفتش واش زادو شي ولد اخر
وجداتك سميتها ثريا وجدك سميتو ابراهيم انا متأكدة غيبغيوك بحال بنتهم
خيال: انا فرحانة حيت غتولي عندي عائلة كبيرة
نورة: ياله سيري ابنتي تنعسي انا غنزل عند عقيل الا كان باقي مناعس نشوفو شنو ناوي يدير
نزلات عند عقيل لي كان باقي سهران كيفكر فيهم حتا دقات عليه وهيا هازة واحد الصاك صغير فيدها
دخلات جلسو فوق واحد لفوطوي
نورة: عقيل انت راك ولدي وانا عمرني نتخلا عليك وانت غتمشي معايا فين ما كنت غتكون حتا انت
عقيل: نورة الله يسهل عليك انا حياتي هنا منقدرش نبعد على درب لي عشت فيه وعاشو فيه واليديا اصلا انا مبغيتش نتقل عليك كتر باشمن صفة انمشي معاك وسط عائلتك
نورة: غتمشي معايا بصفتك ولدي ولدي لي مولداتوش ليا كرشي
عقيل: معرفت انا جيتوني من جيهة انتوما لي عندس منقدرش نبعد عليكم ومن جيها حياتي هنا
نورة: انا راه فبلاصت المرحومة هادشي علاش غتسمع لكلامي ودير بيه
هزات هداك الصاك وحطاتو قدامو
عقيل: ههه لاش هاد صاك الصغير بغاني نجمع حوايجي
نورة: هنا كاينة 10 تلمليون ديالك
عقيل: (بصدمة ) تي كيفاش ديالي
نورة: ربي شاهد عليا بلي فلوس لكرا لي كنتي كتعطيني عمرني هزيت منهم ريال وكنت كنجمعهم ليك حتا تبغي دير شي بروجي ديالك هادو اتزيدهم على ديك 30 مليون ديالك وغدخل شريك فريسطو ديال كازا وغتمشي معانا
عقيل: مصدوم منها مبقا عرف مايقول كيدوز يديه على وجهو وراسو ) هادشي بزاااف بزاف انورة هادشي كامل لي درتيه معايا انا كيفاش انردو ليك مغنقدرش نرد ليك هادشي كامل
نورة: عنقاتو ) انا غي نشوفك حدايا مرتاح وفرحان ونشوفك راجل تبارك الله انت وليتي بطل هادي هيا دنيا ومافيها
دبا غتمشي معايا ميمكنش نخليك وحتا خيال مغتبغيش تبقا بعيد عليها
عقيل: هادشي كامل لي كديريه معايا ميمكنش نبقا بعيد عليكم انتوما هوما كلشي فحياتي

العنوان 🥀عذراء مطلقة🥀
بقلمي انا 🥀سنونة🥀
الفصل الاول 💣لست بضاعة مستعملة💣
الجزء 36
عند اسر
امير : بصح دنيا صغيرة شكون كان يقول خيال اتكون هيا بنت عمتنا
اسر: هاز كاس دلويسكي كيشرب منو ) كنتي عارف بلي هيا تزوجات وطلقات
امير: اه نهار خرجنا تغدينا عاودات ليا راجلها كان شماتة معاها وخا كانو كيبغيو بعضياتهم
اسر؛ شرب داك لكاس كامل وهو كيسمع فيه هزو ضربو مع لحيط )
امير: مالك اصاحبي علاش هادشي
اسر: امير خرج بغيت نتصنت لكري
خرج امير وخلاه صاعر غي بوحدو
اسر: كيفاش كتبغيه علاش معرفتهاش قبل علاااااش كيفاش كانت مزوجة اصلا علااااش كتفكر فيهااااا علااااااش
(اسر ولا بحال لحمق غي كيدخل ويخرج فالهضرة مباغيش يتقبل بلي سكنات قلبو مباغيش يفهم علاش كيهتم بيها لهاد الدرجة
صباح جديد كيعلن على بداية حياة جديدة عند ابطالنا مغتكونش كاملة زوينة فيها معانات والم وحب وسعادة فيها مكائد وحرب باردة مسيطر عليها النفاق
فاقت نورة على دقان فالباب
طلات من سرجم بانو ليها كاع الجرات مجموعات فالباب دخلات بزربة لبسات عليها وهبطات فتحات لباب
نورة: صباح لخير اش واقع على الصباح
السعدية ؛ اوا حنا غي شفنا داكشي لي وقع البارح وتشوشنا عليكم انتي وخيال
نورة: اش غنقول ليكم لي فيكم ما هناكم ضروري ديو لخبار زيدو زيدو دخلو
دخلو الجرات كيتسابقو وجدات ليهم نورة لفطور ومبغاتش تفيق خيال خلاتها ناعسة
كانو كيفطرو
السعدية : نورة حنا راه جارات ومدوزناش قليل واخا نتخاصمو عمرنا نفوتو بعضياتنا
رابحة : لباح راه نجيو عندكم راه غي خلعونا دوك لمكلضمين لي كانو فالباب ودايرين بدار
نورة : عارفة لي كاين
السعدية ؛ اوا مقلتيش لينا شكون هادوك لعزارة لي دخلو عندك
كتغامز عليها هيا ورابحة
نورة: هادوك ولاد خوتي اسعدية
نقزات رابحة ؛ ياك انتي مقطوعة من شجرة
نورة: انا بعائلتي وبواليديا وبخوتي غي الوقت لي رماتني عندكم
السعدية : اوا فين كانو شحال هدا علاش معمرهم مجاو عندك وعلاش جاو دبا
نورة: غابشوية عليك السعدية انا لي مكنتش باغاهم يجيو عندي ودبا جاو يديوني لقصر ديال مي وبا اه ونزيدم ولد خويا راه غيتزوج ببنتي خيال ماشي كيف كتقولي اسعدية مكاين لي يقبل عليها
رابحة : اشنو لقصر وهداك بغا يتزوج ببنتك
نورة: ياك فطرتو ياك عرفتوهم شكون ياله لباب الحباب
خرجو مفقوصات
السعدية : هاندي وغتشوفي راه معندها فين تمشي راه غي كدبات علينا
رابحة : واييه ولا عندها الداخل كتر من الخارج شفتي داك نهار حتا خرج داك لكوميسير من دارها ولات كتهز رجليها هيا وبنتها بالعلالي

العنوان 🥀عذراء مطلقة🥀
بقلمي انا 🥀سنونة🥀
الفصل الاول 💣لست بضاعة مستعملة💣
الجزء 37
عند اسر فاق وجد راسو مشا لشركة عرفها مغترجعش تخدم كمل خدمتو وخلا ياسين شاد بلاصتو حيت مغيرجعش ليها
رجع عند امير لي كان باقي ناعس دخل لشومبر ديالو ومشا ل لومبلي خدمها على الجهد ظ
ديالها ناض امير مفزوع
غي شافو ؛ ااااش بغيتي عندي الق***وي صباح هدا
اسر : 12 هادي خاص نشدو طريق لكازا نوض خلاص نمشيو نشوفو عمتي واش واجدة
امير: صافي ندوش ونلحق عليك
عند خيال
ناضت طافجة مور ما سمعات كلام نورة
خيال: هكتخربقي اماما اشمن زواج واش من نيتك
نورة: غابشوية عليك قلت ليهم هكاك غي باش نفقصهم مبغاتش تصرط ليا الهدرة لي قالو عليك
خيال: ااوفف خلعتيني يسحابلي غاداوية من نيتك
نورة: ومالها اش فيها بغيتي تبقاي حياتك كاملة وحدك راه راجل ضروري فحياة المراة كنهضر ليك على رجال ماشي بحال هداك زويزو ديال ربيع
خيال: انا مرتاحة هكا صافي عفاك
نورة: سيري جمعي حوايجك باش نمشيو
خيال: بهاد الزربة وعقيل
نورة : عقيل تفاهمت معاه وغيمشي معانا
خيال: كتنقز بالفرحة ) ياااس ياااس عقيل منقدرش نتفرق عليه
جا عنهم امير واسر
اسر: عمتي واش واجدة خاصنا نتحركو هاد لعشية
نورة: واجدين اولدي صبر عليا غي شوية نشوف عقيل و نودع جيراني
نزلات عند عقيل لقاتو مع سيمو ومشات سلمات على جراتها وودعاتهم بالدموع
سيمو:(مسكين مصدوم ومقادرش يتيق ) لا لا ميمكنش هادشي
عقيل: (حيت هو صاحبو بزاف وعارفو كيبغيها) صافي اصاحبي نساها وشوف حياتك
سيمو: عيونو مدمعين ) عقيل دير معايا بليزير لاحفضك غي عيط ليها نهضر معاها ونودعها
عقيل: تاواش من نيتك كنبالك ديوت هنا ولا شكاليك راسك
سيمو: هيا ختك وانا صاحبك دير فيا هاد لخير
عقيل: مقدرش يخصر ليه واخا معاجبو حال
طلع عيط ليها نزلات لعندو لباب لقات سيمو كيرجف متوتر ومعصب دنيا دايرة بيه
خيال: عقيل اش واقع
عقيل: شوفي سيمو بغا يهضر معاك
خلاهم وعطاهم بالضهر
سيمو: خيال متمشيش انا متيقت امتا طلقتي وليتي ديال راسك حتا بغيتي تمشي تاني خيال انا كنبغيك غي وافقي تزوجي بيا عمرني نقلقك ولا ندير شي حاجة ضرك
خيال: سمح ليا اخويا سيمو انا مكنفكرش لافزواج ولا اي علاقة كيفما بغات تكون ومن احسن ليا وليك نبعد على هاد الدرب انت مع لوقت غتنساني
سيمو : لا لا انتي ميمكنش ديري فيا هكا انا انموت بلا بيك جرها لعندو
خيال: دفعاتو )واش من نيتك انا عمرني عطيتك شي فرصة عمرني واعدتك بشي حاجة لا
جرو عقيل :دير عقلك اصاحبي خيال طلعي لدار
جات عندهم واحد لبنت زوينة شعرها زعر وطويل وعيونها خضرين جراتو وبعداتو على الدرب
هناء؛ سيمو صافي عفاك باركة نسا عليك خيال انت راك مكتبانش ليها
سيمو: انا اصلا مكنبان لحتا واحد
هناء: لا راك غالط انا مكيبان لي حتا واحد من غيرك سيمو انا من ديما كنبغيك حاولت شحال من مرة نوصلها ليك مي انت مكتردش ليا لبال
سيمو: من نيتك سيري شوفي ليك شيواحد من غيري
هناء: عفاك عطيني هاد الفرصة كنواعدك غنسيك فخيال وعمرك تندم
سيمو تنهد بقلة حيلة؛ واخة الالة غنشوفو

العنوان
🥀عذراء مطلقة🥀
بقلمي انا 🥀سنونة🥀
الفصل الاول 💣لست بضاعة مستعملة💣
الجزء 38
هزات ساكها هيا ونورة وعقيل كان اسر وامير كيستناوهم فالباب
بقاو بتلاتة كيشوفو فالدار لي جمعاتهم عاشو فيها افراح واحزان
الدار لي كبرو فيها مجموعين خيال كتشوف فبيتها هيا ونورة دموع فعينيهم كيتحسسو حيوطها ولو كانت صغيرة وباردة فالشتاء الا وانهم بجمعتهم دفاوها
نورة: 20 عام عمرني تصورت نخرج منها
خيال: ماما هاد الدار غتبقا ديما ديالنا
نورة: كتشوف فعقيل ) وقت ما بغيتو ترجعو ليها غنلقاوها محلولة فوجهنا
قاطع تأملهم امير
امير: عمتي ياله مشينا
هزو سيكانهم وهوما مساخينش يخرجو منها
نزلو وسدات نورة لباب
عقيل كان كيشوف فالدرب الدرب لي من نهار حل عنيه وهو فيه عاش طفولتو افراحو وحزانو خسارتو وبطولتو هاد الدرب شاهد على كلشي دازو منو
ركبات نورة مع اسر وخيال مع امير وعقيل
شافها ركبات فلوطو ديال امير متحكمش فراسو نزل ومشا لعندهم
اسر: (حل عليها الباب ) تكلمي لعمتي بغاتك تمشي معانا
خيال: غي خليني هنا
اسر: معودهاش معاها )حل لباب ونزلها بلا حتا كلمة )هضرتي متعاودش
خيال: مشات كتنفخ عند نورة ركبات لور بلهلا يطريه ليها
#عند الحاجة
الحاجة: الحاج واش اسر مقاليك والو واش لقا نورة واش غتجي معاه
الحاج: كنصوني ليه مكيجاوبش لاهو لا امير كون لقاوها كون علمونا
الحاجة: خاصهم يلقاوها انا وصيت لبنات يوجود ليها بيتها ويوجدو جناح لولدها عندي امل غيرجعو

العنوان 🥀عذراء مطلقة🥀
بقلمي انا 🥀سنونة🥀
الفصل الاول 💣لست بضاعة مستعملة💣
الجزء 39
وصلو لوطيل طلعو فلاسونسور حتا لسطح ديالو نورة عندها عادي هادشي لي غتشوف لاكن خيال وعقيل هادشي جديد عليهم
لقاو لهيلي كابتر كتسناهم
نورة : ياله ابنتي طلعو
خيال: بلاتي اماما واش انمشيو فلهلي كابتر
نورة: اه ابنتي ياله مع لوقت غتعودي على هادشي كامل
عقيل: همس لنورة فودنها) من نيتك انوارتي هربتي من هاد لخير كامل
نورة: صافي بلا كترة الهضرة طلعو وهنيونا
اسر ركب حدا لبيلوط وامير ركب معاهم لور دارو لي كاسك ديالهم ونطالقو لبلادهم جديدة وهوما كيودعو لمدينة فين كبرو من سماها
من بعد ربع ساعة كانو فكازا حطاتهم الهيلي كابتر فجناب القصر مع صوت المروحية تهز قلب الحاجة
الحاجة : نازلة مع دروج وقلبا كيضرب فالمية ) بنتي بنتي كنشم ريحت بنتي هادي نورة انا حاسة نورة قريبة مني (خانتها قوتها ومقدراتش تكمل مسيرتها وجلسات فالدروج دموعها سايلين هدا هو قلب الام حنين وكيحس بينا و هيا حسات ببنتها قريبة منها )
هوما نزلو نورة بقات واقفة ساهية كتشوف فالقصر لي حلات فيه عيونها بقات ساهية كتشوف فيه
عقيل وخيال مدهوشين من شكل القصر لي كان كبير بزاف
خيال: وااو عقيل ممتيقاش هادشي كنشوفو غي فالافلام
عقيل: غي كيشوف ومقادر ينطق بحتا كلمة
امير: عمتي ياله ندخلو
نورة: كتمشا بزز مبقاتش قادة ترمي الخطوة قلبها كيضرب فالمية
شافوهم الخدمات فالكام جاو بالخف حلو ليهم لباب
خيال وعقيل غي حالين فمهم ومهوشين هادشي جديد عليهم وعمرهم تصوروه عمرهم تجرأ حتا يحلمو بيه وبين نهار وليلة ولاو عايشين فيه
نورة ؛ خطات اول خطوة ليها من بعد 20 عام بانت ليها الحاجة لي جالسة فالدروج وكتبكي
بقات كتوف فيها ودموعها محابسينش ساد الصمت حتا نطقات
الحاجة : بببنتي ننورة
نورة: متحكماتش فراسها ومشات كتجري ترمات فحضن الام ديالها لحضن لي 20 عام محسات بدفئ ديالو ) لميمة هئ هئ هئ سمحي ليا امي سمحي ليا حرمتك مني وحرمت راسي منك هئ هئ
الحاجة : الحمد لله الحمد لله حياني ربي حتا شفتك هئ هئ وعنقتك بين دراعي علاش ابنتي علاش علاش خليتينا محرومين منك هئ هئ هئ
نورة: كتبوس ليها فيدها وراسها وكتعنق فيها تطفي شوية من داك الشوق لي كانت كتخبي ) سمحي ليا امي كنت انانية معاك فكرت غي فراسي ومفكرتش فيكم
الحاجة: كتعنق فيها ) غنعوضو كاع هادشي لي فاتنا عمرك تولي تبعدي علينا
نورة: عمري نعاودها حتا انا شحال تعدبت بفراقم مي ماشي لخاطري لميمة فين لحاج
الحاجة : مكانش عارفك غتجي لولاد معلموناش راه خارج دبا شوية ويجي
مريم ونجود كانو حاضرين جاو من بعد ما سمعو لبكا ديالهم حتا هومو نزلو دموعهم وهوما كيشهدو على هاد لقاء بين الام وبنتها من بعد عمر ديال لفراق

العنوان 🥀عذراء مطلقة🥀
بقلمي انا 🥀سنونة🥀
الفصل الاول 💣لست بضاعة مستعملة💣
الجزء 40
خيال وعقيل كانو باقين فالباب حتا هوما نزلو دموعهم وهوما كيشوفو نورة كيف كتبكي
نورة: عاونات الحاجة حتا نزلات لصالون لي كان كبير بزاف لقات مريم ونجود
عنقاتها نجود لي حتا هيا تأترات ملي شافتهم
نجود ؛ عنقاتها)على سلامتك ملي رجعتي لواليديك بخير وعلى خير الحاجة كان قلبها محروق عليك
نورة: الله يسلمك ان شاء الله نعوضعا على كل مافات
(شافت فمريم اختها لي مولدتهاش ليها امها صديقتها وكلشي فيها تعانقو وهوما كيتباكاو بزوج )
مريم: ختي نورة هئ هئ الحمد الله على سلامتك رجعتي لينا بيخير توحشناك بزاف
نورة: هئ هئتانا توحشتكم بزاف ياما سهرت ليالي بدموعي وانا مشتاقة ليكم هئ هئ
شافت فالحاجة
نورة: الحاجة انا مجيتش وحدي شافت فخيال وعقيل باش يجيو عندها
الحاجة : قبل ماتكمل نورة كلامها ناضت عند عقيل؛ تبارك الله ولد بنتي كبر ولا راجل اجي عند جداك اولدي
عنقاتو كتبوس فيه
نورة: لميمة راك فهمتي غلاط شافت فخيال هادي هيا بنتي خيال هادي جداك
ااحاجة (مصدومة بقات غي كتشوف فخيال وترجع تشوف فعقيل ) ولاكين انتي ولدتي ولد
نورة: لا انا ولدت بنت وسميتها خيال
الحاجة (مشات عند خيال كتشوف فيها وتحسس وجها وبشرتها الناعمة لي فازكة بدموعها ) ماشاء الله كبرتي تبارك الله عنقاتها وكتبوس فيها
مريم؛ لي كانت كتشوف فخيال وتسنا الحاجة طلقها باش تعنقهت هيا وتشم فيها ريحت خوها لي مات فعز شبابو
نورة: بنتي خيال هادي عمتك مريم
مشات خيال كتجري عند مريم عنقاتها وكتبكي ؛) هئ هئ انتي لي بقيتي ليا من بابا هئ هئ انتي بوحدك.
مريم: هئ هئ ااه اخويا سليمان بنت كبرات ولات عزبة كتحمق ماشاء الله
نورة نهارت بالبكا مقدراتش تسكت
نجود جات عند مريم
نجود : صافي امريم صافي اختي الله يهديكم فبلاصت الدموع خاصكم الضحكو (جرات خيال كتمسح ليها فدموعها ) سلمات عليها )انا مرات خالك سلطان مرحبا بيك عندنا
جا امير واسر لي متحركوش كيسكتو فالحاجة لي تفكرات عقيل
وسولات لات نورة : وشكون هاد لعزري
نورة: مشات عند عقيل ) هدا عقيل هو راه بحال ولدي عندي.هو وخيال واحد انا لي ربيتو من بعد.ما ماتو واليديه ليكانو صحابي وهوما لي وقفو معايا نهار مشيت
الحاجة؛ عنقاتو ) مرحبا بيك انت دبا راك وليتي ولدنا
عقيل : ربي يخليك الحاجة
جلسو مجموعين كيزيدو يتعرفو على بعضياتهم
حتا دخل لحاج مع سلطان ورشدي

العنوان 🥀عذراء مطلقة🥀
بقلمي انا 🥀سنونة🥀
الفصل الاول 💣لست بضاعة مستعملة💣
الجزء41
نورة غي شافتهم وقفات كتسناهم شنو ايديرو خايفة من ردت فعلهم
وهوما مصدومين كيشوفوها قدامهم
تمشا الحاج بخطوات تقال حتا وصل لعندها نزلات دمعة حارة من عنيه
بزربة مسحاتها ليه نورة
نورة: (شدات ليه يدو لعندهاكتبوس فيها ) با سمح ليا سمح ليا عفاك مكانش عندي لعقل و فكرت بأنانية هئ هئ
الحاج: جرها لعندو عنقها ليه ) عفا الله عما سلف ابنتي كلنا خطاؤون وخير الخطاؤون التوابون وانتي دبا رجعتي ومعمري غنسمح ليك تخلينا تاني
نورة: هئ لهلا يحرمني منكم تاني ابا
الحاج : فين ولدك
نورة: لحاج هادي بنتي خيال انا ولدت بنت ابا
الحاج: لا هادشي ماشي معقول انا لخبار لي جاتني انك ولدتي ولد ماشي بنت
الحاجة : الحاج رحب ببنت بنتك بحال لولد بحال لبنت وهاهو ولدها لي مربياه سميتو عقيل
سلم عليهم الحاج ورحب بيهم بحال ولادو وتعرفو على سلطان ورشدي لي فرحانين برجوع ختهم
سلطان: معنق خيال وعقيل كل واحد من جيها ) من ليوم انا فمقام باكم انتوما راكم بحال ولادي معندي حتا فرق بيناتكم
بقاو مجموعين حتا دخلات سيرين وغفران بزوج
غي شافو نورة عرفوها بشبه لي بينها وبين الحاجة تلاحو عليها معنقينها
سيرين : عميتوووو واخيرا قدرنا نشوفوك ونتعرفو عليك
نورة: انتي سيرين ياك تبارك الله كبرتي غزالة مشاء الله
عنقتها وكتشوف فغفران
غفران: عميتو مالكي كتشوفي فيا واش معرفتينيش انا غفران بنت خوك سلطان
نورة: سبحان الله كتباني كبيرة غتكوني فعمر بنتي خيال ولا صغر منها
غفران ؛ انا عندي 23 عام اعميتو
نورة: ولااكين….
قاطعاتها الحاجة لبنات تعرفو على ولاد عمتكم خيال وعقيل
ناضو عند خيال سلمو عليها وفرحو بيها
سيرين: دبا حنا ولينا تلاتي آل منصور شكون غيقد علينا
خلات كلشي كيضحك
غفران عنقات عقيل قدام امير لي ولا حمر وشعلات فيه العافية
رحبات بيه وتعرفات عليه
سيرين جات تسلم عليه حتا هيا عنقاتو بعفوية
لاكن عقيل لي طار مع طيور وهو كيشم عبق عطرها لي تغلغل فيه

العنوان 🥀عذراء مطلقة🥀
بقلمي انا 🥀سنونة🥀
الفصل الاول 💣لست بضاعة مستعملة💣
الجزء 42
الخدامات وجدو لعشا وتجمعو على الطابلة لي كانت كبيرة وعامرة بكل ما تشتهيه الانفس
نجود : اوا انورة شنو درتي فهاد السنين كاملة
نورة: كنت عايشة بحال ايها الناس معنديش ومخاصنيش من غيركم حتا حاجة مكانت ناقصاني
مريم : ولدي عقيل شنو كدير فحياتك
جاوبها امير
امير: عقيل بوكسور ياله ربح البطولة
سلطان: مشاء الله لينا الشرف يكون فعائلتنا بطل بحال عقيل
عقيل : الشرف ليا اسي سلطان
سلطان : منعاودش نسمع منك هاد سي انا عمك ولا خالك بحال بحال ههه
نجود : وانتي اخيال واش كتقراي
نورة: لا خيال حبسات لقراية كانت باغا دير التصميم غي مكتابش
غفران: اوا غيكتاب من غدا مرحبا بيك معايا انا راه مصممة
خيال: (فرحات) شكرا ليك بزاف الحلم ديالي نولي مصممة
الحاجة ؛ ان شاء الله تولي بنت بنتي مصممة ونشوفها عروسة كتحمق
نورة؛ وحلات ليها ) لميمة خيال كانت مزوجة عماين دبا وغي مأخرا باش طلقات
كلشي تصدم منها حبسو الماكلة
نجود: اش كتقولي حنا معندناش شي حاجة سميتها الطلاق فعائلتنا
نورة: نجود سمحيلي مي حياة بنتي بعيدة على قوانين العائلة وهيا مكبراتش هنا وكل واحد حر فحياتو
الحاج : نورة انتي كيفاش سمحتي ليها تزوج وهيا بنت18 عام قرار مراهقة طايشة انتي كفاش تقبلتيه
خيال: جدي ماما ماعليها والو انا لي غلطت زواجي كان غلطة ومغتعاودش
اسر: غي ساكت وكيتصنت مبغاش يدخل حتا ينفارد بيها
الحاجة ؛بغات تبرد القضية ) هاد الموضوع ماشي وقتو دبا خليونا فرحانين
تعشاو فصمت
حتا نطقات خيال
خيال: ماما انا شبعت بغيت نرتاح عفاك
الحاجة حنا وجدنا الجناح على اساس ولد غيبقا فيه عقيل وانتي ابنتي رتاحي مع سيرين حتا لغدا ونوجدو ليك بيتك
غفران ؛ حتا انا انبات معاكم ميمكنش نضيع هاد لفرصة نتعرف علي بنت عمتي
مشات معاهم لبيت سيرين من بعد ما دوروها فأرجاء القصر
مشات معاهم لبيت
ونورة مشات لبيتها لي بقا كيفما خلاتو لبلاكار باقين فيه حوايجها وحوايج سليمان جلسات فوق الماطلة كتفكر ايامها معاه
#فلاش باك
كانت جالسة فالجردة ديال القصر قلبها مخنوق حاسة بشي حاجة ماشي هيا هاديك
جا عندها سليمان
سليمان؛ مراتي لغزالة اش كديري بوحدك هنا دخلي لبرد عليك
نورة؛ سليمان محاساش براسي هيا هاديك بقا معايا ليوم عفاك راه بغيت نمشي لطبيب بغيتك تكون معايا
سليمان: سمحي لي حبيبة ديالي مغنقدرش لييوم رشدي ايمشي معاك عندي عملية وضروري نكون فيها
نورة: عفاك متمشيش خاطري ممهنينيش ياك قلتي ليا غتحبس هاد الخدمة ومتبقاش فهاد الطريق
سليمان: كنواعدك هادي اخر عملية ليا غي نرجع نهضر مع عمي ونساحب (قبل ماتجاوبو قاطعها باس ليها راسها )دخلي راه لبرد عليك ورشدي ايمشي معاك لطبيب
دخلها لقصر ومشا مع سلطان والحاج
وهيا مشات مع روشدي عند طبيب دارت تحليلة ديال الحمل ورجعات لدار كتسنا النتيجة فرحانة متأملة تكون حاملة غي دخلات لقصر صونا تيلي لروشدي
جاتو خبار سليمان مات ملي بغا يحمي الحاج وسلطان حالتو خطيرة
ناضت روينة فالقصر نورة منهارة هيا مريم نجود مكتقلش عليهم خافة على سلطان نعسوهم غي بمهدئات دازت لكنازة ونورة حالتها تشفي لعدو صونات ليها طبيبة
نورة: هئ هئ واش تقدري تقوليلي النتيجة بلا مانجي انا
الطبيبة : مبروك عليك امدام نورة راكي حاملة عندك شهر ونص
نورة: طاح ليها الفون من يدها )هئ هئ علااااش اسليمااان علااااش خليتيني (حاطة يدها على كرشها وكتبكي ) فكرات بلي الا ولدات ولد طريقو باينة طريق باه هزات ورقة كتبات فيها
لميمة لحاج سمحو ليا غنمشي ونخليكم انا حاملة ومبغيتش ولدي يتبع طريقكم طريق الموت باقة مبردات حرقت باه مبغيتش نزيد حرقتو متقلبوش عليا غنكون بيخير
هزات شي مجوهرات ديالها وغي صاك صغير فيه حوايجها وهربات فنص ليل توجهات لرباط
نهاية فلاش باك
نورة: هئ هئ واعدتيني غتكون اخر عملية ليك ووفيتي هئ هئ

العنوان🥀عذراء مطلقة🥀
بقلمي انا 🥀سنونة🥀
الفصل الاول 💣لست بضاعة مستعملة💣
الجزء 42
من بعد ما كل وحدة دوشات هزات خيال من صاكها بيجامة تلبسها باش تنعس
سيرين: حيدتها ليها من يدها وعطاتها وحدة اخرة) لبسي هادي عاد شريتها راها ديال لحرير غتعجبك (كانت عبارة عن شورط وديباردو من لحرير ودانتيل
خيال: بتاسمات ليها ومشات لدريسينغ ديالها لبساتها غي خرجات لقاتهم كيتسناوها)
غفران: اجي ابنت عمتي لغزالة اتنعسي حداية انا
سرين : شكون قالها ليك هيا اتنعس حدايا
خيال: ههه غنعس وسطكم بزوج
غفران : حتا هكا مزيان خيال عاودي لينا على زواجك وعلاط طلقتي وانتي باقة صغيرة
خيال: حدرات راسها بحزن )
غفران: سمحي ليا مقصدتش نقلقك غي فضول مني صافي نساي
خيال: لا انا انعاود ليكم
سرين: كلنا ادان صاغية ههه
خيال: كان سميتو ربيع كان زوين بزاف وضريف وحنين كان ديما كيحامي مني فالكوليج وحتا ليسي لبنات كاملين كانو حيسديني عليه …
اسر: لي كان دايز من حدا بيت سيرين وسمعها كتعاود عليه جات فبالو حاجة وحدة وهيا انها باقة كتبغيه زفر بغضب ونزل لجردة
غفران : ملي هو كان هكا انتوما علاش طلقتو
خيال: كان ديما كيصر عليا نتزوجو كنت مراهقة طايشة كيف قال جدي
تزوجنا وموراها تبدل كلشي (عاودات ليهم
سيرين: وسعات عيونها ) دبا انتي باقة بيووو
خيال: شششت غيسمعك شي واحد
غفران: انا بعدا مقادراش نتيق
عند.اسر
كان كيمشي ويجي غي بوحدو فالجردة
اسر ؛ صافي الق*** نساها عليك حيدها من بالك شغلها هداك انت علاش مهتم بيها
هيا مجاهاش نعاس ونزلات كتمشى فالقصر لي كان كامل مضوي دازت على بيت سلطان ونجود بلا متقصد جا صوتهم فمسامعها
نجود: هادشي ماشي معقول اسلطان لبنت مطلقة وحنا مكنعرفو عليها والو وعندنا 2 عزارا فالقصر والا وقعات شي حاجة بيناتهم مزال امير نقدرو نسيطرو عليه ونرجعوه لطريق ولاكين اسر اسر راه مستحيل يسمع من شي واحد
سلطان: نجوود هاديك لي كتهضري عليها راها بنت ختي حتارمي راسك ومتحاوليش تجرحيها بكلامك القاصح
نجود: (كتحلون عليه) حبيبي انا غي بغيت نحافض على امان عائلتنا ومبغيتش يوقعة المشاكل انت شفتي البنت كتفتن بزين وانا لاحضت نضرات اسر ليها
خيال : غي سمعاتهم وبعدات بزربة على لبيت بلامتشوف قدامها حتا خرجات فشي واحد

يتبع

Leave a comment